വിജയ​ക​ര​മായ മടക്കസ​ന്ദർശ​ന​ങ്ങൾക്കു ഫലപ്ര​ദ​മായ പഠിപ്പി​ക്കൽ ആവശ്യം

¹ നമ്മുടെ വയൽ ശുശ്രൂ​ഷ​യു​ടെ പ്രധാ​ന​പ്പെ​ട്ട​തും സന്തോ​ഷ​പ്ര​ദ​വു​മായ ഭാഗമാ​ണു മടക്കസ​ന്ദർശ​നങ്ങൾ. താത്‌പ​ര്യ​ക്കാ​രെ സന്ദർശി​ക്കാൻ മടങ്ങി​ച്ചെ​ല്ലു​ന്ന​തി​നു നാം ഉത്സുക​രാ​യി​രി​ക്കേ​ണ്ടത്‌ എന്തു​കൊണ്ട്‌? ഈ ശിഷ്യ​രാ​ക്കൽ വേലയി​ലൂ​ടെ നാം യഹോ​വ​യു​ടെ നാമം അറിയി​ക്കു​ക​യും മഹത്ത്വീ​ക​രി​ക്ക​യും ജീവനി​ലേ​ക്കുള്ള വഴി കണ്ടെത്തു​ന്ന​തി​നു ദൈവ​ഭ​യ​മു​ള്ള​വർക്കു സഹായ​മേ​കു​ക​യു​മാ​ണു ചെയ്യു​ന്നത്‌. (2 കൊരി. 2:17–3:3) യഹോ​വ​യു​ടെ നാമത്തി​ന്റെ മഹത്ത്വീ​ക​ര​ണ​വും മറ്റുള്ള​വ​രു​ടെ ജീവനും അടങ്ങി​യി​രി​ക്കു​ന്നു​വെന്നു തിരി​ച്ച​റി​യു​ന്നത്‌ മടങ്ങി​ച്ചെ​ല്ലു​ന്ന​തി​നു​മു​മ്പു നന്നായി തയ്യാറാ​കാൻ നമുക്കു പ്രേര​ണ​യേ​കണം.

² നേര​ത്തെ​തന്നെ സ്ഥാപി​ച്ചി​രി​ക്കുന്ന അടിസ്ഥാ​ന​ത്തിൻമേൽ പണിയു​ന്ന​തിന്‌ ഒരു നല്ല അധ്യാ​പകൻ വിദ്യാർഥി​യെ സഹായി​ക്കും. വിദ്യാർഥി​കൾ ദിവസേന നേടി​യെ​ടു​ക്കുന്ന അറിവി​ന്റെ അടിസ്ഥാ​ന​ത്തിൽ ഒരു സ്‌കൂൾ അധ്യാ​പകൻ കൂടു​ത​ലാ​യി പഠിപ്പി​ക്കു​ന്ന​തു​പോ​ലെ നാമും പഠിപ്പിച്ച അതേ വിഷയ​ത്തെ​പ്പറ്റി കൂടുതൽ അഭി​പ്രാ​യങ്ങൾ തയ്യാറാ​യി​ക്കൊ​ണ്ടു മടക്കസ​ന്ദർശനം നടത്തണം. ഇത്‌ ഒരേ ആശയ​ത്തെ​പ്പറ്റി തുടർന്ന്‌, പുരോ​ഗ​മ​നാ​ത്മ​ക​മാ​യി ചിന്തി​ക്കു​ന്ന​തിന്‌ ഇടയാ​ക്കു​ന്നു.

³ “ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ?” എന്ന ലഘുപ​ത്രിക സമർപ്പി​ച്ച​ശേഷം മടങ്ങി​ച്ചെ​ല്ലു​മ്പോൾ ഇതു ഫലപ്ര​ദ​മെന്നു നിങ്ങൾ കണ്ടെത്തി​യേ​ക്കാം:

