ഏപ്രിൽ—സത്‌പ്ര​വൃ​ത്തി​ക​ളിൽ ശുഷ്‌കാ​ന്തി​യു​ള്ളവർ ആയിരി​ക്കാ​നുള്ള സമയം!

¹ ഒരു ചുഴലി​ക്കാറ്റ്‌ ആൾപ്പാർപ്പുള്ള ഒരു പ്രദേ​ശ​ത്തോട്‌ അടുക്കവെ ജനങ്ങൾക്കു മുന്നറി​യി​പ്പു നൽകേ​ണ്ടത്‌ അടിയ​ന്തി​ര​മാ​യി​ത്തീ​രു​ന്നു. അത്‌ അടുത്ത​ടു​ത്തു വരു​ന്തോ​റും മുന്നറി​യി​പ്പു കൂടുതൽ തീവ്ര​മാ​ക്കേ​ണ്ട​തുണ്ട്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ആളുക​ളു​ടെ ജീവൻ അപകട​ത്തി​ലാണ്‌! നേരത്തേ നൽകപ്പെട്ട മുന്നറി​യി​പ്പു​കൾ പലരും കേട്ടി​ട്ടു​ണ്ടാ​വില്ല. ഇനി കേട്ടി​ട്ടു​ണ്ടെ​ങ്കിൽത്തന്നെ നടപടി സ്വീക​രി​ക്കാൻ മിന​ക്കെ​ടാഞ്ഞ വ്യക്തി​ക​ളും ഉണ്ടായി​രി​ക്കാം. ഈ ദുഷ്ട​ലോ​ക​ത്തി​ന്റെ അവസാന കണിക​യെ​യും തുടച്ചു​നീ​ക്കുന്ന ദൈവ​ത്തി​ന്റെ നീതി​പൂർവ​ക​മായ കോപ​ത്തിൻ “ചുഴലി​ക്കാ​റ്റു” ആഞ്ഞുവീ​ശു​ന്ന​തി​നു മുമ്പ്‌ നാം മുഴക്കേണ്ട ദിവ്യ മുന്നറി​യി​പ്പി​ന്റെ കാര്യ​ത്തി​ലും ഇതു സത്യമാണ്‌. (സദൃ. 10:25) ശതകോ​ടി​ക​ളു​ടെ നിത്യ​ജീ​വൻ തുലാ​സ്സിൽ തൂങ്ങു​ക​യാണ്‌! അതു​കൊണ്ട്‌ മുന്നറി​യി​പ്പു മുഴക്കി​ക്കൊണ്ട്‌ നാം “സൽപ്ര​വൃ​ത്തി​ക​ളിൽ ശുഷ്‌കാ​ന്തി” ഉള്ളവരാ​യി​രി​ക്കണം.—തീത്തൊ. 2:11-14.

