പുതിയ പ്രത്യേക സമ്മേള​ന​ദിന പരിപാ​ടി

¹ മാധ്യമങ്ങളും ലോക​ത്തി​ലെ വിദ്യാ​ഭ്യാ​സ വിചക്ഷ​ണ​രും ഭൗതിക ധനത്തെ പ്രകീർത്തി​ക്കു​മ്പോൾ, ‘സത്‌പ്ര​വൃ​ത്തി​ക​ളിൽ സമ്പന്നരാ​യി​രി​ക്കുക’ എന്ന്‌ ദൈവ​വ​ചനം ആഹ്വാനം ചെയ്യുന്നു. (1 തിമൊ. 6:18) അതാണ്‌ 2003 ഏപ്രി​ലിൽ ആരംഭി​ക്കുന്ന പ്രത്യേക സമ്മേള​ന​ദിന പരിപാ​ടി​യു​ടെ പ്രതി​പാ​ദ്യ​വി​ഷയം. ഈ സമ്മേള​ന​ത്തിൽനി​ന്നും നമുക്ക്‌ എന്തു പ്രോ​ത്സാ​ഹനം ലഭിക്കും?

² “ദൈവ​ദൃ​ഷ്ടി​യിൽ സമ്പന്നരാ​യി​രി​ക്കുക” എന്നതിന്റെ അർഥം സംബന്ധിച്ച്‌ സർക്കിട്ട്‌ മേൽവി​ചാ​രകൻ ചർച്ച​ചെ​യ്യും. തുടർന്ന്‌ ആത്മീയ ധനം സമ്പാദി​ക്കു​ന്ന​തി​നാ​യി പ്രയത്‌നി​ക്കുന്ന ചിലരു​മാ​യി അദ്ദേഹം അഭിമു​ഖം നടത്തും. ദൈവ​ജനം “ഈ കൊയ്‌ത്തു​കാ​ലത്ത്‌ സത്‌പ്ര​വൃ​ത്തി​കൾ” ചെയ്യു​ന്ന​തിൽ ഏർപ്പെ​ട്ടി​രി​ക്കു​ന്നത്‌ എങ്ങനെ​യാ​ണെന്ന്‌ തന്റെ ആദ്യ​പ്ര​സം​ഗ​ത്തിൽ സന്ദർശക പ്രസം​ഗകൻ വിവരി​ക്കും. ഇന്നു നിറ​വേ​റ്റ​പ്പെ​ടുന്ന ദിവ്യ​നി​യ​മിത കൊയ്‌ത്തു​വേ​ല​യിൽ കൂടുതൽ തിക​വോ​ടെ എങ്ങനെ ഏർപ്പെ​ടാം എന്നു പരിചി​ന്തി​ക്കാൻ നാം ഓരോ​രു​ത്ത​രും പ്രോ​ത്സാ​ഹി​പ്പി​ക്ക​പ്പെ​ടും.

³ ക്രിസ്‌തീയ യുവജ​നങ്ങൾ ആത്മീയ ധനസമ്പാ​ദ​ന​ത്തി​നാ​യി പ്രവർത്തി​ക്കു​ന്നത്‌ കാണു​ന്ന​തിൽ നാം എത്ര സന്തുഷ്ട​രാണ്‌! ഇതു യഹോ​വയെ മഹത്ത്വ​പ്പെ​ടു​ത്തു​ക​യും ഭാവി​യി​ലെ കൂടു​ത​ലായ സേവന പദവി​കൾക്കാ​യി ഒരു നല്ല അടിസ്ഥാ​നം ഇടാൻ യുവജ​ന​ങ്ങളെ സഹായി​ക്കു​ക​യും ചെയ്യുന്നു. ക്രിസ്‌തീയ യുവജ​നങ്ങൾ പ്രാ​ദേ​ശി​ക​മാ​യി ചെയ്‌തു​വ​രുന്ന സത്‌പ്ര​വൃ​ത്തി​കളെ വിശേ​ഷ​വ​ത്‌ക​രി​ക്കു​ന്ന​താ​യി​രി​ക്കും “യഹോ​വയെ സ്‌തു​തി​ക്കു​ന്ന​തി​ലെ സത്‌പ്ര​വൃ​ത്തി​കൾക്ക്‌ യുവജ​ന​ങ്ങളെ അഭിന​ന്ദി​ക്കൽ” എന്ന ഭാഗം.

⁴ സത്‌പ്രവൃത്തികളിൽ തുടരു​ന്ന​തി​ന്റെ ഫലങ്ങൾ എന്തൊ​ക്കെ​യാണ്‌? ഇതിനുള്ള ഉത്തരം “സത്‌പ്ര​വൃ​ത്തി​ക​ളിൽ തുടരുക, യഹോ​വ​യിൽനി​ന്നുള്ള അനു​ഗ്ര​ഹങ്ങൾ കൊയ്യുക” എന്ന തന്റെ സമാപന പ്രസം​ഗ​ത്തിൽ സന്ദർശക പ്രസം​ഗകൻ വിശദീ​ക​രി​ക്കും. നാം സമൃദ്ധ​മായ അനു​ഗ്ര​ഹങ്ങൾ കൊയ്യുന്ന നാലു മണ്ഡലങ്ങൾ അദ്ദേഹം വിവരി​ക്കും: (1) വ്യക്തി​പ​ര​മാ​യി (2) കുടും​ബ​മെന്ന നിലയിൽ (3) സഭയെന്ന നിലയിൽ (4) ലോക​വ്യാ​പക സംഘട​ന​യെന്ന നിലയിൽ.

⁵ പുതുതായി യഹോ​വ​യ്‌ക്കു സമർപ്പി​ച്ചി​രി​ക്കു​ന്ന​വർക്കു സ്‌നാ​പ​ന​മേൽക്കാ​നുള്ള അവസരം ഉണ്ടായി​രി​ക്കും. ആ പടി സ്വീക​രി​ക്കാൻ നിങ്ങൾ തയ്യാറാ​യി​രി​ക്കു​ന്നെ​ങ്കിൽ ഉടനെ​തന്നെ സഭയിലെ അധ്യക്ഷ മേൽവി​ചാ​ര​കനെ അത്‌ അറിയി​ക്കുക.

⁶ നിങ്ങളുടെ പ്രദേ​ശത്തു ക്രമീ​ക​രി​ച്ചി​രി​ക്കുന്ന സമ്മേള​ന​ത്തി​ന്റെ തീയതി അറിഞ്ഞാ​ലു​ടൻ, ഹാജരാ​കാ​നുള്ള ക്രമീ​ക​ര​ണങ്ങൾ ചെയ്യുക. പ്രാരംഭ ഗീതത്തി​ലും പ്രാർഥ​ന​യി​ലും പങ്കു​ചേ​രാൻ തക്കവണ്ണം നേരത്തേ എത്തി​ച്ചേ​രാൻ ശ്രമി​ക്കുക. പ്രത്യേക സമ്മേളന ദിനത്തി​ലെ മുഴു പരിപാ​ടി​ക്കും സന്നിഹി​ത​രാ​യി​രു​ന്നു​കൊണ്ട്‌ അതിന്‌ അടുത്ത​ശ്രദ്ധ നൽകു​ന്നത്‌ നമ്മുടെ ദൈവ​മായ യഹോ​വ​യു​ടെ ദൃഷ്ടി​യിൽ നമ്മെ യഥാർഥ​ത്തിൽ സമ്പന്നരാ​ക്കുന്ന ഒരു ജീവിതം നയിക്കു​ന്ന​തിൽ തുടരു​ന്ന​തിന്‌ നമ്മെ ശക്തരാ​ക്കും.