വരിസം​ഖ്യ​യും മാസി​ക​യും സമർപ്പി​ച്ചി​ട​ങ്ങ​ളിൽ മടങ്ങി​ച്ചെ​ല്ലു​ക

¹ ശിഷ്യരെ ഉളവാ​ക്കു​ന്ന​തി​നാ​യി പ്രവർത്തി​ക്കാൻ യേശു അനുഗാ​മി​കളെ പ്രോ​ത്സാ​ഹി​പ്പി​ച്ചു. (മത്താ. 28:19) അതിന്റെ അർഥം കേവലം മാസി​കകൾ സമർപ്പി​ക്കു​ന്ന​തി​നെ​ക്കാൾ അധികം ചെയ്യണ​മെ​ന്നാണ്‌; ആത്മീയ​മാ​യി അഭിവൃ​ദ്ധി​പ്പെ​ടു​ന്ന​തിന്‌ ആളുകളെ സഹായി​ക്കാൻ നാമാ​ഗ്ര​ഹി​ക്കു​ന്നു. അതു ചെയ്യു​ന്ന​തിന്‌, താത്‌പ​ര്യം പ്രകട​മാ​ക്കി​യ​വർക്കു കൂടുതൽ സഹായം നൽകാൻ നാം മടങ്ങി​ച്ചെ​ല്ലണം.

² ആദ്യ സന്ദർശ​ന​സ​മ​യത്ത്‌ മാസി​ക​ക​ളി​ലൊ​ന്നി​ലെ ഒരു ലേഖനം പ്രദീ​പ്‌ത​മാ​ക്കി​യ​ശേഷം നിങ്ങ​ളൊ​രു വരിസം​ഖ്യ സമർപ്പി​ച്ചെ​ങ്കിൽ, മടങ്ങി​ച്ചെ​ല്ലു​മ്പോൾ അതേ വിഷയം​തന്നെ ചർച്ച ചെയ്യു​ന്നതു നല്ലതാ​യി​രി​ക്കും:

◼“കഴിഞ്ഞ തവണ വന്നപ്പോൾ വീക്ഷാ​ഗോ​പു​ര​ത്തി​ലെ (അല്ലെങ്കിൽ ഉണരുക!യിലെ) ഒരു ലേഖന​ത്തി​ലേക്കു ഞാൻ നിങ്ങളു​ടെ ശ്രദ്ധ തിരി​ച്ചു​വി​ട്ടു. ബൈബിൾ പരി​ശോ​ധി​ക്കേ​ണ്ട​തി​ന്റെ ആവശ്യത്തെ വിലമ​തി​ക്കാൻ ആ ലേഖനം നമ്മെ സഹായി​ച്ചു. മനുഷ്യ​വർഗ​ത്തി​നു വേണ്ടി​യു​ളള ഒരു മെച്ചപ്പെട്ട ഭാവിയെ സംബന്ധിച്ച ദൈ​വോ​ദ്ദേ​ശ്യം അവിടു​ത്തെ രാജ്യ​ഗ​വൺമെൻറി​നെ ചുററി​പ്പ​റ​റി​യു​ള​ള​താണ്‌. ഈ രാജ്യം സകല യുദ്ധങ്ങൾക്കും ഒരറുതി വരുത്തു​മെന്ന അവിടു​ത്തെ വാഗ്‌ദത്തം മീഖാ 4:3, 4 രേഖ​പ്പെ​ടു​ത്തു​ന്നു.” ആ തിരു​വെ​ഴു​ത്തു വായി​ച്ച​ശേഷം, “നോക്കൂ!” ലഘുപ​ത്രിക പരിച​യ​പ്പെ​ടു​ത്താ​നും അതിന്റെ കവർചി​ത്രം കാട്ടി​ക്കൊ​ടു​ക്കാ​നും നിങ്ങൾ തീരു​മാ​നി​ച്ചേ​ക്കാം. ആദ്യ ഖണ്ഡിക​യും അതിൽ പരാമർശി​ച്ചി​രി​ക്കുന്ന തിരു​വെ​ഴു​ത്തു​ക​ളും പരിചി​ന്തി​ക്കുക. മീഖാ 4:3, 4 അവയി​ലൊ​ന്നാ​ണെന്നു ശ്രദ്ധി​ക്കു​ക​യും ചെയ്യുക. 2-ാമത്തെ ഖണ്ഡിക പരിചി​ന്തി​ച്ചു​കൊ​ണ്ടു ചർച്ച തുടരാ​മെന്നു പറഞ്ഞു മടങ്ങി​ച്ചെ​ല്ലു​ന്ന​തി​നു ക്രമീ​ക​രണം ചെയ്യുക.

³ മാസി​ക​ക​ളു​ടെ ഒററ​പ്ര​തി​കൾ മാത്രം സ്വീക​രി​ച്ചി​രുന്ന വീട്ടു​കാ​രനു താത്‌പ​ര്യം കുറവാ​ണെന്നു കാണു​ന്ന​പക്ഷം അല്ലെങ്കിൽ സംഭാ​ഷണം നടത്താൻ അയാൾക്കു സമയമി​ല്ലാ​ത്ത​പക്ഷം, അയാളു​ടെ പേര്‌ നിങ്ങളു​ടെ മാസി​കാ​റൂ​ട്ടിൽ ഉൾപ്പെ​ടു​ത്താ​വു​ന്ന​താണ്‌:

