“ദൈവ​വ​ച​നാ​നു​സൃ​തം പ്രവർത്തി​ക്കു​ന്നവർ” യഹോ​വ​യു​ടെ സാക്ഷി​ക​ളു​ടെ ഡിസ്‌ട്രി​ക്‌റ്റ്‌ കൺ​വെൻ​ഷൻ

¹ “ഞാൻ മഹാസ​ഭ​യിൽ നിനക്കു സ്‌തോ​ത്രം ചെയ്യും; ബഹുജ​ന​ത്തി​ന്റെ മദ്ധ്യേ നിന്നെ സ്‌തു​തി​ക്കും.” (സങ്കീ. 35:18) ഒന്നാ​ലോ​ചി​ച്ചു നോക്കൂ, ദിവ്യ പ്രബോ​ധനം സ്വീക​രി​ക്കാ​നാ​യി ഇന്ന്‌ നമ്മുടെ കൺ​വെൻ​ഷ​നു​ക​ളിൽ ആയിര​ക്ക​ണ​ക്കി​നാ​ളു​കൾ സമാധാ​ന​ത്തോ​ടെ കൂടി​വ​രു​ന്നതു ദാവീദ്‌ കണ്ടിരു​ന്നെ​ങ്കിൽ അത്‌ അവനെ എത്രമാ​ത്രം പുളകം​കൊ​ള്ളി​ക്കു​മാ​യി​രു​ന്നു! 1999 നവംബർ പകുതി മുതൽ 2000 ജനുവരി ആദ്യം വരെ ഇന്ത്യയിൽ, “ദൈവ​ത്തി​ന്റെ പ്രാവ​ച​നിക വചന” ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ 27 എണ്ണം നടക്കു​ക​യു​ണ്ടാ​യി. ഈ കൺ​വെൻ​ഷ​നു​ക​ളിൽ ഹാജരായ 30,462 പേരിൽ ഒരാൾ ആയിരു​ന്നോ നിങ്ങൾ? “ദൈവ​വ​ച​നാ​നു​സൃ​തം പ്രവർത്തി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ ഈ വർഷാ​വ​സാ​ന​ത്തേ​ക്കാ​യി പട്ടിക​പ്പെ​ടു​ത്തി​യി​രി​ക്കു​ന്നു. “തങ്ങളുടെ ആത്മീയാ​വ​ശ്യ​ങ്ങൾ സംബന്ധിച്ച്‌ ബോധ​മുള്ള”വരും ‘ആത്മാവു സഭക​ളോ​ടു പറയു​ന്നതു കേൾക്കാൻ’ സന്തോ​ഷ​വും ആകാം​ക്ഷ​യും ഉള്ളവരു​മായ യഹോ​വ​യു​ടെ സ്‌തു​തി​പാ​ഠ​ക​രോ​ടൊ​പ്പം കൂടി​വ​രു​ന്ന​തി​നുള്ള കൂടു​ത​ലായ അവസരങ്ങൾ നമുക്ക്‌ അപ്പോൾ ലഭിക്കും.—മത്താ. 5:3, NW; വെളി. 2:29.

² താമസ​സൗ​ക​ര്യ​ങ്ങൾ ക്രമീ​ക​രി​ക്കു​ന്ന​തിന്‌: കൺ​വെൻ​ഷൻ നഗരത്തിൽ താമസ​സൗ​ക​ര്യം ലഭിക്കാൻ നിങ്ങളെ സഹായി​ക്കു​ന്ന​തി​നും നിങ്ങൾക്ക്‌ ആവശ്യ​മായ വിവരങ്ങൾ നൽകു​ന്ന​തി​നു​മാ​യി ഓരോ കൺ​വെൻ​ഷ​നി​ലും ഒരു താമസ​സൗ​കര്യ ഡിപ്പാർട്ടു​മെന്റ്‌ പ്രവർത്തി​ക്കു​ന്നുണ്ട്‌. താമസ​സൗ​ക​ര്യ​ത്തി​നാ​യി കഴിവ​തും നേര​ത്തേ​തന്നെ ക്രമീ​ക​ര​ണങ്ങൾ ചെയ്യുക. സഭയിലെ സെക്ര​ട്ട​റി​യിൽനി​ന്നും ‘മുറി അപേക്ഷാ ഫാറം’ ലഭിക്കു​ന്ന​താണ്‌. ഫാറം പൂരി​പ്പിച്ച്‌ സഭാ സെക്ര​ട്ട​റി​യെ ഏൽപ്പി​ക്കുക. അദ്ദേഹം അത്‌ നിങ്ങൾ ഹാജരാ​കുന്ന സ്ഥലത്തെ കൺ​വെൻ​ഷൻ ആസ്ഥാന​ത്തേക്ക്‌ അയയ്‌ക്കും. നിങ്ങളു​ടെ അപേക്ഷ​യോ​ടൊ​പ്പം സ്വന്തം മേൽവി​ലാ​സം എഴുതി സ്റ്റാമ്പ്‌ ഒട്ടിച്ച ഒരു കവറും ഉണ്ടായി​രി​ക്കണം. ഒരേ നഗരത്തിൽ ഒന്നില​ധി​കം കൺ​വെൻ​ഷൻ നടക്കു​ന്നു​ണ്ടെ​ങ്കിൽ നിങ്ങൾ ഹാജരാ​കാ​നി​രി​ക്കുന്ന കൺ​വെൻ​ഷന്റെ തീയതി​കൾ വ്യക്തമാ​യി കാണി​ച്ചി​രി​ക്കണം.

