ദൈവ​രാ​ജ്യം അത്‌ യേശു​വിന്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

ഭൂമി​യി​ലാ​യി​രു​ന്ന​പ്പോൾ ‘ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കാൻ’ യേശു തന്നെ​ക്കൊ​ണ്ടു കഴിയു​ന്ന​തെ​ല്ലാം ചെയ്‌തു. (ലൂക്കോസ്‌ 8:1) യേശു നൂറു​ക​ണ​ക്കി​നു കിലോ​മീ​റ്റ​റു​കൾ കാൽന​ട​യാ​യി പോയി ഇസ്രാ​യേ​ലിൽ അങ്ങോ​ള​മി​ങ്ങോ​ള​മുള്ള ആളുകളെ ദൈവ​രാ​ജ്യ​ത്തെ​ക്കു​റിച്ച്‌ പഠിപ്പി​ച്ചു. യേശു​വി​ന്റെ ശുശ്രൂ​ഷ​യെ​ക്കു​റിച്ച്‌ പറയുന്ന നാല്‌ സുവി​ശേഷ വിവര​ണ​ങ്ങ​ളിൽ മാത്രം ദൈവ​രാ​ജ്യ​ത്തെ​ക്കു​റിച്ച്‌ 100-ലധികം തവണ പറയു​ന്നുണ്ട്‌. ഇതിൽ മിക്കതും യേശു​വി​ന്റെ​തന്നെ വാക്കു​ക​ളാണ്‌. എങ്കിലും ഇതിലു​മൊ​ക്കെ എത്രയോ അധികം തവണ യേശു ദൈവ​രാ​ജ്യ​ത്തെ​ക്കു​റിച്ച്‌ പറഞ്ഞി​ട്ടു​ണ്ടാ​കണം! കാരണം, യേശു പറഞ്ഞ എല്ലാ കാര്യ​ങ്ങ​ളും ബൈബി​ളിൽ ഇല്ലല്ലോ.—യോഹ​ന്നാൻ 21:25.

ഭൂമി​യിൽ ആയിരു​ന്ന​പ്പോൾ എന്തു​കൊ​ണ്ടാണ്‌ യേശു ദൈവ​രാ​ജ്യ​ത്തിന്‌ ഇത്ര പ്രാധാ​ന്യം കൊടു​ത്തത്‌? ദൈവ​രാ​ജ്യ​ത്തി​ന്റെ രാജാ​വാ​യി ദൈവം യേശു​വി​നെ തിര​ഞ്ഞെ​ടു​ത്തി​രി​ക്കു​ന്നു എന്ന കാര്യം യേശു​വിന്‌ അറിയാ​മാ​യി​രു​ന്നു. (യശയ്യ 9:6; ലൂക്കോസ്‌ 22:28-30) എന്നാൽ രാജാ​വാ​കു​ന്ന​തും സ്വപ്‌നം കണ്ടു നടന്നി​രുന്ന ഒരാളാ​യി​രു​ന്നില്ല യേശു. (മത്തായി 11:29; മർക്കോസ്‌ 10:17, 18) താൻ ഏറ്റവും സ്‌നേ​ഹി​ക്കുന്ന സ്വർഗീയ പിതാ​വി​നും തന്റെ വിശ്വ​സ്‌ത​രായ അനുഗാ​മി​കൾക്കും ദൈവ​രാ​ജ്യം​കൊണ്ട്‌ കിട്ടാൻ പോകുന്ന ഗുണങ്ങ​ളെ​ക്കു​റി​ച്ചാണ്‌ യേശു ചിന്തി​ച്ചത്‌. അല്ലാതെ തനിക്കു കിട്ടാൻ പോകുന്ന അധികാ​ര​ത്തെ​ക്കു​റി​ച്ചല്ല. അതു​കൊ​ണ്ടാണ്‌ യേശു​വിന്‌ ദൈവ​രാ​ജ്യം ഇത്ര​യേറെ പ്രധാ​ന​മാ​യി​രു​ന്ന​തും പ്രധാ​ന​മാ​യി​രി​ക്കു​ന്ന​തും.a