² പതിറ്റാ​ണ്ടു​ക​ളാ​യി, സ്‌മാരക കാലത്ത്‌ ശുശ്രൂ​ഷ​യിൽ പ്രത്യേക ശുഷ്‌കാ​ന്തി കാണി​ക്കാൻ യഹോ​വ​യു​ടെ ജനം പ്രചോ​ദി​ത​രാ​യി​രു​ന്നി​ട്ടുണ്ട്‌. 1939-ലെ വസന്തത്തിൽ ഇൻഫോർമന്റ്‌—നമ്മുടെ രാജ്യ ശുശ്രൂഷ അന്ന്‌ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—ഈ പ്രോ​ത്സാ​ഹനം നൽകു​ക​യു​ണ്ടാ​യി: “വസന്തം വരവായി, ഒപ്പം നല്ല കാലാ​വ​സ്ഥ​യും. അതു​കൊണ്ട്‌ സഭാ​പ്ര​സാ​ധ​ക​രു​ടെ വയൽസേവന മണിക്കൂ​റു​കൾ ഇരട്ടി​ക്കു​മെ​ന്നും പയനി​യർമാ​രു​ടെ മണിക്കൂ​റു​ക​ളിൽ വലിയ വർധനവ്‌ ഉണ്ടാകു​മെ​ന്നും പ്രതീ​ക്ഷി​ക്കു​ന്നു. ഏപ്രി​ലിൽ അഞ്ച്‌ വാരാ​ന്ത​ങ്ങ​ളുണ്ട്‌. എല്ലാ ശനിയാ​ഴ്‌ച​യും ഞായറാ​ഴ്‌ച​യും . . . പ്രത്യേക സാക്ഷീ​ക​ര​ണ​ത്തി​നുള്ള അവസര​ങ്ങ​ളാ​ക്കുക.” 60 വർഷം മുമ്പ്‌ സഹോ​ദ​ര​ങ്ങ​ളു​ടെ മുമ്പിൽ വെച്ച ഈ ലക്ഷ്യം വെല്ലു​വി​ളി നിറഞ്ഞ ഒന്നായി​രു​ന്നു! ഈ വർഷവും 1939-ലെ പോ​ലെ​തന്നെ ഏപ്രി​ലിൽ അഞ്ച്‌ ശനിയാ​ഴ്‌ച​ക​ളും ഞായറാ​ഴ്‌ച​ക​ളും ഉണ്ട്‌. ഈ മാസ​ത്തേക്കു നിങ്ങൾ എന്തൊക്കെ പരിപാ​ടി​ക​ളാണ്‌ ആസൂ​ത്രണം ചെയ്‌തി​രി​ക്കു​ന്നത്‌? ഏപ്രിൽ മാസത്തിൽ ചെയ്യു​ന്ന​തി​നാ​യി നിങ്ങൾ കലണ്ടറിൽ എന്തൊ​ക്കെ​യാ​ണു കുറി​ച്ചി​ട്ടി​രി​ക്കു​ന്നത്‌? വർധിച്ച ആത്മീയ പ്രവർത്ത​ന​ത്തി​നാ​യുള്ള ഈ പ്രത്യേക മാസം, യഹോ​വ​യു​ടെ മുഴു ജനത്തോ​ടു​മൊ​പ്പം സത്‌പ്ര​വൃ​ത്തി​ക​ളിൽ അർഥവ​ത്തായ ഒരു വിധത്തിൽ പങ്കുപ​റ്റാൻ ആസൂ​ത്രണം ചെയ്യുക.

