അന്ത്യം അടുത്തു​വ​രവേ സുബോ​ധ​മു​ള്ളവർ ആയിരി​ക്കു​ക

¹ യഹോവയുടെ ദിവസം വരുന്നത്‌ ഒരു “കള്ളനെ​പ്പോ​ലെ,” പെട്ടെ​ന്നും അപ്രതീ​ക്ഷി​ത​മാ​യും ആയിരി​ക്കു​മെന്ന്‌ ദൈവ​വ​ചനം ആവർത്തി​ച്ചു വ്യക്തമാ​ക്കു​ന്നു. (1 തെസ്സ. 5:2; മത്താ. 24:43; 2 പത്രൊ. 3:10; വെളി. 3:3; 16:15) “അങ്ങനെ നിങ്ങൾ നിനെ​ക്കാത്ത നാഴി​ക​യിൽ മനുഷ്യ​പു​ത്രൻ വരുന്ന​തു​കൊ​ണ്ടു നിങ്ങളും ഒരുങ്ങി​യി​രി​പ്പിൻ” എന്ന്‌ യേശു പറഞ്ഞു. (മത്താ. 24:44) അന്ത്യം അടുത്തു​വ​രവേ ആത്മീയ​മാ​യി ഒരുങ്ങി​യി​രി​ക്കു​ന്ന​തിൽ തുടരാൻ നമുക്ക്‌ എങ്ങനെ സാധി​ക്കും? ‘സുബോ​ധ​മു​ള്ളവർ ആയിരി​പ്പിൻ’ എന്ന നിശ്വസ്‌ത ബുദ്ധി​യു​പ​ദേ​ശ​ത്തിൽ അതിനുള്ള ഉത്തരം അടങ്ങി​യി​ട്ടുണ്ട്‌.—1 പത്രൊ. 4:7.

² സുബോധമുള്ളവർ ആയിരി​ക്കു​ന്ന​തിൽ യഹോ​വ​യു​ടെ കാഴ്‌ച​പ്പാ​ടിൽ നിന്ന്‌ കാര്യ​ങ്ങളെ വീക്ഷി​ക്കു​ന്നത്‌ ഉൾപ്പെ​ടു​ന്നു. (എഫെ. 5:17) ഈ വ്യവസ്ഥി​തി​യിൽ ‘പ്രവാ​സി​ക​ളും പരദേ​ശി​ക​ളു​മാ​യി’ നമ്മെത്തന്നെ കാണാൻ ഇതു നമ്മെ സഹായി​ക്കു​ന്നു. (1 പത്രൊ. 2:11) കൂടാതെ യഥാർഥ പ്രാധാ​ന്യ​മുള്ള കാര്യങ്ങൾ തിരി​ച്ച​റി​യാ​നും മുൻഗ​ണ​നകൾ വെക്കാ​നും ശരിയായ തീരു​മാ​നങ്ങൾ എടുക്കാ​നും ഇതു നമ്മെ പ്രാപ്‌ത​രാ​ക്കു​ന്നു.—ഫിലി. 1:10, NW.

³ ആത്മീയ ലാക്കുകൾ വെക്കുക: ആത്മീയ ലാക്കുകൾ വെക്കു​ന്ന​തും അവയിൽ എത്തി​ച്ചേ​രു​ന്ന​തും സുബോ​ധ​മു​ള്ളവർ ആയിരി​ക്കാൻ നമ്മെ സഹായി​ക്കു​ന്നു. എത്തി​ച്ചേ​രാ​നാ​യി നിങ്ങൾ ഇപ്പോൾ ശ്രമി​ച്ചു​കൊ​ണ്ടി​രി​ക്കുന്ന ആത്മീയ ലാക്കുകൾ ഉണ്ടോ? ദിവസ​വും ബൈബിൾ വായി​ക്കു​ന്ന​തി​നും ക്രിസ്‌തീയ യോഗ​ങ്ങൾക്കെ​ല്ലാം ഹാജരാ​കു​ന്ന​തി​നും വീക്ഷാ​ഗോ​പു​രം, ഉണരുക! മാസി​ക​ക​ളു​ടെ എല്ലാ ലക്കങ്ങളും വായി​ക്കു​ന്ന​തി​നും അതു​പോ​ലെ ശുശ്രൂ​ഷ​യി​ലെ പങ്കു വർധി​പ്പി​ക്കു​ന്ന​തി​നും നിങ്ങൾ കഠിന​ശ്രമം ചെയ്യു​ന്നു​ണ്ടോ? ഉചിത​മായ ലാക്കുകൾ വെക്കു​ക​യും അവയിൽ എത്തി​ച്ചേ​രാൻ ദൃഢനി​ശ്ച​യ​ത്തോ​ടെ യത്‌നി​ക്കു​ക​യും നിങ്ങളു​ടെ ശ്രമങ്ങ​ളു​ടെ മേൽ യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ക്കു​ക​യും ചെയ്യു​ന്നെ​ങ്കിൽ അതു കൈവ​രു​ത്തുന്ന സത്‌ഫ​ലങ്ങൾ നിങ്ങളെ അതിശ​യി​പ്പി​ച്ചേ​ക്കാം.

