മൗലി​ക​വാ​ദം അത്‌ എന്താണ്‌?

മൗലി​ക​വാ​ദം ആരംഭി​ച്ചത്‌ എവി​ടെ​നി​ന്നാ​യി​രു​ന്നു? കഴിഞ്ഞ നൂറ്റാ​ണ്ടി​ന്റെ അവസാനം, വിശാ​ല​മ​ന​സ്‌ക​രായ ദൈവ​ശാ​സ്‌ത്ര​ജ്ഞ​ന്മാർ ബൈബി​ളി​ന്റെ അതികൃ​ത്തി​പ്പും പരിണാ​മം പോലുള്ള ശാസ്‌ത്രീയ സിദ്ധാ​ന്ത​ങ്ങ​ളും കൈ​ക്കൊ​ള്ളു​ന്ന​തി​നു​വേണ്ടി തങ്ങളുടെ വിശ്വാ​സ​ങ്ങൾക്കു മാറ്റം​വ​രു​ത്തു​ക​യാ​യി​രു​ന്നു. തത്‌ഫ​ല​മാ​യി, ആളുകൾക്കു ബൈബി​ളി​ലുള്ള വിശ്വാ​സ​ത്തിന്‌ ഉലച്ചിൽ തട്ടി. ഐക്യ​നാ​ടു​ക​ളി​ലെ യാഥാ​സ്ഥി​തി​ക​രായ മതനേ​താ​ക്ക​ന്മാർ ഇതി​നോ​ടു പ്രതി​ക​രി​ച്ചു​കൊണ്ട്‌ വിശ്വാ​സ​ത്തി​ന്റെ മൗലികഘടകങ്ങൾa എന്നു വിളി​ക്കുന്ന സംഗതി​കൾ സ്ഥാപിച്ചു. 20-ാം നൂറ്റാ​ണ്ടി​ന്റെ ആരംഭ​ത്തിൽ, മൗലി​ക​ഘ​ട​കങ്ങൾ: സത്യത്തിന്‌ ഒരു സാക്ഷ്യം (Fundamentals: A Testimony to the Truth) എന്ന ശീർഷ​ക​ത്തി​ലുള്ള ഒരു വാല്യ പരമ്പര​യിൽ ഈ മൗലി​ക​ഘ​ട​ക​ങ്ങ​ളെ​ക്കു​റി​ച്ചുള്ള ഒരു ചർച്ച അവർ പ്രസി​ദ്ധീ​ക​രി​ച്ചു. ഈ ശീർഷ​ക​ത്തിൽനി​ന്നാണ്‌ “മൗലി​ക​വാ​ദം” (“fundamentalism”) എന്ന പദം വരുന്നത്‌.

20-ാം നൂറ്റാ​ണ്ടി​ന്റെ ആദ്യപ​കു​തി​യിൽ, മൗലി​ക​വാ​ദം ഇടയ്‌ക്കി​ടെ വാർത്ത​ക​ളിൽ സ്ഥാനം പിടിച്ചു. ഉദാഹ​ര​ണ​ത്തിന്‌, 1925-ൽ മതമൗ​ലി​ക​വാ​ദി​കൾ ഐക്യ​നാ​ടു​ക​ളി​ലെ ടെനെ​സ്സി​യി​ലെ ജോൺ സ്‌കോ​പ്‌സ്‌ എന്നു പേരായ ഒരു സ്‌കൂൾ അധ്യാ​പ​കനെ കോടതി കയറ്റി. ഇതാണു പിന്നീട്‌ സ്‌കോ​പ്‌സ്‌ വിചാരണ എന്ന്‌ അറിയ​പ്പെ​ടാ​നി​ട​യാ​യത്‌. അദ്ദേഹ​ത്തി​ന്റെ കുറ്റം? പരിണാ​മം പഠിപ്പി​ച്ചു​വെ​ന്ന​തു​തന്നെ. അതു സംസ്ഥാന നിയമ​ത്തിന്‌ എതിരാ​യി​രു​ന്നു. ആ നാളു​ക​ളിൽ, മൗലി​ക​വാ​ദം താമസി​യാ​തെ മണ്ണടി​യു​മെ​ന്നാ​ണു ചിലർ വിശ്വ​സി​ച്ചത്‌. 1926-ൽ, അതു “പൊള്ള​യും കൃത്രി​മ​വും” ആണെന്നും അതിന്‌ “നിർമാ​ണാ​ത്മ​ക​മായ നേട്ടത്തി​നോ നിലനിൽപ്പി​നോ ഉള്ള ഗുണങ്ങൾ തീരെ​യി​ല്ലെ”ന്നും ഒരു പ്രൊ​ട്ട​സ്റ്റൻറ്‌ മാസി​ക​യായ ക്രിസ്റ്റ്യൻ സെഞ്ച്വറി പ്രസ്‌താ​വി​ച്ചു. ആ വിലയി​രു​ത്തൽ എത്ര തെറ്റാ​യി​പ്പോ​യി!

