യഹോ​വ​യു​ടെ സേവനത്തെ കേന്ദ്രീ​ക​രിച്ച്‌ നിങ്ങളു​ടെ ജീവിതം കെട്ടി​പ്പ​ടു​ക്കു​ക

¹ യേശു തന്റെ ശ്രോ​താ​ക്കളെ രണ്ടു വിധത്തിൽ കെട്ടിടം പണിയു​ന്ന​വ​രോട്‌ ഉപമിച്ചു. ക്രിസ്‌തു​വി​നോ​ടുള്ള അനുസ​ര​ണ​മാ​കുന്ന പാറ​മേ​ലാണ്‌ ഒരു കൂട്ടർ തങ്ങളുടെ ജീവിത രീതി കെട്ടി​പ്പ​ടു​ത്തത്‌. തന്മൂലം എതിർപ്പി​ന്റെ​യും പീഡന​ത്തി​ന്റെ​യും കൊടു​ങ്കാ​റ്റു​കളെ ചെറു​ത്തു​നിൽക്കാൻ അവർക്കു സാധിച്ചു. അനുസ​ര​ണ​ക്കേ​ടാ​കുന്ന മണലി​ന്മേൽ ആണു രണ്ടാമത്തെ കൂട്ടർ പണിതത്‌. സമ്മർദം വന്നപ്പോൾ നേരി​ടാൻ അവർ അപ്രാപ്‌തർ ആയിരു​ന്നു. (മത്താ. 7:24-27) വ്യവസ്ഥി​തി​യു​ടെ സമാപ​ന​ത്തി​ങ്കൽ ജീവി​ക്കു​ന്നവർ എന്നനി​ല​യിൽ നാം എതിർപ്പി​ന്റെ നിരവധി കൊടു​ങ്കാ​റ്റു​കളെ നേരി​ടു​ന്നു. മഹോ​പ​ദ്ര​വ​ത്തി​ന്റെ കാർമേ​ഘങ്ങൾ ചക്രവാ​ള​ത്തിൽ അതി​വേഗം ഉരുണ്ടു​കൂ​ടു​ക​യാണ്‌. വിശ്വാ​സ​ത്തി​നു ഹാനി തട്ടാതെ നാം അന്ത്യ​ത്തോ​ളം സഹിച്ചു നിൽക്കു​മോ? (മത്താ. 24:3, 13, 21) അതു മുഖ്യ​മാ​യും ഇപ്പോൾ നാം നമ്മുടെ ജീവിതം എപ്രകാ​രം കെട്ടി​പ്പ​ടു​ക്കു​ന്നു എന്നതിനെ ആശ്രയി​ച്ചാണ്‌ ഇരിക്കു​ന്നത്‌. അതു​കൊണ്ട്‌ നമ്മോ​ടു​തന്നെ ഇപ്രകാ​രം ചോദി​ക്കു​ന്നതു പ്രധാ​ന​മാണ്‌, ‘ദൈവ​ത്തോ​ടുള്ള അനുസ​ര​ണ​പൂർവ​ക​മായ സേവനത്തെ കേന്ദ്രീ​ക​രിച്ച്‌ ആണോ ഞാൻ എന്റെ ക്രിസ്‌തീയ ജീവിതം കെട്ടി​പ്പ​ടു​ക്കു​ന്നത്‌?’

² നമ്മുടെ ജീവിതം യഹോ​വ​യു​ടെ സേവനത്തെ കേന്ദ്രീ​ക​രിച്ച്‌ കെട്ടി​പ്പ​ടു​ക്കുക എന്നതിന്റെ അർഥ​മെ​ന്താണ്‌? അതിന്റെ അർഥം യഹോ​വയെ നമ്മുടെ ജീവി​ത​ത്തി​ന്റെ കേന്ദ്ര​മാ​ക്കുക എന്നാണ്‌. നമ്മുടെ പ്രഥമ താത്‌പ​ര്യം രാജ്യ​ത്തിൽ കേന്ദ്രീ​ക​രി​ക്കു​ന്ന​തും അതിൽ ഉൾപ്പെ​ടു​ന്നു. നമ്മുടെ ദൈനം​ദിന ജീവി​ത​ത്തി​ലെ എല്ലാ പ്രവർത്ത​ന​ങ്ങ​ളി​ലും ദൈവത്തെ അനുസ​രി​ക്കു​ന്ന​തി​നെ​യും അത്‌ അർഥമാ​ക്കു​ന്നു. അത്‌, വ്യക്തി​പ​ര​വും സഭാപ​ര​വും കുടും​ബ​മൊ​ത്തൊ​രു​മി​ച്ചു​മുള്ള ബൈബിൾ പഠനത്തി​നും വയൽ ശുശ്രൂ​ഷയ്‌ക്കും മുൻഗണന കൊടു​ത്തു​കൊണ്ട്‌ അവയിൽ പൂർണ​മാ​യി പങ്കുപ​റ്റേ​ണ്ടത്‌ ആവശ്യ​മാ​ക്കി​ത്തീർക്കു​ന്നു. (സഭാ. 12:13; മത്താ. 6:33) അനുസ​ര​ണ​പൂർവ​ക​മായ അത്തരം ജീവിത രീതി, ആഞ്ഞടി​ച്ചേ​ക്കാൻ സാധ്യ​ത​യുള്ള എതിർപ്പി​ന്റേ​തായ ഏതൊരു കൊടു​ങ്കാ​റ്റി​ന്റെ​യും മുമ്പിൽ തകർന്നു​പോ​കാത്ത, പാറ​പോ​ലെ ഉറച്ച വിശ്വാ​സ​ത്തിൽ കലാശി​ക്കും.

