സഭാ​യോ​ഗ​ങ്ങൾക്കാ​യി തയ്യാറാ​കുക, അവ ആസ്വദി​ക്കു​ക

¹ സഹോ​ദ​രൻമാ​രു​ടെ ഒരു സമൂഹ​മെന്ന നിലയിൽ, നാം ജ്ഞാനപൂർവം വാരം​തോ​റു​മുള്ള യോഗ​ങ്ങൾക്കു പതിവാ​യി കൂടി​വ​രു​ന്നു. (1 തിമൊ. 4:15, 16) നമുക്ക്‌ അവയിൽനി​ന്നു പരമാ​വധി പ്രയോ​ജനം ആസ്വദി​ക്കു​ന്ന​തി​നും ആർജി​ക്കു​ന്ന​തി​നും എങ്ങനെ കഴിയും?

² യോഗ​ങ്ങൾക്കു​വേണ്ടി തയ്യാറാ​കു​ന്ന​തിന്‌ ക്രമമായ അടിസ്ഥാ​ന​ത്തിൽ സമയം മാറ്റി​വ​യ്‌ക്കണം. ചിലർക്കു മറ്റുള്ള​വരെ അപേക്ഷി​ച്ചു കൂടുതൽ സമയം തയ്യാറാ​ക​ലി​നു​വേണ്ടി ചെലവ​ഴി​ക്കാൻ കഴി​ഞ്ഞേ​ക്കും. എങ്ങനെ​യാ​യാ​ലും, നാം എത്രതന്നെ തിരക്കു​ള്ള​വ​രാ​യി​രു​ന്നാ​ലും, യോഗ​ങ്ങൾക്കു തയ്യാറാ​കു​ന്ന​തി​നു കുറച്ചു​സ​മയം കണ്ടെത്തു​ന്നതു ജ്ഞാനമാണ്‌. ഒരു കുടും​ബ​മെന്ന നിലയിൽ ഒരുമി​ച്ചു തയ്യാറാ​കു​ന്നതു വിശേ​ഷാൽ പ്രയോ​ജ​ന​പ്ര​ദ​മാണ്‌.—എഫെ. 5:15, 16.

³ ദിവ്യാ​ധി​പത്യ ശുശ്രൂ​ഷാ സ്‌കൂ​ളി​നു​വേണ്ടി: പ്രതി​വാര ബൈബിൾവാ​യനാ പട്ടിക​യോ​ടു പറ്റിനിൽക്കാൻ ശ്രമി​ക്കുക. (യോശു. 1:8) കൈകാ​ര്യം ചെയ്യ​പ്പെ​ടുന്ന ഭാഗങ്ങൾ പുനര​വ​ലോ​കനം ചെയ്യുക. പ്രസം​ഗ​ക​രോ​ടൊ​പ്പം നിങ്ങൾക്കും ഒത്തു​നോ​ക്കാൻ തക്കവണ്ണം ആവശ്യ​മായ പ്രസി​ദ്ധീ​ക​ര​ണങ്ങൾ കൊണ്ടു​വ​രിക. ശുശ്രൂ​ഷ​യിൽ ഈ വിവരങ്ങൾ ഉപയോ​ഗി​ക്കാ​വുന്ന വിധങ്ങൾ പരിചി​ന്തി​ക്കുക.

