ബന്ധുക്കൾക്കു സാക്ഷ്യം നൽകു​ന്നതു നല്ല ഫലങ്ങൾ കൈവ​രു​ത്തു​ന്നു

തയ്‌വാ​നി​ലെ റ്റായ്‌നാ​നിൽ ഒരു യുവ കുടും​ബി​നി ബൈബിൾ പഠിക്കാൻ തുടങ്ങി. ഒരു വലിയ കുടും​ബ​ത്തോ​ടൊ​പ്പ​മാണ്‌ അവൾ താമസി​ക്കു​ന്നത്‌, അവരിൽ മിക്കവ​രും പ്രസ്‌ബി​റ്റേ​റി​യൻ സഭയിലെ പ്രമുഖ അംഗങ്ങ​ളാ​യി​രു​ന്നു. സാക്ഷികൾ ‘മറ്റു മതങ്ങളെ ആക്രമി​ക്കു​ന്നു’ എന്നു പറഞ്ഞു​കൊണ്ട്‌ അവളുടെ സഭ മിക്ക​പ്പോ​ഴും അവരെ വിമർശി​ച്ചി​രു​ന്ന​തി​നാൽ അപ്രകാ​രം ചെയ്യു​ന്ന​തിൽനിന്ന്‌ അവൾ ശ്രദ്ധാ​പൂർവം ഒഴിഞ്ഞു​നി​ന്നു, അതേസ​മയം ക്രിസ്‌തീയ ഗുണങ്ങൾ പ്രകടി​പ്പി​ക്കു​ന്ന​തിൽ ശ്രദ്ധ കേന്ദ്രീ​ക​രി​ക്കു​ക​യും ചെയ്‌തു. യോഗ​ങ്ങൾക്കു ഹാജരാ​കു​ന്ന​തി​നു പതിനാ​റു കിലോ​മീ​റ്റർ മോ​ട്ടോർ സൈക്കി​ളിൽ യാത്ര​ചെ​യ്യേ​ണ്ട​തു​ണ്ടാ​യി​രു​ന്നെ​ങ്കി​ലും അവൾ അതിൽ ക്രമമാ​യി ഹാജരാ​യി. അവൾ തന്റെ വ്യക്തി​ത്വ​ത്തിൽ വരുത്തി​ക്കൊ​ണ്ടി​രുന്ന മാറ്റങ്ങൾ പെട്ടെ​ന്നു​തന്നെ കുടും​ബാം​ഗങ്ങൾ ശ്രദ്ധി​ക്കാൻ തുടങ്ങി. അതു​കൊ​ണ്ടും നയപൂർവ​മായ അവളുടെ സാക്ഷീ​ക​രണം നിമി​ത്ത​വും അവളുടെ നാത്തൂൻ പഠിക്കാൻ തുടങ്ങി. പിന്നീട്‌, അവൾ പഠിക്കു​ന്ന​തെ​ന്താ​ണെന്നു പരി​ശോ​ധി​ക്കാൻ ഭർത്താ​വും സമ്മതിച്ചു. അടുത്ത​താ​യി, അദ്ദേഹ​ത്തി​ന്റെ സഹോ​ദ​ര​നും ഒരു മച്ചുന​നും അധ്യയനം തുടങ്ങി. പിന്നീട്‌, കുടും​ബ​ത്തി​ലെ വ്യത്യസ്‌ത അംഗങ്ങൾ പഠിക്കുന്ന വിഷയ​ത്തിൽ അമ്മായി​യമ്മ താത്‌പ​ര്യം കാണിച്ചു. അടുത്ത​താ​യി ഈ യുവതി 322 കിലോ​മീ​റ്റർ ദൂരെ താമസി​ക്കുന്ന സ്വന്തം മാതാ​പി​താ​ക്കൾക്കു സാക്ഷ്യം നൽകി. അവരും പഠിക്കാൻ തുടങ്ങി. ഈ യുവതി​യും ഭർത്താ​വും രണ്ടു ബന്ധുക്ക​ളും ഇപ്പോൾ സ്‌നാ​പ​ന​മേ​റ്റി​രി​ക്കു​ന്നു. ബന്ധുക്ക​ളിൽ പലരും സത്യം പഠിക്കു​ന്ന​തിൽ നല്ലവണ്ണം പുരോ​ഗ​മി​ക്കു​ന്നുണ്ട്‌, കൂടാതെ അതേ സഭയിൽപ്പെട്ട വേറൊ​രു ദമ്പതികൾ പ്രസം​ഗ​വേ​ല​യിൽ പങ്കെടു​ക്കു​ന്ന​തിന്‌ ഇപ്പോൾ സഭയിൽനി​ന്നു രാജി​വെ​ച്ചി​രി​ക്കു​ന്നു. വാക്കി​ലൂ​ടെ​യും നല്ല നടത്തയി​ലൂ​ടെ​യും മറ്റുള്ള​വർക്കു സത്യം പകർന്നു​കൊ​ടു​ത്ത​തി​നു യഹോ​വ​യിൽനി​ന്നുള്ള എന്തോ​ര​നു​ഗ്രഹം!