1970-കൾ മുതൽ, മൗലി​ക​വാ​ദം സ്ഥിരമാ​യി വാർത്ത​ക​ളിൽ സ്ഥാനം പിടി​ച്ചി​രി​ക്കു​ക​യാണ്‌. ഐക്യ​നാ​ടു​ക​ളി​ലെ കാലി​ഫോർണി​യ​യി​ലുള്ള ഫുള്ളർ തിയോ​ള​ജി​ക്കൽ സെമി​നാ​രി പ്രൊ​ഫ​സ​റായ മിറോ​സ്ലാവ്‌ വോൾഫ്‌ പറയുന്നു: “മൗലി​ക​വാ​ദം നിലനിൽക്കുക മാത്രമല്ല, തഴച്ചു​വ​ള​രു​ക​യും ചെയ്‌തി​രി​ക്കു​ന്നു.” ഇന്ന്‌, “മൗലി​ക​വാ​ദം” എന്ന പദം പ്രൊ​ട്ട​സ്റ്റൻറ്‌ പ്രസ്ഥാ​ന​ങ്ങൾക്കു മാത്രമല്ല, കത്തോ​ലി​ക്കാ​മതം, ഇസ്ലാം​മതം, യഹൂദ​മതം, ഹിന്ദു​മതം എന്നിവ​പോ​ലുള്ള മറ്റു മതങ്ങൾക്കും ബാധക​മാണ്‌.

നമ്മുടെ നാളു​ക​ളോ​ടുള്ള പ്രതി​ക​ര​ണം

മൗലി​ക​വാ​ദം പ്രചരി​ക്കു​ന്നത്‌ എന്തു​കൊണ്ട്‌? അതി​നെ​ക്കു​റി​ച്ചു പഠിക്കു​ന്നവർ, ഭാഗി​ക​മായ ഒരു കാരണ​മാ​യി പറയു​ന്നതു നമ്മുടെ നാളിലെ ധാർമി​ക​വും മതപര​വു​മായ അനിശ്ചി​ത​ത്വ​ത്തെ​യാണ്‌. മുൻകാല വർഷങ്ങ​ളിൽ മിക്ക സമൂഹ​ങ്ങ​ളും ജീവി​ച്ചി​രു​ന്നതു പരമ്പരാ​ഗത വിശ്വാ​സ​ങ്ങ​ളിൽ അധിഷ്‌ഠി​ത​മായ, ധാർമി​ക​മാ​യി അടിയു​റച്ച ഒരു അന്തരീ​ക്ഷ​ത്തി​ലാ​യി​രു​ന്നു. ഇപ്പോൾ ആ വിശ്വാ​സങ്ങൾ വെല്ലു​വി​ളി​ക്ക​പ്പെ​ടു​ക​യാണ്‌, അല്ലെങ്കിൽ കാറ്റിൽ പറത്ത​പ്പെ​ടു​ക​യാണ്‌. ദൈവ​മി​ല്ലെ​ന്നും നിർവി​കാര പ്രപഞ്ച​ത്തിൽ മനുഷ്യൻ തനിച്ചാ​ണെ​ന്നും അനേകം ബുദ്ധി​ജീ​വി​കൾ അവകാ​ശ​പ്പെ​ടു​ന്നു. സ്‌നേ​ഹ​വാ​നായ ഒരു സ്രഷ്ടാ​വി​ന്റെ പ്രവർത്ത​ന​ത്താ​ലല്ല, മറിച്ച്‌ യാദൃ​ച്ഛി​ക​മായ പരിണാ​മ​ത്തി​ന്റെ ഫലമാ​യാ​ണു മനുഷ്യ​വർഗം ഉണ്ടായി​രി​ക്കു​ന്നത്‌ എന്ന്‌ അനേകം ശാസ്‌ത്ര​ജ്ഞ​ന്മാ​രും പഠിപ്പി​ക്കു​ന്നു. എവി​ടെ​യും അനുവാ​ദാ​ത്മക മനോ​ഭാ​വം. സമൂഹ​ത്തി​ന്റെ എല്ലാ മേഖല​ക​ളി​ലു​മുള്ള ധാർമിക മൂല്യ​ച്യു​തി​യാൽ ലോകം വീർപ്പു​മു​ട്ടു​ക​യും ചെയ്യുന്നു.—2 തിമൊ​ഥെ​യൊസ്‌ 3:4, 5, 13.