³ യേശു​വി​നെ​പ്പോ​ലെ, ദശലക്ഷ​ക്ക​ണ​ക്കിന്‌ ആളുകൾ വിശ്വാ​സ​ത്തോ​ടെ തങ്ങളുടെ ജീവി​ത​വും ഭാവി പ്രതീ​ക്ഷ​ക​ളും ദൈവ സേവന​ത്തിൽ കേന്ദ്രീ​ക​രി​ക്കു​ന്നതു കാണു​ന്നത്‌ സന്തോ​ഷ​ക​ര​മാണ്‌. (യോഹ. 4:34) അവർ ദിവ്യാ​ധി​പത്യ പ്രവർത്ത​ന​ങ്ങ​ളു​ടെ സ്ഥിരമായ ഒരു പട്ടിക​യോ​ടു പറ്റിനിൽക്കു​ക​യും തത്‌ഫ​ല​മാ​യി സമൃദ്ധ​മായ അനു​ഗ്ര​ഹങ്ങൾ ആസ്വദി​ക്കു​ക​യും ചെയ്യുന്നു. തങ്ങളുടെ രണ്ടു പുത്ര​ന്മാ​രും യഹോ​വയെ സേവി​ക്കാൻ തീരു​മാ​നം എടുക്ക​ത്ത​ക്ക​വി​ധം താനും ഭർത്താ​വും അവരെ വിജയ​ക​ര​മാ​യി വളർത്തി​ക്കൊ​ണ്ടു​വ​ന്നത്‌ എപ്രകാ​ര​മെന്ന്‌ ഒരു മാതാവു വിശദീ​ക​രി​ച്ചു: “ഞങ്ങൾ ഞങ്ങളുടെ ജീവി​തത്തെ സത്യം​കൊ​ണ്ടു നിറച്ചു, എല്ലാ കൺ​വെൻ​ഷ​നു​കൾക്കും ഹാജരാ​യി​ക്കൊ​ണ്ടും യോഗ​ങ്ങൾക്കു തയ്യാറാ​കു​ക​യും അതിൽ പങ്കുപ​റ്റു​ക​യും ചെയ്‌തു​കൊ​ണ്ടും ക്രമമായ വയൽ സേവനത്തെ ഞങ്ങളുടെ ജീവി​ത​ത്തി​ന്റെ ഒരു ഭാഗമാ​ക്കി​ക്കൊ​ണ്ടു​മാണ്‌ ഞങ്ങൾ അതു ചെയ്‌തത്‌.” അവരുടെ ഭർത്താവ്‌ കൂട്ടി​ച്ചേർത്തു: “സത്യം ഞങ്ങളുടെ ജീവി​ത​ത്തി​ന്റെ ഭാഗമല്ല, പിന്നെ​യോ അതു ഞങ്ങളുടെ ജീവി​ത​മാണ്‌. മറ്റെല്ലാ കാര്യ​ങ്ങ​ളും അതിനെ ചുറ്റി​പ്പ​റ്റി​യാണ്‌.” നിങ്ങളു​ടെ കുടും​ബ​ത്തി​ലും ഇതേ വിധത്തിൽ യഹോ​വ​യു​ടെ സേവന​ത്തിന്‌ മുൻഗണന കൊടു​ത്തി​രി​ക്കു​ന്നു​വോ?

