നിങ്ങളു​ടെ ഭവനം ലഭ്യമാ​ക്കാൻ നിങ്ങൾക്കു കഴിയു​മോ?

¹ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളിൽ പലരും സഭാ​യോ​ഗ​ങ്ങൾക്കാ​യി തങ്ങളുടെ ഭവനങ്ങൾ ലഭ്യമാ​ക്കി​യി​രു​ന്നു. (1 കൊരി. 16:19; കൊലൊ. 4:15; ഫിലേ. 1, 2) ഇന്ന്‌ ചില സഭകളിൽ, സഭാ പുസ്‌ത​കാ​ധ്യ​യ​ന​ത്തി​നും വയൽസേവന യോഗ​ങ്ങൾക്കും കൂടി​വ​രു​ന്ന​തിന്‌ വേണ്ടത്ര സൗകര്യ​ങ്ങ​ളില്ല. തന്മൂലം ചില പുസ്‌ത​കാ​ധ്യ​യന കൂട്ടങ്ങ​ളിൽ 30-ഓ അതില​ധി​ക​മോ പേർ കൂടി​വ​രേണ്ട സ്ഥിതി സംജാ​ത​മാ​യേ​ക്കാം—ഒരു കൂട്ടത്തിൽ ഏതാണ്ട്‌ 15 പേർ കൂടി​വ​രാ​നാണ്‌ ശുപാർശ ചെയ്യു​ന്നത്‌.

² ഒരു വിശിഷ്ട പദവി: സഭാ പുസ്‌ത​കാ​ധ്യ​യ​ന​ത്തിന്‌ നിങ്ങളു​ടെ ഭവനം വിട്ടു​കൊ​ടു​ക്കു​ന്ന​തി​നെ കുറിച്ച്‌ നിങ്ങൾ ചിന്തി​ച്ചി​ട്ടു​ണ്ടോ? വൃത്തി​യും വെളി​ച്ച​വും വായു​സ​ഞ്ചാ​ര​വും ആവശ്യ​ത്തിന്‌ വലുപ്പ​വു​മുള്ള ഒരു മുറി​യാണ്‌ അഭികാ​മ്യം. പുസ്‌ത​കാ​ധ്യ​യനം ഒരു സഭാ​യോ​ഗ​മാണ്‌; തന്റെ ജനത്തെ പ്രബോ​ധി​പ്പി​ക്കു​ന്ന​തി​നുള്ള യഹോ​വ​യു​ടെ ക്രമീ​ക​ര​ണ​ത്തി​ന്റെ ഭാഗമാണ്‌ അത്‌. തന്നിമി​ത്തം നിങ്ങളു​ടെ ഭവനത്തിൽ ഒരു പുസ്‌ത​കാ​ധ്യ​യനം നടത്ത​പ്പെ​ടു​ന്നെ​ങ്കിൽ അതൊരു വിശിഷ്ട പദവി​ത​ന്നെ​യാണ്‌. തങ്ങളുടെ ഭവനം ഇതിനു​വേണ്ടി ലഭ്യമാ​ക്കി​യി​രി​ക്കുന്ന അനേകർ അതുമൂ​ലം തങ്ങൾ ആത്മീയ പ്രയോ​ജനം അനുഭ​വി​ച്ചി​രി​ക്കു​ന്ന​താ​യി വിവരി​ക്കു​ന്നു.

³ നിങ്ങളുടെ ഭവനം അനു​യോ​ജ്യ​മാ​ണെന്നു നിങ്ങൾ കരുതു​ന്നെ​ങ്കിൽ ദയവായി മൂപ്പന്മാ​രോട്‌ അക്കാര്യം പറയുക. അവർ ഒരു സ്ഥലം അന്വേ​ഷി​ക്കു​ക​യാ​യി​രി​ക്കാം. നിങ്ങളു​ടെ ഭവനത്തിൽ ഒരു പുസ്‌ത​കാ​ധ്യ​യനം ക്രമീ​ക​രി​ക്കു​ന്ന​തി​നു പറ്റിയ സാഹച​ര്യ​ങ്ങൾ ഇല്ലെങ്കിൽപ്പോ​ലും അവിടെ വെച്ച്‌ വയൽസേവന യോഗങ്ങൾ നടത്താൻ കഴിയു​മോ? തത്‌കാ​ലം ഒരു പുതിയ സ്ഥലത്തിന്റെ ആവശ്യ​മി​ല്ലെ​ങ്കിൽക്കൂ​ടി നിങ്ങളു​ടെ ഭവനം ലഭ്യമാ​ണെന്ന്‌ അറിയു​ന്നത്‌ മൂപ്പന്മാർ വിലമ​തി​ക്കും. ഭാവി​യിൽ നിങ്ങൾക്ക്‌ ആ പദവി ലഭി​ച്ചേ​ക്കാം.

⁴ നല്ല പെരു​മാറ്റ മര്യാ​ദകൾ പാലി​ക്കുക: സ്വകാര്യ ഭവനങ്ങ​ളിൽ കൂടി​വ​രു​മ്പോൾ സന്നിഹി​ത​രാ​കുന്ന എല്ലാവ​രും ആതി​ഥേ​യന്റെ വസ്‌തു​വ​ക​ക​ളോട്‌ ആദരവു കാണി​ക്കണം. തങ്ങളുടെ കുട്ടികൾ ഭവനത്തി​ലെ സ്വകാര്യ മുറി​ക​ളി​ലും മറ്റും കയറി​യി​റ​ങ്ങാ​തെ, അധ്യയനം നടക്കുന്ന സ്ഥലത്തു​തന്നെ ഇരിക്കു​ന്നു​വെന്ന്‌ മാതാ​പി​താ​ക്കൾ ഉറപ്പു വരുത്തണം. അയൽപ​ക്ക​ത്തു​ള്ള​വരെ അനാവ​ശ്യ​മാ​യി അലോ​സ​ര​പ്പെ​ടു​ത്താ​തി​രി​ക്കാൻ ശ്രദ്ധി​ച്ചു​കൊണ്ട്‌ അവരോ​ടും നാം പരിഗണന കാണി​ക്കണം.—2 കൊരി. 6:3, 4; 1 പത്രൊ. 2:12.

⁵ “നന്മചെ​യ്‌വാ​നും കൂട്ടാ​യ്‌മ​കാ​ണി​പ്പാ​നും [“നിങ്ങൾക്കു​ള്ളവ പങ്കുവ​യ്‌ക്കു​ന്ന​തി​ലും,” പി.ഒ.സി. ബൈബിൾ] മറക്കരു​തു. ഈവക യാഗത്തി​ല​ല്ലോ ദൈവം പ്രസാ​ദി​ക്കു​ന്നതു” എന്ന്‌ എബ്രായർ 13:16 നമ്മോടു പറയുന്നു. നിങ്ങളു​ടെ ഭവനം ഒരു സഭാ​യോ​ഗ​ത്തി​നു ലഭ്യമാ​ക്കു​ന്നത്‌, നിങ്ങൾക്കു​ള്ളത്‌ മറ്റുള്ള​വ​രു​മാ​യി പങ്കു​വെ​ക്കു​ന്ന​തി​നും നിങ്ങളു​ടെ ‘വില​യേ​റിയ വസ്‌തു​ക്കൾകൊണ്ട്‌ യഹോ​വയെ ബഹുമാ​നി​ക്കു’ന്നതിനു​മുള്ള ഒരു വിശിഷ്ട മാർഗ​മാണ്‌.—സദൃ. 3:9, NW.