ഉറപ്പുള്ള പഴയ സംഗതി​ക​ളോ​ടു മൗലി​ക​വാ​ദി​കൾക്കു വലിയ ആഭിമു​ഖ്യ​മാണ്‌. തങ്ങൾക്കു ധാർമി​ക​വും പ്രബോ​ധ​ന​പ​ര​വു​മാ​യി ഉചിത അടിസ്ഥാ​ന​മെന്നു തോന്നുന്ന സംഗതി​ക​ളി​ലേക്കു തങ്ങളുടെ സമുദാ​യ​ങ്ങ​ളെ​യും ജനതക​ളെ​യും തിരി​ച്ചു​കൊ​ണ്ടു​വ​രാൻ ചിലർ യത്‌നി​ക്കു​ന്നു. “ശരിയായ” ധാർമി​ക​സം​ഹി​ത​യും വിശ്വാ​സ​ങ്ങ​ളു​ടെ ചട്ടക്കൂ​ടും അനുസ​രി​ച്ചു ജീവി​ക്കാൻ മറ്റുള്ള​വരെ നിർബ​ന്ധി​ക്കു​ന്ന​തി​നു തങ്ങൾക്കാ​വു​ന്ന​തെ​ല്ലാം അവർ ചെയ്യുന്നു. താൻ ചെയ്യു​ന്നതു ശരി, മറ്റുള്ളവർ ചെയ്യു​ന്നതു തെറ്റ്‌ എന്ന ഉറച്ച ബോധ്യ​മാ​യി​രി​ക്കും മൗലി​ക​വാ​ദിക്ക്‌. “ഇടുങ്ങിയ ചിന്താ​ഗതി, മതഭ്രാന്ത്‌, വിജ്ഞാ​ന​വി​രോ​ധം, വിഭാ​ഗീ​യ​ചിന്ത എന്നിവ ധ്വനി​പ്പി​ക്കുന്ന പ്രതി​കൂ​ല​വും പരിഹാ​സ്യ​വു​മായ പദമാ​യാ​ണു പലപ്പോ​ഴും” മൗലി​ക​വാ​ദത്തെ “കരുതു​ന്നത്‌,” പ്രൊ​ഫസർ ജെയിംസ്‌ ബാർ മൗലി​ക​വാ​ദം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ പറയുന്നു.

ഇടുങ്ങിയ ചിന്താ​ഗ​തി​ക്കാ​രൻ, മതഭ്രാ​ന്തൻ അല്ലെങ്കിൽ വിഭാ​ഗീയ ചിന്താ​ഗ​തി​ക്കാ​രൻ എന്നൊക്കെ വിളി​ക്ക​പ്പെ​ടാൻ ആരും ഇഷ്ടപ്പെ​ടാ​ത്ത​തി​നാൽ, മൗലി​ക​വാ​ദി ആരാണ്‌, ആരല്ല എന്നതു സംബന്ധിച്ച്‌ എല്ലാവ​രും യോജി​പ്പി​ലല്ല. എന്നിരു​ന്നാ​ലും, മതമൗ​ലി​ക​വാ​ദ​ത്തി​ന്റെ സവി​ശേ​ഷ​ത​ക​ളായ ചില സംഗതി​കൾ ഉണ്ട്‌.