³ നാം ചെയ്യാൻ ഉദ്ദേശി​ക്കു​ന്നത്‌: 2000-ാം ആണ്ടിലെ ഏറ്റവും പ്രധാ​ന​പ്പെട്ട ദിവസം ഏപ്രിൽ 19 ആണ്‌. അതേ, യേശു​വി​ന്റെ മരണത്തി​ന്റെ സ്‌മാരക ദിനം. കഴിയു​ന്നത്ര ആളുകളെ സ്‌മാ​ര​ക​ത്തി​നു ക്ഷണിക്കുക എന്ന ലക്ഷ്യത്തിൽ നാം പ്രവർത്തി​ക്കണം. കഴിഞ്ഞ മാസം നിർദേ​ശി​ച്ചി​രു​ന്നതു പോലെ, സ്‌മാ​ര​ക​ത്തി​നു ഹാജരാ​കാൻ സാധ്യ​ത​യുള്ള എല്ലാ വ്യക്തി​ക​ളു​ടെ​യും ഒരു ലിസ്റ്റ്‌ ഉണ്ടാക്കുക. അവരെ എല്ലാവ​രെ​യും ക്ഷണിക്കു​ന്നു​വെന്ന്‌ ഉറപ്പു​വ​രു​ത്തുക. നിഷ്‌ക്രി​യർ, ബൈബിൾ വിദ്യാർഥി​കൾ, മടക്കസ​ന്ദർശ​ന​ങ്ങ​ളി​ലു​ള്ളവർ, മുൻ ബൈബിൾ വിദ്യാർഥി​കൾ, സഹജോ​ലി​ക്കാർ, സഹപാ​ഠി​കൾ, അയൽക്കാർ, ബന്ധുക്കൾ തുടങ്ങി​യ​വ​രെ​യും മറ്റു പരിച​യ​ക്കാ​രെ​യും ക്ഷണി​ക്കേ​ണ്ട​വ​രു​ടെ ലിസ്റ്റിൽ ഉൾപ്പെ​ടു​ത്തേ​ണ്ട​താണ്‌. സ്വന്തം വാഹനങ്ങൾ ഉള്ളവർക്ക്‌, യാത്ര​യു​ടെ കാര്യ​ത്തിൽ സഹായം ആവശ്യ​മു​ള്ള​വരെ സ്‌നേ​ഹ​പൂർവം സഹായി​ക്കാൻ കഴി​ഞ്ഞേ​ക്കും. സ്‌മാ​ര​ക​ത്തി​നു ഹാജരാ​കു​ന്ന​വ​രെ​യെ​ല്ലാം ഊഷ്‌മ​ള​മാ​യി സ്വാഗതം ചെയ്യു​ന്ന​തി​നുള്ള പദവി നമുക്ക്‌ ഓരോ​രു​ത്തർക്കും ഉണ്ട്‌. സ്‌മാ​ര​ക​ത്തി​നു ശേഷം ഈ താത്‌പ​ര്യ​ക്കാർക്ക്‌ കൂടു​ത​ലായ ആത്മീയ സഹായം നമുക്കു തുടർന്നും കൊടു​ക്കാം.

⁴ യഹോവ നമുക്കു ചെയ്‌തു​ത​ന്നി​രി​ക്കുന്ന എല്ലാ സംഗതി​ക​ളെ​യും നമ്മൾ യഥാർഥ​ത്തിൽ വിലമ​തി​ക്കു​ന്നു എന്ന്‌ പ്രകടി​പ്പി​ക്കു​ന്ന​തി​നുള്ള ഒരു ഉത്തമ മാർഗ​മാണ്‌ സ്‌മാ​ര​ക​ത്തി​നു മുമ്പും പിമ്പു​മുള്ള ദിവസ​ങ്ങ​ളിൽ “സൽപ്ര​വൃ​ത്തി​ക​ളിൽ ശുഷ്‌കാ​ന്തി” ഉള്ളവർ ആയിരി​ക്കു​ന്നത്‌. ഏപ്രിൽ മാസത്തിൽ പകൽ സമയം കൂടു​ത​ലാ​യ​തി​നാൽ നമ്മിൽ മിക്കവർക്കും സുവി​ശേഷ വേലയി​ലെ നമ്മുടെ പങ്കു വർധി​പ്പി​ക്കുക എന്ന ലക്ഷ്യത്തിൽ എത്തി​ച്ചേ​രാൻ കഴിയും. നിങ്ങൾ സഹായ പയനി​യ​റിങ്‌ ചെയ്യു​ക​യാ​ണെ​ങ്കിൽ, ശുശ്രൂ​ഷ​യിൽ 50 മണിക്കൂ​റോ അതിൽ കൂടു​ത​ലോ പ്രവർത്തി​ക്കാൻ നിങ്ങൾ നിങ്ങളു​ടെ പരമാ​വധി ശ്രമി​ക്കും. (മത്താ. 5:37) മാസാ​രം​ഭ​ത്തിൽ നിങ്ങൾ തയ്യാറാ​ക്കിയ പട്ടിക​യോട്‌ അടുത്തു പറ്റിനിൽക്കുക. (സഭാ. 3:1; 1 കൊരി. 14:40) പ്രോ​ത്സാ​ഹന വാക്കുകൾ പറഞ്ഞു​കൊ​ണ്ടോ വയലിൽ ഒപ്പം പ്രവർത്തി​ച്ചു​കൊ​ണ്ടോ ശേഷമുള്ള നമു​ക്കെ​ല്ലാ​വർക്കും ആകുന്ന വിധത്തിൽ പയനി​യർമാ​രെ പിന്തു​ണ​യ്‌ക്കാം. (2 രാജാ. 10:15, 16 താരത​മ്യം ചെയ്യുക.) ഏപ്രിൽ മാസത്തിൽ നാം ശുഷ്‌കാ​ന്തി​യോ​ടെ വിതയ്‌ക്കു​ന്നെ​ങ്കിൽ വർധിച്ച സന്തോ​ഷ​വും യഹോ​വ​യിൽ നിന്നുള്ള സമൃദ്ധ​മായ അനു​ഗ്ര​ഹ​വും നമുക്കു തീർച്ച​യാ​യും പ്രതീ​ക്ഷി​ക്കാൻ കഴിയും. (മലാ. 3:10) ചില​പ്പോൾ അത്‌ നിരന്ത​ര​മായ സഹായ പയനി​യ​റി​ങ്ങി​ലേ​ക്കോ സാധാരണ പയനിയർ സേവന​ത്തി​ലേ​ക്കോ ഉള്ള ഒരു ചവിട്ടു​പ​ടി​യാ​യി ഉതകി​യേ​ക്കാം. ക്രമമുള്ള രാജ്യ​ഘോ​ഷ​ക​രെന്ന നിലയിൽ തുടരവെ ഏപ്രി​ലിൽ നാം നേടി​യെ​ടു​ക്കുന്ന ആത്മീയ ഊർജ​സ്വ​ലത തുടർന്നുള്ള മാസങ്ങ​ളി​ലും നമുക്കു പ്രകടി​പ്പി​ക്കാം.

