സഭാ​യോ​ഗങ്ങൾ—പൂർണ പങ്കുണ്ടാ​യി​രി​ക്കാൻ കുടും​ബാം​ഗ​ങ്ങൾക്കു സഹകരി​ക്കാ​വുന്ന വിധം

¹ സഭാ​യോ​ഗ​ങ്ങ​ളിൽ സംബന്ധി​ക്കാ​നുള്ള കൽപ്പന ക്രിസ്‌തീയ കുടും​ബങ്ങൾ ചെവി​ക്കൊ​ള്ളേ​ണ്ട​തുണ്ട്‌. (എബ്രാ. 10:24, 25) നല്ല സഹകരണം ഉണ്ടെങ്കിൽ യോഗ​ങ്ങൾക്കു തയ്യാറാ​യി ഹാജരാ​കു​ന്ന​തി​ലും പങ്കെടു​ക്കു​ന്ന​തി​ലും എല്ലാ അംഗങ്ങൾക്കും വിജയി​ക്കാ​നാ​കും. കുടുംബ സാഹച​ര്യ​ങ്ങൾ വ്യത്യസ്‌തം ആയിരു​ന്നേ​ക്കാം. എന്നാൽ ആത്മീയ കാര്യ​ങ്ങ​ളി​ലുള്ള കുടുംബ ഐക്യം ഉന്നമി​പ്പി​ക്കു​ന്ന​തി​നാ​യി ഒരു ക്രിസ്‌തീയ ഭർത്താ​വി​നോ ഭാര്യയ്‌ക്കോ അല്ലെങ്കിൽ ഒറ്റയ്‌ക്കുള്ള മാതാ​വി​നോ പിതാ​വി​നോ ചെയ്യാൻ കഴിയുന്ന കാര്യ​ങ്ങ​ളുണ്ട്‌. അതിൽ, നിങ്ങൾക്ക്‌ എത്ര കുട്ടി​ക​ളു​ണ്ടെ​ന്ന​തും അവരുടെ പ്രായ​വും ഒരു പ്രശ്‌നമല്ല.—സദൃ. 1:8.

² തയ്യാറാ​കാൻ സമയ​മെ​ടു​ക്കുക: ഓരോ കുടും​ബാം​ഗ​വും സഭാ​യോ​ഗ​ങ്ങൾക്കു നന്നായി തയ്യാറാ​കു​ന്ന​തിന്‌ അംഗങ്ങൾക്കി​ട​യിൽ നല്ല സഹകരണം വേണം. കുടും​ബാം​ഗങ്ങൾ ഒന്നിച്ചി​രുന്ന്‌ പ്രതി​വാര വീക്ഷാ​ഗോ​പുര അധ്യയ​ന​ത്തി​നു തയ്യാറാ​കുന്ന അനേകം കുടും​ബ​ങ്ങ​ളുണ്ട്‌. ചിലർ സകുടും​ബം സഭാ പുസ്‌തക അധ്യയ​ന​ത്തി​നു തയ്യാറാ​കു​ക​യോ പ്രതി​വാര ബൈബിൾ വായനാ ഭാഗം വായി​ക്കു​ക​യോ ചെയ്യുന്നു. യോഗ​ങ്ങൾക്കു ഹാജരാ​കു​ന്ന​തി​നു മുമ്പു​തന്നെ മുഖ്യ ആശയങ്ങൾ മനസ്സി​ലാ​ക്കു​ക​യാണ്‌ അതിന്റെ ലക്ഷ്യം. അപ്പോൾ, കേൾക്കു​ന്ന​തിൽനിന്ന്‌ എല്ലാവ​രും കൂടുതൽ പ്രയോ​ജനം നേടും, അവസരം ഉള്ളപ്പോൾ പങ്കെടു​ക്കു​ന്ന​തി​നു സജ്ജരും ആയിരി​ക്കും.—1 തിമൊ. 4:15.

