അർത്ഥവ​ത്തായ കുടുംബ ബൈബി​ള​ദ്ധ്യ​യ​നങ്ങൾ നടത്തൽ

¹ മാതാ​പി​താ​ക്കൾ നടത്തുന്ന അതി​പ്ര​ധാന പ്രവർത്ത​ന​ങ്ങ​ളി​ലൊന്ന്‌ അവരുടെ കുട്ടി​കളെ സത്യം പഠിപ്പി​ക്കു​ന്ന​താണ്‌. അത്‌ യഹോ​വ​യിൽനി​ന്നു​ളള ഒരു കടപ്പാ​ടാണ്‌. (ആവർത്തനം 6:6, 7) ഒരു ഭക്തികെട്ട ലോക​ത്തിൽ നേരായി നടക്കാൻ കുട്ടി​കൾക്ക്‌ മാർഗ്ഗ​നിർദ്ദേ​ശ​വും വഴികാ​ട്ട​ലും ആവശ്യ​മാണ്‌. അവർ യഹോ​വ​യെ​യും സത്യ​ത്തെ​യും സ്‌നേ​ഹി​ക്കാൻ പഠിക്കു​ക​യും അതി​നോ​ടു പററി​നിൽക്കാൻ ദൃഢനി​ശ്ചയം ചെയ്യു​ക​യും വേണം. 1988 ഓഗസ്‌ററ്‌ 1-ലെ വാച്ച്‌റ​റവർ 11-ാം പേജിൽ ഇങ്ങനെ പ്രസ്‌താ​വി​ച്ചു: “നിങ്ങൾക്ക്‌ മറെറ​ന്തെ​ല്ലാം കടപ്പാ​ടു​ക​ളു​ണ്ടാ​യി​രു​ന്നാ​ലും, അല്ലെങ്കിൽ നിങ്ങൾ എന്തെല്ലാം കുഴപ്പ​ങ്ങളെ അഭിമു​ഖീ​ക​രി​ച്ചാ​ലും നിങ്ങളു​ടെ കുട്ടി​ക​ളു​മാ​യി സമയം​ചെ​ല​വ​ഴി​ക്കു​ന്ന​തിന്‌ മുൻഗണന കൊടു​ക്കേ​ണ്ട​തുണ്ട്‌. ഒരുമി​ച്ചു ചെലവ​ഴി​ക്കുന്ന സമയം നിങ്ങളു​ടെ കുട്ടി​ക​ളു​ടെ ഹൃദയ​ങ്ങളെ കാത്തു​സൂ​ക്ഷി​ക്കു​ക​യും അവരെ ശരിയായ മാർഗ്ഗ​ത്തി​ലാ​ക്കി​വെ​ക്കു​ക​യും ചെയ്യുന്ന ആത്‌മീ​യ​മൂ​ല്യ​ങ്ങൾ അവരെ ഉദ്‌ബോ​ധി​പ്പി​ക്കു​ന്ന​തിന്‌ നിങ്ങളെ അനുവ​ദി​ക്കും.”

² കുടും​ബങ്ങൾ ബൈബി​ളിൽ നൽക​പ്പെ​ട്ടി​രി​ക്കുന്ന മാർഗ്ഗ​രേ​ഖകൾ അനുസ​രി​ക്കു​ക​യാ​ണെ​ങ്കിൽ, കുടും​ബാ​ദ്ധ്യ​യ​ന​ത്തിന്‌ ക്രമമാ​യി സമയം വേർതി​രി​ക്കേ​ണ്ട​തുണ്ട്‌. കുടും​ബ​ത്തി​ന്റെ ആത്‌മീ​യ​ത​ക്കു​വേണ്ടി കരുതു​ന്ന​തിന്‌ കുടും​ബാം​ഗങ്ങൾ മുൻഗണന കൊടു​ക്കണം. കുടും​ബ​ത്തി​ന്റെ ആവശ്യ​ങ്ങൾക്ക്‌ ഇപ്പോൾ ഉചിത​മായ ശ്രദ്ധ കൊടു​ക്കു​ന്നി​ല്ലെ​ങ്കിൽ, ഭാവി​യിൽ മാതാ​പി​താ​ക്കൾ ഗുരു​ത​ര​മായ പ്രശ്‌നങ്ങൾ കൈകാ​ര്യം​ചെ​യ്യേ​ണ്ടി​വ​ന്നേ​ക്കാം.

