നമ്മുടെ ഭാവി മുന്നമേ എഴുത​പ്പെ​ട്ടി​രി​ക്കു​ന്നു​വോ?

ക്രിസ്‌ത്യാ​നി​യോ മുസൽമാ​നോ യഹൂദ​നോ ഹിന്ദു​വോ മറ്റേ​തെ​ങ്കി​ലും മതത്തിൽ വിശ്വ​സി​ക്കു​ന്ന​വ​നോ ആരായി​രു​ന്നാ​ലും ശരി, സർവ മതസ്ഥരും ദുരി​ത​മ​നു​ഭ​വി​ക്കു​ക​യും അതേ​പ്രതി ദുഃഖി​ക്കു​ക​യും ചെയ്യുന്നു.

ദൃഷ്ടാ​ന്ത​ത്തിന്‌, സൈബീ​രി​യൻ നഗരമായ ഇർക്കൂ​റ്റ്‌സ്‌ക്കിൽ 1997 ഡിസംബർ 6-ന്‌ അതിദാ​രു​ണ​മാ​യൊ​രു ദുരന്ത​മു​ണ്ടാ​യി. ഭീമാ​കാ​ര​നായ ഒരു AN-124 ചരക്കു​വി​മാ​നം പറന്നു​യർന്ന ഉടനെ അതിന്റെ രണ്ട്‌ എഞ്ചിനു​കൾ പ്രവർത്ത​ന​ര​ഹി​ത​മാ​യി. നിറയെ ഇന്ധനം നിറച്ചി​രുന്ന ആ വിമാനം ഒരു പാർപ്പിട സമുച്ച​യ​ത്തി​ലേക്കു കൂപ്പു​കു​ത്തി. നിരപ​രാ​ധി​ക​ളായ കുട്ടികൾ ഉൾപ്പെടെ നിസ്സഹാ​യ​രായ അനേകം താമസ​ക്കാർക്കു ജീവഹാ​നി​യും പരിക്കും സംഭവി​ക്കാൻ ഇടയാ​ക്കി​ക്കൊണ്ട്‌ നിരവധി ബഹുശാ​ലാ​ഭ​വ​ന​ങ്ങളെ തീജ്വാല വിഴുങ്ങി.

ആ അപകടം സംഭവിച്ച സൈബീ​രി​യൻ പ്രദേ​ശത്ത്‌ സാധ്യ​ത​യ​നു​സ​രിച്ച്‌ വിഭിന്ന മതവീ​ക്ഷ​ണ​ങ്ങ​ളു​ള്ള​വ​രുണ്ട്‌. ചിലർ ക്രിസ്‌ത്യാ​നി​ത്വ​ത്തിൽ വിശ്വ​സി​ക്കു​ന്ന​താ​യി അവകാ​ശ​പ്പെ​ട്ടേ​ക്കാ​മെ​ങ്കി​ലും ആ ദുരന്തം വിധി​യു​ടെ ഫലമാ​ണെന്ന്‌ ചിന്തി​ച്ചി​രി​ക്കാൻ വഴിയുണ്ട്‌. അവരും മറ്റുള്ള​വ​രും ഇങ്ങനെ വിചാ​രി​ച്ചി​രി​ക്കാം, ‘അതു ദൈവ​ഹി​ത​മാ​യി​രു​ന്നു. കൊല്ല​പ്പെ​ട്ടവർ ആ വിധത്തിൽ മരിച്ചി​ല്ലാ​യി​രു​ന്നെ​ങ്കിൽ അവർ മറ്റൊരു വിധത്തിൽ മരിക്കു​മാ​യി​രു​ന്നു—അത്‌ അവരുടെ വിധി​യാണ്‌.’

അത്തരം ചിന്താ​ഗതി, അതു പരസ്യ​മാ​യി പറഞ്ഞാ​ലും ഇല്ലെങ്കി​ലും, ഗോള​ത്തി​നു ചുറ്റു​മുള്ള മിക്ക മതങ്ങളി​ലും സാധാ​ര​ണ​മാ​യുള്ള ഒരു സങ്കൽപ്പത്തെ പ്രതി​ഫ​ലി​പ്പി​ക്കു​ന്നു—വിധി. ജനനം​മു​തൽ മരണം​വ​രെ​യുള്ള നമ്മുടെ ഭാവി എങ്ങനെ​യോ മുന്നമേ എഴുത​പ്പെ​ട്ടി​രി​ക്കു​ന്നു​വെന്ന്‌ അനേക​മാ​ളു​കൾ വിശ്വ​സി​ക്കു​ന്നു.