⁴ പിൻപ​റ്റാ​വുന്ന ഒരു പ്രതി​വാര പട്ടിക ഉണ്ടാക്കുക: വാരത്തിൽ അഞ്ചു യോഗങ്ങൾ ക്രമീ​ക​രി​ച്ചു​കൊണ്ട്‌, ഒരു ഉത്തമ ആത്മീയ ദിനചര്യ പിൻപ​റ്റാൻ യഹോ​വ​യു​ടെ സംഘടന നമ്മെ സഹായി​ക്കു​ന്നു. യഹോ​വ​യു​ടെ ആരാധ​ന​യിൽ കേന്ദ്രീ​ക​രി​ച്ചു​കൊണ്ട്‌ തങ്ങളുടെ ജീവിതം കെട്ടി​പ്പ​ടു​ക്കുന്ന ക്രിസ്‌ത്യാ​നി​കൾ, പ്രാധാ​ന്യ​മേ​റിയ ഈ യോഗ​ങ്ങൾക്കെ​ല്ലാം ഹാജരാ​കാൻ പാകത്തിന്‌ തങ്ങളുടെ ലൗകിക, കുടുംബ കാര്യാ​ദി​കൾ ക്രമീ​ക​രി​ക്കു​ന്നു. യോഗ​ങ്ങൾക്കു ക്രമമാ​യി ഹാജരാ​കു​ന്ന​തിൽ തടസ്സം സൃഷ്ടി​ക്കാൻ അവർ പ്രാധാ​ന്യം കുറഞ്ഞ സംഗതി​കളെ അനുവ​ദി​ക്കു​ന്നില്ല.—ഫിലി. 1:10; എബ്രാ. 10:24, 25.

⁵ ഓരോ ദിവസ​വും നിശ്ചിത സമയങ്ങ​ളിൽ ക്രമമാ​യി ഭക്ഷണം കഴിക്കു​ന്നതു പ്രധാനം ആയിരി​ക്കു​ന്ന​തു​പോ​ലെ, യോഗ​ങ്ങൾക്കു തയ്യാറാ​കു​ന്നത്‌ ഉൾപ്പെടെ വ്യക്തി​പ​ര​വും കുടും​ബ​പ​ര​വും ആയ പഠനത്തിന്‌ ഒരു നിശ്ചിത പട്ടിക ഉണ്ടാ​ക്കേ​ണ്ടത്‌ അനിവാ​ര്യ​മാ​ണെന്ന്‌ പക്വമ​തി​ക​ളായ ക്രിസ്‌ത്യാ​നി​കൾ തിരി​ച്ച​റി​യു​ന്നു. (മത്താ. 4:4) വ്യക്തി​പ​ര​മായ പഠനത്തി​നാ​യി ഓരോ ദിവസ​വും 15-ഓ 20-ഓ മിനിറ്റ്‌ എങ്കിലും മാറ്റി​വെ​ക്കാൻ നിങ്ങൾക്കു കഴിയു​മോ? പഠനത്തി​നാ​യി മാറ്റി​വെ​ച്ചി​രി​ക്കുന്ന സമയം അപഹരി​ക്കാൻ മറ്റു സംഗതി​കളെ അനുവ​ദി​ക്കാ​തി​രി​ക്കുക എന്നതാണ്‌ മുഖ്യ സംഗതി. അതു പ്രയോ​ജ​ന​പ്ര​ദ​മായ ഒരു ശീലമാ​ക്കുക. അതിനു ചില​പ്പോൾ, ഇപ്പോൾ എഴു​ന്നേൽക്കു​ന്ന​തി​നെ​ക്കാൾ നേരത്തെ എഴു​ന്നേൽക്കേണ്ടി വന്നേക്കാം. ലോക വ്യാപക ബെഥേൽ കുടും​ബ​ത്തി​ലെ 17,000 അംഗങ്ങൾ, ദിനവാ​ക്യ ചർച്ചയിൽ പങ്കുപ​റ്റാ​നാ​യി അതിരാ​വി​ലെ ഉറക്കമു​ണ​രു​ന്നു. രാവിലെ നേരത്തെ എഴു​ന്നേൽക്കാൻ, രാത്രി​യിൽ അൽപ്പം നേരത്തേ കിട​ക്കേ​ണ്ട​തു​ണ്ടാ​യി​രി​ക്കാം. അപ്പോൾ വേണ്ടത്ര വിശ്ര​മിച്ച ശേഷം, പുതിയ ഒരു ദിവസം ഉന്മേഷ​ത്തോ​ടെ തുടങ്ങു​ന്ന​തി​നു സാധി​ക്കും.

