നിങ്ങളു​ടെ വേനൽക്കാല പരിപാ​ടി​കൾ എന്തെല്ലാം?

¹ ലഭ്യമായ സമയം ഏറ്റവും നന്നായി എങ്ങനെ ഉപയോ​ഗി​ക്കാ​മെന്ന്‌ ആസൂ​ത്രണം ചെയ്യു​മ്പോൾ നാം നമ്മുടെ മൂല്യ​വ​ത്തായ ലാക്കു​ക​ളിൽ എത്തി​ച്ചേ​രാൻ കൂടുതൽ സാധ്യ​ത​യുണ്ട്‌ എന്നുള്ളതു സത്യമല്ലേ? വേനൽക്കാ​ലം നമുക്കു രാജ്യ​താത്‌പ​ര്യ​ങ്ങൾ ഉന്നമി​പ്പി​ക്കാൻ വ്യത്യസ്‌ത​ങ്ങ​ളായ നിരവധി അവസര​ങ്ങ​ളൊ​രു​ക്കു​ന്നു. (സദൃ. 21:5) ഇവയിൽ ചിലത്‌ ഏതൊ​ക്കെ​യാണ്‌?

² വേനൽക്കാ​ലത്ത്‌ നിങ്ങളു​ടെ വയൽ സേവന പ്രവർത്ത​നങ്ങൾ വർധി​പ്പി​ക്കാൻ എന്തു​കൊണ്ട്‌ ആസൂ​ത്രണം ചെയ്‌തു​കൂ​ടാ? കൂടുതൽ സമയം പകൽ വെളി​ച്ച​മു​ള്ള​തു​കൊണ്ട്‌ പ്രസം​ഗ​വേ​ല​യിൽ കൂടുതൽ സമയം ചെലവ​ഴി​ക്കാൻ നിങ്ങൾക്കു സാധി​ച്ചേ​ക്കാം. സ്‌കൂ​ളു​കൾക്ക്‌ അവധി​ക്കാ​ലം ആയതി​നാൽ ഒന്നോ അതില​ധി​ക​മോ മാസം സഹായ പയനി​യ​റിങ്‌ ചെയ്യാൻ കുട്ടി​കൾക്കും വേനൽക്കാല മാസങ്ങൾ അവസര​മൊ​രു​ക്കു​ന്നു. അഞ്ചു പൂർണ വാരാ​ന്ത​ങ്ങ​ളുള്ള ആഗസ്റ്റ്‌ മാസത്തിൽ സഹായ പയനി​യ​റിങ്‌ ചെയ്യാൻ മറ്റുള്ള​വർക്കും പരിപാ​ടി​യി​ടാ​വു​ന്ന​താണ്‌. ഈ ആഗസ്റ്റിൽ, സേവന​വർഷം പൂർത്തി​യാ​ക്കവേ, നാം സാധ്യ​മാ​കു​ന്ന​തി​ന്റെ പരമാ​വധി പൂർണ​മാ​യി ശുശ്രൂ​ഷ​യിൽ ഏർപ്പെ​ടാൻ കഠിന​ശ്രമം നടത്തു​ന്ന​താ​യി​രി​ക്കും.

