വിശ്വാ​സ​മി​ല്ലാ​ത്ത​വരെ സഹായി​ക്കു​ക

¹ ഈ ആധുനിക നാളിൽ അഭ്യസ്‌ത​വി​ദ്യ​രും പുരോ​ഗമന ചിന്താ​ഗ​തി​ക്കാ​രു​മാ​യി വീക്ഷി​ക്ക​പ്പെ​ടു​ന്നതു സർവസാ​ധാ​ര​ണ​മാണ്‌. മാനവ തത്ത്വശാ​സ്‌ത്ര​ങ്ങ​ളും നിറം​പി​ടി​പ്പിച്ച കഥകളും കീർത്തി​ക്ക​പ്പെ​ടു​മ്പോൾ ആത്മീയ മൂല്യങ്ങൾ അവഗണി​ക്ക​പ്പെ​ടു​ക​യാണ്‌. ലളിത​മായ വസ്‌തു​ത​ക​ളി​ലും മനസ്സി​ലാ​ക്കാ​വുന്ന സത്യങ്ങ​ളി​ലും താത്‌പ​ര്യ​മുള്ള ആളുകൾ ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? (ഇംഗ്ലീഷ്‌) എന്ന പുസ്‌തകം പരി​ശോ​ധി​ക്കു​ന്ന​തി​നുള്ള അവസരത്തെ സ്വാഗതം ചെയ്യും. വിശ്വാ​സ​മി​ല്ലാ​ത്ത​വരെ ഈ പുസ്‌തകം സഹായി​ക്കും. (റോമ. 1:19, 20) താത്‌പ​ര്യം കാണി​ക്കുന്ന സകലർക്കും മടക്കസ​ന്ദർശനം നടത്താൻ ഉറപ്പു​ള്ള​വ​രാ​യി​രി​ക്കുക.

² നിങ്ങൾ ചർച്ച ഈ വിധത്തിൽ തുടങ്ങി​യേ​ക്കാം:

◼“മാനവ​കു​ടും​ബം പരിണാ​മ​ത്താ​ലാണ്‌ ഇവിടെ വന്നിരി​ക്കു​ന്നത്‌ എന്ന വിശ്വാ​സത്തെ അനേകം പ്രബോ​ധ​ക​രും പിന്തു​ണ​യ്‌ക്കു​ന്നു എന്ന കാര്യ​ത്തെ​പ്പറ്റി നിങ്ങൾക്ക​റി​യാ​മെന്ന്‌ എനിക്കു തീർച്ച​യുണ്ട്‌. സകലതും ആകസ്‌മി​ക​മാ​യി നിലവിൽവ​ന്നു​വെന്ന്‌ അതു പഠിപ്പി​ക്കു​ന്നു. നിങ്ങൾക്ക്‌ അതേപ്പറ്റി എന്തു തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] ഈ ആശയം ഇപ്പോ​ഴും ഒരു സിദ്ധാ​ന്ത​മാ​യാ​ണു പരാമർശി​ക്ക​പ്പെ​ടു​ന്നത്‌. ഒരു സിദ്ധാ​ന്ത​മെന്നു പറയു​ന്നത്‌ ‘ഒരു ഊഹാ​പോ​ഹം’ അല്ലെങ്കിൽ ‘തെളി​യി​ക്ക​പ്പെ​ടാത്ത അനുമാ​നം’ ആണ്‌. ഭൂമി പരന്നതാ​ണെന്നു നൂറ്റാ​ണ്ടു​ക​ളോ​ളം മനുഷ്യർ വിചാ​രി​ച്ചി​രു​ന്നു; അത്‌ വസ്‌തു​ത​യിൽ അടിസ്ഥാ​ന​മി​ല്ലാത്ത മൗഢ്യ​മായ ഒരു അനുമാ​ന​മാ​യി​രു​ന്നു എന്ന്‌ ഇപ്പോൾ നമുക്ക​റി​യാം. പരിണാമ സിദ്ധാ​ന്ത​ത്തി​ന്റെ കാര്യ​ത്തി​ലും വസ്‌തുത ഇതു തന്നെ ആയിരി​ക്കു​മോ?” 4-ാം പേജിലെ ആമുഖ​ക്കു​റി​പ്പു​കൾ വായി​ക്കുക, എന്നിട്ട്‌ യെശയ്യാ​വു 42:5 ചർച്ച ചെയ്യുക.