⁶ നിങ്ങൾ ഒരു കുടും​ബ​ത്ത​ലവൻ ആണെങ്കിൽ, കുടും​ബ​ത്തി​ന്റെ ദിവ്യാ​ധി​പത്യ പ്രവർത്തന പട്ടിക ആസൂ​ത്രണം ചെയ്യു​ന്ന​തി​നും അതിന്‌ അനുസൃ​ത​മാ​യി കാര്യങ്ങൾ ക്രമീ​ക​രി​ക്കു​ന്ന​തി​നും മുൻകൈ എടുക്കുക. ചില കുടും​ബങ്ങൾ, അത്താഴ ശേഷം വിശ്ര​മി​ക്കു​മ്പോൾ ബൈബി​ളോ വാർഷി​ക​പുസ്‌ത​ക​മോ മറ്റേ​തെ​ങ്കി​ലും പ്രസി​ദ്ധീ​ക​ര​ണ​മോ ഒന്നിച്ചു വായി​ക്കു​ന്നു. ഒത്തൊ​രു​മിച്ച്‌, ആത്മീയ​മാ​യി പുഷ്ടി​പ്പെ​ടു​ത്തും വിധം സമയം ചെലവ​ഴി​ക്കു​ന്ന​തി​നാ​യി വാരത്തിൽ ഒരു സായാഹ്നം വീതം മാറ്റി​വെ​ക്കുക എന്ന തങ്ങളുടെ പതിവാണ്‌ വിജയ​ത്തി​നു സംഭാവന ചെയ്‌ത ഒരു ഘടകം എന്ന്‌ മക്കൾ ആത്മീയ​മാ​യി കരുത്തുറ്റ ക്രിസ്‌ത്യാ​നി​കൾ ആയിത്തീ​രു​ന്ന​തി​നു സാക്ഷ്യം​വ​ഹിച്ച അനേകം മാതാ​പി​താ​ക്കൾ അഭി​പ്രാ​യ​പ്പെ​ടു​ന്നു. അവരിൽ ഒരു പിതാവു പറഞ്ഞു: “ബുധനാഴ്‌ച രാത്രി​യിൽ ക്രമമാ​യി നടത്തി​യി​രുന്ന കുടുംബ അധ്യയനം ആയിരു​ന്നു ഞങ്ങളുടെ മക്കളുടെ ആത്മീയ വളർച്ചയ്‌ക്കു കാരണം എന്നാണ്‌ എനിക്കു തോന്നു​ന്നത്‌. ഏതാണ്ട്‌ 30 വർഷം മുമ്പ്‌ തുടങ്ങി​വെച്ച ഒരു പതിവാ​യി​രു​ന്നു അത്‌.” ഇളം​പ്രാ​യ​ത്തിൽ തന്നെ സ്‌നാ​പ​ന​മേറ്റ അദ്ദേഹ​ത്തി​ന്റെ മൂന്നു മക്കളും മുഴു സമയ ശൂശ്രൂ​ഷ​യിൽ പ്രവേ​ശി​ച്ചു. കുടുംബ അധ്യയ​ന​ത്തി​നു പുറമേ, യോഗ നിയമ​ന​ങ്ങ​ളോ വയൽ സേവന അവതര​ണ​ങ്ങ​ളോ റിഹേഴ്‌സ്‌ ചെയ്യാ​വു​ന്ന​താണ്‌. അല്ലെങ്കിൽ ആരോ​ഗ്യാ​വ​ഹ​മായ മറ്റു പ്രവർത്ത​നങ്ങൾ ഒന്നിച്ച്‌ ആസ്വദി​ക്കാ​വു​ന്ന​താണ്‌.