നാനാ​ത​രം വിധി​വി​ശ്വാ​സ​ങ്ങ​ളു​ള്ള​തി​നാൽ അതിന്‌ സമസ്‌ത​ത​ല​സ്‌പർശി​യായ ഒരു നിർവ​ചനം നൽകുക ബുദ്ധി​മു​ട്ടാണ്‌. സംഭവി​ക്കു​ന്ന​തെ​ല്ലാം, ഓരോ പ്രവൃ​ത്തി​ക​ളും ഓരോ സംഭവ​ങ്ങ​ളും—നല്ലതോ മോശ​മോ ആയിരു​ന്നാ​ലും—ഒഴിച്ചു​കൂ​ടാ​നാ​വാ​ത്ത​താണ്‌; മാനവ നിയ​ന്ത്ര​ണ​ത്തിന്‌ അതീത​മായ ഉന്നതശ​ക്തി​യാൽ മുന്നമേ നിർണ​യി​ക്ക​പ്പെ​ട്ട​താ​ക​യാൽ അതു സംഭവി​ച്ചേ തീരൂ എന്നതാണ്‌ വിധി​വി​ശ്വാ​സം നൽകുന്ന അടിസ്ഥാന ആശയം. ജ്യോ​തി​ഷം, ഹിന്ദു-ബുദ്ധ മതങ്ങളി​ലെ കർമം, മുൻനിർണയം സംബന്ധിച്ച ക്രൈ​സ്‌ത​വ​ലോ​ക​ത്തി​ന്റെ പഠിപ്പി​ക്കൽ എന്നിവ​യി​ലെ​ല്ലാം അത്തരം ആശയം കാണാ​വു​ന്ന​താണ്‌. ഒരു ലിഖിത പ്രമാ​ണ​ത്താൽ ദേവന്മാർ വിധി​യും ഭാവി​യും നിയ​ന്ത്രി​ച്ചി​രു​ന്നു​വെന്നു പുരാതന ബാബി​ലോ​നി​ലെ ആളുകൾ വിശ്വ​സി​ച്ചി​രു​ന്നു. ഈ “വിധി ഫലകങ്ങൾ” നിയ​ന്ത്രി​ച്ചി​രുന്ന ദേവന്‌ മനുഷ്യ​ന്റെ​യും രാജ്യ​ങ്ങ​ളു​ടെ​യും ദേവന്മാ​രു​ടെ​ത​ന്നെ​യും വിധി​നിർണ​യി​ക്കാൻ കഴിയു​മാ​യി​രു​ന്നു​വെന്ന്‌ കരുത​പ്പെ​ട്ടി​രു​ന്നു.

മനുഷ്യർ ജനിക്കും​മു​മ്പേ, അവർക്കു സംഭവി​ക്കാൻ പോകുന്ന സകലതും ദൈവം നിർണ​യി​ക്കു​ന്നു​വെന്നു പല മതവി​ശ്വാ​സി​ക​ളും കരുതു​ന്നു. ആയുർ​ദൈർഘ്യം, ആണായി​രി​ക്കു​മോ പെണ്ണാ​യി​രി​ക്കു​മോ, സമ്പന്നരാ​യി​രി​ക്കു​മോ ദരി​ദ്ര​രാ​യി​രി​ക്കു​മോ, ദുരി​ത​പൂർണ​രാ​യി​രി​ക്കു​മോ സന്തുഷ്ട​രാ​യി​രി​ക്കു​മോ എന്നിങ്ങ​നെ​യുള്ള കാര്യ​ങ്ങ​ളെ​ല്ലാം അതിൽ ഉൾപ്പെ​ടു​ന്നു. ഈ കാര്യ​ങ്ങ​ളെ​ല്ലാം ദൈവ​ത്തി​ന്റെ മനസ്സി​ലുണ്ട്‌ അല്ലെങ്കിൽ സംഭവി​ക്കു​ന്ന​തി​നു​മു​മ്പേ അവ ഒരു പുസ്‌ത​ക​ത്തിൽ എഴുതി​വെ​ച്ചി​രി​ക്കു​ന്നു എന്നാണ്‌ പറയ​പ്പെ​ടു​ന്നത്‌. അതു​കൊണ്ട്‌ എന്തെങ്കി​ലും അത്യാ​ഹി​തം ഭവിക്കു​മ്പോൾ ഒരു വിശ്വാ​സി മെക്‌ത്തുബ്‌—അത്‌ എഴുത​പ്പെ​ട്ടി​രി​ക്കു​ന്നു—എന്നു പറയു​ന്നത്‌ സാധാ​ര​ണ​മാണ്‌! ദൈവ​ത്തിന്‌ എല്ലാം മുന്നമേ അറിയാ​വു​ന്ന​തു​കൊണ്ട്‌ ആര്‌ അവനെ അനുസ​രി​ക്കു​മെ​ന്നും ആര്‌ അവനെ അനുസ​രി​ക്കി​ല്ലെ​ന്നും നിശ്ചയി​ക്കു​ന്ന​തും ദൈവ​മാ​യി​രി​ക്ക​ണ​മെന്ന്‌ വാദി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌, ഒരു വ്യക്തിക്ക്‌ പറുദീ​സ​യി​ലെ നിത്യാ​നു​ഗ്ര​ഹ​മാ​ണോ അതോ നിത്യ​നാ​ശ​മാ​ണോ ലഭിക്കു​ക​യെന്ന്‌ അയാൾ ജനിക്കു​ന്ന​തി​നു മുമ്പേ ദൈവം നിശ്ചയി​ച്ചി​രി​ക്കു​ന്നു​വെന്ന്‌ അനേകം വിധി​വി​ശ്വാ​സി​കൾ കരുതു​ന്നു.