◼ഞാൻ കഴിഞ്ഞ തവണ സന്ദർശി​ച്ച​പ്പോൾ, ബൈബി​ളിൽ സൂചി​പ്പി​ച്ചി​രി​ക്കുന്ന “അന്ത്യകാല”ത്തെക്കു​റി​ച്ചും അത്‌ എന്ത്‌ അർഥമാ​ക്കു​ന്നു​വെ​ന്ന​തി​നെ​ക്കു​റി​ച്ചു നമ്മൾ ചർച്ച​ചെ​യ്‌തി​രു​ന്നു. നാം അന്ത്യകാ​ല​ത്താ​ണു ജീവി​ക്കു​ന്ന​തെന്നു നമു​ക്കെ​ങ്ങനെ അറിയാൻ കഴിയു​മെന്നു നിങ്ങൾ ചിന്തി​ക്കു​ന്നു​ണ്ടാ​വാം. (2 തിമൊ. 3:1) ആ ചോദ്യ​ത്തിന്‌ ഉത്തരം ലഭിക്കാൻ യേശു​വി​ന്റെ ശിഷ്യ​ന്മാർ ജിജ്ഞാ​സു​ക്ക​ളാ​യി​രു​ന്നു. [മത്തായി 24:3 വായി​ക്കുക.] തന്റെ മറുപ​ടി​യിൽ യേശു ഇന്നു നാം നമുക്കു ചുറ്റും കാണുന്ന അവസ്ഥക​ളെ​പ്പറ്റി വിശദീ​ക​രി​ച്ചു. മുമ്പെ​ങ്ങും കണ്ടിട്ടി​ല്ലാ​ത്ത​പോ​ലുള്ള ദുരി​ത​വും അക്രമ​വും ഇതിൽ ഉൾപ്പെ​ടു​ന്നു.” 19-ാം പേജി​ലുള്ള 3-ഉം 4-ഉം ഖണ്ഡിക​ക​ളിൽ ചർച്ച​ചെ​യ്‌തി​രി​ക്കുന്ന വിശേ​ഷാ​ശ​യങ്ങൾ ചൂണ്ടി​ക്കാ​ട്ടുക. പ്രതി​ക​രണം അനുകൂ​ല​മാ​ണെ​ങ്കിൽ 20-ാം പേജിൽ 5 മുതൽ 8 വരെ ഖണ്ഡിക​ക​ളിൽ കൊടു​ത്തി​രി​ക്കുന്ന ചിഹ്ന​ത്തെ​പ്പ​റ്റി​യുള്ള മറ്റു വിശേ​ഷാ​ശ​യങ്ങൾ ചൂണ്ടി​ക്കാ​ട്ടുക. മടങ്ങി​ച്ചെന്നു ലഘുപ​ത്രി​ക​യു​ടെ പുറം​താ​ളിൽ ഉന്നയി​ച്ചി​രി​ക്കുന്ന ചോദ്യം പരിചി​ന്തി​ക്കാ​മെന്നു വാഗ്‌ദാ​നം ചെയ്യുക.

⁴ “ജീവി​ത​ത്തി​ന്റെ ഉദ്ദേശ്യം എന്ത്‌—അതു നിങ്ങൾക്കെ​ങ്ങനെ കണ്ടെത്താം?” എന്ന ലഘുപ​ത്രിക നൽകി​യി​ടത്തു മടക്കസ​ന്ദർശനം നടത്തു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ജീവി​ത​ത്തി​ന്റെ ഉദ്ദേശ്യം സംബന്ധി​ച്ചുള്ള നമ്മുടെ സംഭാ​ഷണം പുനരാ​രം​ഭി​ക്കു​ന്ന​തി​നു ഞാൻ ആകാം​ക്ഷ​യോ​ടെ കാത്തി​രി​ക്കു​ക​യാ​യി​രു​ന്നു. ഇന്നു നമ്മൾ അനുഭ​വി​ക്കുന്ന കുഴപ്പ​ങ്ങൾക്കു പകരം നാം ഈ ഭൂമി​യിൽ സന്തോ​ഷ​വും സമാധാ​ന​വു​മുള്ള അവസ്ഥയിൽ ജീവി​ക്കാ​നാ​ണു ദൈവം ഉദ്ദേശി​ച്ചി​രു​ന്നത്‌ എന്നതു നമ്മൾ രണ്ടാളും സമ്മതി​ക്കു​ന്നു, ഇല്ലേ? അവൻ തന്റെ വാഗ്‌ദത്തം നിറ​വേ​റ്റു​മെന്നു നിങ്ങൾക്കു തോന്നു​ന്നു​ണ്ടോ?” പ്രതി​ക​രി​ക്കാൻ അനുവ​ദി​ക്കുക. യെശയ്യാ​വു 55:11 വായി​ച്ചിട്ട്‌ 30-ാം പേജിൽ 25-27 ഖണ്ഡിക​ക​ളി​ലുള്ള ആശയങ്ങൾ ചർച്ച​ചെ​യ്യുക. ജീവി​ത​ത്തിൽ അർഥപൂർണ​മായ ഉദ്ദേശ്യം കണ്ടെത്തു​ന്ന​തി​നുള്ള ഏറ്റവും മെച്ചമായ മാർഗം വ്യക്തി​പ​ര​മായ ഒരു ബൈബി​ള​ധ്യ​യ​ന​മാ​ണെന്നു ശുപാർശ​ചെ​യ്യുക.