⁷ പ്രതി​വാര പട്ടിക​യിൽ, രാജ്യ പ്രസം​ഗ​ത്തി​നാ​യി നിങ്ങൾ ‘സമയം വിലയ്‌ക്കു വാങ്ങി’യിട്ടു​ണ്ടോ? (കൊലൊ. 4:5, NW) കുടും​ബ​പ​ര​വും സഭാപ​ര​വു​മായ ഉത്തരവാ​ദി​ത്വ​ങ്ങൾക്കാ​യി കരു​തേ​ണ്ട​തുള്ള നമ്മിൽ മിക്കവ​രു​ടെ​യും ജീവിതം വളരെ തിര​ക്കേ​റി​യ​താണ്‌. ഓരോ ആഴ്‌ച​യും പ്രസംഗ, പഠിപ്പി​ക്കൽ വേലയിൽ പങ്കുപ​റ്റാ​നാ​യി നാം ആസൂ​ത്രിത ക്രമീ​ക​ര​ണങ്ങൾ നടത്തു​ന്നി​ല്ലെ​ങ്കിൽ, മറ്റു കാര്യാ​ദി​കൾ ഈ മർമ​പ്ര​ധാന പ്രവർത്ത​ന​ത്തി​നുള്ള സമയം അപഹരി​ച്ചേ​ക്കാം. ഒരു വലിയ കന്നുകാ​ലി വളർത്തു​കേ​ന്ദ്ര​ത്തി​ന്റെ ഉടമസ്ഥ​നായ ഒരു സഹോ​ദരൻ പറഞ്ഞു: “എനിക്കു സേവന​ത്തിൽ ഏർപ്പെ​ടാ​നുള്ള ഒരേ​യൊ​രു മാർഗം അതിനാ​യി ഒരു നിശ്ചിത ദിവസം പട്ടിക​പ്പെ​ടു​ത്തുക ആണെന്ന്‌ ഏതാണ്ട്‌ 1944-ഓടേ ഞാൻ തിരി​ച്ച​റി​ഞ്ഞു. ഇന്നുവരെ, സേവന​ത്തിൽ ഏർപ്പെ​ടാ​നാ​യി ഞാൻ വാരത്തിൽ ഒരു ദിവസം വീതം ജോലി​യിൽനിന്ന്‌ ഒഴിഞ്ഞ്‌ നിന്നി​രി​ക്കു​ന്നു.” സാക്ഷീ​ക​ര​ണ​ത്തിൽ ഏർപ്പെ​ടു​ന്ന​തിന്‌ ഒരു നിശ്ചിത പട്ടിക ഉള്ളത്‌ ഓരോ മാസവും പ്രസം​ഗ​വേ​ല​യിൽ ശരാശരി 15 മണിക്കൂർ ചെലവ​ഴി​ക്കാൻ തന്നെ പ്രാപ്‌ത​നാ​ക്കു​ന്നു എന്ന്‌ ഒരു ക്രിസ്‌തീയ മൂപ്പൻ കണ്ടെത്തു​ന്നു. ശനിയാഴ്‌ച അദ്ദേഹ​ത്തിന്‌ എന്തെങ്കി​ലും ലൗകിക കാര്യാ​ദി​കൾ ചെയ്യേ​ണ്ട​തു​ണ്ടെ​ങ്കിൽ, അദ്ദേഹം അത്‌ രാവി​ലത്തെ വയൽ സേവന​ത്തി​നു ശേഷം ചെയ്യുന്നു. വയൽ സേവനത്തെ നിങ്ങളു​ടെ ആത്മീയ ജീവി​ത​ത്തി​ന്റെ ഭാഗമാ​ക്കി​ക്കൊണ്ട്‌, ആഴ്‌ച​യിൽ ഒരു ദിവസം എങ്കിലും അതിൽ പങ്കുപ​റ്റാൻ നിങ്ങൾക്കും കുടും​ബ​ത്തി​നും സാധി​ക്കു​മോ?—ഫിലി. 3:16, NW.

⁸ നിങ്ങളു​ടെ ജീവി​ത​ചര്യ പരി​ശോ​ധി​ക്കുക: നമ്മുടെ ജീവിതം യഹോ​വ​യു​ടെ സേവന​ത്തിൽ കെട്ടി​പ്പ​ടു​ക്കു​ന്ന​തി​നെ പ്രതി​രോ​ധി​ക്കുന്ന സംഗതി​ക​ളുണ്ട്‌. പഠനം, യോഗങ്ങൾ, സേവനം എന്നിവയ്‌ക്കാ​യി നാം ശ്രദ്ധാ​പൂർവം ആസൂ​ത്രണം ചെയ്‌ത പട്ടികയ്‌ക്ക്‌ അവിചാ​രിത സാഹച​ര്യ​ങ്ങൾ വിലങ്ങു​തടി ആയേക്കാം. നമ്മുടെ എതിരാ​ളി​യായ സാത്താൻ നമ്മെ ‘തടുക്കാ’നും നമ്മുടെ പദ്ധതി​കളെ വെള്ളത്തി​ലാ​ക്കാ​നും തന്റെ കഴിവി​ന്റെ പരമാ​വധി ശ്രമി​ക്കും. (1 തെസ്സ. 2:18; എഫെ. 6:12, 13) തളർന്നു പോകാൻ ഇടയാ​ക്കും വിധം നിങ്ങളെ നിരു​ത്സാ​ഹ​പ്പെ​ടു​ത്താൻ ഈ പ്രതി​കൂല സാഹച​ര്യ​ങ്ങളെ അനുവ​ദി​ക്ക​രുത്‌. നിങ്ങൾ പട്ടിക​പ്പെ​ടു​ത്തി​യി​രി​ക്കുന്ന ദിവ്യാ​ധി​പത്യ പ്രവർത്ത​നങ്ങൾ നിവർത്തി​ക്കാൻ ആവശ്യ​മായ ഏതൊരു പൊരു​ത്ത​പ്പെ​ടു​ത്ത​ലും വരുത്തുക. മൂല്യ​വ​ത്തായ കാര്യങ്ങൾ ചെയ്യാൻ നിശ്ചയ​ദാർഢ്യ​വും സ്ഥിരോ​ത്സാ​ഹ​വും ആവശ്യ​മാണ്‌.