³ പ്രായ​മാ​യ​വർക്കും പ്രത്യേക ആവശ്യങ്ങൾ ഉള്ളവർക്കും വേണ്ടി കരുതൽ: സഭയിൽ പ്രായ​മാ​യ​വ​രോ, രോഗി​ക​ളോ മറ്റു പ്രത്യേക ആവശ്യങ്ങൾ ഉള്ളവരോ ആയ ആരെങ്കി​ലും ഉണ്ടെങ്കിൽ കൺ​വെൻ​ഷനു ഹാജരാ​കു​ന്ന​തിന്‌ അവരെ സഹായി​ച്ചു​കൊണ്ട്‌ സ്വന്തക്കാർക്കും മൂപ്പന്മാർക്കും സഭയിലെ മറ്റുള്ള​വർക്കും അവരോ​ടു സ്‌നേ​ഹ​വും പരിഗ​ണ​ന​യും കരുത​ലും പ്രകട​മാ​ക്കാ​വു​ന്ന​താണ്‌. (1 തിമൊ​ഥെ​യൊസ്‌ 5:4 താരത​മ്യം ചെയ്യുക.) പരിപാ​ടി​യിൽനി​ന്നും മുഴു പ്രയോ​ജ​ന​വും നേടത്ത​ക്ക​വി​ധം സൗകര്യ​പ്ര​ദ​മായ സ്ഥലത്തു​തന്നെ അവർക്ക്‌ ഇരിപ്പി​ടം കിട്ടി​യി​ട്ടു​ണ്ടെന്ന്‌ ഉറപ്പു​വ​രു​ത്തുക. അത്തരം ആളുകളെ സഹായി​ക്കു​ന്ന​തിന്‌ സഹോ​ദ​രീ​സ​ഹോ​ദ​ര​ന്മാർ സ്വമേ​ധയാ മുന്നോ​ട്ടു വരു​ന്നെ​ങ്കിൽ അത്‌ എത്ര നന്നായി​രി​ക്കും! ആഹാരം കഴിക്കു​ന്ന​തിന്‌ സഹായി​ക്കു​ക​യോ കുടി​ക്കാൻ വെള്ളം കൊണ്ടു​വന്നു കൊടു​ക്കു​ക​യോ കക്കൂസി​ലും മറ്റും അവരെ കൂട്ടി​ക്കൊ​ണ്ടു പോകു​ക​യോ ഒക്കെ ചെയ്യേ​ണ്ട​തു​ണ്ടാ​യി​രി​ക്കാം. പ്രായ​മാ​യ​വ​രെ​യോ പ്രത്യേക ആവശ്യങ്ങൾ ഉള്ളവ​രെ​യോ പരിപാ​ലി​ക്കാ​നുള്ള പദവി പലർ ചേർന്ന്‌ ഏറ്റെടു​ക്കു​മ്പോൾ, എല്ലാവർക്കും, അതായത്‌ അവരുടെ സ്വന്തക്കാർക്കോ അവരെ പരിപാ​ലി​ക്കുന്ന ഉത്തരവാ​ദി​ത്വം സ്ഥിരം ഏറ്റെടു​ക്കുന്ന സഭാ​പ്ര​സാ​ധ​കർക്കോ ഒക്കെ പരിപാ​ടി​യിൽ നിന്നു പ്രയോ​ജനം ആസ്വദി​ക്കാ​നാ​കും.