³ പങ്കെടു​ക്കാൻ ആസൂ​ത്രണം ചെയ്യുക: യോഗ​ങ്ങ​ളിൽ അഭി​പ്രാ​യം പറഞ്ഞു​കൊണ്ട്‌ മറ്റുള്ള​വ​രു​ടെ മുമ്പാകെ തന്റെ പ്രത്യാശ പ്രഖ്യാ​പി​ക്കാൻ ഓരോ കുടും​ബാം​ഗ​വും ലക്ഷ്യമി​ടണം. (എബ്രാ. 10:23, NW) അതിനാ​യി കുടും​ബ​ത്തി​ലെ ഏതെങ്കി​ലും അംഗത്തി​നു സഹായ​മോ പ്രോ​ത്സാ​ഹ​ന​മോ ആവശ്യ​മു​ണ്ടോ? ദിവ്യാ​ധി​പത്യ ശുശ്രൂ​ഷാസ്‌കൂൾ നിയമ​നങ്ങൾ തയ്യാറാ​കു​ന്ന​തി​നു കുടും​ബാം​ഗ​ങ്ങൾക്ക്‌ എന്തു സഹായം ആവശ്യ​മാണ്‌? ഭർത്താ​ക്ക​ന്മാർ താത്‌പ​ര്യ​മെ​ടുത്ത്‌ ഭാര്യ​മാ​രു​ടെ പ്രസം​ഗ​ത്തിന്‌ അനു​യോ​ജ്യ​മായ ഒരു ദൃഷ്ടാ​ന്ത​മോ രംഗസം​വി​ധാ​ന​മോ പറഞ്ഞു കൊടു​ക്കു​ന്നത്‌ അവർ വിലമ​തി​ക്കും. ഇളം പ്രായ​ത്തി​ലുള്ള തങ്ങളുടെ കുട്ടി​ക​ളു​ടെ നിയമന ഭാഗങ്ങൾ തങ്ങൾ തന്നെ തയ്യാറാ​ക്കി കൊടു​ക്ക​ണ​മെന്ന്‌ മാതാ​പി​താ​ക്കൾ കരുത​രുത്‌. അങ്ങനെ ചെയ്യു​ന്നതു മുൻകൈ എടുക്കാ​നുള്ള കുട്ടി​ക​ളു​ടെ താത്‌പ​ര്യ​ത്തെ തല്ലി​ക്കെ​ടു​ത്തി​യേ​ക്കാം. എന്നാൽ മാതാ​പി​താ​ക്കൾക്കു കുട്ടി​കളെ സഹായി​ക്കു​ന്ന​തി​നും അവർ ഉച്ചത്തിൽ വായിച്ചു പരിശീ​ലി​ക്കു​മ്പോൾ ശ്രദ്ധി​ക്കു​ന്ന​തി​നും സാധി​ക്കും.—എഫെ. 6:4.

⁴ ഹാജരാ​കാൻ ക്രമീ​ക​രി​ക്കുക: വൃത്തി​യുള്ള വസ്‌ത്രം ധരിച്ച്‌ നന്നായി തയ്യാറാ​യി കൃത്യ​സ​മ​യ​ത്തു​തന്നെ യോഗ​ങ്ങൾക്കു പുറ​പ്പെ​ടാൻ കുട്ടി​കളെ ചെറു​പ്പ​ത്തി​ലേ പരിശീ​ലി​പ്പി​ക്കുക. യോഗ​ങ്ങൾക്കു താമസി​ച്ചെ​ത്തു​ന്നത്‌ ഒഴിവാ​ക്കാൻ വീട്ടു​ജോ​ലി​കൾ നേര​ത്തേ​തന്നെ ചെയ്‌തു​തീർക്കു​ന്ന​തി​നു കുടും​ബാം​ഗങ്ങൾ പരസ്‌പരം സഹകരി​ക്കണം.—കുടും​ബ​സ​ന്തു​ഷ്ടി പുസ്‌ത​ക​ത്തി​ന്റെ 112-ാം പേജി​ലും യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ന്റെ 316-17 പേജു​ക​ളി​ലും ഉള്ള നിർദേ​ശങ്ങൾ കാണുക.

⁵ പുരാതന കാലത്തെ യോശു​വ​യു​ടെ പിൻവ​രുന്ന വാക്കു​കളെ കുറിച്ച്‌ മാതാ​പി​താ​ക്കൾക്കും കുട്ടി​കൾക്കും ഒരു​പോ​ലെ ധ്യാനി​ക്കാ​നാ​കും: “ഞാനും എന്റെ കുടും​ബ​വു​മോ, ഞങ്ങൾ യഹോ​വയെ സേവി​ക്കും.” അതു​കൊണ്ട്‌ സഭാ​യോ​ഗ​ങ്ങ​ളിൽ ഒരു പൂർണ പങ്കുണ്ടാ​യി​രി​ക്കു​ന്ന​തി​നാ​യി സഹകരി​ക്കാൻ ദൃഢനി​ശ്ചയം ചെയ്യുക.—യോശു. 24:15.