“എനിക്ക്‌ എവിടെ സമയം കണ്ടെത്താ​നാ​കും?”

¹ മിക്കവരുടെയും ഒരു പരാതി​യാ​ണത്‌, കാരണം പലവിധ പ്രവർത്ത​ന​ങ്ങ​ളാൽ തിര​ക്കേ​റി​യ​താണ്‌ നമ്മുടെ ജീവിതം. നമ്മുടെ ആസ്‌തി​ക​ളിൽ ഏറ്റവും മൂല്യ​വ​ത്തും ക്ഷണിക​വു​മാ​യത്‌ സമയമാ​ണെന്നു പറയ​പ്പെ​ട്ടി​രി​ക്കു​ന്നു. ദൈവ​വ​ചനം വായി​ക്കു​ക​യും പഠിക്കു​ക​യും ചെയ്യു​ന്ന​തു​പോ​ലെ ശരിക്കും പ്രാധാ​ന്യ​മുള്ള കാര്യ​ങ്ങൾക്കാ​യി നമുക്ക്‌ എവിടെ സമയം കണ്ടെത്താ​നാ​കും?—ഫിലി. 1:10, NW.

² അതിനുള്ള താക്കോൽ, കൂടുതൽ സമയത്തി​നാ​യി അന്വേ​ഷി​ക്കു​ന്നതല്ല, മറിച്ച്‌ ഉള്ള സമയം നാം എങ്ങനെ ചെലവ​ഴി​ക്കാൻ ആഗ്രഹി​ക്കു​ന്നു എന്നു തീരു​മാ​നി​ക്കു​ന്ന​താണ്‌. നമുക്ക്‌ എല്ലാവർക്കും ആഴ്‌ച​യിൽ 168 മണിക്കൂർ ഉണ്ട്‌. അതിൽ ഏതാണ്ട്‌ 100 മണിക്കൂർ ഉറക്കത്തി​നും ജോലി​ക്കു​മാ​യി വിനി​യോ​ഗി​ക്കു​ന്നു. ശേഷിച്ച സമയം നമുക്ക്‌ എങ്ങനെ ഏറ്റവും പ്രയോ​ജ​ന​ക​ര​മാ​യി ഉപയോ​ഗി​ക്കാ​നാ​കും? നാം ‘ബുദ്ധി​ഹീ​ന​രാ​യി​രി​ക്കാ​തെ ജ്ഞാനി​ക​ളാ​യി നടക്കാ​നും അവസ​രോ​ചിത സമയം വിലയ്‌ക്കു​വാ​ങ്ങാ​നും യഹോ​വ​യു​ടെ ഇഷ്ടം എന്താ​ണെന്ന്‌ അന്വേ​ഷി​ക്കാ​നും’ എഫെസ്യർ 5:15-17 (NW) ശുപാർശ ചെയ്യുന്നു. അതിന്റെ അർഥം അനിവാ​ര്യ​മെന്ന്‌ യഹോവ പറയുന്ന കാര്യങ്ങൾ ചെയ്യു​ന്ന​തി​നാ​യി നാം എല്ലാ അവസര​വും പരമാ​വധി പ്രയോ​ജ​ന​പ്പെ​ടു​ത്തേ​ണ്ട​തുണ്ട്‌ എന്നാണ്‌.

³ യേശു നമ്മുടെ നാളു​കളെ നോഹ​യു​ടെ നാളു​ക​ളോട്‌ ഉപമിച്ചു. (ലൂക്കൊ. 17:26, 27) അന്നത്തെ ആളുകൾ അനുദിന ജീവിത കാര്യാ​ദി​ക​ളിൽ മുഴു​കി​യി​രു​ന്നു. എന്നിരു​ന്നാ​ലും, ബൃഹത്തായ ഒരു പെട്ടകം പണിയു​ന്ന​തി​നും പ്രസം​ഗി​ക്കു​ന്ന​തി​നും നോഹ സമയം കണ്ടെത്തി. (എബ്രാ. 11:7; 2 പത്രൊ. 2:5) എങ്ങനെ? ദൈ​വേ​ഷ്ട​ത്തി​നു പ്രഥമ സ്ഥാനം നൽകി​ക്കൊ​ണ്ടും “അങ്ങനെ തന്നേ” കാര്യങ്ങൾ ചെയ്യു​ക​വഴി ദൈവത്തെ അനുസ​രി​ച്ചു​കൊ​ണ്ടും.—ഉല്‌പ. 6:22.