³ തങ്ങളുടെ വയൽ സേവന പ്രദേശം പ്രവർത്തി​ച്ചു തീർക്കാൻ സഹായം ആവശ്യ​മുള്ള ഒരു അയൽ സഭയോ​ടൊ​ത്തു പ്രവർത്തി​ക്കാൻ നിങ്ങൾ ആസൂ​ത്രണം ചെയ്യു​ന്നു​വോ? എവി​ടെ​യെ​ല്ലാ​മാണ്‌ അത്തരം സഹായം ആവശ്യ​മു​ള്ളത്‌ എന്ന്‌ സർക്കിട്ട്‌ മേൽവി​ചാ​ര​കന്‌ നിങ്ങളു​ടെ മൂപ്പന്മാ​രെ അറിയി​ക്കാൻ സാധി​ക്കും. ഇനി, അപൂർവ​മാ​യി മാത്രം പ്രവർത്തി​ച്ചി​ട്ടു​ള്ള​തോ ആർക്കും നിയമി​ച്ചു കൊടു​ക്കാ​ത്ത​തോ ആയ പ്രദേ​ശ​ങ്ങ​ളിൽ പ്രവർത്തി​ക്കു​ന്ന​തിന്‌ സൊ​സൈ​റ്റിക്ക്‌ അപേക്ഷ സമർപ്പി​ക്കാൻ ആഗ്രഹ​വും യോഗ്യ​ത​യും ഉള്ളപക്ഷം അതിന്റെ സാധ്യ​ത​ക​ളെ​ക്കു​റിച്ച്‌ നിങ്ങളു​ടെ മൂപ്പന്മാ​രോ​ടു സംസാ​രി​ക്കുക. വീട്ടിൽനി​ന്നും അകലെ ഒരിട​ത്താണ്‌ നിങ്ങൾ ഒഴിവു​കാ​ലം ചെലവ​ഴി​ക്കു​ന്ന​തെ​ങ്കിൽ ആ സ്ഥലത്തെ സഭയോ​ടൊ​പ്പം യോഗ​ങ്ങ​ളി​ലും വയൽ സേവന​ത്തി​ലും പങ്കുപ​റ്റാൻ ആസൂ​ത്രണം ചെയ്യുക. യഹോ​വ​യു​ടെ സാക്ഷി​ക​ള​ല്ലാത്ത ബന്ധുക്ക​ളെ​യും മറ്റും സന്ദർശി​ക്കു​ന്നു​ണ്ടെ​ങ്കിൽ അവരു​മാ​യി സത്യം പങ്കു​വെ​ക്കാ​വുന്ന വിധങ്ങൾ മുൻകൂ​ട്ടി തയ്യാറാ​കുക.

⁴ നാമെ​ല്ലാ​വ​രും, നമ്മുടെ ആസൂ​ത്ര​ണ​ങ്ങ​ളിൽ നിശ്ചയ​മാ​യും ഉൾപ്പെ​ടു​ത്തേണ്ട ഒന്നാണ്‌ “ദൈവ​മാർഗ​ത്തി​ലുള്ള ജീവിതം” കൺ​വെൻ​ഷൻ. എല്ലാ ദിവസ​വും കൺ​വെൻ​ഷനു ഹാജരാ​കത്തക്ക വിധത്തിൽ ജോലി​സ്ഥ​ല​ത്തും സ്‌കൂ​ളി​ലും മുൻകൂ​ട്ടി അവധിക്ക്‌ അപേക്ഷി​ക്കുക. സാധി​ക്കു​ന്നത്ര നേരത്തേ താമസ​സൗ​ക​ര്യം ഏർപ്പാ​ടാ​ക്കു​ക​യും യാത്രയ്‌ക്കു​വേണ്ട ക്രമീ​ക​ര​ണങ്ങൾ നടത്തു​ക​യും ചെയ്യുക.

⁵ നിങ്ങളു​ടെ വേനൽക്കാല പരിപാ​ടി​കൾ എന്തെല്ലാ​മാണ്‌? ശാരീ​രി​ക​മാ​യി നവോ​ന്മേഷം നേടാൻ നിങ്ങൾ ആഗ്രഹി​ക്കു​ന്നു എന്നതിൽ സംശയ​മില്ല. എങ്കിലും, ദൈവ​രാ​ജ്യ​ത്തിന്‌ ജീവി​ത​ത്തിൽ ഒന്നാം സ്ഥാനം കൊടു​ക്കു​ന്ന​തിൽ തുടർന്നു​കൊണ്ട്‌ ആത്മീയ​മാ​യി ഊർജ​സ്വ​ല​രാ​യി​ത്തീ​രാൻ സഹായി​ക്കുന്ന കൂടുതൽ പ്രാധാ​ന്യ​മേ​റിയ അവസര​ങ്ങളെ അവഗണി​ക്ക​രുത്‌.—മത്താ. 6:33; എഫെ. 5:15, 16.