മുന്നമേ ആസൂ​ത്രണം ചെയ്യുക!

¹ നമ്മുടെ ആത്മീയ ആവശ്യ​ങ്ങളെ തൃപ്‌തി​പ്പെ​ടു​ത്താൻ ഉദ്ദേശി​ച്ചുള്ള ദിവ്യാ​ധി​പത്യ പ്രവർത്ത​ന​പ​രി​പാ​ടി യഹോ​വ​യു​ടെ സംഘടന ക്രമീ​ക​രി​ക്കു​ന്നു. സഞ്ചാര മേൽവി​ചാ​ര​കന്റെ സന്ദർശനം, സമ്മേള​നങ്ങൾ, കൺ​വെൻ​ഷ​നു​കൾ, പ്രാ​ദേ​ശി​ക​മാ​യി ക്രമീ​ക​രി​ക്കുന്ന മറ്റു പ്രത്യേക പ്രവർത്ത​നങ്ങൾ എന്നിങ്ങ​നെ​യുള്ള എല്ലാറ്റിൽ നിന്നും പൂർണ പ്രയോ​ജനം നേടാൻ വിലമ​തി​പ്പു നമ്മെ പ്രേരി​പ്പി​ക്കു​ന്നു. (മത്താ. 5:3) എന്നിരു​ന്നാ​ലും, നാനാ​വിധ കാരണ​ങ്ങ​ളാൽ ഈ ആത്മീയ കരുത​ലു​ക​ളിൽ പലതിൽ നിന്നും പ്രയോ​ജനം നേടാൻ ചിലർക്കു കഴിയു​ന്നില്ല. ഇത്‌ എങ്ങനെ പരിഹ​രി​ക്കാം? “ഏറ്റവും പ്രധാ​ന​പ്പെട്ട കാര്യങ്ങ”ളെ ദിവ്യാ​ധി​പ​ത്യ​പ​ര​മ​ല്ലാത്ത പ്രവർത്ത​നങ്ങൾ മൂടി​ക്ക​ള​യു​ന്നി​ല്ലെന്നു നമുക്ക്‌ എങ്ങനെ ഉറപ്പു വരുത്താൻ കഴിയും?—ഫിലി. 1:10, NW.

² ജ്ഞാനപൂർവ​ക​മായ ആസൂ​ത്രണം പ്രധാനം: “ഉത്സാഹി​യു​ടെ വിചാ​രങ്ങൾ സമൃദ്ധി​ഹേ​തു​കങ്ങൾ [“പ്രയോ​ജ​ന​പ്രദം”, NW] ആകുന്നു; ബദ്ധപ്പാ​ടു​കാ​രൊ​ക്കെ​യും ബുദ്ധി​മു​ട്ടി​ലേ​ക്ക​ത്രേ ബദ്ധപ്പെ​ടു​ന്നതു” എന്ന്‌ സദൃശ​വാ​ക്യ​ങ്ങൾ 21:5 ബുദ്ധി​യു​പ​ദേ​ശി​ക്കു​ന്നു. ആത്മീയ ‘പ്രയോ​ജനം’ നേടു​ന്ന​തിന്‌, ക്രമീ​ക​രി​ച്ചി​രി​ക്കുന്ന ദിവ്യാ​ധി​പത്യ പ്രവർത്ത​നങ്ങൾ മനസ്സിൽ പിടി​ച്ചു​കൊ​ണ്ടു നാം ജ്ഞാനപൂർവം മുന്നമേ ആസൂ​ത്രണം ചെയ്യേ​ണ്ട​തുണ്ട്‌. ആത്മീയ പ്രവർത്ത​ന​ങ്ങൾക്കു തടസ്സമാ​കാത്ത ഒരു സമയത്തു നമ്മുടെ വ്യക്തിഗത പ്രവർത്ത​നങ്ങൾ ചെയ്യാ​നാ​യി​രി​ക്കണം നാം ആസൂ​ത്രണം ചെയ്യേ​ണ്ടത്‌. വരും​നാ​ളു​ക​ളി​ലെ ദിവ്യാ​ധി​പത്യ പരിപാ​ടി​കൾ കണക്കി​ലെ​ടു​ക്കാ​തെ വ്യക്തി​പ​ര​മാ​യി നാമാ​ഗ്ര​ഹി​ക്കു​ന്നതു ചെയ്യാൻ ധൃതി​പി​ടിച്ച്‌ ആസൂ​ത്രണം ചെയ്‌താൽ, നാം ആത്മീയ​മാ​യി ‘ബുദ്ധി​മുട്ട്‌’ അനുഭ​വി​ക്കാ​നാ​ണു സാധ്യത.