⁴ സേവന​യോ​ഗ​ത്തി​നു വേണ്ടി: നമ്മുടെ രാജ്യ ശുശ്രൂ​ഷ​യിൽ നൽകി​യി​രി​ക്കുന്ന പരിപാ​ടി നോക്കുക. ചർച്ച​ചെ​യ്യ​പ്പെ​ടുന്ന ലേഖനങ്ങൾ വായി​ക്കുക. വീക്ഷാ​ഗോ​പുര ലേഖന​ത്തിൽനി​ന്നോ മറ്റു പ്രസി​ദ്ധീ​ക​ര​ണ​ങ്ങ​ളിൽനി​ന്നോ ഉള്ള വിവരങ്ങൾ പരിചി​ന്തി​ക്ക​പ്പെ​ടു​മെ​ങ്കിൽ അവയും കണ്ടുപി​ടിച്ച്‌ വായി​ക്കുക. വയൽസേവന അവതര​ണങ്ങൾ പ്രകടി​പ്പി​ക്ക​പ്പെ​ടു​മെ​ങ്കിൽ അവ മുൻകൂ​ട്ടി പുനര​വ​ലോ​കനം ചെയ്യുക. അപ്പോൾ ശുശ്രൂ​ഷ​യിൽ അവ ഉപയോ​ഗി​ക്കാൻ നിങ്ങൾ തയ്യാറാ​യി​രി​ക്കും.

⁵ വീക്ഷാ​ഗോ​പുര അധ്യയ​ന​ത്തി​നു​വേണ്ടി: ചോദ്യ​ങ്ങ​ളു​ടെ ഉത്തരങ്ങൾ കണ്ടുപി​ടി​ച്ചു​കൊണ്ട്‌ പഠനഭാ​ഗം മുൻകൂ​ട്ടി വായി​ക്കുക. പരാമർശിത വാക്യങ്ങൾ എടുത്തു നോക്കു​ന്നത്‌ ഒരു മെച്ചമായ ഗ്രാഹ്യം സമ്പാദി​ക്കാൻ നിങ്ങളെ സഹായി​ക്കും. നിങ്ങൾക്ക്‌ അറിയാ​വു​ന്ന​വ​യു​മാ​യി വിവരങ്ങൾ എങ്ങനെ യോജി​ക്കു​ന്നു​വെന്നു ധ്യാനി​ക്കു​ന്നത്‌ നിങ്ങളു​ടെ അറിവു വിശാ​ല​മാ​ക്കും. ചുരു​ങ്ങി​യത്‌ ഒന്നോ രണ്ടോ ഖണ്ഡിക​ക​ളിൽനി​ന്നെ​ങ്കി​ലും ഹ്രസ്വ അഭി​പ്രാ​യങ്ങൾ തയ്യാറാ​യി​ക്കൊണ്ട്‌ അധ്യയ​ന​വേ​ള​യിൽ പങ്കുപ​റ്റു​ന്ന​തിന്‌ ആസൂ​ത്രണം ചെയ്യുക. “നമ്മുടെ പ്രത്യാ​ശ​യു​ടെ പരസ്യ​പ്ര​ഖ്യാ​പനം” നടത്തു​ന്ന​തി​നുള്ള ഒരു സുപ്ര​ധാന വിധമാ​ണിത്‌.—എബ്രാ. 10:23, NW.

⁶ സഭാ പുസ്‌ത​കാ​ധ്യ​യ​ന​ത്തി​നു വേണ്ടി: ആദ്യം പഠനഭാ​ഗം അവലോ​കനം ചെയ്യുക; അധ്യാ​യ​ത്തി​ന്റെ തലക്കെ​ട്ടും ഉപതല​ക്കെ​ട്ടു​ക​ളും പരിചി​ന്തി​ക്കുക. എന്നിട്ട്‌, വായി​ക്കു​മ്പോൾ മുഖ്യാ​ശ​യങ്ങൾ ശ്രദ്ധി​ക്കുക. പിന്തു​ണ​ക്കുന്ന ബൈബിൾ വാക്യങ്ങൾ പുനര​വ​ലോ​കനം ചെയ്യുക. ചോദ്യ​ങ്ങൾക്കു സ്വന്തവാ​ക്കു​ക​ളിൽ ഉത്തരം പറയാൻ ശ്രമി​ക്കുക. അധ്യയ​ന​ഭാ​ഗം തയ്യാറാ​യ​ശേഷം മനസ്സിൽ പുനര​വ​ലോ​കനം നടത്തുക. മുഖ്യാ​ശ​യ​ങ്ങ​ളും വാദമു​ഖ​ങ്ങ​ളും ഓർമി​ക്കാൻ ശ്രമി​ക്കുക.—2 തിമൊ. 2:15.