പഠനവി​വ​ര​ങ്ങ​ളും രീതി​ക​ളും

³ എന്താണ്‌ പഠി​ക്കേ​ണ്ടത്‌? കുടും​ബ​ത്തിന്‌ എന്താണാ​വ​ശ്യ​മാ​യി​രി​ക്കു​ന്നത്‌ എന്ന്‌ അറിയാ​നു​ളള ഏററം നല്ല സ്ഥാനത്താ​യി​രി​ക്കു​ന്നത്‌ കുടും​ബ​ത്ത​ല​വ​നാണ്‌. എന്തു പ്രയോ​ജ​ന​ക​ര​മാ​യി​രി​ക്കു​മെന്ന്‌ മററു​ള​ളവർ വിചാ​രി​ക്കു​ന്നു​വെന്ന്‌ അയാൾക്ക്‌ അന്വേ​ഷി​ക്കാ​വു​ന്ന​തും അവരുടെ നിർദ്ദേ​ശങ്ങൾ പരിഗ​ണി​ക്കാ​വു​ന്ന​തു​മാണ്‌. അയവ്‌ കുടും​ബാ​ദ്ധ്യ​യ​നത്തെ പ്രാ​യോ​ഗി​ക​വും ഉത്തേജ​ക​വു​മാ​ക്കി​ത്തീർക്കും. അനേകം കുടും​ബങ്ങൾ വീക്ഷാ​ഗോ​പു​ര​ത്തി​ന്റെ വാരം തോറു​മു​ളള അദ്ധ്യയ​ന​ഭാ​ഗം തയ്യാറാ​കാൻ ഇഷ്‌ട​പ്പെ​ടു​ന്നു. എന്നിരു​ന്നാ​ലും, ചില​പ്പോൾ യുവജ​നങ്ങൾ സ്‌ക്കൂ​ളിൽ അഭിമു​ഖീ​ക​രി​ക്കുന്ന പ്രശ്‌നങ്ങൾ കൈകാ​ര്യം​ചെ​യ്യുന്ന പ്രത്യേ​ക​വി​ഷ​യങ്ങൾ ചർച്ച​ചെ​യ്യേ​ണ്ട​താ​വ​ശ്യ​മാ​യി​രി​ക്കാം. ഡെയ്‌റ​റിംഗ്‌, പാഠ്യേ​ത​ര​പ്ര​വർത്ത​നങ്ങൾ, സ്‌പോർട്ട്‌സ്‌, അധാർമ്മി​ക​പ്ര​വ​ണ​തകൾ എന്നിവ സംബന്ധിച്ച്‌ പ്രസി​ദ്ധീ​ക​രി​ച്ചി​ട്ടു​ളള വിവരങ്ങൾ പരിപു​ഷ്‌ടി​പ്പെ​ടു​ത്തു​ന്ന​തും പ്രോൽസാ​ഹ​ക​വു​മായ ഒരു വിധത്തിൽ പരിചി​ന്തി​ക്കാൻ കഴിയും. കുടും​ബ​ത്തിന്‌ ഏതു വിവരങ്ങൾ ആവശ്യ​മാ​ണെ​ന്നും അതുമാ​യി അവരുടെ ഹൃദയ​ത്തി​ലേക്ക്‌ എങ്ങനെ ഏററം നന്നായി ഇറങ്ങി​ച്ചെ​ല്ലാ​മെ​ന്നും കുടും​ബ​ത്ത​ലവൻ തുടർന്നു പുനഃ​പ​രി​ശോ​ധന നടത്തു​ന്നത്‌ പ്രധാ​ന​മാണ്‌.—1971 ഫെബ്രു​വരി 15-ലെ വാച്ച്‌റ​റവർ കാണുക, പേജ്‌ 105-6.

