വേനൽക്കാ​ലത്തു ദിവ്യാ​ധി​പത്യ പ്രവർത്ത​നങ്ങൾ തുടർന്നും പിൻപ​റ​റു​ക

¹ വൈവി​ധ്യ​മാർന്ന​തരം പ്രവർത്ത​ന​ങ്ങ​ളിൽ ഏർപ്പെ​ടു​ന്ന​തി​നു​ളള അവസരങ്ങൾ വേനൽക്കാ​ല​സ​മയം പ്രദാനം ചെയ്യുന്നു. നമ്മുടെ പതിവിൽനി​ന്നു വ്യത്യ​സ്‌ത​മാ​യ​തും വിശ്ര​മ​ദാ​യ​ക​വു​മായ എന്തെങ്കി​ലും ചെയ്‌തു​കൊ​ണ്ടു സ്‌കൂൾ അവധി​ക്കാ​ലം പ്രയോ​ജ​ന​പ്പെ​ടു​ത്താൻ നമ്മിൽ മിക്കവ​രും ആഗ്രഹി​ക്കു​ന്നു. എന്നിരു​ന്നാ​ലും, നമ്മുടെ ദിവ്യാ​ധി​പത്യ പതിവു​പ​രി​പാ​ടി​കൾക്കു ഭംഗം വരാതി​രി​ക്കാൻ നാം ജാഗ്രത പുലർത്തേ​ണ്ട​തുണ്ട്‌.—ഫിലി. 3:16.

² സർക്കിട്ട്‌ സമ്മേള​ന​ങ്ങൾക്കും പ്രത്യേക സമ്മേള​ന​ദി​ന​ങ്ങൾക്കും വേണ്ടി നാം ആകാം​ക്ഷാ​പൂർവം കാത്തി​രി​ക്കു​ന്ന​വ​രാ​ണ​ല്ലോ. ഇവയി​ലൊ​ന്നു വേനൽക്കാ​ല​ത്താ​ണു നടക്കു​ന്ന​തെ​ങ്കിൽ അതിനു സംബന്ധി​ക്കു​ന്ന​തിന്‌ ആവശ്യ​മായ യാത്ര​ക്കും താമസ​സൗ​ക​ര്യ​ത്തി​നു​മു​ളള ക്രമീ​ക​രണം ചെയ്‌തു​കൊ​ണ്ടു നിങ്ങൾ സുനി​ശ്ചി​ത​മായ ആസൂ​ത്ര​ണങ്ങൾ ചെയ്‌തി​ട്ടു​ണ്ടോ? നിങ്ങളു​ടെ സഭയിൽ വ്യക്തി​ഗ​ത​മായ സഹായ​മാ​വ​ശ്യ​മു​ളള ആരെ​യെ​ങ്കി​ലും ഉൾപ്പെ​ടു​ത്തു​ന്ന​തി​നെ​ക്കു​റി​ച്ചു നിങ്ങൾ ചിന്തി​ച്ചി​ട്ടു​ണ്ടോ? അത്തര​മൊ​രു ദയാ​പ്ര​വൃ​ത്തി രണ്ടുകൂ​ട്ടർക്കും അനു​ഗ്ര​ഹങ്ങൾ കൈവ​രു​ത്തും.