ഇത്‌ ക്രൈ​സ്‌ത​വ​ലോ​ക​ത്തി​ലെ ചില സഭകളിൽ പഠിപ്പി​ക്ക​പ്പെ​ടുന്ന മുൻനിർണ​യ​ത്തോട്‌ (predestination) വളരെ സമാന​മാ​ണെന്ന്‌ നിങ്ങൾക്കു തോന്നി​യി​രി​ക്കാ​നി​ട​യുണ്ട്‌. 16-ാം നൂറ്റാ​ണ്ടി​ലെ ഫ്രഞ്ച്‌ മതപരി​ഷ്‌കർത്താ​വായ ജോൺ കാൽവി​നാണ്‌ മുൻനി​ശ്ച​യ​ത്തി​ന്റെ മുഖ്യ പ്രൊ​ട്ട​സ്റ്റൻറ്‌ വക്താവ്‌. അദ്ദേഹം മുൻനി​ശ്ച​യത്തെ, “ഓരോ മനുഷ്യ​നെ​ക്കു​റി​ച്ചും താൻ എന്തു ചെയ്യാൻ ആഗ്രഹി​ക്കു​ന്നു​വെന്നു നിർണ​യി​ച്ചി​രി​ക്കുന്ന ദൈവ​ത്തി​ന്റെ ശാശ്വ​ത​നി​യോ​ഗം” എന്നു നിർവ​ചി​ച്ചു. “അവൻ അവരെ​യെ​ല്ലാം സൃഷ്ടി​ച്ചി​രി​ക്കു​ന്നത്‌ ഒരേ അവസ്ഥയി​ലല്ല. ചിലരെ നിത്യ​ജീ​വ​നി​ലേ​ക്കും മറ്റുള്ള​വരെ നിത്യ​ശി​ക്ഷാ​വി​ധി​യി​ലേ​ക്കു​മാ​യി അവൻ മുൻകൂ​ട്ടി​നിർണ​യി​ച്ചി​രി​ക്കു​ന്നു.” കാൽവിൻ ഉറപ്പോ​ടെ ഇങ്ങനെ​യും പറഞ്ഞു: “ആദ്യമ​നു​ഷ്യ​ന്റെ വീഴ്‌ച​യും അവന്റെ സന്തതി​ക​ളു​ടെ നാശവും ദൈവം മുൻകൂ​ട്ടി​ക്കാ​ണുക മാത്രമല്ല സ്വന്ത ഇഷ്ടപ്ര​കാ​രം അതു മുൻകൂ​ട്ടി ക്രമീ​ക​രി​ക്കു​ക​യും ചെയ്‌തു.”

