ശരിയാ​യി നിയോ​ഗി​ക്ക​പ്പെ​ട്ട​വരെ അന്വേ​ഷി​ക്കു​വിൻ

¹ പ്രസം​ഗ​വേ​ല​യു​ടെ ഒരു ഉദ്ദേശ്യം “നിത്യ​ജീ​വനു വേണ്ടി ശരിയാ​യി നിയോ​ഗി​ക്ക​പ്പെട്ട”വരെ കണ്ടെത്തു​ക​യെ​ന്ന​താണ്‌. (പ്രവൃ. 13:48) വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും വിതരണം ഇതു നിവർത്തി​ക്കു​ന്ന​തി​നുള്ള ഒരു വിശിഷ്ട മാർഗ​മാ​ണെന്നു തെളി​ഞ്ഞി​രി​ക്കു​ന്നു, കാരണം നമ്മുടെ പത്രി​കകൾ രാജ്യ​പ്ര​ത്യാ​ശ സംബന്ധിച്ച്‌ ആളുകളെ ബോധ​വാ​ന്മാ​രാ​ക്കു​ന്നു. ഏപ്രി​ലിൽ ഈ മാസി​ക​കൾക്കുള്ള വരിസം​ഖ്യ​കൾ നാം സമർപ്പി​ക്കു​ന്ന​താ​യി​രി​ക്കും. താത്‌പ​ര്യം കാണു​ന്നി​ടത്ത്‌ നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌തകം ഉപയോ​ഗി​ച്ചു പുതിയ ബൈബി​ള​ധ്യ​യ​നങ്ങൾ തുടങ്ങാൻ നമുക്കു കഴിയു​മെന്നു പ്രതീ​ക്ഷി​ക്കാം. നിങ്ങൾക്കു പ്രാ​യോ​ഗി​ക​മാ​യി​രു​ന്നേ​ക്കാ​വുന്ന ചില നിർദേ​ശങ്ങൾ ഇതാ:

² ഏപ്രിൽ 1 ലക്കം “വീക്ഷാ​ഗോ​പു​രം” ഉപയോ​ഗി​ക്കു​മ്പോൾ, കഴിഞ്ഞ വർഷത്തെ ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ “നിത്യ​ത​യു​ടെ രാജാ​വി​നെ സ്‌തു​തി​ക്കുക” എന്ന പരസ്യ​പ്ര​സം​ഗത്തെ കേന്ദ്രീ​ക​രി​ച്ചുള്ള ലേഖനം വിശേ​ഷ​വ​ത്‌ക​രി​ച്ചിട്ട്‌ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ഞങ്ങൾ സംസാ​രി​ക്കുന്ന മിക്ക ആളുകൾക്കും ദൈവ​ത്തിൽ വിശ്വാ​സ​മുണ്ട്‌. അവനിൽ വിശ്വ​സി​ക്കുക പ്രയാ​സ​മാ​ണെന്നു ചുരുക്കം ചിലർ കണ്ടെത്തു​ന്നു. നിങ്ങൾക്കെ​ങ്ങനെ തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] ഒരു ദൈവം ഉണ്ടായി​രു​ന്നേ പറ്റൂ എന്നു തെളി​യി​ക്കുന്ന പ്രത്യ​ക്ഷ​മായ തെളിവ്‌ നമുക്കു ചുറ്റു​മുണ്ട്‌. [സങ്കീർത്തനം 104:24 വായി​ക്കുക.] ഒരു ക്യാമ​റ​യോ കമ്പ്യൂ​ട്ട​റോ കാണു​മ്പോൾ, അതു ബുദ്ധി​ശ​ക്തി​യുള്ള ഒരു രൂപസം​വി​ധാ​യകൻ നിർമി​ച്ച​താ​യി​രി​ക്ക​ണ​മെന്നു നാം സത്വരം അംഗീ​ക​രി​ക്കു​ന്നു. ഭൂമി, മനുഷ്യ​രായ നാം എന്നിങ്ങനെ അതിലു​മേറെ സങ്കീർണ​മായ കാര്യങ്ങൾ ആകസ്‌മി​ക​മാ​യി ഉളവാ​യ​താ​ണെന്നു പറയുക ന്യായ​മാ​യി​രി​ക്കു​മോ?” ദൈവ​ത്തിൽ വിശ്വ​സി​ക്കു​ന്ന​തിന്‌ ഈടുറ്റ കാരണം കാണി​ക്കു​ന്ന​തി​നു ലേഖന​ത്തിൽനി​ന്നുള്ള ഒരു ഖണ്ഡിക ഉപയോ​ഗി​ക്കുക. മാസി​ക​യു​ടെ മൂല്യ​ത്തെ​ക്കു​റി​ച്ചു വിശദീ​ക​രി​ക്കു​ക​യും വരിസം​ഖ്യ സമർപ്പി​ക്കു​ക​യും ചെയ്യുക.