³ സ്‌കൂൾ അവധി​ദി​വ​സ​ങ്ങ​ളിൽ സമയമു​ണ്ടെ​ങ്കിൽ ശുശ്രൂ​ഷ​യിൽ കൂടു​ത​ലായ ഒരു പങ്കുണ്ടാ​യി​രി​ക്കു​ന്ന​തി​നെ​ക്കു​റി​ച്ചു നിങ്ങൾ ചിന്തി​ച്ചി​ട്ടു​ണ്ടോ? അവധി​ദി​വ​സങ്ങൾ സഹായ​പ​യ​നി​യർമാ​രാ​യി പേർചാർത്തു​ന്ന​തി​നു​ളള ഒരു നല്ല സമയമാ​ണെന്ന്‌ അനേകർ കണ്ടെത്തി​യി​രി​ക്കു​ന്നു. ഇതു മിക്ക​പ്പോ​ഴും കൂടുതൽ വലിയ സേവന​പ​ദ​വി​ക​ളി​ലേ​ക്കു​ളള കവാടം തുറന്നി​ട്ടുണ്ട്‌. മുഴു ദിവസ​ങ്ങ​ളും ഒത്തൊ​രു​മി​ച്ചു ശുശ്രൂ​ഷ​യിൽ ചെലവ​ഴി​ക്കു​ന്ന​തി​നാൽ കുടും​ബ​ങ്ങൾക്കു യഥാർഥ സന്തോഷം അനുഭ​വി​ക്കാ​നാ​കും. അവസ്ഥ എന്തുതന്നെ ആയിരു​ന്നാ​ലും സേവന​ത്തിൽ ചെലവ​ഴി​ക്കുന്ന സമയം നിങ്ങൾക്കു വർധി​പ്പി​ക്കാൻ കഴിയു​മോ? പകൽസ​മയം ദൈർഘ്യ​മേ​റി​യ​താ​യി​രി​ക്കു​ന്ന​തു​കൊ​ണ്ടു സായാഹ്ന സാക്ഷീ​ക​ര​ണ​ത്തിൽ പങ്കുപ​റ​റു​ന്ന​തി​ന്റെ പ്രയോ​ജ​നങ്ങൾ കൊയ്യാൻ കൂടുതൽ ആളുകൾ പ്രാപ്‌ത​രാ​യി​രി​ക്കണം.

⁴ പ്രദേശം പ്രവർത്തി​ച്ചു​തീർക്കു​ന്ന​തിൽ സഹായ​മാ​വ​ശ്യ​മു​ളള ഒരു സഭയെ സഹായി​ക്കുന്ന കാര്യ​ത്തി​ലോ? ആവശ്യം കൂടു​ത​ലു​ള​ളി​ടത്ത്‌ ഒന്നോ രണ്ടോ ആഴ്‌ച സേവി​ക്കു​ന്ന​തിൽ നിങ്ങ​ളോ​ടൊ​പ്പം ചേരാൻ ആഗ്രഹി​ക്കുന്ന മററു​ള​ള​വ​രും നിങ്ങളു​ടെ സഭയിൽ ഉണ്ടായി​രു​ന്നേ​ക്കാം. നിങ്ങളു​ടെ സംഘം ചെറു​താ​ണെ​ങ്കിൽ, ഒരുപക്ഷേ അയൽസ​ഭ​യി​ലെ പ്രസാ​ധകർ നിങ്ങ​ളോ​ടൊ​പ്പം പോരാൻ ആഗ്രഹി​ച്ചേ​ക്കാം. വളരെ ദൂരേക്കു പോകാൻ നിങ്ങൾക്കു കഴിയി​ല്ലെ​ങ്കിൽ നിങ്ങളു​ടെ സഹായത്തെ വിലമ​തി​ക്കുന്ന അടുത്തു​ളള ഒരു സഭയെ ശുപാർശ ചെയ്യാൻ സർക്കിട്ട്‌ മേൽവി​ചാ​ര​കനു കഴി​ഞ്ഞേ​ക്കാം.