⁵ യഹോ​വ​യു​ടെ ജനത്തിലെ ആയിര​ക്ക​ണ​ക്കി​നു പേർക്ക്‌ ഈ മാസം കൂടുതൽ ഭവന ബൈബിൾ അധ്യയ​നങ്ങൾ ആരംഭി​ക്കുക എന്ന ലക്ഷ്യം കൈവ​രി​ക്കാൻ സാധി​ക്കും എന്നതിൽ സംശയ​മില്ല. നിങ്ങൾ ഒരു അധ്യയനം ആരംഭി​ക്കാൻ ആഗ്രഹി​ക്കു​ന്നു​വോ? എങ്കിൽ ഒരു അധ്യയനം ലഭിക്കു​ന്ന​തി​നാ​യി യഹോ​വ​യോ​ടു പ്രത്യേ​കം പ്രാർഥി​ക്കു​ക​യും പ്രാർഥ​ന​യ്‌ക്കു ചേർച്ച​യിൽ പ്രവർത്തി​ക്കു​ക​യും ചെയ്യുക. ആത്മാർഥ ഹൃദയ​മുള്ള ഒരു വിദ്യാർഥി​യെ കണ്ടെത്താ​നുള്ള നിങ്ങളു​ടെ എളിയ അപേക്ഷ യഹോവ വിലമ​തി​ക്കു​മെന്ന കാര്യ​ത്തിൽ ഉറപ്പു​ണ്ടാ​യി​രി​ക്കുക.—1 യോഹ. 3:22.