◼“കഴിഞ്ഞ പ്രാവ​ശ്യം ഞാൻ നിങ്ങൾക്കു തന്നിട്ടു പോയ മാസി​ക​ക​ളിൽ നിങ്ങൾ താത്‌പ​ര്യം കാണി​ച്ച​തു​കൊണ്ട്‌ പുതിയ ലക്കങ്ങൾ നിങ്ങൾ ഇഷ്ടപ്പെ​ടു​മെന്ന്‌ ഞാൻ കരുതി. ഈ ലേഖനം പ്രത്യേ​കി​ച്ചും രസാവ​ഹ​മാ​ണെന്നു നിങ്ങൾ മനസ്സി​ലാ​ക്കു​മെന്നു ഞാൻ വിശ്വ​സി​ക്കു​ന്നു.” അയാൾക്ക്‌ ആകർഷ​ക​മാ​കു​മെന്നു തോന്നുന്ന ഒരു ലേഖനം ചൂണ്ടി​ക്കാ​ണി​ക്കുക. പുതിയ ലക്കങ്ങളു​മാ​യി മടങ്ങി​വ​രാ​മെന്നു വാഗ്‌ദാ​നം ചെയ്യുക.

⁴ ഒററ​പ്ര​തി​കൾ വായി​ച്ചു​ക​ഴിഞ്ഞ വീട്ടു​കാ​രൻ അവയോ​ടു വിലമ​തി​പ്പു കാണി​ക്കു​ന്നെ​ങ്കിൽ നിങ്ങൾക്ക്‌ ഒരു വരിസം​ഖ്യ സമർപ്പി​ക്കാ​വു​ന്ന​താണ്‌:

◼“വീക്ഷാ​ഗോ​പു​രം (അല്ലെങ്കിൽ ഉണരുക!) നിങ്ങൾ ഇഷ്ടപ്പെ​ടു​ന്നു എന്നു തോന്നു​ന്ന​തു​കൊണ്ട്‌ അതിന്റെ (വീക്ഷാ​ഗോ​പു​ര​ത്തി​ന്റെ​യോ ഉണരുക!യുടെ​യോ അല്ലെങ്കിൽ രണ്ടി​ന്റെ​യു​മോ) ഒരു വരിസം​ഖ്യ എടുക്കാൻ ഞാൻ നിർദേ​ശി​ക്കു​ക​യാണ്‌. അങ്ങനെ ചെയ്യു​മ്പോൾ അത്‌ (അല്ലെങ്കിൽ അവ) ക്രമമാ​യി തപാൽവഴി നിങ്ങൾക്കു ലഭിക്കും. എല്ലാ ലക്കവും കിട്ടു​മെന്ന്‌ ഉറപ്പു​ണ്ടാ​യി​രി​ക്കാ​നും കഴിയും.” അയാൾ ഒരു വരിസം​ഖ്യ സ്വീക​രി​ക്കു​ക​യോ താത്‌പ​ര്യം കാണി​ക്കു​ക​യോ ചെയ്യു​ന്നെ​ങ്കിൽ തിരികെ ചെല്ലാ​നു​ളള ക്രമീ​ക​രണം നടത്തുക.

⁵ പ്രഥമ സന്ദർശ​ന​ത്തിൽത്തന്നെ വരിസം​ഖ്യ​കൾ സമർപ്പി​ക്കുന്ന കാര്യ​ത്തിൽ ക്രിയാ​ത്മക മനോ​ഭാ​വം പുലർത്തുക. മാസി​ക​ക​ളു​ടെ ഒററ​പ്ര​തി​കൾ മാത്രമേ വീട്ടു​കാ​രൻ സ്വീക​രി​ക്കു​ന്നു​ള​ളൂ​വെ​ങ്കിൽ, നിങ്ങൾ മടങ്ങി​ച്ചെ​ല്ലു​മ്പോൾ ഒരു വരിസം​ഖ്യ സമർപ്പി​ക്കുക. പൂർണ​വും വ്യക്തവു​മാ​യി വരിസം​ഖ്യാ സ്ലിപ്പുകൾ പൂരി​പ്പി​ക്കാൻ മറക്കരുത്‌. മൂന്നു സ്ലിപ്പു​ക​ളി​ലെ​ഴു​തി രസീ​തെ​ന്ന​നി​ല​യിൽ ഒന്നു വീട്ടു​കാ​ര​നും മറേറ രണ്ടു സ്ലിപ്പുകൾ പണത്തോ​ടൊ​പ്പം നിങ്ങളു​ടെ സഭയിൽ വരിസം​ഖ്യ​കൾ കൈകാ​ര്യം ചെയ്യുന്ന സഹോ​ദ​ര​നും കൊടു​ക്കുക. ദൈവ​രാ​ജ്യ​ത്തെ​ക്കു​റി​ച്ചു​ളള സുവാർത്ത വ്യാപി​പ്പി​ക്കാൻ നമ്മെ സഹായി​ക്കു​ന്ന​തി​നു​ളള അത്ഭുത​ക​ര​മായ ഉപകര​ണ​ങ്ങ​ളാ​ണു വീക്ഷാ​ഗോ​പു​ര​വും ഉണരുക!യും. യേശു കൽപ്പിച്ച കാര്യ​ങ്ങ​ളെ​ക്കു​റി​ച്ചു കൂടുതൽ പഠിക്കാൻ ആത്മാർഥ​ത​യു​ള​ള​വരെ പ്രോ​ത്സാ​ഹി​പ്പി​ക്കാൻ ഇവ നമുക്കു പൂർണ​മാ​യി ഉപയോ​ഗ​പ്പെ​ടു​ത്താം.—മത്താ. 28:20.