⁵ “ഭൂമി​യിൽ എന്നേക്കും ജീവിതം ആസ്വദി​ക്കുക!” എന്ന ലഘുപ​ത്രി​ക​യിൽ നേരത്തെ കാണിച്ച താത്‌പ​ര്യ​ത്തെ പിന്തു​ട​രു​ന്ന​തിന്‌ അതു വീണ്ടും കാണി​ച്ചു​കൊണ്ട്‌ ഇങ്ങനെ പറയാ​വു​ന്ന​താണ്‌:

◼“ഈ ലഘുപ​ത്രി​ക​യു​ടെ പുറം​താ​ളിൽ കൊടു​ത്തി​രി​ക്കുന്ന മനോ​ഹ​ര​മായ ലോക​ത്തെ​ക്കു​റി​ച്ചു നാം സംസാ​രി​ച്ചി​രു​ന്നു; അവിടെ ജീവി​ക്കാ​നാ​ഗ്ര​ഹി​ക്കു​ന്ന​വർക്ക്‌ യേശു​ക്രി​സ്‌തു​വി​ലുള്ള വിശ്വാ​സം ഇത്രമാ​ത്രം പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാ​ണെന്നു പറയാൻ ഞാൻ ആഗ്രഹി​ക്കു​ന്നു.” 41-ാം ചിത്ര​ത്തി​ലേക്കു തിരിഞ്ഞു യെശയ്യാ​വു 9:6 വായി​ക്കുക. 62-ാം ചിത്രം പരാമർശി​ച്ചിട്ട്‌ അനുസ​ര​ണ​യു​ടെ ആവശ്യം ഊന്നി​പ്പ​റ​ഞ്ഞു​കൊണ്ട്‌ യോഹ​ന്നാൻ 3:16 വായി​ക്കുക. ബൈബിൾ പഠിക്കു​ക​യും അതിലെ ബുദ്ധ്യു​പ​ദേ​ശ​ത്തി​നു ചേർച്ച​യിൽ ജീവി​ക്കാൻ ശ്രമി​ക്കു​ക​യും ചെയ്‌തു​കൊ​ണ്ടു വിശ്വാ​സം പ്രകട​മാ​ക്കാൻ ജനങ്ങളെ യഹോ​വ​യു​ടെ സാക്ഷികൾ എങ്ങനെ സഹായി​ക്കു​ന്നു​വെന്നു വിശദീ​ക​രി​ക്കുക.

⁶ ഓരോ മടക്കസ​ന്ദർശ​ന​ത്തി​നും ശേഷം, പുരോ​ഗ​മി​ക്കു​ന്ന​തി​നുള്ള വീക്ഷണ​ത്തിൽ നിങ്ങളു​ടെ ഫലപ്ര​ദ​ത്വം വിശക​ലനം ചെയ്യുക. ഇങ്ങനെ സ്വയം ചോദി​ക്കുക: പറയാൻ കൃത്യ​മായ എന്തെങ്കി​ലും ആശയം എന്റെ മനസ്സി​ലു​ണ്ടാ​യി​രു​ന്നോ? ഞാൻ ബൈബി​ളിൽ ശ്രദ്ധ കേന്ദ്രീ​ക​രി​ച്ചാ​യി​രു​ന്നോ? പ്രാരംഭ സന്ദർശ​ന​ത്തിൽ സ്ഥാപിച്ച അടിസ്ഥാ​ന​ത്തി​ന്മേ​ലാ​ണോ ഞാൻ കെട്ടു​പ​ണി​ചെ​യ്‌തത്‌? എന്റെ അവതരണം ഒരു ബൈബി​ള​ധ്യ​യ​ന​ത്തി​ലേക്കു നയിക്കാൻ രൂപകൽപ്പന ചെയ്‌ത​താ​യി​രു​ന്നോ? ക്രിയാ​ത്മ​ക​മായ ഉത്തരങ്ങൾ നിങ്ങൾ ദൈവ​വ​ച​ന​ത്തി​ന്റെ ഒരു നല്ല അധ്യാ​പ​ക​നാ​കാൻ കഠിന​മാ​യി ശ്രമി​ക്കു​ന്നു​വെ​ന്ന​തിന്‌ ഉറപ്പേ​കു​ന്നു.