⁶ വയലിൽ സംഭാ​ഷണം ആരംഭി​ക്കു​ന്ന​തിൽ വിജയ​പ്ര​ദ​മെന്നു കണ്ടെത്തിയ ഒരു സമീപനം ഇതാ: ഇങ്ങനെ പറഞ്ഞു​കൊ​ണ്ടു നിങ്ങൾക്കു തുടങ്ങാൻ കഴിയും, “ഈയടുത്ത കാലത്താ​യി ചില യുവജ​നങ്ങൾ കാട്ടി​ക്കൂ​ട്ടുന്ന അക്രമ​പ്ര​വർത്ത​നങ്ങൾ ഏതെങ്കി​ലും തരത്തി​ലുള്ള ഭൂതസ്വാ​ധീ​ന​ത്തി​ന്റെ ഫലമാ​യി​രി​ക്കു​മോ? അതോ അത്‌ മാതാ​പി​താ​ക്കൾ ശരിയായ മാർഗ​നിർദേ​ശങ്ങൾ നൽകാ​ത്തതു കൊണ്ടാ​യി​രി​ക്കു​മോ? നിങ്ങൾക്കെന്തു തോന്നു​ന്നു?” പ്രതി​ക​ര​ണ​ത്തി​നു സമയം അനുവ​ദി​ക്കുക. “ഭൂതസ്വാ​ധീ​നം” എന്നാണു വ്യക്തി പറയു​ന്ന​തെ​ങ്കിൽ വെളി​പ്പാ​ടു 12:9, 12 വാക്യങ്ങൾ വായി​ച്ചിട്ട്‌ ലോക​ത്തി​ന്റെ അവസ്ഥ ഇത്ര വഷളാ​യി​രി​ക്കു​ന്ന​തിൽ പിശാ​ചി​നുള്ള പങ്ക്‌ എടുത്തു കാണി​ക്കുക. എന്നിട്ട്‌ ആവശ്യം ലഘുപ​ത്രി​ക​യു​ടെ 4-ാമത്തെ പാഠം തുറന്ന്‌ പിശാച്‌ എവി​ടെ​നി​ന്നു വന്നു എന്ന്‌ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ എന്നു വ്യക്തി​യോ​ടു ചോദി​ക്കുക. ആദ്യത്തെ രണ്ടു ഖണ്ഡികകൾ വായിച്ചു ചർച്ച​ചെ​യ്യുക. “മാതാ​പി​താ​ക്കൾ ശരിയായ മാർഗ​നിർദേ​ശങ്ങൾ നൽകാ​ത്തത്‌” ആണ്‌ സ്‌കൂ​ളു​ക​ളി​ലെ അക്രമ​ങ്ങൾക്കുള്ള കാരണം എന്നു വ്യക്തി പറയു​ന്നെ​ങ്കിൽ 2 തിമൊ​ഥെ​യൊസ്‌ 3:1-3 വായി​ക്കു​ക​യും ഈ സ്ഥിതി​വി​ശേ​ഷ​ത്തി​ലേക്കു നയിച്ചി​രി​ക്കുന്ന സ്വഭാ​വ​സ​വി​ശേ​ഷ​തകൾ ചൂണ്ടി​ക്കാ​ണി​ക്കു​ക​യും ചെയ്യുക. പിന്നെ ആവശ്യം ലഘുപ​ത്രി​ക​യു​ടെ 8-ാം അധ്യായം തുറന്ന്‌ 5-ാം ഖണ്ഡിക വായി​ച്ചു​കൊ​ണ്ടു ചർച്ച തുടരുക. മടങ്ങി​ച്ചെ​ല്ലു​ന്ന​തിന്‌ ഒരു സമയം ക്രമീ​ക​രി​ക്കാൻ കഴിയു​ന്നെ​ങ്കിൽ ആ വ്യക്തി​യു​മാ​യി ക്രമമായ ഒരു ബൈബിൾ അധ്യയനം ആരംഭി​ക്കാ​നുള്ള വഴി നിങ്ങൾ തുറക്കു​ക​യാ​യി​രി​ക്കാം. തുടർന്നുള്ള ഏതെങ്കി​ലും ഒരു സന്ദർശ​ന​ത്തിൽ, ഇങ്ങനെ​യുള്ള കാര്യങ്ങൾ പഠിക്കാൻ താത്‌പ​ര്യ​മുള്ള മറ്റാ​രെ​യെ​ങ്കി​ലും അറിയാ​മോ എന്ന്‌ ആ വ്യക്തി​യോ​ടു ചോദി​ക്കുക.