³ ഏപ്രിൽ 15 ലക്കം “വീക്ഷാ​ഗോ​പു​രം,” “സത്യാ​രാ​ധ​ന​യ്‌ക്കു ദൈവാ​നു​ഗ്രഹം ലഭിക്കു​ന്ന​തി​ന്റെ കാരണം” എന്ന ലേഖനം വിശേ​ഷ​വ​ത്‌ക​രി​ക്കു​ന്നു. അത്‌ അവതരി​പ്പി​ക്കു​ന്ന​തി​നു മുമ്പ്‌, ഉചിത​മാ​യി​രി​ക്കു​ന്നി​ടത്ത്‌ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌:

◼“ലോക​ത്തിൽ നൂറു​ക​ണ​ക്കി​നു മതങ്ങൾ നിലവി​ലി​രി​ക്കെ, അവയെ​ല്ലാം ദൈവ​ത്തി​നു സ്വീകാ​ര്യ​മാ​യി​രി​ക്കു​മെന്നു നിങ്ങൾ കരുതു​ന്നു​ണ്ടോ? [അഭി​പ്രാ​യം പറയാൻ അനുവ​ദി​ക്കുക.] മതഭക്ത​രായ പല വ്യക്തി​ക​ളും എന്തുതന്നെ അവകാ​ശ​പ്പെ​ട്ടാ​ലും ദൈവ​ഹി​തം പ്രവർത്തി​ക്കാ​ത്തവർ തള്ളിക്ക​ള​യ​പ്പെ​ടു​മെന്നു യേശു മുൻകൂ​ട്ടി​പ്പ​റഞ്ഞു. [മത്തായി 7:21-23 വായി​ക്കുക.] യേശു പഠിപ്പിച്ച സത്യമതം നാം തിരി​ച്ച​റി​യു​ന്നതു പ്രധാ​ന​മാണ്‌.” 16-ാമത്തെ പേജിൽ തുടങ്ങുന്ന “സത്യമതം എന്തു ഫലം പുറ​പ്പെ​ടു​വി​ക്കണം?” എന്ന ശീർഷ​ക​ത്തി​ലേക്കു തിരിഞ്ഞ്‌, ഈ ആശയം ചിത്രീ​ക​രി​ക്കാൻ ഒരു ഉദാഹ​രണം ചർച്ച ചെയ്യുക.

