ആത്മമണ്ഡ​ല​വു​മാ​യുള്ള സമ്പർക്കം

ലക്ഷണ​മൊത്ത ഒരു പശ്ചിമാ​ഫ്രി​ക്കൻ പട്ടണമ​ധ്യ​ത്തിൽ വെള്ളയും പച്ചയും ചായം പൂശിയ ആകർഷ​ക​മായ ഒറ്റനില കെട്ടിടം. സ്വീക​ര​ണ​മു​റി​യിൽ രണ്ടു സെക്ര​ട്ട​റി​മാർ ടൈപ്പ്‌​റൈ​റ്റ​റിൽ ജോലി​ചെ​യ്‌തി​രു​ന്നു. നിരവ​ധി​യാ​ളു​കൾ ബാബാ​ലേ​വോ​യെ അഥവാ ഭാവി​പ​റ​യു​ന്ന​വനെ കാണാൻ ഇരിപ്പി​ട​ങ്ങ​ളിൽ കാത്തി​രി​പ്പു​ണ്ടാ​യി​രു​ന്നു.

സമീപ​ത്തു​ള്ള ഓഫീ​സിൽ ഒരു മേശയ്‌ക്കു പിന്നി​ലാ​യി, ഒരു ഫാക്‌സ്‌ മെഷീന്റെ അടുത്ത്‌ ബാബാ​ലേ​വോ ഉപവി​ഷ്‌ഠ​നാ​യി​രു​ന്നു. നരച്ച മുടി​യും തടിച്ച ശരീര​വു​മുള്ള അദ്ദേഹം, ചിത്ര​ത്ത​യ്യ​ലുള്ള വില​യേ​റിയ നീണ്ടു വെളുത്ത അങ്കികൾ ധരിച്ചി​രു​ന്നു. “എന്റെ പിതാവ്‌ ഒരു ആഭിചാ​ര​ക​നാ​യി​രു​ന്നു. ഞാൻ ആ പാരമ്പ​ര്യ​ത്തിൽ ജനിച്ചു. അതിൽ വളർന്നു. എന്റെ അഞ്ചാമത്തെ വയസ്സിൽ പിതാവു ഭാവി​ക​ഥ​ന​ത്തി​നു പോയ​പ്പോൾ ഞാനും കൂടെ​പോ​യി. അദ്ദേഹം അതു ചെയ്യുന്ന വിധം ഞാൻ നിരീ​ക്ഷി​ക്കു​ക​യും അതെന്റെ അവിഭാ​ജ്യ ഭാഗമാ​യി​ത്തീ​രു​ന്ന​തു​വരെ അദ്ദേഹത്തെ അനുക​രി​ക്കു​ക​യും ചെയ്‌തു,” അദ്ദേഹം പറഞ്ഞു.

അസംഖ്യം തലമു​റ​ക​ളാ​യി അദ്ദേഹ​ത്തി​ന്റെ ആളുകൾ ഉപയോ​ഗി​ച്ചു​പോന്ന സങ്കീർണ​മായ ഭാവി​ക​ഥ​ന​വി​ദ്യ സമ്പ്രദാ​യം വിവരി​ച്ചി​ട്ടുള്ള വലി​യൊ​രു പ്രദർശന തടിപ്പ​ല​ക​യു​ടെ നേരെ ബാബാ​ലേ​വോ ആംഗ്യം കാട്ടി. 16 പനങ്കു​രു​ക്കൾ കശക്കി​യി​ടു​ന്ന​തി​നെ അവലം​ബി​ക്കുന്ന ഈ സമ്പ്രദാ​യം പശ്ചിമാ​ഫ്രി​ക്ക​യി​ലു​ട​നീ​ള​വും അതിനു വെളി​യി​ലേ​ക്കും വ്യാപി​ച്ചി​ട്ടുള്ള ഒന്നാണ്‌. അദ്ദേഹം പറഞ്ഞു: “എല്ലാത്ത​ര​ത്തി​ലുള്ള പ്രശ്‌ന​ങ്ങ​ളു​മാ​യി ആളുകൾ എന്റെ അടുക്കൽ വരുന്നു. സ്‌ത്രീ​കൾ, വന്ധ്യത, തൊഴി​ലി​ല്ലായ്‌മ, മാനസിക വൈക​ല്യ​ങ്ങൾ, ആരോ​ഗ്യം തുടങ്ങി പലതി​നോ​ടും ബന്ധപ്പെട്ട പ്രശ്‌ന​ങ്ങ​ളാ​ണവ. ഭാവി​ക​ഥ​ന​വി​ദ്യ​യു​ടെ ഫലങ്ങളെ ആശ്രയിച്ച്‌, പൂർവി​ക​രോ​ടോ ദേവൻമാ​രോ​ടോ അപേക്ഷ​ക​ഴി​ക്കു​ന്നു. ഇതി​ലേ​താ​ണെ​ങ്കി​ലും ഏതെങ്കി​ലും തരത്തി​ലുള്ള ബലിയർപ്പി​ച്ചേ പറ്റൂ.”

