നിങ്ങൾ ദുരിതങ്ങൾ അനുഭവിക്കുമ്പോൾ ദൈവത്തിന്‌ എന്ത്‌ തോന്നുന്നു?
ദൈവം ദുരിതങ്ങളൊന്നും കാണുന്നില്ലെന്നും അതെക്കുറിച്ചൊന്നും ചിന്തിക്കുന്നില്ലെന്നും ചിലർ കരുതുന്നു.
ബൈബിൾ പറയുന്നത്‌ നോക്കുക
ദൈവം കാണുകയും ചിന്തിക്കുകയും ചെയ്യുന്നു
“ഭൂമിയിൽ മനുഷ്യന്റെ ദുഷ്ടത വളരെയധികം വർധിച്ചിരിക്കുന്നെന്നും . . . യഹോവ കണ്ടു. . . . ദൈവത്തിന്റെ ഹൃദയത്തിനു ദുഃഖമായി.”—ഉൽപത്തി 6:5, 6.
ദൈവം ദുരിതങ്ങളെല്ലാം ഇല്ലാതാക്കും
“കുറച്ച്‌ കാലംകൂടെ കഴിഞ്ഞാൽ ദുഷ്ടന്മാരുണ്ടായിരിക്കില്ല. അവർ ഉണ്ടായിരുന്നിടത്ത്‌ നീ നോക്കും; പക്ഷേ, അവരെ കാണില്ല. എന്നാൽ സൗമ്യതയുള്ളവർ ഭൂമി കൈവശമാക്കും; സമാധാനസമൃദ്ധിയിൽ അവർ അത്യധികം ആനന്ദിക്കും.”—സങ്കീർത്തനം 37:10, 11.
ദൈവം നിങ്ങൾക്കായി വെച്ചിരിക്കുന്നത്‌
“‘ഞാൻ നിങ്ങൾക്കുവേണ്ടി ചെയ്യാൻപോകുന്നത്‌ എന്താണെന്ന്‌ എനിക്കു നന്നായി അറിയാം. ഞാൻ ചിന്തിക്കുന്നതു ദുരന്തത്തെക്കുറിച്ചല്ല, സമാധാനത്തെക്കുറിച്ചാണ്‌; നിങ്ങൾക്ക്‌ ഒരു നല്ല ഭാവിയും പ്രത്യാശയും തരുന്നതിനെക്കുറിച്ചാണ്‌’ എന്ന്‌ യഹോവ പ്രഖ്യാപിക്കുന്നു. ‘നിങ്ങൾ എന്നെ വിളിക്കും; വന്ന്‌ എന്നോടു പ്രാർഥിക്കും. ഞാൻ നിങ്ങളുടെ പ്രാർഥന കേൾക്കുകയും ചെയ്യും.’”—യിരെമ്യ 29:11, 12.
“ദൈവത്തോട്‌ അടുത്ത്‌ ചെല്ലുക; അപ്പോൾ ദൈവം നിങ്ങളോട്‌ അടുത്ത്‌ വരും”—യാക്കോബ്‌ 4:8.