⁹ സമയവും ശ്രദ്ധയും അപഹരി​ച്ചേ​ക്കാ​വുന്ന ജഡിക പ്രവർത്ത​ന​ങ്ങ​ളി​ലേക്കു നയിക്കാൻ ലൗകിക സ്വാധീ​ന​ങ്ങ​ളെ​യും അപൂർണ ജഡാഭി​ലാ​ഷ​ങ്ങ​ളെ​യും അനുവ​ദി​ക്ക​രുത്‌. പിൻവ​രു​ന്ന​തു​പോ​ലുള്ള ചോദ്യ​ങ്ങൾ ഉപയോ​ഗിച്ച്‌ ആത്മ പരി​ശോ​ധന നടത്തു​ന്നത്‌ പ്രധാ​ന​മാണ്‌: ‘പതു​ക്കെ​പ്പ​തു​ക്കെ എന്റെ ജീവിത രീതി സമനില ഇല്ലാത്തത്‌ ആയിരി​ക്കു​ന്നു​വോ? അതു ലക്ഷ്യത്തിൽ നിന്നു വ്യതി​ച​ലി​ച്ചി​രി​ക്കു​ന്നു​വോ? നശിച്ചു​കൊ​ണ്ടി​രി​ക്കുന്ന ഈ ലോക​ത്തി​ന്റെ കാര്യാ​ദി​കളെ കേന്ദ്രീ​ക​രിച്ച്‌ ജീവിതം കെട്ടി​പ്പ​ടു​ക്കാൻ ഞാൻ ആരംഭി​ച്ചി​രി​ക്കു​ന്നു​വോ? (1 യോഹ. 2:15-17) വ്യക്തി​പ​ര​മായ അനുധാ​വ​ന​ങ്ങൾക്കും ഉല്ലാസ യാത്രകൾ, കായിക പ്രവർത്ത​നങ്ങൾ, ടെലി​വി​ഷൻ കാണൽ, ഇന്റർനെ​റ്റിൽ സർഫിങ്‌ നടത്തൽ തുടങ്ങിയ വിനോ​ദ​ങ്ങൾക്കും ആത്മീയ കാര്യ​ങ്ങ​ളോ​ടുള്ള താരത​മ്യ​ത്തിൽ ഞാൻ എത്രമാ​ത്രം സമയം ചെലവ​ഴി​ക്കു​ന്നുണ്ട്‌?’

¹⁰ നിങ്ങളു​ടെ ജീവിതം അപ്രധാന കാര്യ​ങ്ങ​ളിൽ അമിത​മാ​യി ഉൾപ്പെ​ട്ടി​രി​ക്കു​ന്നെന്നു കാണു​ന്നെ​ങ്കിൽ എന്തു ചെയ്യണം? തന്റെ സഹോ​ദ​ര​ങ്ങ​ളു​ടെ “യഥാസ്ഥാ​ന​ത്വ​ത്തി​ന്നാ​യി” അഥവാ അവരെ ‘ശരിയായ സ്ഥാന​ത്തേക്കു കൊണ്ടു​വ​രു​ന്ന​തി​നാ​യി’ പ്രാർഥിച്ച പൗലൊ​സി​നെ പോലെ, വീണ്ടും അവന്റെ സേവന​ത്തിൽ ശ്രദ്ധ കേന്ദ്രീ​ക​രി​ക്കാ​നുള്ള സഹായ​ത്തി​നാ​യി യഹോ​വ​യോ​ടു പ്രാർഥി​ക്ക​രു​തോ? (2 കൊരി. 13:9, 11) തുടർന്ന്‌ നിങ്ങളു​ടെ തീരു​മാ​ന​ത്തി​നു ചേർച്ച​യിൽ ജീവി​ക്കാ​നും ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്താ​നും ദൃഢനി​ശ്ചയം ചെയ്യുക. (1 കൊരി. 9:26, 27) യഹോ​വയെ അനുസ​ര​ണ​പൂർവം സേവി​ക്കു​ന്ന​തിൽ നിന്ന്‌ ഇടത്തോ​ട്ടോ വലത്തോ​ട്ടോ വ്യതി​ച​ലി​ക്കു​ന്നത്‌ ഒഴിവാ​ക്കാൻ അവൻ നിങ്ങളെ സഹായി​ക്കും.—യെശയ്യാ​വു 30:20, 21 താരത​മ്യം ചെയ്യുക.