ഭാവി​ക​ഥ​ന​വി​ദ്യ ഉൾപ്പെ​ടെ​യുള്ള പരമ്പരാ​ഗത മതാചാ​രങ്ങൾ പ്രസ്‌തുത പ്രദേ​ശത്ത്‌ ശക്തമാണ്‌, എന്നാൽ അങ്ങനെ​ത​ന്നെ​യാ​ണു ക്രൈ​സ്‌ത​വ​ലോ​ക​ത്തി​ലെ സഭകളും. കിങ്‌ സോളമൻ II ചർച്ച്‌, കെരൂ​ബിം, സെറാ​ഫിം, ക്രിസ്‌തു​വി​ന്റെ സ്വർഗീയ ദേവാ​ലയം, ക്രിസ്‌തു​വി​ന്റെ അപ്പോ​സ്‌ത​ലിക ദേവാ​ലയം, ക്രിസ്‌തു​വി​ന്റെ കാഹള​ക്കാ​രു​ടെ ദേവാ​ലയം തുടങ്ങിയ എഴുത്തു​കൾ മുൻവ​ശ​ത്തുള്ള, വെള്ളപൂ​ശിയ കെട്ടി​ടങ്ങൾ ബാബാ​ലേ​വോ​യു​ടെ ഓഫീ​സിൽനിന്ന്‌ അകലെയല്ല. ഈ സഭകൾ പരമ്പരാ​ഗത മതവു​മാ​യി സഹവർത്തി​ത്വം പുലർത്തു​ക​യും ചില​പ്പോൾ അതിന്റെ ആചാര​ങ്ങളെ പുൽകു​ക​യും ചെയ്യുന്നു. ബാബാ​ലേ​വോ പറഞ്ഞു: “അടുത്ത​യി​ടെ ഞാൻ ബിഷപ്പി​നോ​ടു സംസാ​രി​ച്ചു. അദ്ദേഹം ഇവിടെ വന്നിരു​ന്നു. 30 മിനി​റ്റു​നേരം ഞങ്ങൾ കാര്യങ്ങൾ ചർച്ച​ചെയ്‌ത ശേഷം, ആശയങ്ങൾ കൈമാ​റു​ന്ന​തി​നും തെറ്റി​ദ്ധാ​ര​ണകൾ പരിഹ​രി​ക്കു​ന്ന​തി​നു​മാ​യി ക്രിസ്‌ത്യാ​നി​കൾക്കും പാരമ്പ​ര്യ​മ​ത​വാ​ദി​കൾക്കും ഒരുമി​ച്ചു​കൂ​ടാ​നുള്ള വേദി ഞങ്ങൾ ഒരുക്കാൻ താൻ ആഗ്രഹി​ക്കു​ന്ന​താ​യി അദ്ദേഹം പറഞ്ഞു.”

ആത്മലോ​ക​ത്തേ​ക്കുള്ള കവാടങ്ങൾ

ആത്മമണ്ഡ​ല​ത്തിൽ വസിക്കു​ന്നവർ ആരാ​ണെ​ന്നുള്ള പ്രശ്‌നം അത്തരം തെറ്റി​ദ്ധാ​ര​ണ​ക​ളിൽ മിക്ക​പ്പോ​ഴും ഉൾപ്പെ​ടു​ന്നു. ആത്മലോ​ക​ത്തിൽ രണ്ടു കൂട്ടം ജീവികൾ വസിക്കു​ന്നു​വെന്ന വ്യാപ​ക​മായ വിശ്വാ​സം, സഹാറാ​യു​ടെ തെക്കു​ഭാ​ഗത്തെ ആഫ്രി​ക്ക​യി​ലു​ട​നീ​ള​മുണ്ട്‌. ഒരിക്ക​ലും മനുഷ്യ​രാ​യി​രു​ന്നി​ട്ടി​ല്ലാത്ത ദേവൻമാർ അല്ലെങ്കിൽ ദൈവങ്ങൾ അടങ്ങി​യ​താണ്‌ ഒന്നാമത്തെ കൂട്ടം. ഭൂമി​യി​ലെ തങ്ങളുടെ കുടും​ബ​ങ്ങ​ളു​ടെ അതിജീ​വ​ന​വും ഐശ്വ​ര്യ​വും ഉറപ്പു​വ​രു​ത്തു​ന്ന​തിന്‌ ഉത്തരവാ​ദി​ത്വ​മുള്ള പൂർവി​കർ അഥവാ മരിച്ച​വ​രു​ടെ ആത്മാക്കൾ ഉൾപ്പെ​ട്ട​താണ്‌ രണ്ടാമത്തെ കൂട്ടം. ഭൂമി​യി​ലു​ള്ള​വരെ സഹായി​ക്കാ​നോ ഉപദ്ര​വി​ക്കാ​നോ ഉള്ള ശക്തി ദേവന്മാർക്കും പൂർവി​കർക്കും ഉണ്ടെന്ന്‌ വിശ്വ​സി​ക്ക​പ്പെ​ടു​ന്നു. തത്‌ഫ​ല​മാ​യി, ഇരുകൂ​ട്ട​രോ​ടും ഉചിത​മായ ആദരവും ഭയഭക്തി​യും കാണി​ക്കണം.

