മൗലി​ക​വാ​ദ​ത്തി​ന്റെ വ്യാപനം

മൗലി​ക​വാ​ദം—ഏതാനും പതിറ്റാ​ണ്ടു​കൾക്കു​മുമ്പ്‌ ഇതു പ്രൊ​ട്ട​സ്റ്റ​ന്റു​കാർക്കി​ട​യി​ലെ ഒരു ന്യൂനപക്ഷ പ്രസ്ഥാനം മാത്ര​മാ​യി​രു​ന്നു. എന്നാൽ സംഗതി​കൾക്ക്‌ എന്തൊരു മാറ്റമാ​ണു വന്നിരി​ക്കു​ന്നത്‌! 20-ാം നൂറ്റാ​ണ്ടി​ന്റെ അന്ത്യത്തിൽ മൗലികവാദംa വാർത്താ​മാ​ധ്യ​മ​ങ്ങൾക്കും സർവക​ലാ​ശാ​ലാ ഗവേഷ​ണ​ത്തി​നും ഹരംപ​ക​രുന്ന ഒരു പ്രധാന വിഷയ​മാ​യി​ത്തീ​രു​മെന്ന്‌ 30 വർഷം​മുമ്പ്‌ ആരും മുൻകൂ​ട്ടി​ക്ക​ണ്ടി​രി​ക്കു​ക​യി​ല്ലെന്നു മതത്തെ​ക്കു​റി​ച്ചു റിപ്പോർട്ടു ചെയ്യുന്ന ബ്രൂസ്‌ ബി. ലോറൻസ്‌ എഴുതി.

എന്നിട്ടും, അതാണു സംഭവി​ച്ചി​രി​ക്കു​ന്നത്‌. അക്രമാ​സ​ക്ത​മായ തെരുവു പ്രകട​നങ്ങൾ, കൊല​പാ​ത​കങ്ങൾ, ഗർഭച്ഛി​ദ്ര​ത്തി​നെ​തി​രായ പ്രസ്ഥാ​നങ്ങൾ, മതസമ്മർദ വിഭാ​ഗ​ങ്ങ​ളു​ടെ രാഷ്‌ട്രീയ ഇടപെ​ട​ലു​കൾ, ദൈവ​ദൂ​ഷ​ണ​പ​ര​മെന്നു മുദ്ര​കു​ത്തി പുസ്‌ത​കങ്ങൾ കൂട്ടി​യി​ട്ടു പരസ്യ​മാ​യി കത്തിക്കൽ എന്നിവ​യെ​ക്കു​റി​ച്ചെ​ല്ലാ​മുള്ള പത്രറി​പ്പോർട്ടു​കൾ മൗലി​ക​വാ​ദി​ക​ളു​ടെ പ്രവർത്ത​നത്തെ നിരന്തരം ഓർമി​പ്പി​ക്കു​ന്ന​വ​യാണ്‌. മൗലി​ക​വാ​ദം ഏതാണ്ട്‌ എല്ലായി​ട​ത്തും “ദൈവ​ത്തി​ന്റെ നാമത്തിൽ ശക്തമായ ആക്രമണം” നടത്തു​ക​യാ​ണെന്ന്‌ മൊന്റോ ആകോ​ണോ​മി​കോ എന്ന ഇറ്റാലി​യൻ സാമ്പത്തിക വാരിക പ്രസ്‌താ​വി​ച്ചു.

ഗൂഢാ​ലോ​ച​ന​ക​ളും ഭീകര​പ്ര​വർത്ത​ന​ങ്ങ​ളും നടത്തുന്ന തീവ്ര​വാ​ദി​ക​ളും മതഭ്രാ​ന്ത​രു​മാ​യി​ട്ടാ​ണു മൗലി​ക​വാ​ദി​കളെ പലപ്പോ​ഴും ചിത്രീ​ക​രി​ക്കു​ന്നത്‌. റോമൻ കത്തോ​ലി​ക്കാ സഭയിലെ കോമ്മ്യൂ​ണി​യോ​ണെ ഏ ലിബേ​റാ​റ്റ്‌സി​യോ​ണെ, യഹൂദ​രു​ടെ ഗൂഷ്‌ എമൂനിം, വടക്കേ അമേരി​ക്കൻ പ്രൊ​ട്ട​സ്റ്റൻറു​കാ​രു​ടെ ക്രിസ്‌തീയ കൂട്ടു​കെട്ടു പ്രസ്ഥാനം എന്നിവ​പോ​ലുള്ള സംഘട​ന​ക​ളു​ടെ വളർച്ച​യിൽ ആളുകൾ പകച്ചു​നിൽക്കു​ക​യാണ്‌. മൗലി​ക​വാ​ദം വ്യാപി​ക്കു​ന്നത്‌ എന്തു​കൊണ്ട്‌? അതിന്റെ പ്രേര​ക​ഘ​ടകം എന്താണ്‌? ഫ്രഞ്ച്‌ സാമൂ​ഹിക ശാസ്‌ത്ര​ജ്ഞ​നായ സ്സെൽ കപൽ സൂചി​പ്പി​ക്കു​ന്ന​തു​പോ​ലെ, അത്‌ ഒരുപക്ഷേ “ദൈവ​ത്തി​ന്റെ പ്രതി​കാ​രം” ആയിരി​ക്കു​മോ?

[അടിക്കു​റി​പ്പു​കൾ]

[3-ാം പേജിലെ ചിത്ര​ത്തിന്‌ കടപ്പാട]

Nina Berman/Sipa Press