¹¹ സന്തോ​ഷ​ക​ര​മായ ദൈവ​സേ​വ​ന​ത്തിൽ തിരക്കു​ള്ളവർ ആയിരി​ക്കുക: ദശലക്ഷ​ക്ക​ണ​ക്കിന്‌ ആളുകൾ മേലു​കീ​ഴു നോക്കാ​തെ സന്തുഷ്ടി​ക്കു പിന്നാലെ പരക്കം പായു​ക​യാണ്‌. ജീവിത സായാ​ഹ്ന​ത്തിൽ, തങ്ങൾ എന്തിനു പിന്നാലെ പാഞ്ഞി​രു​ന്നു​വോ ആ ഭൗതിക വസ്‌തു​വ​കകൾ നിലനിൽക്കുന്ന സന്തുഷ്ടി പ്രദാനം ചെയ്‌തില്ല എന്ന പരമാർഥം അവർ മനസ്സി​ലാ​ക്കു​ന്നു. അതു “വൃഥാ​പ്ര​യത്‌ന”മെന്നു തെളി​ഞ്ഞി​രി​ക്കു​ന്നു. (സഭാ. 2:11) നേരെ​മ​റിച്ച്‌, ‘യഹോ​വയെ എപ്പോ​ഴും നമ്മുടെ മുമ്പിൽ വെച്ചു’കൊണ്ട്‌ നമ്മുടെ ജീവിതം അവനിൽ കേന്ദ്രീ​ക​രി​ക്കു​മ്പോൾ, നാം ആഴമായ സംതൃപ്‌തി അനുഭ​വി​ക്കു​ന്നു. (സങ്കീ. 16:8, 11) നാം അസ്‌തി​ത്വ​ത്തിൽ വരാൻ ഇടയാ​ക്കി​യത്‌ യഹോ​വ​യാണ്‌ എന്നതാണ്‌ അതിനു കാരണം. (വെളി. 4:11) വലിയ ഉദ്ദേഷ്ടാ​വായ അവനെ കൂടാ​തെ​യുള്ള ജീവി​ത​ത്തിന്‌ യാതൊ​രു അർഥവു​മില്ല. യഹോ​വയെ സേവി​ക്കു​ന്നത്‌ നമുക്കും മറ്റുള്ള​വർക്കും സ്ഥായി​യാ​യി—അതേ, സദാകാ​ല​വും—പ്രയോ​ജ​കീ​ഭ​വി​ക്കുന്ന മൂല്യ​വ​ത്തും ഉദ്ദേശ്യ​പൂർണ​വു​മായ പ്രവൃ​ത്തി​ക​ളാൽ നമ്മുടെ ജീവി​തത്തെ വർണശ​ബ​ള​മാ​ക്കു​ന്നു.