ദൈവ​രാ​ജ്യം​കൊണ്ട്‌ യേശു​വി​ന്റെ പിതാ​വി​നു​ണ്ടാ​കുന്ന പ്രയോ​ജ​നം

യേശു​വിന്‌ തന്റെ സ്വർഗീ​യ​പി​താവ്‌ എന്നു​വെ​ച്ചാൽ ജീവനാണ്‌. (സുഭാ​ഷി​തങ്ങൾ 8:30; യോഹ​ന്നാൻ 14:31) തന്റെ പിതാ​വി​ന്റെ സ്‌നേഹം, അലിവ്‌, നീതി എന്നിങ്ങ​നെ​യുള്ള നല്ലനല്ല ഗുണങ്ങൾ യേശു​വിന്‌ വളരെ ഇഷ്ടമാണ്‌. (ആവർത്തനം 32:4; യശയ്യ 49:15; 1 യോഹ​ന്നാൻ 4:8) അതു​കൊ​ണ്ടു​തന്നെ തന്റെ പിതാ​വി​നെ​ക്കു​റിച്ച്‌ ഇല്ലാത്ത കാര്യങ്ങൾ പറഞ്ഞു​കേൾക്കു​ന്നത്‌ യേശു​വിന്‌ തീരെ ഇഷ്ടമല്ല. ദൈവം മനുഷ്യ​രു​ടെ കഷ്ടപ്പാ​ടി​നു നേരെ കണ്ണടയ്‌ക്കു​ന്ന​വ​നാണ്‌, കഷ്ടപ്പാ​ടു​കണ്ട്‌ രസിക്കു​ന്ന​വ​നാണ്‌ എന്നൊ​ക്കെ​യാ​ണ​ല്ലോ പൊതു​വെ ആളുകൾ പറഞ്ഞു​പ​ര​ത്തി​യി​രി​ക്കു​ന്നത്‌. തന്റെ പിതാ​വി​ന്റെ പേരിനു വന്നിരി​ക്കുന്ന ഈ കളങ്ക​മെ​ല്ലാം ദൈവ​രാ​ജ്യം തുടച്ചു​മാ​റ്റു​മെന്ന്‌ യേശു​വിന്‌ അറിയാ​മാ​യി​രു​ന്നു. അതാണ്‌ “ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത” യേശു ഇത്ര ഉത്സാഹ​ത്തോ​ടെ പ്രസം​ഗി​ച്ച​തി​ന്റെ ഒരു കാരണം. (മത്തായി 4:23; 6:9, 10) എങ്ങനെ​യാണ്‌ ദൈവ​രാ​ജ്യം അതു ചെയ്യു​ന്നത്‌?

ദൈവ​രാ​ജ്യ​ത്തി​ലൂ​ടെ യഹോവ മനുഷ്യർക്കു​വേണ്ടി ഏറ്റവും വലിയ നന്മ ചെയ്യാൻ പോകു​ക​യാണ്‌. യഹോവ തന്നോടു വിശ്വ​സ്‌ത​രാ​യി നിൽക്കുന്ന മനുഷ്യ​രു​ടെ “കണ്ണുക​ളിൽനിന്ന്‌ കണ്ണീ​രെ​ല്ലാം തുടച്ചു​ക​ള​യും.” നമ്മുടെ കണ്ണീരി​നു കാരണ​മാ​കുന്ന കാര്യ​ങ്ങ​ളെ​ല്ലാം യഹോവ പരിഹ​രി​ക്കും. “മേലാൽ മരണം ഉണ്ടായി​രി​ക്കില്ല; ദുഃഖ​മോ നിലവി​ളി​യോ വേദന​യോ ഉണ്ടായി​രി​ക്കില്ല.” (വെളി​പാട്‌ 21:3, 4) അങ്ങനെ ദൈവ​രാ​ജ്യ​ത്തി​ലൂ​ടെ യഹോവ മനുഷ്യ​രു​ടെ എല്ലാ കഷ്ടപ്പാ​ടു​ക​ളും ഇല്ലാതാ​ക്കും.b