⁷ ഏപ്രി​ലിൽ “സൽപ്ര​വൃ​ത്തി​ക​ളിൽ ശുഷ്‌കാ​ന്തി” പ്രകടി​പ്പി​ക്കാൻ കഴിയുന്ന മറ്റൊരു വിധം പ്രസംഗ പ്രവർത്ത​ന​ത്തി​ന്റെ വിവിധ വശങ്ങളിൽ ഏർപ്പെ​ടുക എന്നതാണ്‌. ഒരു പാർക്കി​ലോ വാഹനങ്ങൾ പാർക്കു ചെയ്യു​ന്നി​ട​ത്തോ ബസ്‌ സ്റ്റോപ്പി​ലോ റെയിൽവേ സ്റ്റേഷനി​ലോ സാക്ഷീ​ക​രി​ക്കു​ന്ന​തി​നെ കുറിച്ചു നിങ്ങൾ ചിന്തി​ച്ചി​ട്ടു​ണ്ടോ? ടെലി​ഫോൺ സാക്ഷീ​ക​ര​ണ​വും തെരു​വി​ലും ബിസി​നസ്‌ പ്രദേ​ശ​ത്തു​മുള്ള സാക്ഷീ​ക​ര​ണ​വും പരീക്ഷി​ച്ചു നോക്കാൻ നിങ്ങൾ ആഗ്രഹി​ക്കു​ന്നു​വോ? എങ്കിൽ ഇവയൊ​ക്കെ ചെയ്യാൻ ഈ മാസം തന്നെ തിര​ഞ്ഞെ​ടു​ത്തു​കൂ​ടേ? ആവശ്യ​മായ ധൈര്യം സംഭരി​ക്കാൻ യഹോവ നിങ്ങളെ സഹായി​ക്കും. (പ്രവൃ. 4:31; 1 തെസ്സ. 2:2ബി) ശുശ്രൂ​ഷ​യു​ടെ ഈ വശങ്ങളിൽ പരിച​യ​മുള്ള ഒരു പയനി​യ​റോ​ടോ പ്രസാ​ധ​ക​നോ​ടോ ഒപ്പം പ്രവർത്തി​ക്കാ​നുള്ള ക്രമീ​ക​ര​ണങ്ങൾ ചെയ്യാൻ നിങ്ങൾക്ക്‌ ഒരുപക്ഷേ കഴി​ഞ്ഞേ​ക്കും.

⁸ ശുശ്രൂ​ഷ​യി​ലെ തങ്ങളുടെ പങ്കു വർധി​പ്പി​ക്കാൻ ആഗ്രഹി​ക്കു​ന്ന​വ​രെ​ല്ലാം അനൗപ​ചാ​രിക സാക്ഷീ​ക​ര​ണ​ത്തിൽ ഏർപ്പെ​ടുക എന്ന ലക്ഷ്യത്തിൽ പ്രവർത്തി​ക്കും. പലപ്പോ​ഴും അതു ചെയ്യു​ന്ന​തിന്‌ ഒരു വ്യക്തി​യു​മാ​യി സൗഹൃദ സംഭാ​ഷണം ആരംഭി​ക്കു​കയേ വേണ്ടൂ. പൊതു​താ​ത്‌പ​ര്യം ഉണർത്തുന്ന ഒരു വിഷയം എടുത്തി​ടുക. ഒരുപക്ഷേ 6-ാം ഖണ്ഡിക​യിൽ നൽകി​യി​രി​ക്കുന്ന സമീപനം നിങ്ങൾക്ക്‌ ഉപയോ​ഗി​ക്കാൻ കഴിയും. വെറുതെ പാഴാ​യി​പ്പോ​യേ​ക്കാ​വുന്ന സമയം, അത്‌ ഏതാനും മിനി​ട്ടു​കൾ ആണെങ്കിൽക്കൂ​ടി നന്നായി ഉപയോ​ഗ​പ്പെ​ടു​ത്തുക. പതിനഞ്ചു മിനി​ട്ടോ പത്തു മിനി​ട്ടോ, എന്തിന്‌ വെറും അഞ്ചു മിനി​ട്ടാ​ണെ​ങ്കിൽക്കൂ​ടി അത്‌ അനൗപ​ചാ​രിക സാക്ഷീ​ക​ര​ണ​ത്തി​നാ​യി ഫലപ്ര​ദ​മാ​യി ഉപയോ​ഗി​ക്ക​രു​തോ?