ലോക​ത്തി​ന്റെ പല ഭാഗങ്ങ​ളി​ലും സമാന​മായ വിശ്വാ​സങ്ങൾ ഉള്ളതായി കാണാം. ഭാവി​യെ​ക്കു​റി​ച്ചുള്ള അറിവും ജീവി​ത​ത്തി​ലെ അനുദിന പ്രശ്‌ന​ങ്ങൾക്കു സഹായ​വും മാർഗ​നിർദേ​ശ​വും തേടി​ക്കൊണ്ട്‌ എല്ലായി​ട​ത്തു​മുള്ള ആളുകൾ വ്യത്യസ്‌ത മാർഗങ്ങൾ ഉപയോ​ഗിച്ച്‌ പ്രകൃ​ത്യാ​തീത ശക്തികളെ സമീപി​ക്കു​ന്നു. ആത്മമണ്ഡ​ല​ത്തിൽനി​ന്നു സഹായം നേടുക വാസ്‌ത​വ​ത്തിൽ സാധ്യ​മാ​ണോ? അവിടെ ജീവി​ച്ചി​ട്ടുള്ള യേശു​ക്രി​സ്‌തു അതു സാധ്യ​മാ​ണെന്നു പ്രകട​മാ​ക്കി. അവൻ പറഞ്ഞു: “യാചി​പ്പിൻ എന്നാൽ നിങ്ങൾക്കു കിട്ടും; അന്വേ​ഷി​പ്പിൻ എന്നാൽ നിങ്ങൾ കണ്ടെത്തും; മുട്ടു​വിൻ എന്നാൽ നിങ്ങൾക്കു തുറക്കും.” (മത്തായി 7:7) എന്നാൽ ആ സഹായം ലഭിക്കു​ന്ന​തി​നു നാം ശരിയായ വ്യക്തി​യോ​ടു ചോദി​ക്കണം, ശരിയായ വിധത്തിൽ അന്വേ​ഷി​ക്കണം, ശരിയായ വാതി​ലിൽ മുട്ടു​ക​യും വേണം. നാം ശരിയായ വാതി​ലി​ലല്ല മുട്ടു​ന്ന​തെ​ങ്കിൽ, നമുക്കു നന്മയല്ല, മറിച്ച്‌ ഉപദ്രവം ചെയ്യുന്ന ആരെങ്കി​ലു​മാ​യി​രി​ക്കാം അതു തുറക്കു​ന്നത്‌.

അതു​കൊണ്ട്‌, ആത്മമണ്ഡ​ല​ത്തിൽ ജീവി​ക്കു​ന്നത്‌ ആരാണ്‌, ആരല്ല, എന്ന്‌ അറിയു​ന്നത്‌ മർമ​പ്ര​ധാ​ന​മാണ്‌. നമ്മെ സഹായി​ക്കു​ന്ന​വ​രും നമ്മെ ഉപദ്ര​വി​ക്കു​ന്ന​വ​രും തമ്മിലുള്ള വ്യത്യാ​സ​വും നാം അറി​യേ​ണ്ട​തുണ്ട്‌. അവസാ​ന​മാ​യി, സഹായം നൽകാൻ കഴിയുന്ന സ്ഥാനത്താ​യി​രി​ക്കു​ന്ന​വ​രിൽനിന്ന്‌ അതു സ്വീക​രി​ക്കു​ന്ന​തി​നു നാം എന്തു ചെയ്യണ​മെ​ന്നും അറി​യേ​ണ്ട​തുണ്ട്‌. തുടർന്നു​വ​രുന്ന ലേഖനങ്ങൾ ഈ കാര്യങ്ങൾ പരി​ശോ​ധി​ക്കും.

[3-ാം പേജിലെ ചിത്ര​ത്തിന്‌ കടപ്പാട്‌]

Photo on pages 3-4: The Star, Johannesburg, S.A.