⁴ എന്താണ്‌ പ്രഥമ സ്ഥാനത്തു വരേണ്ടത്‌? യേശു പറഞ്ഞു: “മനുഷ്യൻ അപ്പം​കൊ​ണ്ടു മാത്രമല്ല, ദൈവ​ത്തി​ന്റെ വായിൽകൂ​ടി വരുന്ന സകലവ​ച​നം​കൊ​ണ്ടും ജീവി​ക്കു​ന്നു.” (മത്താ. 4:4) ഓരോ വാരത്തി​ലും നമുക്ക്‌ ‘തക്കസമ​യത്തെ [ആത്മീയ] ആഹാര​വീ​തം’ ലഭിക്കു​ന്നു. (ലൂക്കൊ. 12:42) അതിൽനി​ന്നെ​ല്ലാം പൂർണ പ്രയോ​ജനം ലഭിക്കു​ന്ന​തിന്‌ ക്രമമായ അടിസ്ഥാ​ന​ത്തി​ലുള്ള വ്യക്തി​പ​ര​മായ വായന​യ്‌ക്കും പഠനത്തി​നു​മാ​യി ഒരു പട്ടിക ഉണ്ടായി​രി​ക്കേ​ണ്ടത്‌ ആവശ്യ​മാണ്‌. ആത്മീയാ​ഹാ​ര​ത്തോ​ടുള്ള വിലമ​തി​പ്പു നിമിത്തം, യാത്ര​യ്‌ക്കി​ട​യിൽ പെട്ടെന്നു കഴിക്കു​ന്ന​തി​നാ​യി ഫാസ്റ്റ്‌ ഫുഡ്‌ സെന്ററു​ക​ളിൽനി​ന്നു വാങ്ങുന്ന ആഹാര​സാ​ധ​നങ്ങൾ പോലെ നാം അതിനെ കണക്കാ​ക്കു​ന്നില്ല. താളുകൾ ഓടി​ച്ചു​വാ​യി​ച്ചു വിടു​ന്ന​തി​നു പകരം ആത്മീയ കാര്യങ്ങൾ പഠിക്കു​ന്ന​തി​നും ആസ്വദി​ക്കു​ന്ന​തി​നും സമയം എടുക്കാൻ ഉചിത​മായ വിലമ​തിപ്പ്‌ നമ്മെ പ്രേരി​പ്പി​ക്കു​ന്നു.

⁵ ആത്മീയാഹാരം ഭക്ഷിക്കു​ന്ന​തിന്‌ നമ്മെ നിത്യ​ജീ​വ​നി​ലേക്കു നയിക്കാ​നാ​കും. (യോഹ. 17.3) നമ്മുടെ അനുദിന പട്ടിക​യിൽ അത്‌ പ്രഥമ സ്ഥാനം അർഹി​ക്കു​ന്നു. ദൈനം​ദിന ബൈബിൾ വായന​യ്‌ക്കും ക്രിസ്‌തീയ യോഗ​ങ്ങൾക്കു തയ്യാറാ​കു​ന്ന​തി​നും സമയം കണ്ടെത്താൻ നമുക്കു കഴിയു​മോ? ഉവ്വ്‌. അപ്പോൾ, ദൈ​വേഷ്ടം അറിയു​ന്ന​തിൽനി​ന്നും ചെയ്യു​ന്ന​തിൽനി​ന്നും വരുന്ന “വലിയ പ്രതി​ഫലം” നമുക്കു ലഭിക്കും.—സങ്കീ. 19:7-11, NW.