പുരോ​ഗ​മ​ന​പ​ര​മായ ബൈബി​ള​ധ്യ​യ​നങ്ങൾ നടത്തൽ

¹ ടാൻസാ​നി​യ​യി​ലെ ഒരു നഴ്‌സി​നും അർജൻറീ​ന​യി​ലെ ഒരു പെൺകു​ട്ടി​ക്കും ലട്‌വി​യ​യി​ലെ ഒരു മാതാ​വി​നും പൊതു​വാ​യു​ള്ളത്‌ എന്താണ്‌? പരിജ്ഞാ​നം പുസ്‌ത​ക​ത്തിൽനിന്ന്‌ ഓരോ വാരത്തി​ലും ഒന്നില​ധി​കം തവണ പഠിക്കാൻ മനസ്സൊ​രു​ക്കം കാട്ടി​യതു നിമിത്തം മൂവരും തങ്ങളുടെ ഭവന ബൈബി​ള​ധ്യ​യ​ന​ങ്ങ​ളിൽ സത്വര പുരോ​ഗതി കൈവ​രി​ച്ചു​വെന്ന്‌ 1997 വാർഷിക പുസ്‌തകം (പേജുകൾ 8, 46, 56) റിപ്പോർട്ടു ചെയ്യുന്നു. സാധ്യ​മാ​കു​മ്പോ​ഴെ​ല്ലാം ഓരോ അധ്യയ​ന​ത്തി​നും പുസ്‌ത​ക​ത്തി​ന്റെ ഒരു അധ്യായം വീതം ചർച്ച​ചെ​യ്യാൻ ശ്രമി​ക്കു​ന്ന​തി​നു പ്രസാ​ധ​ക​രോ​ടു ശുപാർശ ചെയ്‌തി​രി​ക്കു​ന്നു. എന്നാൽ അപ്രകാ​രം ചെയ്യു​ന്നത്‌ ഒരു വെല്ലു​വി​ളി​യാ​ണെന്നു ചിലർ കണ്ടെത്തു​ന്നു. ഓരോ വിദ്യാർഥി​യു​ടെ​യും സാഹച​ര്യ​ങ്ങ​ളി​ലും പ്രാപ്‌തി​യി​ലു​മാണ്‌ അധിക​വും ആശ്രയി​ച്ചി​രി​ക്കു​ന്ന​തെ​ങ്കി​ലും, പിൻവ​രുന്ന നിർദേ​ശങ്ങൾ പ്രാവർത്തി​ക​മാ​ക്കി​ക്കൊണ്ട്‌ പരിച​യ​സ​മ്പ​ന്ന​രായ അധ്യാ​പകർ വിജയം കണ്ടെത്തി​യി​രി​ക്കു​ന്നു.

² 1996 ജൂണിലെ നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തിൽ ചർച്ച​ചെ​യ്‌തി​രു​ന്ന​തു​പോ​ലെ അധ്യയ​ന​ത്തി​നാ​യി തയ്യാറാ​കാൻ നിങ്ങളു​ടെ വിദ്യാർഥി​കളെ പരിശീ​ലി​പ്പി​ക്കേ​ണ്ടത്‌ അനിവാ​ര്യ​മാണ്‌. ഇത്‌ എങ്ങനെ ചെയ്യാ​മെന്നു തുടക്ക​ത്തിൽതന്നെ വിശദീ​ക​രി​ക്കു​ക​യും പ്രകടി​പ്പി​ച്ചു കാട്ടു​ക​യും ചെയ്യു​ന്നതു നല്ലതാ​യി​രി​ക്കും. നിങ്ങളു​ടെ വ്യക്തി​പ​ര​മായ പഠനത്തി​നുള്ള പരിജ്ഞാ​നം പുസ്‌ത​ക​ത്തി​ന്റെ പ്രതി അവരെ കാണി​ക്കുക. ആദ്യത്തെ പാഠം ഒരുമി​ച്ചു തയ്യാറാ​കുക. അച്ചടി​ച്ചി​രി​ക്കുന്ന ചോദ്യ​ത്തി​നു നേരിട്ട്‌ ഉത്തരം നൽകുന്ന പ്രധാന പദങ്ങളും പ്രയോ​ഗ​ങ്ങ​ളും കണ്ടുപി​ടിച്ച്‌ അടിവ​ര​യി​ടു​ക​യോ നിറം​കൊ​ടുത്ത്‌ എടുത്തു​കാ​ട്ടു​ക​യോ ചെയ്യാൻ വിദ്യാർഥി​യെ സഹായി​ക്കുക. അങ്ങനെ നിറം​കൊ​ടു​ക്കാൻ ചില പ്രസാ​ധകർ തങ്ങളുടെ വിദ്യാർഥി​കൾക്കു വർണപ്പേന (marker) പോലും കൊടു​ത്തി​ട്ടുണ്ട്‌. അധ്യയ​ന​ത്തി​നാ​യി തയ്യാറാ​കു​മ്പോൾ എല്ലാ തിരു​വെ​ഴു​ത്തു​ക​ളും എടുത്തു​നോ​ക്കാൻ അവരെ പ്രോ​ത്സാ​ഹി​പ്പി​ക്കുക. ഇങ്ങനെ ചെയ്യവെ, സഭാ പുസ്‌ത​കാ​ധ്യ​യ​ന​ത്തി​നും വീക്ഷാ​ഗോ​പുര അധ്യയ​ന​ത്തി​നും വേണ്ടി തയ്യാറാ​കാ​നും നിങ്ങൾ അവരെ പരിശീ​ലി​പ്പി​ക്കു​ക​യാ​യി​രി​ക്കും.—ലൂക്കൊ. 6:40.