ഒരു മൗലി​ക​വാ​ദി​യെ തിരി​ച്ച​റി​യൽ

ഒരു സംസ്‌കാ​ര​ത്തി​ന്റെ മൂലപാ​ര​മ്പ​ര്യ​ങ്ങ​ളോ മതവി​ശ്വാ​സ​ങ്ങ​ളോ ആയി കരുതി​പ്പോ​രുന്ന സംഗതി​കൾ കാത്തു​സൂ​ക്ഷി​ക്കാ​നും ലോക​ത്തി​ന്റെ മതേതര പ്രവണ​ത​യാ​യി കരുത​പ്പെ​ടുന്ന സംഗതി​കളെ ചെറു​ക്കാ​നു​മുള്ള ഒരു ഉദ്യമ​മാ​ണു സാധാ​ര​ണ​മാ​യി മതമൗ​ലി​ക​വാ​ദം. അതിനർഥം ആധുനിക സംഗതി​ക​ളെ​യെ​ല്ലാം മൗലി​ക​വാ​ദി​കൾ എതിർക്കു​ന്നു​വെന്നല്ല. തങ്ങളുടെ വീക്ഷണ​ഗതി ഉന്നമി​പ്പി​ക്കു​ന്ന​തി​നു ചിലർ ആധുനിക വാർത്താ​വി​നി​മയ സംവി​ധാ​നത്തെ വളരെ ഫലപ്ര​ദ​മാ​യി ഉപയോ​ഗി​ക്കു​ന്നുണ്ട്‌. എന്നാൽ അവർ എതിർക്കു​ന്നതു സമൂഹത്തെ മതേത​ര​വ​ത്‌ക​രി​ക്കു​ന്ന​തി​നെ​യാണ്‌.b

ചില മൗലി​ക​വാ​ദി​കൾ പരമ്പരാ​ഗത വിശ്വാ​സ​ഘ​ട​ന​യോ ജീവി​ത​രീ​തി​യോ കാത്തു​സൂ​ക്ഷി​ക്കാൻ മാത്രമല്ല, അതു മറ്റുള്ള​വ​രു​ടെ​മേൽ അടി​ച്ചേൽപ്പി​ക്കാ​നും തങ്ങളുടെ വിശ്വാ​സ​ങ്ങ​ളോ​ടു പൊരു​ത്ത​പ്പെ​ടു​ന്ന​തി​നു​വേണ്ടി സാമൂ​ഹിക ചട്ടക്കൂ​ടി​നു മാറ്റം​വ​രു​ത്താ​നും ദൃഢചി​ത്ത​രാ​യി​രി​ക്കും. അതു​കൊണ്ട്‌, കത്തോ​ലി​ക്കാ മൗലി​ക​വാ​ദി ഗർഭച്ഛി​ദ്രം നിരസി​ക്കു​ന്ന​തി​നു​വേണ്ടി മാത്ര​മാ​യി​രി​ക്കില്ല വാദി​ക്കുക. ഗർഭച്ഛി​ദ്രത്തെ നിരോ​ധി​ക്കുന്ന നിയമങ്ങൾ ഉണ്ടാക്കാ​നാ​യി രാജ്യത്തെ നിയമ​നിർമാ​താ​ക്കളെ അയാൾ സ്വാധീ​നി​ക്കാ​നും സാധ്യ​ത​യുണ്ട്‌. ലാ റെപ്പു​ബ്ലി​ക്കാ എന്ന പത്രം പറയു​ന്ന​ത​നു​സ​രിച്ച്‌, പോള​ണ്ടിൽ ഗർഭച്ഛി​ദ്ര​ത്തി​നെ​തി​രായ നിയമം പാസ്സാ​ക്കി​യെ​ടു​ക്കു​ന്ന​തി​നു കത്തോ​ലി​ക്കാ സഭ “അതിന്റെ സർവ ശക്തിയും സ്വാധീ​ന​വും ഉപയോ​ഗിച്ച്‌ ഒരു ‘കടുത്ത പോരാ​ട്ടം’തന്നെ നടത്തി.” അങ്ങനെ പ്രവർത്തി​ച്ച​പ്പോൾ സഭാധി​കാ​രി​കൾ മിക്കവാ​റും മൗലി​ക​വാ​ദി​ക​ളെ​പ്പോ​ലെ​യാ​ണു പ്രവർത്തി​ച്ചത്‌. ഐക്യ​നാ​ടു​ക​ളി​ലെ പ്രൊ​ട്ട​സ്റ്റൻറ്‌ കൂട്ടു​കെട്ടു പ്രസ്ഥാ​ന​വും സമാന​മായ “കടുത്ത പോരാ​ട്ടങ്ങൾ” നടത്തു​ന്നുണ്ട്‌.