³ നഷ്ടപ്പെ​ടു​ത്ത​രുത്‌! നാമെ​ല്ലാം ഭാവി​ക്കു​വേണ്ടി ആസൂ​ത്രണം ചെയ്യാ​റുണ്ട്‌— അവധി​ക്കാ​ലം ചെലവ​ഴി​ക്കൽ, ബിസി​നസ്‌ യാത്രകൾ നടത്തൽ, ബന്ധുക്കളെ സന്ദർശി​ക്കൽ എന്നിവ​യെ​ല്ലാം അതിൽ ഉൾപ്പെ​ടു​ന്നു. അവയെ കുറിച്ചു നിങ്ങൾ ആസൂ​ത്രണം ചെയ്യു​ന്ന​തി​നോ അന്തിമ തീരു​മാ​നം എടുക്കു​ന്ന​തി​നോ മുമ്പ്‌, ഭാവി ആത്മീയ പ്രവർത്ത​ന​ങ്ങ​ളു​ടെ പട്ടിക പരി​ശോ​ധി​ക്കുക. നിങ്ങൾ സ്ഥലത്ത്‌ ഇല്ലാത്ത ഒരു സമയത്താ​ണു സർക്കിട്ട്‌ മേൽവി​ചാ​രകൻ സന്ദർശി​ക്കു​ന്ന​തെ​ന്നോ സമ്മേളനം നടക്കു​ന്ന​തെ​ന്നോ അറിയു​ന്നെ​ങ്കിൽ, അതിൽ പങ്കെടു​ക്കാൻ കഴി​യേ​ണ്ട​തി​നു നിങ്ങളു​ടെ കാര്യാ​ദി​കൾ അഴിച്ചു​പ​ണി​യാൻ ആത്മാർഥ ശ്രമം നടത്തുക. ഭാവി​യി​ലേ​ക്കാ​യി പട്ടിക​പ്പെ​ടു​ത്തി​യി​രി​ക്കുന്ന പ്രധാ​ന​പ്പെട്ട കാര്യ​ങ്ങ​ളെ​ക്കു​റി​ച്ചു നമുക്കു നേര​ത്തെ​തന്നെ വിവരങ്ങൾ ലഭിക്കു​ന്നു. പ്രാ​ദേ​ശി​ക​മാ​യി ആസൂ​ത്രണം ചെയ്‌തി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ സഭയിലെ മൂപ്പന്മാർക്കു നിങ്ങ​ളോ​ടു പറയാൻ കഴിയും.

⁴ ഏറെ പ്രധാ​ന​മായ കാര്യ​ങ്ങൾക്കാ​യി മുന്ന​മേ​യുള്ള ആസൂ​ത്ര​ണ​വും ദീർഘ​വീ​ക്ഷ​ണ​വും ഉണ്ടായി​രി​ക്കുക വഴി, നാം “ദൈവ​ത്തി​ന്റെ മഹത്വ​ത്തി​നും പുകഴ്‌ചെ​ക്കു​മാ​യി​ട്ടു . . . നീതി​ഫലം നിറഞ്ഞ”വരായി​ത്തീ​രും.—ഫിലി. 1:11.