⁴ ഒരിക്കൽ ഒരു യുവദ​മ്പ​തി​ക​ളോട്‌ അവരുടെ ആത്മീയ ലാക്കു​ക​ളെ​പ്പറ്റി ഒരു മൂപ്പൻ അന്വേ​ഷി​ച്ചു. ജീവിതം ലളിത​മാ​ക്കു​ക​യും കടബാ​ധ്യത ഒഴിവാ​ക്കു​ക​യും ചെയ്‌താൽ തങ്ങൾക്കു പയനി​യ​റിങ്‌ ചെയ്യാ​നാ​കും എന്നു തിരി​ച്ച​റി​യാൻ ആ ചോദ്യം അവരെ സഹായി​ച്ചു. ആ ലക്ഷ്യത്തിൽ പ്രവർത്തി​ക്കാൻ അവർ തീരു​മാ​നി​ച്ചു. അങ്ങനെ അവർ ശുഷ്‌കാ​ന്തി​യോ​ടെ കടം മുഴുവൻ വീട്ടു​ക​യും തങ്ങളുടെ സമയവും ഊർജ​വും കവർന്നെ​ടു​ത്തി​രുന്ന അനാവശ്യ പ്രവർത്ത​നങ്ങൾ ഒഴിവാ​ക്കാൻ നടപടി കൈ​ക്കൊ​ള്ളു​ക​യും ചെയ്‌തു. കൃത്യം ഒരു വർഷം​കൊണ്ട്‌ അവർ തങ്ങളുടെ ലക്ഷ്യത്തിൽ എത്തി​ച്ചേർന്നു. അതിന്റെ ഫലം എന്തായി​രു​ന്നു? ആ കുടും​ബ​നാ​ഥൻ ഇപ്രകാ​രം പറയുന്നു: “ലാക്കുകൾ വെച്ചി​ല്ലാ​യി​രു​ന്നെ​ങ്കിൽ ഞങ്ങൾ ഒരിക്ക​ലും ഇന്നത്തെ അവസ്ഥയിൽ എത്തി​ച്ചേ​രു​മാ​യി​രു​ന്നില്ല. ഇപ്പോൾ ഞങ്ങൾ ഏറെ സന്തുഷ്ട​രാണ്‌. മെച്ചപ്പെട്ട, കൂടുതൽ പ്രശാ​ന്ത​മായ ഒരു ജീവിതം ഞങ്ങൾ ആസ്വദി​ക്കു​ന്നു. ജീവി​ത​ത്തിന്‌ യഥാർഥ അർഥവും ഉദ്ദേശ്യ​വും കൈവ​ന്നി​രി​ക്കു​ന്നു.”

⁵ യഹോവയുടെ ദിവസ​ത്തി​നാ​യി കാത്തി​രി​ക്കവേ, ദൈ​വേഷ്ടം ചെയ്യു​ന്ന​തിൽ ശ്രദ്ധ​കേ​ന്ദ്രീ​ക​രിച്ച്‌ സുബോ​ധ​മു​ള്ള​വ​രാ​യി ജീവിതം നയിച്ചു​കൊണ്ട്‌ ആത്മീയ​മാ​യി ഒരുങ്ങി​യി​രി​ക്കു​ന്ന​തിൽ നമുക്കു തുടരാം.—തീത്തൊ. 2:11-13.