⁴ മൂന്നു ദിവസ​വും ഹാജരാ​കാൻ ക്രമീ​ക​രി​ക്കുക: ആത്മീയ കാര്യ​ങ്ങൾക്കു ശ്രദ്ധനൽകു​ന്ന​തിൽനി​ന്നു നിങ്ങളെ പിന്തി​രി​പ്പി​ക്കാൻ സാത്താൻ ശ്രമി​ച്ചി​ട്ടു​ണ്ടോ? സങ്കടക​ര​മെന്നു പറയട്ടെ, പല സഹോ​ദ​രീ​സ​ഹോ​ദ​ര​ന്മാ​രും അവരുടെ കുടും​ബ​ങ്ങ​ളും ജീവത്‌പ്ര​ധാ​ന​മായ ആത്മീയ ആഹാരം നഷ്ടപ്പെ​ടു​ത്തു​ന്നു. എങ്ങനെ? വെള്ളി​യാ​ഴ്‌ചത്തെ ഡിസ്‌ട്രി​ക്‌റ്റ്‌ കൺ​വെൻ​ഷൻ പരിപാ​ടി​കൾക്കു ഹാജരാ​കാ​തി​രി​ക്കു​ന്ന​തി​ലൂ​ടെ. ചിലയി​ട​ങ്ങ​ളി​ലെ​ങ്കി​ലും വലി​യൊ​രു ശതമാനം ആളുകൾ വെള്ളി​യാ​ഴ്‌ചത്തെ ആത്മീയ പ്രബോ​ധ​ന​വും സഹവാ​സ​വും നഷ്ടപ്പെ​ടു​ത്തു​ന്ന​താ​യി നിരീ​ക്ഷി​ച്ചി​ട്ടുണ്ട്‌.

⁵ കൺ​വെൻ​ഷനു ഹാജരാ​കു​ന്ന​തി​നുള്ള അവധി അപേക്ഷി​ക്കാ​നാ​യി തൊഴി​ലു​ട​മ​കളെ സമീപി​ക്കുന്ന കാര്യ​ത്തിൽ ചിലർ മടിയു​ള്ള​വ​രാ​യി​രി​ക്കാം. നിങ്ങളും ആ കൂട്ടത്തിൽപ്പെ​ടു​ന്നു​വോ? ഇക്കാര്യം സംബന്ധിച്ച്‌ യഹോ​വ​യോ​ടു പ്രാർഥി​ക്കു​ക​യും അങ്ങനെ, നിങ്ങളു​ടെ സാഹച​ര്യം തൊഴി​ലു​ട​മയെ അറിയി​ക്കു​ന്ന​തി​നു വേണ്ട ധൈര്യം സംഭരി​ക്കു​ക​യും ചെയ്യരു​തോ? സമാന​മായ ഒരു സാഹച​ര്യ​ത്തി​ലാ​യി​രുന്ന നെഹമ്യാ​വിന്‌ ഉണ്ടായ നല്ല അനുഭവം ഓർക്കുക. (നെഹെ. 2:1-6) നമ്മെ സഹായി​ക്കു​ന്ന​തി​നുള്ള നമ്മുടെ സ്വർഗീയ പിതാ​വി​ന്റെ മനസ്സൊ​രു​ക്ക​ത്തിൽ വിശ്വാ​സം അർപ്പി​ക്കുക. നാം രാജ്യ​താ​ത്‌പ​ര്യ​ങ്ങൾ ഒന്നാമതു വെക്കു​ന്നെ​ങ്കിൽ മറ്റു ജീവി​താ​വ​ശ്യ​ങ്ങൾ അവൻ നിറ​വേ​റ്റും എന്നതിൽ ഉറപ്പു​ള്ള​വ​രാ​യി​രി​ക്കുക.—മത്താ. 6:32ബി, 33.

⁶ നമ്മുടെ കൺ​വെൻ​ഷ​നു​കൾ നിങ്ങളെ എങ്ങനെ ബാധി​ക്കു​ന്നു? കിഴക്കൻ ഐക്യ​നാ​ടു​ക​ളിൽ നിന്നുള്ള ഒരു സഹോ​ദരി എഴുതി: “1999-ലെ ഡിസ്‌ട്രി​ക്‌റ്റ്‌ കൺ​വെൻ​ഷനു പ്രത്യേ​കം നന്ദി. വർഷത്തിൽ ഒരിക്കൽ മാത്രം കണ്ടുമു​ട്ടാ​റുള്ള സഹോ​ദ​ര​ങ്ങ​ളു​മാ​യുള്ള സഹവാസം എനിക്കു വളരെ​യേറെ സന്തോഷം കൈവ​രു​ത്തു​ന്നു. സത്യ​ത്തെ​ക്കു​റിച്ച്‌ അറിയാ​നി​ട​യായ സമയത്ത്‌, ഞാൻ കൗമാ​ര​പ്രാ​യ​ക്കാ​രി​യായ ഒരു ഗർഭിണി ആയിരു​ന്നു. എനിക്ക്‌ അധ്യയനം നടത്തിയ ആൾ ആദ്യമാ​യി എന്നെ ഒരു കൺ​വെൻ​ഷനു കൊണ്ടു​പോ​യത്‌ ഞാൻ ഇന്നലെ​യെ​ന്ന​വണ്ണം ഓർമി​ക്കു​ന്നു. ആ തുറന്ന സ്റ്റേഡി​യ​ത്തിൽ വെച്ച്‌ ‘ആയിര​ങ്ങ​ളാം സോദരർ’ എന്ന രാജ്യ​ഗീ​തം ആലപി​ക്കവെ, ഞാൻ ആകാശ​ത്തി​ലേക്കു ദൃഷ്ടികൾ പായിച്ചു, എന്നിട്ട്‌ വിതു​മ്പി​ക്ക​രഞ്ഞു. ഞാൻ എന്നോടു തന്നെ ചോദി​ച്ചു, ‘എന്റെ ചുറ്റും നിൽക്കുന്ന ഈ നല്ല ആളുകൾക്കി​ട​യിൽ എന്നെ എങ്ങനെ​യാണ്‌ യഹോ​വ​യ്‌ക്ക്‌ ഇഷ്ടപ്പെ​ടാൻ കഴിയുക?’ യഹോ​വയെ പൂർണ​മാ​യി സേവി​ക്കാൻ അന്നു ഞാൻ തീരു​മാ​ന​മെ​ടു​ത്തു.” എത്ര ഹൃദയാ​വർജ​ക​മായ ഒരനു​ഭവം! യഹോ​വ​യു​ടെ ശുദ്ധി​യുള്ള ജനത്തോ​ടൊ​പ്പം സഹവസി​ക്കുക എന്നത്‌ തീർച്ച​യാ​യും ആനന്ദക​ര​മല്ലേ?