അതു​കൊണ്ട്‌ യേശു ദൈവ​രാ​ജ്യ​ത്തെ​ക്കു​റിച്ച്‌ മറ്റുള്ള​വ​രോ​ടു പറയാൻ ഇത്ര ഉത്സാഹം കാണി​ച്ച​തിൽ അതിശ​യി​ക്കാ​നില്ല! തന്റെ പിതാ​വായ ദൈവം ശരിക്കും എത്ര ശക്തനും ദയാലു​വും ആണെന്ന്‌ ദൈവ​രാ​ജ്യം വരു​മ്പോൾ എല്ലാവർക്കും മനസ്സി​ലാ​കു​മെന്ന്‌ യേശു​വിന്‌ അറിയാ​മാ​യി​രു​ന്നു. (യാക്കോബ്‌ 5:11) ദൈവ​രാ​ജ്യം താൻ സ്‌നേ​ഹി​ക്കുന്ന മറ്റൊരു കൂട്ടർക്കും ഗുണം ചെയ്യു​മെന്ന്‌ യേശു മനസ്സി​ലാ​ക്കി, വിശ്വ​സ്‌ത​രായ മനുഷ്യർക്ക്‌.

ദൈവ​രാ​ജ്യം​കൊണ്ട്‌ വിശ്വ​സ്‌ത​രായ മനുഷ്യർക്കു​ണ്ടാ​കുന്ന പ്രയോ​ജ​നം

ഭൂമി​യിൽ വരുന്ന​തി​നു മുമ്പ്‌ കാലങ്ങ​ളോ​ളം യേശു തന്റെ പിതാ​വി​നോ​ടൊ​പ്പം സ്വർഗ​ത്തി​ലാ​യി​രു​ന്നു. എല്ലാം ഉണ്ടാക്കാൻ പിതാവ്‌ പുത്ര​നെ​യാണ്‌ ഉപയോ​ഗി​ച്ചത്‌. കണ്ണഞ്ചി​പ്പി​ക്കുന്ന ആകാശം, അതിലെ എണ്ണിയാ​ലൊ​ടു​ങ്ങാത്ത നക്ഷത്രങ്ങൾ, നക്ഷത്ര​ക്കൂ​ട്ടങ്ങൾ, പിന്നെ നമ്മൾ താമസി​ക്കുന്ന മനോ​ഹ​ര​മായ ഈ ഭൂഗ്രഹം, അതിലെ ജീവജാ​ലങ്ങൾ എന്നുവേണ്ട എല്ലാം. (കൊ​ലോ​സ്യർ 1:15, 16) എങ്കിലും അക്കൂട്ട​ത്തിൽ മനുഷ്യ​രോട്‌ യേശു​വിന്‌ ഒരു “പ്രത്യേ​ക​പ്രി​യം” തോന്നി.—സുഭാ​ഷി​തങ്ങൾ 8:31.