³ ഒരു നല്ല അധ്യാ​പകൻ സ്വയം വളരെ കൂടുതൽ സംസാ​രി​ക്കാ​തെ വിദ്യാർഥി​യെ തുറന്നു സംസാ​രി​ക്കാൻ പ്രേരി​പ്പി​ക്കു​ന്നു. പ്രാധാ​ന്യം കുറഞ്ഞ ആശയങ്ങ​ളാൽ വ്യതി​ച​ലി​പ്പി​ക്ക​പ്പെ​ടു​ന്നത്‌ അദ്ദേഹം ഒഴിവാ​ക്കു​ന്നു. കൂടു​ത​ലായ വിഷയങ്ങൾ അപൂർവ​മാ​യേ അദ്ദേഹം അവതരി​പ്പി​ക്കു​ക​യു​ള്ളൂ. പകരം, പാഠത്തി​ലെ പ്രധാന ആശയങ്ങൾക്ക്‌ അദ്ദേഹം ഊന്നൽ നൽകുന്നു. ചോദ്യ​ങ്ങൾക്ക്‌ ഉത്തരങ്ങൾ കണ്ടെത്താൻ വിദ്യാർഥി​കളെ സഹായി​ക്കു​ന്ന​തി​നു ചിലർ വിദ്യാർഥി​കൾക്കു മറ്റു സാഹി​ത്യ​ങ്ങൾ കൊടു​ത്തി​ട്ടുണ്ട്‌. അതിനു​പു​റമേ, സഭാ​യോ​ഗ​ങ്ങ​ളിൽ സംബന്ധി​ക്കു​ന്ന​തി​ലൂ​ടെ താത്‌പ​ര്യ​ക്കാർക്കു കൂടു​ത​ലായ വിശദ വിവരങ്ങൾ ലഭിക്കും.

⁴ പാഠത്തിൽ പരാമർശി​ച്ചി​രി​ക്കുന്ന എല്ലാ തിരു​വെ​ഴു​ത്തു​ക​ളും എടുത്തു​നോ​ക്കേണ്ട ആവശ്യ​മി​ല്ലാ​യി​രി​ക്കാം. ഖണ്ഡിക​യിൽ ഉദ്ധരി​ച്ചി​രി​ക്കുന്ന വാക്യ​ങ്ങ​ളിൽനി​ന്നുള്ള ചില പ്രധാന ആശയങ്ങൾ വിശദീ​ക​രി​ക്കാ​വു​ന്ന​താണ്‌. പുനര​വ​ലോ​കന സമയത്ത്‌, ചർച്ച​ചെയ്‌ത മുഖ്യ തിരു​വെ​ഴു​ത്തു​കൾക്ക്‌ ഊന്നൽ നൽകു​ക​യും അവ ഓർമ​യിൽ വെക്കാൻ വിദ്യാർഥി​യെ പ്രോ​ത്സാ​ഹി​പ്പി​ക്കു​ക​യും ചെയ്യുക.

⁵ ഓരോ അധ്യയ​ന​വും എത്ര​നേരം ദീർഘി​ക്കണം?: അധ്യയനം ഒരുമ​ണി​ക്കൂ​റാ​യി പരിമി​ത​പ്പെ​ടു​ത്തേ​ണ്ട​തില്ല. ചില വീട്ടു​കാർക്കു സമയമു​ണ്ടാ​യി​രി​ക്കു​ക​യും കൂടുതൽ നേരം പഠിക്കാൻ ആഗ്രഹി​ക്കു​ക​യും ചെയ്‌തേ​ക്കാം. അല്ലെങ്കിൽ, ആഴ്‌ച​യിൽ ഒന്നില​ധി​കം പ്രാവ​ശ്യം പഠിക്കാൻ വിദ്യാർഥി ആഗ്രഹി​ച്ചേ​ക്കാം. അപ്രകാ​രം ചെയ്യാൻ കഴിയു​ന്ന​വർക്ക്‌ അതു പ്രയോ​ജ​ന​ക​ര​മാ​യി​രി​ക്കും.

⁶ യെശയ്യാ​വു 60:8 വർണി​ക്കു​ന്ന​തു​പോ​ലെ, ഇന്ന്‌ യഹോ​വ​യു​ടെ ശതസഹ​സ്ര​ക്ക​ണ​ക്കി​നു നവ സ്‌തു​തി​പാ​ഠകർ അവന്റെ ജനത്തിന്റെ സഭകളി​ലേക്കു “മേഘം​പോ​ലെ​യും തങ്ങളുടെ കിളി​വാ​തി​ലു​ക​ളി​ലേക്കു [പോകുന്ന] പ്രാവു​ക​ളെ​പ്പോ​ലെ​യും പറന്നു​വ​രു​ന്നു.” ചെമ്മരി​യാ​ടു തുല്യ​രാ​യ​വ​രു​ടെ കൂട്ടി​ച്ചേർപ്പ്‌ യഹോവ ശീഘ്ര​ഗ​തി​യി​ലാ​ക്കവെ അവനോട്‌ അടുത്തു​ചേർന്നു പ്രവർത്തി​ക്കു​ന്ന​തിൽ നമുക്കു നമ്മുടെ ഭാഗം നിർവ​ഹി​ക്കാം.—യെശ. 60:22.