⁷ അന്ത്യത്തി​ന്റെ പരമാ​ന്ത്യ​ത്തിൽ ആയിരി​ക്കുന്ന നമുക്ക്‌ ഇത്തരം വാർഷിക കൺ​വെൻ​ഷ​നു​കൾ മുമ്പെ​ന്ന​ത്തെ​ക്കാ​ളും ആവശ്യ​മാണ്‌. നമ്മുടെ ആത്മീയ ആരോ​ഗ്യ​വും സമനി​ല​യും കാത്തു​സൂ​ക്ഷി​ക്കു​ന്ന​തിന്‌ യഹോ​വ​യിൽനി​ന്നുള്ള കരുത​ലാ​ണിത്‌. അതു​കൊണ്ട്‌, ഈ വർഷത്തെ “ദൈവ​വ​ച​നാ​നു​സൃ​തം പ്രവർത്തി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷന്റെ മൂന്നു ദിവസ​ത്തെ​യും പരിപാ​ടി​കൾക്കു ഹാജരാ​കാൻ ദൃഢനി​ശ്ചയം ഉള്ളവരാ​യി​രി​ക്കുക. ആ തീരു​മാ​ന​ത്തോട്‌ നിങ്ങൾക്ക്‌ എങ്ങനെ പറ്റിനിൽക്കാൻ കഴിയും? മുഴു​കൺ​വെൻ​ഷൻ പരിപാ​ടി​ക്കും ഹാജരാ​കു​ന്ന​തിന്‌ ആവശ്യ​മായ അവധി നേര​ത്തേ​തന്നെ തൊഴി​ലു​ട​മ​യോ​ടു ചോദി​ക്കുക. നിങ്ങൾക്കു വരുമാ​നം കുറവാ​ണെ​ങ്കിൽ കൺ​വെൻ​ഷനു പോകാ​നാ​വ​ശ്യ​മായ പണം ഇപ്പോൾത്തന്നെ സ്വരൂ​പി​ച്ചു തുടങ്ങുക. തരണം ചെയ്യേണ്ട എന്തു പ്രശ്‌നം ഉണ്ടെങ്കി​ലും യഹോ​വ​യു​ടെ സഹായം തേടുക. അങ്ങനെ ചെയ്യു​ന്ന​പക്ഷം നിങ്ങളു​ടെ സഹോ​ദ​രീ​സ​ഹോ​ദ​ര​ന്മാ​രു​മൊ​ത്തുള്ള ഊഷ്‌മള സൗഹൃദം ആസ്വദി​ക്കു​ന്ന​തി​നും നമ്മുടെ സ്‌നേ​ഹ​വാ​നാം സ്വർഗീയ പിതാ​വായ യഹോ​വ​യിൽനി​ന്നുള്ള നിത്യ​ജീ​വന്റെ വചനങ്ങൾ കേൾക്കു​ന്ന​തി​നു​മാ​യി നിങ്ങൾക്കു നോക്കി​പ്പാർത്തി​രി​ക്കാൻ കഴിയും.—യോഹ​ന്നാൻ 6:68 താരത​മ്യം ചെയ്യുക.

[3-ാം പേജിലെ ചതുരം]

പരിപാ​ടി​യു​ടെ സമയം

വെള്ളിയും ശനിയും

9:30 a.m.–5:00 p.m

ഞായർ

9:30 a.m.–4:00 p.m