മനുഷ്യ​രോ​ടു​ള്ള സ്‌നേഹം യേശു​വി​ന്റെ ശുശ്രൂ​ഷ​യിൽ ഉടനീളം വ്യക്തമാ​യി​രു​ന്നു. കഷ്ടപ്പെ​ടു​ന്ന​വ​രോട്‌ “സന്തോ​ഷ​വാർത്ത ഘോഷി​ക്കാൻ” ആണ്‌ താൻ ഭൂമി​യി​ലേക്കു വന്നതെന്ന്‌ തുടക്കം​തൊ​ട്ടേ യേശു പറഞ്ഞി​രു​ന്നു. (ലൂക്കോസ്‌ 4:18) എന്നാൽ ആളുകളെ സഹായി​ക്കു​ന്ന​തി​നെ​ക്കു​റിച്ച്‌ യേശു പറയുക മാത്രമല്ല ചെയ്‌തത്‌. അവരെ താൻ സ്‌നേ​ഹി​ക്കു​ന്നു​ണ്ടെന്ന്‌ യേശു പല തവണ പ്രവൃ​ത്തി​ക​ളി​ലൂ​ടെ തെളി​യി​ച്ചു. ഒരിക്കൽ യേശു പറയു​ന്നതു കേൾക്കാൻ ഒരു വലിയ ജനക്കൂട്ടം വന്നപ്പോൾ “അവരോട്‌ അലിവ്‌ തോന്നി​യിട്ട്‌ യേശു അവർക്കി​ട​യി​ലെ രോഗി​കളെ സുഖ​പ്പെ​ടു​ത്തി.” (മത്തായി 14:14) മറ്റൊ​രി​ക്കൽ, ഒരു മാറാ​രോ​ഗ​വു​മാ​യി വേദനി​ച്ചു​ക​ഴി​ഞ്ഞി​രുന്ന ഒരു മനുഷ്യൻ യേശു​വി​നെ കണ്ടു. യേശു ഒന്നു മനസ്സു​വെ​ച്ചാൽ തന്റെ രോഗം മാറി​ക്കി​ട്ടു​മെന്ന്‌ അദ്ദേഹ​ത്തിന്‌ വിശ്വാ​സ​മു​ണ്ടാ​യി​രു​ന്നു. അദ്ദേഹ​ത്തോട്‌ അലിവ്‌ തോന്നി​യിട്ട്‌ യേശു ഇങ്ങനെ പറഞ്ഞു: “എനിക്കു മനസ്സാണ്‌, ശുദ്ധനാ​കുക.” ആ മനുഷ്യ​നോ​ടുള്ള സ്‌നേ​ഹ​മാണ്‌ അദ്ദേഹത്തെ സുഖ​പ്പെ​ടു​ത്താൻ യേശു​വി​നെ പ്രേരി​പ്പി​ച്ചത്‌. (ലൂക്കോസ്‌ 5:12, 13) ആങ്ങള മരിച്ച​തി​ന്റെ ദുഃഖ​ത്തിൽ തന്റെ സുഹൃ​ത്തായ മറിയ കരയു​ന്നതു കണ്ടപ്പോൾ “മനസ്സു നൊന്ത്‌ യേശു വല്ലാതെ അസ്വസ്ഥ​നാ​യി. . . . യേശു​വി​ന്റെ കണ്ണു നിറ​ഞ്ഞൊ​ഴു​കി.” (യോഹ​ന്നാൻ 11:32-36) എന്നിട്ട്‌ അവിടെ നിന്ന എല്ലാവ​രെ​യും അത്ഭുത​പ്പെ​ടു​ത്തി​ക്കൊണ്ട്‌ യേശു ഒരു കാര്യം ചെയ്‌തു. മരിച്ചിട്ട്‌ നാലു ദിവസ​മായ ലാസറി​നെ യേശു ജീവനി​ലേക്കു തിരികെ കൊണ്ടു​വന്നു.—യോഹ​ന്നാൻ 11:38-44.

എന്നാൽ അവർക്കൊ​ക്കെ കിട്ടിയ പ്രയോ​ജ​നങ്ങൾ താത്‌കാ​ലി​കം മാത്ര​മാ​യി​രു​ന്നു. ഇന്നല്ലെ​ങ്കിൽ നാളെ താൻ സുഖ​പ്പെ​ടു​ത്തി​യവർ വീണ്ടും രോഗി​ക​ളാ​കു​മെ​ന്നും ഉയിർപ്പി​ച്ചവർ വീണ്ടും മരിക്കു​മെ​ന്നും യേശു​വിന്‌ അറിയാ​മാ​യി​രു​ന്നു. ദൈവ​രാ​ജ്യം വന്നാലേ ഈ പ്രശ്‌ന​ങ്ങ​ളൊ​ക്കെ എന്നേക്കു​മാ​യി മാറി​ക്കി​ട്ടു​ക​യു​ള്ളൂ എന്ന്‌ യേശു​വിന്‌ ഉറപ്പാ​യി​രു​ന്നു. അതു​കൊ​ണ്ടാണ്‌ അത്ഭുതങ്ങൾ മാത്രം ചെയ്‌തു​കൊ​ണ്ടി​രി​ക്കാ​തെ യേശു “ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത” ഉത്സാഹ​ത്തോ​ടെ പ്രസം​ഗി​ച്ചത്‌. (മത്തായി 9:35) യേശു ചെയ്‌ത അത്ഭുതങ്ങൾ പെട്ടെ​ന്നു​തന്നെ ദൈവ​രാ​ജ്യം ഭൂമി​യിൽ മുഴുവൻ കൊണ്ടു​വ​രാൻ പോകുന്ന മാറ്റങ്ങ​ളു​ടെ ഒരു സൂചന​യാ​യി​രു​ന്നു. ആ മാറ്റങ്ങ​ളെ​ക്കു​റിച്ച്‌ ബൈബിൾ എന്തൊ​ക്കെ​യാണ്‌ പറയു​ന്ന​തെന്നു നോക്കൂ.