³ അതല്ലെ​ങ്കിൽ മടക്കസ​ന്ദർശ​ന​ത്തിൽ നിങ്ങൾ ഈ സമീപനം സ്വീക​രി​ച്ചേ​ക്കാം:

◼“ദൈവ​ത്തിൽ വിശ്വ​സി​ക്കാത്ത ആളുകളെ കണ്ടെത്തുക സാധാ​ര​ണ​മാണ്‌. വർഷങ്ങൾക്കു​മുമ്പ്‌ അത്‌ വളരെ വിരള​മാ​യി​രു​ന്നു. അനേകർക്കും ദൈവ​ത്തി​ലുള്ള വിശ്വാ​സം നഷ്ടപ്പെ​ടാൻ കാരണ​മെ​ന്താ​ണെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] നമ്മുടെ ലോക​ത്തിൽ അക്രമ​ത്തി​നും ദുരി​ത​ത്തി​നും ഉണ്ടായ ഭീതി​ദ​മായ വർധന​വാണ്‌ അനേക​രും തങ്ങളുടെ വിശ്വാ​സ​ന​ഷ്ട​ത്തി​നു കാരണ​മാ​യി പറയു​ന്നത്‌. സർവശ​ക്ത​നായ ഒരു ദൈവ​മു​ണ്ടെ​ങ്കിൽ അവൻ ഈ കഷ്ടപ്പാ​ടു​ക​ളെ​ല്ലാം എന്തു​കൊണ്ട്‌ അവസാ​നി​പ്പി​ക്കു​ന്നില്ല?, അവർ ന്യായ​വാ​ദം ചെയ്യുന്നു. ആ ചോദ്യ​ത്തിന്‌ തൃപ്‌തി​ക​ര​മായ ഉത്തരം കണ്ടെത്താൻ കഴിയാ​ത്തവർ, മിക്ക​പ്പോ​ഴും നിരീ​ശ്വ​ര​വാ​ദി​ക​ളാ​യി​ത്തീ​രു​ന്നു. എന്നാൽ ദൈവ​മു​ണ്ടെ​ന്നും അവൻ പെട്ടെ​ന്നു​തന്നെ ഭൂമിയെ സന്തുഷ്ടി​യു​ടെ​യും സമാധാ​ന​ത്തി​ന്റെ​യും ഒരു സ്ഥലമാ​ക്കി​ത്തീർക്കു​മെ​ന്നും തെളി​യി​ക്കു​ന്ന​തിന്‌ ശക്തമായ തെളി​വുണ്ട്‌.” 196-ാം പേജിലെ 19-ാം ഖണ്ഡിക​യിൽ കൊടു​ത്തി​രി​ക്കുന്ന തിരു​വെ​ഴുത്ത്‌ ആശയങ്ങൾ ഉപയോ​ഗി​ച്ചു​കൊ​ണ്ടു ചർച്ച തുടരുക.