പക്ഷേ, മുൻനി​ശ്ച​യ​മോ വിധി​വി​ശ്വാ​സ​മോ പഠിപ്പി​ക്കുന്ന മതങ്ങളി​ലെ അംഗങ്ങ​ളെ​ല്ലാ​വ​രു​മൊ​ന്നും അതു വ്യക്തി​പ​ര​മാ​യി വിശ്വ​സി​ക്കു​ന്നില്ല. മത ലിഖി​തങ്ങൾ മനുഷ്യ​ന്റെ ഇച്ഛാസ്വാ​ത​ന്ത്ര്യ​ത്തെ​ക്കു​റി​ച്ചു പറയു​ന്നു​വെന്നു ചിലർ ഉചിത​മാ​യി​ത്തന്നെ ചൂണ്ടി​ക്കാ​ട്ടു​ന്നു. മാനുഷ പ്രവർത്ത​നങ്ങൾ സ്വത​ന്ത്ര​മായ തിര​ഞ്ഞെ​ടു​പ്പി​ന്റെ ഫലമാ​യാ​ലും ദൈവ​ത്താൽ മുൻനിർണ​യി​ക്ക​പ്പെ​ടു​ന്ന​താ​യാ​ലും അവയെ​ക്കു​റിച്ച്‌ വളരെ​യേറെ വാദ​പ്ര​തി​വാ​ദങ്ങൾ നടക്കു​ന്നു​ണ്ടെ​ന്നു​ള്ള​താണ്‌ യാഥാർഥ്യം. ദൃഷ്ടാ​ന്ത​ത്തിന്‌, നീതി​നി​ഷ്‌ഠ​നായ ദൈവം മനുഷ്യ​നെ അവന്റെ പ്രവർത്ത​ന​ങ്ങൾക്ക്‌ ഉത്തരവാ​ദി​യും കണക്കു​ബോ​ധി​പ്പി​ക്കേ​ണ്ട​വ​നും ആക്കുന്ന സ്ഥിതിക്ക്‌ തിര​ഞ്ഞെ​ടു​പ്പു നടത്താ​നും പ്രവർത്തി​ക്കാ​നും മനുഷ്യ​നു സ്വാത​ന്ത്ര്യ​മു​ണ്ടാ​യി​രി​ക്ക​ണ​മെന്നു ചിലർ വാദി​ച്ചി​രി​ക്കു​ന്നു. മനുഷ്യ​ന്റെ പ്രവർത്ത​ന​ങ്ങ​ളു​ടെ സൂത്ര​ധാ​രൻ ദൈവ​മാണ്‌, എന്നാൽ മനുഷ്യൻ എങ്ങനെ​യോ അവ “സ്വായ​ത്ത​മാ​ക്കു”കയും അവയ്‌ക്ക്‌ ഉത്തരവാ​ദി​ക​ളാ​യി​ത്തീ​രു​ക​യും ചെയ്യു​ന്നു​വെന്ന്‌ ചിലർ അഭി​പ്രാ​യ​പ്പെ​ട്ടി​രി​ക്കു​ന്നു. എന്നിരു​ന്നാ​ലും പൊതു​വേ പറഞ്ഞാൽ, അനുദിന ജീവി​ത​ത്തി​ലെ ചെറു​തും വലുതു​മായ ഓരോ സംഭവ​വും ദൈവ​കൽപ്പി​ത​മാ​ണെന്ന്‌ അനേകർ വിശ്വ​സി​ക്കു​ന്നു.

നിങ്ങൾ എന്താണു വിശ്വ​സി​ക്കു​ന്നത്‌? നിങ്ങളു​ടെ ഭാവി എന്തായി​രി​ക്കു​മെന്നു ദൈവം ഇതി​നോ​ടകം നിശ്ചയി​ച്ചി​ട്ടു​ണ്ടോ? മനുഷ്യർക്ക്‌ വാസ്‌ത​വ​ത്തിൽ ഇച്ഛാസ്വാ​ത​ന്ത്ര്യം, അതായത്‌ തങ്ങളുടെ ഭാവി സംബന്ധിച്ച്‌ പ്രാ​യോ​ഗിക തിര​ഞ്ഞെ​ടു​പ്പു​കൾ നടത്താ​നുള്ള പ്രാപ്‌തി, ഉണ്ടോ? നമ്മുടെ വിധി ഏത്‌ അളവോ​ളം നമ്മു​ടെ​തന്നെ പ്രവൃ​ത്തി​കളെ ആശ്രയി​ച്ചി​രി​ക്കു​ന്നു? തുടർന്നു​വ​രുന്ന ലേഖനം ഈ ചോദ്യ​ങ്ങൾക്ക്‌ ഉത്തരം നൽകും.

[3-ാം പേജിലെ ചിത്ര​ത്തിന്‌ കടപ്പാട]

SEL/Sipa Press