• ആരോഗ്യപ്രശ്‌നങ്ങളില്ല.

  “അന്ന്‌ അന്ധന്റെ കണ്ണുകൾക്കു കാഴ്‌ച ലഭിക്കും, ബധിരന്റെ ചെവികൾ അടഞ്ഞി​രി​ക്കില്ല. അന്നു മുടന്തൻ മാനി​നെ​പ്പോ​ലെ ചാടും, ഊമന്റെ നാവ്‌ ആനന്ദിച്ച്‌ ആർത്തു​വി​ളി​ക്കും.” കൂടാതെ, “‘എനിക്കു രോഗ​മാണ്‌’ എന്നു ദേശത്ത്‌ വസിക്കുന്ന ആരും പറയില്ല.”—യശയ്യ 33:24; 35:5, 6.

• 

  മരണമില്ല.

  “നീതി​മാ​ന്മാർ ഭൂമി കൈവ​ശ​മാ​ക്കും; അവർ അവിടെ എന്നു​മെ​ന്നേ​ക്കും ജീവി​ക്കും.”—സങ്കീർത്തനം 37:29.

  “ദൈവം മരണത്തെ എന്നേക്കു​മാ​യി ഇല്ലാതാ​ക്കും, പരമാ​ധി​കാ​രി​യാം കർത്താ​വായ യഹോവ എല്ലാ മുഖങ്ങ​ളിൽനി​ന്നും കണ്ണീർ തുടച്ചു​മാ​റ്റും.”—യശയ്യ 25:8.

• മരിച്ചുപോയവർക്ക്‌ വീണ്ടും ജീവൻ കിട്ടും.

  ‘സ്‌മാ​ര​ക​ക്ക​ല്ല​റ​ക​ളി​ലുള്ള എല്ലാവ​രും അവന്റെ ശബ്ദം കേട്ട്‌ പുറത്ത്‌ വരും.’—യോഹ​ന്നാൻ 5:28, 29.

  ‘പുനരു​ത്ഥാ​നം ഉണ്ടാകും.’—പ്രവൃ​ത്തി​കൾ 24:15.

• 

  എല്ലാവർക്കും വീടും ജോലി​യും.

  “അവർ വീടുകൾ പണിത്‌ താമസി​ക്കും, മുന്തി​രി​ത്തോ​ട്ടങ്ങൾ നട്ടുണ്ടാ​ക്കി അവയുടെ ഫലം അനുഭ​വി​ക്കും. മറ്റുള്ള​വർക്കു താമസി​ക്കാ​നാ​യി​രി​ക്കില്ല അവർ വീടു പണിയു​ന്നത്‌; മറ്റുള്ള​വർക്കു ഭക്ഷിക്കാ​നാ​യി​രി​ക്കില്ല അവർ കൃഷി ചെയ്യു​ന്നത്‌. . . . ഞാൻ തിര​ഞ്ഞെ​ടു​ത്തവർ മതിവ​രു​വോ​ളം തങ്ങളുടെ അധ്വാ​ന​ഫലം ആസ്വദി​ക്കും.”—യശയ്യ 65:21, 22.



• യുദ്ധങ്ങളില്ല.