¹² ഉദാസീ​നർ ആകാതി​രി​ക്കു​ന്ന​തും സാത്താന്യ ലോക​ത്തി​ന്റെ ശീഘ്രം സമീപി​ച്ചു​കൊ​ണ്ടി​രി​ക്കുന്ന അന്ത്യ​ത്തെ​പ്പ​റ്റി​യുള്ള അടിയ​ന്തി​രതാ ബോധം നഷ്ടപ്പെ​ടാ​തി​രി​ക്കു​ന്ന​തും പ്രധാ​ന​മാണ്‌. നമ്മുടെ അനുദിന ജീവിതം ഭാവി സംബന്ധി​ച്ചുള്ള നമ്മുടെ വീക്ഷണ​ത്താൽ സ്വാധീ​നി​ക്ക​പ്പെ​ടു​ന്നു. ഒരു ആഗോള പ്രളയം വരു​മെന്ന്‌ വിശ്വ​സി​ക്കാ​തി​രുന്ന നോഹ​യു​ടെ നാളിലെ ആളുകൾ പ്രളയം “എല്ലാവ​രെ​യും നീക്കി​ക്ക​ള​യു​വോ​ളം” തീറ്റി, കുടി, വിവാഹം എന്നിങ്ങ​നെ​യുള്ള ദൈനം​ദിന വ്യക്തിഗത കാര്യാ​ദി​ക​ളിൽ തങ്ങളുടെ ജീവിതം കേന്ദ്രീ​ക​രി​ച്ചു​കൊണ്ട്‌ മുന്നറി​യി​പ്പു​കൾക്കു ‘യാതൊ​രു ശ്രദ്ധയും കൊടു​ത്തില്ല.’ (മത്താ. 24:37-39, NW) ഇന്ന്‌, തങ്ങളുടെ ജീവിതം ഈ ലോക കാര്യാ​ദി​ക​ളിൽ കേന്ദ്രീ​ക​രി​ക്കു​ന്നവർ, മനുഷ്യർ നേരി​ട്ടി​ട്ടു​ള്ള​തിൽ വെച്ച്‌ ഏറ്റവും വലിയ വിനാ​ശ​ത്തിൽ, അതായത്‌ “യഹോ​വ​യു​ടെ ദിവസ”ത്തിൽ ഭാവി സംബന്ധി​ച്ചുള്ള തങ്ങളുടെ പ്രതീ​ക്ഷകൾ തകർന്ന​ടി​യു​ന്നതു കാണും.—2 പത്രൊ. 3:10-12, NW.

¹³ ആയതി​നാൽ, ജീവനുള്ള ദൈവ​മായ യഹോ​വയെ കേന്ദ്രീ​ക​രിച്ച്‌ ജീവിതം കെട്ടി​പ്പ​ടു​ക്കു​ന്ന​തി​ലും അവന്റെ ഇഷ്ടം ചെയ്യു​ന്ന​തി​ലും തുടരുക. യഹോ​വ​യാം ദൈവ​ത്തി​ന്റെ ആശ്രയ​യോ​ഗ്യ​മായ പിന്തു​ണ​പോ​ലെ, ഈ ജീവി​ത​ത്തിൽ നിങ്ങൾക്കു സ്വരു​ക്കൂ​ട്ടാൻ കഴിയുന്ന മറ്റു യാതൊ​രു നിക്ഷേ​പ​ങ്ങ​ളും ഇല്ല. അവനു ഭോഷ്‌കു പറയാൻ കഴിയില്ല, അതേ തന്റെ വാഗ്‌ദാ​ന​ങ്ങ​ളോട്‌ അവൻ തികഞ്ഞ വിശ്വസ്‌തത പുലർത്തും. (തീത്തൊ. 1:2) അവനു മരിക്കാൻ കഴിയില്ല, അതു​കൊ​ണ്ടു യഹോ​വ​യിൽ ഭരമേൽപ്പി​ക്കുന്ന യാതൊ​ന്നും നഷ്ടപ്പെ​ടു​ക​യില്ല. (ഹബ. 1:12, NW; 2 തിമൊ. 1:12) നാം ഇപ്പോൾ കെട്ടി​പ്പ​ടു​ക്കുന്ന അനുസ​ര​ണ​ത്തി​ന്റേ​തും വിശ്വാ​സ​ത്തി​ന്റേ​തു​മായ ജീവിതം സന്തുഷ്ട ദൈവ​മായ യഹോ​വ​യു​ടെ സന്തോ​ഷ​ക​ര​മായ സേവന​ത്തിൽ സദാകാ​ലം നിലനിൽക്കുന്ന ഒരു ജീവി​ത​ത്തി​ന്റെ തുടക്കം മാത്ര​മാണ്‌!—1 തിമൊ. 1:11, NW; 6:19.

[3-ാം പേജിലെ ആകർഷ​ക​വാ​ക്യം]

“സത്യം ഞങ്ങളുടെ ജീവി​ത​ത്തി​ന്റെ ഭാഗമല്ല, പിന്നെ​യോ അതു ഞങ്ങളുടെ ജീവി​ത​മാണ്‌.

മറ്റെല്ലാ കാര്യ​ങ്ങ​ളും അതിനെ ചുറ്റി​പ്പ​റ്റി​യാണ്‌.”