⁹ ധ്യാനി​ക്കു​ന്ന​തി​നുള്ള സമയം: 1999-2000 “ദൈവ​ത്തി​ന്റെ പ്രാവ​ച​നിക വചനം” ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ നാടകം വിശേ​ഷ​വ​ത്‌ക​രിച്ച ചില ആശയങ്ങൾ മനസ്സി​ലേക്കു കൊണ്ടു​വ​രിക. നമ്മുടെ ആത്മീയ പൈതൃ​കത്തെ വിലമ​തി​ക്കൽ എന്ന നാടകം യാക്കോ​ബും ഏശാവും തമ്മിലുള്ള വ്യത്യാ​സം ശ്രദ്ധാ​പൂർവം അവലോ​കനം ചെയ്യാൻ നമ്മെ പ്രേരി​പ്പി​ച്ചു. യാക്കോ​ബി​നെ പോലെ തനിക്കും ആത്മീയ കാര്യ​ങ്ങ​ളിൽ താത്‌പ​ര്യം ഉണ്ടെന്ന്‌ ഏശാവ്‌ പറഞ്ഞു, എന്നാൽ അവന്റെ പ്രവൃ​ത്തി​ക​ളിൽ അതു പ്രകട​മാ​യി​രു​ന്നില്ല. (ഉല്‌പ. 25:29-34) നമുക്കുള്ള എത്ര ശക്തമായ ഒരു മുന്നറി​യിപ്പ്‌! യാക്കോ​ബി​നെ പോലെ യഹോ​വ​യു​ടെ അനു​ഗ്ര​ഹ​ത്തി​നാ​യി പോരാ​ടാൻ, അതിനാ​യി മല്ലുപി​ടി​ക്കാൻ, നാം ഒരുക്ക​മു​ള്ളവർ ആയിരി​ക്കണം. (ഉല്‌പ. 32:24-29) നമ്മുടെ മഹത്തായ ആത്മീയ പൈതൃ​കത്തെ ഒരിക്ക​ലും നിസ്സാ​ര​മാ​യി വീക്ഷി​ക്കാ​തെ ഏപ്രി​ലി​ലും തുടർന്നു വരുന്ന മാസങ്ങ​ളി​ലും നമ്മുടെ തീക്ഷ്‌ണ​തയെ നമുക്കു പുതു​ക്കാം.

¹⁰ “യഹോ​വ​യു​ടെ മഹാദി​വസം അടുത്തി​രി​ക്കു​ന്നു; അതു അടുത്തു അത്യന്തം ബദ്ധപ്പെ​ട്ടു​വ​രു​ന്നു.” (സെഫ. 1:14) അതു​കൊണ്ട്‌ രാജ്യ​സു​വാർത്ത അറിയി​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. ആളുക​ളു​ടെ ജീവൻ അപകട​ത്തി​ലാണ്‌! നാം “സൽപ്ര​വൃ​ത്തി​ക​ളിൽ ശുഷ്‌കാ​ന്തി” ഉള്ളവരാ​ണെന്ന്‌ ഐക്യ​ത്തിൽ പ്രകട​മാ​ക്കവെ യഹോ​വ​യു​ടെ മുഴു ജനത്തി​നും ഇത്‌ ഒരു അനുഗൃ​ഹീത മാസമാ​യി​രി​ക്കട്ടെ.

