ബൈബിൾ എന്താണ്‌ പറയുന്നത്‌?
മരിക്കുമ്പോൾ നമുക്ക്‌ എന്തു സംഭവിക്കുന്നു?
ചിലർ വിശ്വസിക്കുന്നത്‌ മറ്റൊരു രൂപത്തിൽ നമ്മൾ തുടർന്നും ജീവിക്കും എന്നാണ്‌, വേറെ ചിലർ മരണം എല്ലാറ്റിന്റെയും അവസാനമാണെന്ന്‌ വിശ്വസിക്കുന്നു. നിങ്ങൾ എന്താണ്‌ വിശ്വസിക്കുന്നത്‌?
ബൈബിൾ പറയുന്നത്‌
“മരിച്ചവരോ ഒന്നും അറിയുന്നില്ല.” (സഭാപ്രസംഗി 9:5) മരിക്കുമ്പോൾ, നമ്മൾ ഇല്ലാതാകുന്നു.
ബൈബിളിൽനിന്ന്‌ നമ്മൾ കൂടുതലായി പഠിക്കുന്നത്‌
ആദ്യ മനുഷ്യനായ ആദാം മരിച്ചപ്പോൾ പൊടിയിലേക്ക്‌ മടങ്ങിപ്പോയി. (ഉൽപത്തി 2:7; 3:19) അതുപോലെ മരിക്കുമ്പോൾ എല്ലാവരും പൊടിയിലേക്ക്‌ മടങ്ങിപ്പോകും.—സഭാപ്രസംഗി 3:19, 20.
മരിച്ചവർ പാപത്തിൽനിന്നു വിടുവിക്കപ്പെടുന്നു അഥവാ മോചിതരാക്കപ്പെടുന്നു. (റോമർ 6:7) മരിച്ചതിനു ശേഷം ഒരു വ്യക്തിക്ക്‌ പിന്നീട്‌ പാപത്തിന്റെ അടിസ്ഥാനത്തിൽ ശിക്ഷ ഇല്ല.
മരിച്ചവർ വീണ്ടും ജീവനിലേക്കു വരുമോ?
നിങ്ങളുടെ അഭിപ്രായത്തിൽ
വരും
വരില്ല
ചിലപ്പോൾ
ബൈബിൾ പറയുന്നത്‌
‘പുനരുത്ഥാനം ഉണ്ടാകും.’—പ്രവൃത്തികൾ 24:15.
ബൈബിളിൽനിന്ന്‌ നമ്മൾ കൂടുതലായി പഠിക്കുന്നത്‌
ബൈബിൾ മിക്കപ്പോഴും മരണത്തെ ഉറക്കത്തോട്‌ താരതമ്യപ്പെടുത്തുന്നു. (യോഹന്നാൻ 11:11-14) നമ്മൾ ഒരാളെ ഉറക്കത്തിൽനിന്ന്‌ ഉണർത്തുന്നതുപോലെ ദൈവത്തിന്‌ മരിച്ചവരെ ഉണർത്താൻ കഴിയും.—ഇയ്യോബ്‌ 14:13-15.
അനേകർ പുനരുത്ഥാനത്തിലൂടെ വീണ്ടും ജീവനിലേക്കു വന്നതിനെക്കുറിച്ചുള്ള ബൈബിൾരേഖ, മരിച്ചവർ പുനരുത്ഥാനത്തിൽ വരും എന്ന്‌ വിശ്വസിക്കുന്നതിന്‌ ഈടുറ്റ അടിസ്ഥാനം നൽകുന്നു.—1 രാജാക്കന്മാർ 17:17-24; ലൂക്കോസ്‌ 7:11-17; യോഹന്നാൻ 11:39-44. (w16-E No.1)