⁷ യോഗങ്ങൾ ആസ്വദി​ക്കുക: യോഗങ്ങൾ പരമാ​വധി ആസ്വദി​ക്കു​ന്ന​തിന്‌, യഹോ​വ​യു​ടെ ആത്മാവി​നു​വേണ്ടി യാചി​ക്കുന്ന പ്രാരം​ഭ​പ്രാർഥ​ന​യിൽ പങ്കെടു​ക്കു​വാൻത​ക്ക​വണ്ണം കൃത്യ​സ​മ​യത്തു ഹാജരാ​കു​ന്നതു പ്രധാ​ന​മാണ്‌. നവോൻമേ​ഷ​പ്ര​ദ​മായ രാജ്യ​ഗീ​ത​ങ്ങ​ളിൽനി​ന്നും നിങ്ങൾ പ്രയോ​ജനം അനുഭ​വി​ക്കു​ന്നു. നിങ്ങൾക്കു കൊച്ചു കുട്ടി​ക​ളോ ഹാളിന്റെ പിൻഭാ​ഗത്ത്‌ ഇരിക്കു​ന്ന​തിന്‌ മറ്റു കാരണ​ങ്ങ​ളോ ഇല്ലെങ്കിൽ, മുൻഭാ​ഗ​ത്തി​രി​ക്കു​ന്ന​തി​നാൽ അധികം ശ്രദ്ധാ​ശൈ​ഥി​ല്യ​ങ്ങൾ ഇല്ല എന്നും പരിപാ​ടി​യിൽനി​ന്നും പരമാ​വധി പ്രയോ​ജനം അനുഭ​വി​ക്കു​ന്നു​വെ​ന്നും നിങ്ങൾ കണ്ടെത്തും. മീറ്റിം​ഗി​നി​ടക്കു പുറത്തു​കൊ​ണ്ടു​പോ​കേ​ണ്ട​തായ കൊച്ചു കുട്ടി​ക​ളുള്ള മാതാ​പി​താ​ക്കൾ ഇടനാ​ഴി​യോ​ടു​ചേർന്നു പിൻഭാ​ഗ​ത്താ​യി ഇരിക്കു​ന്ന​തി​നാൽ ശ്രദ്ധാ​ശൈ​ഥി​ല്യം കുറക്കാൻ കഴിയും.

⁸ വായി​ക്കുന്ന തിരു​വെ​ഴു​ത്തു​കൾ എടുത്തു​നോ​ക്കാൻ ശ്രമി​ക്കുക. കേൾക്കുന്ന കാര്യങ്ങൾ ഓർത്തി​രി​ക്കാൻ ഇതു നിങ്ങളെ സഹായി​ക്കും. നിങ്ങൾ പഠിക്കുന്ന കാര്യങ്ങൾ കുടും​ബ​ത്തോ​ടും സുഹൃ​ത്തു​ക്ക​ളോ​ടും സംസാ​രി​ക്കു​ന്നത്‌ വിവരങ്ങൾ മനസ്സിൽ പതിപ്പി​ക്കു​ന്ന​തി​നു സഹായി​ക്കും. ഈ നിർദേ​ശങ്ങൾ ബാധക​മാ​ക്കു​ന്നതു യോഗ​ങ്ങളെ കൂടുതൽ അർഥവ​ത്തും ആസ്വാ​ദ്യ​വു​മാ​ക്കും. അവ വാസ്‌ത​വ​ത്തിൽ “സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും [നമ്മുടെ] ഉത്സാഹം വർദ്ധിപ്പി”ക്കുകയും ചെയ്യും.—എബ്രാ. 10:24, 25.