[4-ാം പേജിലെ ചതുരം]

സ്‌മാരക ഓർമി​പ്പി​ക്ക​ലു​കൾ

ഈ വർഷത്തെ സ്‌മാ​ര​കാ​ച​രണം ഏപ്രിൽ 19 ബുധനാ​ഴ്‌ച​യാണ്‌. മൂപ്പന്മാർ പിൻവ​രുന്ന കാര്യങ്ങൾ ശ്രദ്ധി​ക്കേ​ണ്ട​തുണ്ട്‌:

◼ യോഗ​സ​മയം നിശ്ചയി​ക്കു​മ്പോൾ സൂര്യാ​സ്‌ത​മ​യ​ത്തി​നു ശേഷം മാത്രമേ ചിഹ്നങ്ങൾ വിതരണം ചെയ്യ​പ്പെ​ടു​ക​യു​ള്ളു എന്ന്‌ ഉറപ്പു​വ​രു​ത്തുക.

◼ പ്രസം​ഗകൻ ഉൾപ്പെ​ടെ​യുള്ള എല്ലാവ​രെ​യും സ്‌മാ​ര​കാ​ച​ര​ണ​ത്തി​ന്റെ കൃത്യ സമയവും സ്ഥലവും അറിയി​ച്ചി​രി​ക്കണം.

◼ ഉചിത​മായ തരത്തി​ലുള്ള അപ്പവും വീഞ്ഞും തയ്യാറാ​ക്കി വെച്ചി​രി​ക്കണം.—1985 മാർച്ച്‌ 1 ലക്കം വീക്ഷാ​ഗോ​പു​ര​ത്തി​ന്റെ 20-ാം പേജ്‌ കാണുക.

◼ പ്ലെയി​റ്റു​കൾ, ഗ്ലാസുകൾ, അനു​യോ​ജ്യ​മായ മേശ, മേശവി​രി എന്നിവ നേര​ത്തേ​തന്നെ ഹാളിൽ ഉചിത​മായ സ്ഥലത്തു ക്രമീ​ക​രി​ച്ചി​രി​ക്കണം.

◼ കൂടി​വ​രു​ന്നതു രാജ്യ​ഹാ​ളി​ലാ​യാ​ലും മറ്റേ​തെ​ങ്കി​ലും സ്ഥലത്താ​യാ​ലും നേര​ത്തേ​തന്നെ അവിടം നന്നായി വൃത്തി​യാ​ക്കി​യി​രി​ക്കണം.

◼ സേവക​ന്മാ​രെ​യും വിതരണം ചെയ്യു​ന്ന​വ​രെ​യും മുന്ന​മേ​തന്നെ തിര​ഞ്ഞെ​ടുത്ത്‌ അവരുടെ കർത്തവ്യ​ങ്ങ​ളും ഉചിത​മായ നടപടി​ക്ര​മ​ങ്ങ​ളും സംബന്ധി​ച്ചുള്ള നിർദേ​ശങ്ങൾ നൽകണം.

◼ രോഗി​യും ഹാജരാ​കാൻ അപ്രാ​പ്‌ത​നു​മായ ഏതൊരു അഭിഷി​ക്ത​നും അപ്പവും വീഞ്ഞും നൽകാ​നുള്ള ക്രമീ​ക​ര​ണങ്ങൾ ചെയ്‌തി​രി​ക്കണം.

◼ ഒന്നില​ധി​കം സഭകൾ ഒരേ രാജ്യ​ഹാൾ ഉപയോ​ഗി​ക്കുന്ന സ്ഥലങ്ങളിൽ പ്രവേശന കവാടം, രാജ്യ​ഹാ​ളി​നു വെളി​യി​ലെ പാത, പാർക്കിങ്‌ സ്ഥലം എന്നിവി​ട​ങ്ങ​ളിൽ അനാവശ്യ തിരക്ക്‌ ഒഴിവാ​ക്കു​ന്ന​തി​നു സഭകൾ തമ്മിൽ നല്ല സഹകരണം ഉണ്ടായി​രി​ക്കണം.