എല്ലാത്തി​ലു​മു​പരി, രൂഢമൂ​ല​മായ മതബോ​ധ്യ​ങ്ങ​ളാ​ണു മൗലി​ക​വാ​ദി​കളെ വേർതി​രി​ച്ച​റി​യി​ക്കു​ന്നത്‌. അതു​കൊണ്ട്‌, ഒരു പ്രൊ​ട്ട​സ്റ്റൻറ്‌ മൗലി​ക​വാ​ദി, ആറ്‌ അക്ഷരീയ ദിവസ​ങ്ങൾകൊ​ണ്ടാ​ണു ഭൂമിയെ സൃഷ്ടി​ച്ചത്‌ എന്ന വിശ്വാ​സ​മുൾപ്പെടെ, ബൈബി​ളി​ന്റെ അക്ഷരീയ വ്യാഖ്യാ​ന​ത്തി​നാ​യി ശക്തമായി വാദി​ക്കും. ഒരു കത്തോ​ലി​ക്കാ മൗലി​ക​വാ​ദി​ക്കു പാപ്പാ​യു​ടെ അപ്രമാ​ദി​ത്വ​ത്തെ​ക്കു​റി​ച്ചു യാതൊ​രു സംശയ​വും കാണു​ക​യില്ല.

അപ്പോൾ “മൗലി​ക​വാ​ദം” എന്ന പദം യുക്തി​സ​ഹ​മ​ല്ലാത്ത മതഭ്രാ​ന്തി​ന്റെ ചിത്രം മനസ്സി​ലു​ദി​പ്പി​ക്കു​ന്നത്‌ എന്തു​കൊ​ണ്ടെ​ന്നും മൗലി​ക​വാ​ദം പ്രചരി​ക്കു​ന്നതു കാണു​മ്പോൾ മൗലി​ക​വാ​ദി​ക​ള​ല്ലാ​ത്തവർ ഭയക്കു​ന്നത്‌ എന്തു​കൊ​ണ്ടെ​ന്നും മനസ്സി​ലാ​ക്കാ​വു​ന്ന​താണ്‌. വ്യക്തികൾ എന്നനി​ല​യിൽ, നാം മൗലി​ക​വാ​ദി​ക​ളോ​ടു വിയോ​ജി​ക്കു​ക​യും അവരുടെ രാഷ്‌ട്രീയ ഇടപെ​ട​ലു​ക​ളി​ലും ചില​പ്പോ​ഴെ​ക്ക​യുള്ള അക്രമാ​സക്ത നടപടി​ക​ളി​ലും അമ്പരക്കു​ക​യും ചെയ്‌തേ​ക്കാം. നിശ്ചയ​മാ​യും, ഒരു മതത്തിന്റെ മൗലി​ക​വാ​ദി​കൾ മറ്റൊരു മതത്തിന്റെ മൗലി​ക​വാ​ദി​ക​ളു​ടെ പ്രവർത്ത​ന​ത്തിൽ ഭീതി​പൂ​ണ്ടേ​ക്കാം! എന്നാലും, ചിന്തി​ക്കു​ന്ന​വ​രായ അനേകം ആളുകൾക്കും മൗലി​ക​വാ​ദ​ത്തി​ന്റെ വ്യാപ​ന​ത്തി​നു വളം​വെ​ക്കുന്ന സംഗതി​ക​ളിൽ, അതായത്‌ വർധി​ച്ചു​വ​രുന്ന ധാർമിക ശൈഥി​ല്യം, വിശ്വാ​സ​നഷ്ടം, ആധുനിക സമൂഹ​ത്തി​ലെ ആത്മീയ​ത​യു​ടെ തിരസ്‌ക​രണം എന്നീ സംഗതി​ക​ളിൽ ഉത്‌ക​ണ്‌ഠ​യുണ്ട്‌.

ഈ പ്രവണ​ത​ക​ളോ​ടുള്ള ഏക പ്രതി​ക​ര​ണ​മാ​ണോ മൗലി​ക​വാ​ദം? അല്ലെങ്കിൽ, എന്താണ്‌ അതിനു പകരമാ​യി​ട്ടു​ള്ളത്‌?

[അടിക്കു​റി​പ്പു​കൾ]

[5-ാം പേജിലെ ആകർഷ​ക​വാ​ക്യം]

മൗലികവാദം “പൊള്ള​യും കൃത്രി​മ​വും” ആണെന്നും അതിന്‌ “നിർമാ​ണാ​ത്മ​ക​മായ നേട്ടത്തി​നോ നിലനിൽപ്പി​നോ ഉള്ള ഗുണങ്ങൾ തീരെ​യി​ല്ലെ”ന്നും 1926-ൽ ഒരു പ്രൊ​ട്ട​സ്റ്റൻറ്‌ മാസിക വർണിച്ചു