  “ദൈവം ഭൂമി​യി​ലെ​ങ്ങും യുദ്ധങ്ങൾ നിറു​ത്ത​ലാ​ക്കു​ന്നു.”—സങ്കീർത്തനം 46:9.

  “ജനത ജനതയ്‌ക്കു നേരെ വാൾ ഉയർത്തില്ല, അവർ ഇനി യുദ്ധം ചെയ്യാൻ പരിശീ​ലി​ക്കു​ക​യു​മില്ല.”—യശയ്യ 2:4.

• 

  ആഹാരസാധനങ്ങൾക്ക്‌ ക്ഷാമമില്ല.

  “ഭൂമി അതിന്റെ ഫലം തരും. ദൈവം, നമ്മുടെ ദൈവം, നമ്മെ അനു​ഗ്ര​ഹി​ക്കും.”—സങ്കീർത്തനം 67:6.

  “ഭൂമി​യിൽ ധാന്യം സുലഭ​മാ​യി​രി​ക്കും; മലമു​ക​ളിൽ അതു നിറഞ്ഞു​ക​വി​യും.”—സങ്കീർത്തനം 72:16.

• ദാരിദ്ര്യമില്ല.

  “ദരി​ദ്രരെ എന്നേക്കു​മാ​യി മറന്നു​ക​ള​യില്ല.”—സങ്കീർത്തനം 9:18.

  “സഹായ​ത്തി​നാ​യി കേഴുന്ന ദരി​ദ്രനെ അവൻ രക്ഷിക്കും; എളിയ​വ​നെ​യും ആരോ​രു​മി​ല്ലാ​ത്ത​വ​നെ​യും അവൻ വിടു​വി​ക്കും. എളിയ​വ​നോ​ടും ദരി​ദ്ര​നോ​ടും അവനു കനിവ്‌ തോന്നും; പാവ​പ്പെ​ട്ട​വന്റെ ജീവനെ അവൻ രക്ഷിക്കും.”—സങ്കീർത്തനം 72:12, 13.

ഇപ്പോൾ മനസ്സി​ലാ​യി​ല്ലേ, ദൈവ​രാ​ജ്യ​ത്തെ യേശു ഇത്ര പ്രധാ​ന​പ്പെ​ട്ട​താ​യി കാണു​ന്നത്‌ എന്തു​കൊ​ണ്ടാ​ണെന്ന്‌? ഭൂമി​യിൽ ആയിരു​ന്ന​പ്പോൾ, കേൾക്കാൻ മനസ്സു​കാ​ണിച്ച എല്ലാവ​രോ​ടും യേശു ദൈവ​രാ​ജ്യ​ത്തെ​ക്കു​റിച്ച്‌ പറഞ്ഞു. കാരണം ദൈവ​രാ​ജ്യ​ത്തി​ലാണ്‌ മനുഷ്യ​രു​ടെ എല്ലാ പ്രശ്‌ന​ങ്ങ​ളും മാറാൻ പോകു​ന്ന​തെന്ന്‌ യേശു​വിന്‌ നന്നായി അറിയാ​മാ​യി​രു​ന്നു.

ദൈവരാജ്യത്തെക്കുറിച്ച്‌ ബൈബിൾ പറയുന്ന കാര്യങ്ങൾ കേട്ടിട്ട്‌ എന്തു തോന്നു​ന്നു? ഇഷ്ടമാ​യോ? ദൈവ​രാ​ജ്യ​ത്തെ​ക്കു​റിച്ച്‌ കൂടുതൽ കാര്യങ്ങൾ മനസ്സി​ലാ​ക്കാൻ എങ്ങനെ കഴിയും? ദൈവ​രാ​ജ്യം കൊണ്ടു​വ​രാൻ പോകുന്ന അനു​ഗ്ര​ഹങ്ങൾ നിങ്ങൾക്കും കിട്ടാൻ എന്തു ചെയ്യണം? ബൈബിൾ പഠിച്ചാൽ ഈ ചോദ്യ​ങ്ങൾക്കെ​ല്ലാ​മുള്ള ഉത്തരം കണ്ടെത്താൻ കഴിയും.