⁵ നിങ്ങളു​ടെ അവധി​ക്കാ​ലം വീട്ടിൽനിന്ന്‌ അകലെ ചെലവ​ഴി​ക്കാ​നാ​ണോ നിങ്ങൾ ആസൂ​ത്രണം ചെയ്യു​ന്നത്‌? അങ്ങനെ​യെ​ങ്കിൽ സന്ദർശി​ക്കുന്ന സ്ഥലത്തു യോഗ​ങ്ങൾക്കു സംബന്ധി​ക്കാൻ നിങ്ങൾ ആസൂ​ത്ര​ണങ്ങൾ ചെയ്യു​ന്നു​വോ? അവി​ടെ​യു​ളള സഹോ​ദ​ര​ങ്ങ​ളു​മൊ​ത്തു വയൽസേ​വ​ന​ത്തിൽ പങ്കെടു​ക്കു​ന്നതു സംബന്ധി​ച്ചോ? നിങ്ങളു​ടെ അവധി​ക്കാല പരിപാ​ടി​യിൽ ഇത്‌ ഉൾപ്പെ​ടു​ത്തു​ന്നത്‌ നിങ്ങൾക്കും മററു​ള​ള​വർക്കും വളരെ പ്രതി​ഫ​ല​ദാ​യ​ക​മാ​യി​രി​ക്കാൻ കഴിയും. (റോമ. 1:11, 12) കൂടാതെ, നിങ്ങൾ യാത്ര ചെയ്യു​മ്പോൾ അനൗപ​ചാ​രിക സാക്ഷീ​ക​രണം നടത്താൻ കഴിയു​മോ? നിങ്ങ​ളോ​ടൊ​പ്പം ബൈബി​ളും കുറെ സാഹി​ത്യ​ശേ​ഖ​ര​വും കരുതാൻ മറക്കാ​തി​രി​ക്കുക. നിങ്ങളു​ടെ ബൈബിൾ വായന​യി​ലും പഠനത്തി​ലും വന്ന കുറവു നികത്താൻ അതിനു വേണ്ടി കുറെ സമയം ചെലവ​ഴി​ക്കുക. ലൗകി​ക​മായ കാര്യ​ങ്ങ​ളിൽനി​ന്നു വല്ലപ്പോ​ഴു​മൊ​ക്കെ ഒഴിവു കണ്ടെത്തു​ന്നത്‌ ആവശ്യ​മാ​ണെ​ങ്കി​ലും യഹോ​വയെ സേവി​ക്കു​ന്ന​തിൽനിന്ന്‌ ഒഴിഞ്ഞി​രി​ക്കാൻ നാം ആഗ്രഹി​ക്കു​ന്നില്ല എന്നോർക്കുക.

⁶ സഭാ​പ്ര​വർത്ത​നങ്ങൾ നല്ലവണ്ണം സംഘടി​ത​മാ​യി നിലനിർത്താൻ മൂപ്പൻമാർ ജാഗരൂ​ക​രാ​യി​രി​ക്കണം. ഏതെങ്കി​ലും മൂപ്പൻമാ​രോ ശുശ്രൂ​ഷാ​ദാ​സൻമാ​രോ കുറെ കാല​ത്തേക്കു സ്ഥലത്ത്‌ ഉണ്ടാവി​ല്ലെ​ങ്കിൽ മററാ​രെ​ങ്കി​ലും അവരുടെ ഉത്തരവാ​ദി​ത്വ​ങ്ങൾ വഹിക്കാൻ ക്രമീ​ക​ര​ണങ്ങൾ ചെയ്യണം. ഈ സഹോ​ദ​രങ്ങൾ സ്ഥലത്തി​ല്ലാ​തി​രി​ക്കുന്ന തീയതി​കൾ മുന്ന​മേ​തന്നെ അധ്യക്ഷ​മേൽവി​ചാ​ര​കനെ അറിയി​ക്കു​ന്നത്‌ ഉചിത​മായ ക്രമീ​ക​ര​ണങ്ങൾ ചെയ്യ​പ്പെ​ടു​ന്നു​വെന്ന്‌ ഉറപ്പു​വ​രു​ത്താൻ അദ്ദേഹത്തെ സഹായി​ക്കും.

⁷ അതേ, വേനൽക്കാ​ലം വളരെ തിരക്കു​ളള ഒരു സമയമാ​യി​രി​ക്കാ​വു​ന്ന​താണ്‌. രാജ്യ​സേ​വ​ന​ത്തിൽ നിങ്ങൾക്കു​ളള നല്ല പതിവു​പ​രി​പാ​ടി​കളെ വിഘ്‌ന​പ്പെ​ടു​ത്താൻ ശ്രദ്ധാ​ശൈ​ഥി​ല്യ​ങ്ങൾക്ക്‌ എളുപ്പം സാധി​ക്കും. നിങ്ങളു​ടെ വേനൽക്കാല സമയം ഏററവും നന്നായി ഉപയോ​ഗ​പ്പെ​ടു​ത്തുക. ആരോ​ഗ്യാ​വ​ഹ​വും ആത്മീയ പ്രാധാ​ന്യ​വു​മു​ളള കാര്യങ്ങൾ ഏവയെന്നു തിട്ട​പ്പെ​ടു​ത്തി അവയോ​ടു പററി​നിൽക്കുക.—ഫിലി. 1:10.