⁴ ഏപ്രിൽ 22 ലക്കം “ഉണരുക!”യിലെ “മേലാൽ യുദ്ധങ്ങൾ ഇല്ലാതാ​കു​മ്പോൾ” എന്ന മുഖ്യ വിഷയം എടുത്തു​കാ​ണി​ക്കു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ഈ നൂറ്റാ​ണ്ടിൽ, രണ്ടു ലോക​യു​ദ്ധങ്ങൾ ഉൾപ്പെടെ, നൂറു​ക​ണ​ക്കി​നു യുദ്ധങ്ങൾ അരങ്ങേ​റി​യി​ട്ടുണ്ട്‌. എന്നാൽ തങ്ങൾ സമാധാ​നം ആഗ്രഹി​ക്കു​ന്നു​വെന്ന്‌ മിക്കവാ​റും എല്ലാ ലോക​നേ​താ​ക്ക​ന്മാ​രും പറയുന്നു. എനിക്ക​റി​യാ​വുന്ന എല്ലാവ​രും അതുത​ന്നെ​യാ​ണു പറയു​ന്നത്‌. എല്ലാവ​രും സമാധാ​ന​മാണ്‌ ആഗ്രഹി​ക്കു​ന്ന​തെ​ങ്കിൽ, എന്തു​കൊണ്ട്‌ അവർക്കതു നേടി​ക്കൂ​ടാ? [പ്രതി​ക​രി​ക്കാൻ അനുവ​ദി​ക്കുക.] ഭൂമി​യിൽ യഥാർഥ സമാധാ​നം ഉണ്ടായി​രി​ക്കു​ന്ന​തിന്‌ എന്താണ്‌ ആവശ്യ​മാ​യി​രി​ക്കു​ന്ന​തെ​ന്നാ​ണു നിങ്ങൾ വിചാ​രി​ക്കു​ന്നത്‌?” വീട്ടു​കാ​രൻ പ്രതി​ക​രി​ച്ച​ശേഷം, 8-ഉം 9-ഉം പേജു​ക​ളി​ലേക്കു തിരിഞ്ഞ്‌ സങ്കീർത്തനം 46:8, 9 പോലുള്ള വാക്യങ്ങൾ വായി​ക്കുക. ചിത്ര​ങ്ങ​ളും ഉദ്ധരി​ച്ചി​രി​ക്കുന്ന തിരു​വെ​ഴു​ത്തു​ക​ളും ഉപയോ​ഗിച്ച്‌ എന്നേക്കും നിലനിൽക്കുന്ന ലോക​വ്യാ​പക സമാധാ​നം ദൈവ​രാ​ജ്യം എങ്ങനെ കൈവ​രു​ത്തു​മെന്നു കാട്ടി​ക്കൊ​ടു​ക്കുക. എന്നിട്ട്‌ വരിസം​ഖ്യ സമർപ്പി​ക്കു​ക​യും മടങ്ങി​ച്ചെ​ല്ലാ​നുള്ള ക്രമീ​ക​രണം നടത്തു​ക​യും ചെയ്യുക.

⁵ തിരക്കാ​ണെന്നു പറയുന്ന അനേക​മാ​ളു​കളെ കണ്ടെത്തു​ന്ന​പക്ഷം, നിങ്ങൾക്ക്‌ ഇത്‌ ഉപയോ​ഗി​ച്ചു​നോ​ക്കാ​വു​ന്ന​താണ്‌:

◼“തിരക്കിട്ട ജീവിതം നയിക്കു​ന്ന​വ​രെ​യും ജീവി​ത​ത്തി​ന്റെ ആത്മീയ വശത്തെ​ക്കു​റി​ച്ചു ചിന്തി​ക്കാൻ സമയമി​ല്ലാ​ത്ത​വ​രെ​യും സഹായി​ക്കാൻ ഞങ്ങൾക്കു താത്‌പ​ര്യ​മുണ്ട്‌. ഞങ്ങളുടെ ഈ പത്രി​ക​ക​ളായ വീക്ഷാ​ഗോ​പു​ര​വും ഉണരുക!യും, നിങ്ങ​ളെ​യും നിങ്ങളു​ടെ കുടും​ബ​ത്തെ​യും ബാധി​ക്കുന്ന പ്രധാന വിഷയങ്ങൾ സംബന്ധിച്ച്‌ സംഗ്ര​ഹിത വിവരങ്ങൾ പ്രദാനം ചെയ്യുന്നു. നിങ്ങൾ ഈ കോപ്പി​കൾ സ്വീക​രി​ക്ക​ണ​മെ​ന്ന​താ​ണു ഞങ്ങളുടെ ഇഷ്ടം.”

⁶ വരിസം​ഖ്യ നിരസി​ക്കു​ന്ന​വർക്ക്‌ ഈ മാസി​ക​ക​ളു​ടെ പല കോപ്പി​കൾ 4.00 രൂപ സംഭാ​വ​ന​യ്‌ക്ക്‌ സമർപ്പി​ക്കാൻ മറക്കാ​തി​രി​ക്കുക. “മെച്ചമായ കാര്യ​ത്തെ​ക്കു​റി​ച്ചുള്ള സുവാർത്ത” എത്തിക്കുന്ന വീക്ഷാ​ഗോ​പു​ര​വും ഉണരുക!യും വായി​ക്കു​ന്ന​തിൽനിന്ന്‌ അവർ തീർച്ച​യാ​യും പ്രയോ​ജ​ന​മ​നു​ഭ​വി​ക്കും.—യെശ. 52:7, NW.