⁴ ഉചിത​മാ​യി​ടത്ത്‌ ബൈബിൾ കയ്യിൽ പിടിച്ച്‌, ഇങ്ങനെ പറഞ്ഞു​കൊ​ണ്ടു നിങ്ങൾ സംഭാ​ഷണം തുടങ്ങി​യേ​ക്കാം:

◼“നമ്മുടെ നാളു​ക​ളിൽ ഒരു ബൈബി​ള​ധ്യ​യനം എന്തു​കൊ​ണ്ടു പ്രാ​യോ​ഗി​ക​മാ​ണെന്നു ചൂണ്ടി​ക്കാ​ട്ടു​ന്ന​തി​നാ​ണു ഞങ്ങൾ വീണ്ടും സന്ദർശി​ക്കു​ന്നത്‌. അനേക​രു​ടെ പക്കലും ബൈബി​ളുണ്ട്‌, എന്നാൽ വളരെ ചുരുക്കം പേരേ അതു വായി​ക്കാൻ സമയം കണ്ടെത്തു​ന്നു​ള്ളൂ. തങ്ങൾക്ക്‌ മതത്തിൽ മേലാൽ അത്ര​യൊ​ന്നും വിശ്വാ​സ​മി​ല്ലെന്നു ചിലർ ഞങ്ങളോ​ടു തുറന്നു പറയാ​റുണ്ട്‌. നിങ്ങൾക്ക്‌ അതേപ്പറ്റി എന്തു തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] ബൈബിൾ ദൈവ​ത്തി​ന്റെ നിശ്വസ്‌ത വചനമാ​ണെന്നു ഞങ്ങളെ ബോധ്യ​പ്പെ​ടു​ത്തുന്ന കാര്യ​ങ്ങ​ളി​ലൊന്ന്‌ അതിലെ പ്രവച​ന​ങ്ങ​ളു​ടെ നിവൃ​ത്തി​യാണ്‌.” 234-ാം പേജിലെ 6-ാം ഖണ്ഡിക​യിൽ കൊടു​ത്തി​രി​ക്കുന്ന തിരു​വെ​ഴു​ത്തു ഭാഗങ്ങൾ പരാമർശി​ക്കുക.

⁵ ഈ ആശയത്തിന്‌ അനുകൂല പ്രതി​ക​രണം ലഭി​ച്ചേ​ക്കാം:

◼“ഈ ഭൂമി​യിൽ നമുക്കു ചുറ്റു​മുള്ള സംഗതി​ക​ളിൽ അഴകും ജ്ഞാനത്തി​ന്റെ മഹനീ​യ​മായ തെളി​വും നമുക്കു കാണാൻ കഴിയും. സൂര്യാ​സ്‌ത​മ​യ​ത്തി​ന്റെ ഈ ചിത്രം അതിനു യോജിച്ച ഒരുദാ​ഹ​ര​ണ​മാണ്‌.” 12-ഉം 13-ഉം പേജു​ക​ളി​ലുള്ള ചിത്രം കാണി​ക്കുക. “ചിന്തി​ക്കാൻ ചില കാര്യങ്ങൾ” എന്നതിൽനി​ന്നുള്ള ആശയങ്ങൾ സൂചി​പ്പി​ക്കുക. കൂടാതെ, നമ്മുടെ ലോക​ത്തെ​പ്പ​റ്റി​യുള്ള മർമ​പ്ര​ധാ​ന​മായ ചോദ്യ​ങ്ങൾക്ക്‌ ഈ പുസ്‌തകം സംതൃ​പ്‌തി​ക​ര​മായ ഉത്തരം പ്രദാനം ചെയ്യു​ന്നത്‌ എങ്ങനെ​യെന്നു വിശദീ​ക​രി​ക്കുക.

⁶ തങ്ങളുടെ സ്രഷ്ടാ​വിൽ വിശ്വാ​സം പ്രകടി​പ്പി​ക്കു​ന്ന​തി​നു ശക്തമായ അടിസ്ഥാ​നം കണ്ടെത്താൻ ആളുകളെ സഹായി​ക്കു​ന്ന​തിന്‌ ഈ പുസ്‌തകം ഉപയോ​ഗി​ക്കാം, അങ്ങനെ അവർക്കൊ​ര​നു​ഗ്ര​ഹ​മാ​യി​രി​ക്കാൻ നമുക്കു കഴിയും.