⁴ എങ്ങനെ​യാണ്‌ ഒരു അദ്ധ്യയനം നടത്തേ​ണ്ടത്‌? വിശ്ര​മ​ദാ​യ​ക​വും ആദരണീ​യ​വു​മായ ഒരു അന്തരീക്ഷം നട്ടുവ​ളർത്തുക. യാന്ത്രി​ക​വും അമിത​മാ​യി ഔപചാ​രി​ക​വു​മായ ഒരു നടപടി​ക്രമം ഒഴിവാ​ക്കുക. ചിന്തയെ ഉത്തേജി​പ്പി​ക്കാ​നും എല്ലാവ​രെ​യും ഉൾപ്പെ​ടു​ത്താ​നും കൂടു​ത​ലായ ചോദ്യ​ങ്ങൾ ചോദി​ക്കു​ക​യും ദൃഷ്‌ടാ​ന്തങ്ങൾ ഉപയോ​ഗി​ക്കു​ക​യും ചെയ്യുക. വിവരത്തെ മൂല്യ​വ​ത്താ​ക്കാൻ ഭൂപട​ങ്ങ​ളും ചാർട്ടു​ക​ളും പോ​ലെ​യു​ളള ചാക്ഷു​ഷ​സ​ഹാ​യി​ക​ളും ഉപയോ​ഗി​ക്കാ​വു​ന്ന​താണ്‌. കുട്ടി​ക​ളു​ടെ പ്രായ​വും പ്രാപ്‌തി​യു​മ​നു​സ​രിച്ച്‌ ഇൻഡക്‌സി​ലോ ഉൾക്കാ​ഴ്‌ചാ വാല്യ​ങ്ങ​ളി​ലോ വിവരങ്ങൾ കണ്ടുപി​ടി​ക്കാ​നു​ളള നിയമ​നങ്ങൾ കൊടു​ക്കാ​വു​ന്ന​താണ്‌. പ്രതി​വ​ചി​ക്കാൻ പ്രാപ്‌തി​യാ​യാ​ലു​ടനെ പ്രായം​കു​റഞ്ഞ കുട്ടി​കളെ ചർച്ചയിൽ ഉൾപ്പെ​ടു​ത്തുക. ചുരുക്കം ചില വാക്കു​കൾകൊ​ണ്ടു​മാ​ത്രം ഉത്തരം പറയേണ്ട ലളിത​മായ ചോദ്യ​ങ്ങൾ അവരോ​ടു ചോദി​ക്കാം. കുട്ടി​കളെ ശകാരി​ക്കാൻ അദ്ധ്യയന സമയത്തെ ഉപയോ​ഗി​ക്ക​രുത്‌. പകരം അവരെ അഭിന​ന്ദി​ക്കു​ക​യും അവരുടെ ശ്രമങ്ങൾക്ക്‌ വിലമ​തി​പ്പു പ്രകട​മാ​ക്കു​ക​യും അവരു​മാ​യി ആത്‌മീ​യ​വീ​ക്ഷ​ണങ്ങൾ പങ്കു​വെ​ക്കു​ന്ന​തിൽ ഉത്‌സാ​ഹ​മു​ള​ള​വ​രാ​യി​രി​ക്കു​ക​യും ചെയ്യുക.

⁵ നിങ്ങൾ ഹൃദയ​ത്തി​ലേ​ക്കി​റ​ങ്ങി​ച്ചെ​ല്ലു​ന്നു​ണ്ടെന്ന്‌ നിങ്ങൾക്ക്‌ എങ്ങനെ നിശ്ചയ​പ്പെ​ടു​ത്താൻ കഴിയും? സ്വന്തം വാക്കു​ക​ളിൽ ഉത്തരം പറയാൻ എല്ലാവ​രെ​യും പ്രോൽസാ​ഹി​പ്പി​ക്കുക. ഹൃദയ​ഭാ​വങ്ങൾ തിട്ട​പ്പെ​ടു​ത്തു​ന്ന​തിന്‌ നയപു​ര​സ്സരം വീക്ഷണ​ചോ​ദ്യ​ങ്ങൾ ഉപയോ​ഗി​ക്കുക. നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌: “ഈ കാര്യങ്ങൾ സംബന്ധിച്ച്‌ സ്‌ക്കൂ​ളി​ലെ കുട്ടികൾ എന്തു വിചാ​രി​ക്കു​ന്നു? നിങ്ങൾക്ക്‌ ഈ പോയിൻറു സംബന്ധിച്ച്‌ എന്തെങ്കി​ലും സംശയ​മു​ണ്ടോ?” കുട്ടികൾ വീക്ഷണ​ചോ​ദ്യ​ങ്ങൾക്കു നൽകുന്ന ഉത്തരങ്ങ​ളോട്‌ അമിത​പ്ര​തി​ക​രണം നടത്തരുത്‌. അതല്ലെ​ങ്കിൽ അവർക്ക്‌ സത്യസ​ന്ധ​മാ​യി ആശയ​പ്ര​ക​ട​നം​ന​ട​ത്താൻ സ്വാത​ന്ത്ര്യ​മി​ല്ലെന്ന്‌ അവർ വിചാ​രി​ച്ചേ​ക്കാം. അവർക്കു സംസാ​രി​ക്കാൻ സമയം കൊടു​ക്കുക. നിങ്ങൾക്ക്‌ അവരി​ലും അവരുടെ പ്രശ്‌ന​ങ്ങ​ളി​ലും താത്‌പ​ര്യ​മു​ണ്ടെ​ന്നു​ളള അവരുടെ അറിവ്‌ നിങ്ങളു​ടെ പഠിപ്പി​ക്കൽശ്ര​മ​ങ്ങളെ വളരെ എളുപ്പ​മാ​ക്കും.—1986 നവംബർ 1-ലെ വാച്ച്‌റ​റ​വ​റി​ന്റെ 23-5വരെ പേജുകൾ കാണുക.

⁶ നിങ്ങളു​ടെ കുടും​ബാ​ദ്ധ്യ​യ​ന​ത്തി​ന്റെ മുഖ്യ​ല​ക്ഷ്യം ഒരു സഭാമീ​റ​റിം​ഗിൽ ഉരുവി​ടാൻ ഒരു ഉത്തരം കണ്ടുപി​ടി​ക്കു​കയല്ല, പിന്നെ​യോ യഹോ​വ​യു​ടെ ചിന്തകൾ ഉദ്‌ബോ​ധി​പ്പി​ക്കു​ക​യാണ്‌. (എഫേ. 3:17-19) അതിന്റെ അർത്ഥം വിവരങ്ങൾ ഹൃദയ​ത്തിൽ ആണ്ടിറ​ങ്ങാ​നി​ട​യാ​ക്കു​ക​യെ​ന്നാണ്‌. തങ്ങൾ ദൈ​വേ​ഷ്‌ടം​ചെ​യ്യാ​നാ​ഗ്ര​ഹി​ക്കേ​ണ്ട​തി​നും അത്‌ ജീവി​ത​ത്തി​ലെ ഏററം നല്ല ഗതിയാ​യി​രി​ക്കേ​ണ്ട​തി​നും നിങ്ങളു​ടെ കുടും​ബ​ത്തിന്‌ കാരണങ്ങൾ കൊടു​ക്കുക.

⁷ കുടും​ബ​ത്തി​ന്റെ ആത്‌മീ​യ​തയെ കെട്ടു​പ​ണി​ചെ​യ്യു​ന്ന​തിന്‌ നിരന്തര കുടുംബ ബൈബി​ള​ദ്ധ്യ​യനം അത്യന്താ​പേ​ക്ഷി​ത​മാണ്‌. അത്‌ ജീവി​ത​പ്ര​ശ്‌ന​ങ്ങളെ നേരി​ടു​ന്ന​തിന്‌ കുട്ടി​കളെ പരിശീ​ലി​പ്പി​ക്കു​ക​യും സജ്ജരാ​ക്കു​ക​യും ചെയ്യുന്നു. മാതാ​പി​താ​ക്ക​ളായ നിങ്ങൾ നിങ്ങളു​ടെ കുട്ടി​കളെ സഹായി​ക്കാൻ കഴിയുന്ന ഏററം നല്ല സ്ഥാനത്താണ്‌. ഈ ദൈവദത്ത ഉത്തരവാ​ദി​ത്വം കയ്യേൽക്കുക. നിങ്ങൾ അർത്ഥവ​ത്തായ ഒരു കുടുംബ ബൈബി​ള​ദ്ധ്യ​യനം നടത്തു​ന്ന​തിൽ സ്ഥിരത​യു​ള​ള​വ​രാ​യി​രി​ക്കു​ന്ന​തിന്‌ നിങ്ങൾ സകല ശ്രമവും ചെയ്യു​ന്നു​വെ​ങ്കിൽ തീർച്ച​യാ​യും യഹോവ നിങ്ങളെ അനു​ഗ്ര​ഹി​ക്കും.