യഹോവ അത്യന്തം സ്‌തു​ത്യ​നാ​കു​ന്നു

കർത്താവിന്റെ സന്ധ്യാ​ഭ​ക്ഷ​ണ​ത്തി​ന്റെ സ്‌മാ​രകം ഏപ്രിൽ 16-ന്‌ ആചരി​ക്കും

¹ രണ്ടായിരത്തിമൂന്ന്‌ ഏപ്രിൽ 16 അടുത്തു​വ​രവേ നാം കൂടുതൽ ആകാം​ക്ഷാ​ഭ​രി​ത​രാ​കു​ക​യാണ്‌. അന്നു രാത്രി, യഹോ​വ​യു​ടെ നാമത്തെ മഹത്ത്വ​പ്പെ​ടു​ത്തു​ന്ന​തിൽ ലോക​വ്യാ​പ​ക​മാ​യുള്ള ദശലക്ഷ​ക്ക​ണ​ക്കി​നു സഹാരാ​ധ​ക​രോ​ടൊ​പ്പം ചേർന്നു​കൊണ്ട്‌ നാം യേശു​വി​ന്റെ മരണത്തെ അനുസ്‌മ​രി​ക്കും. അതിമ​ഹ​ത്തായ മറുവി​ല​ക്ര​മീ​ക​രണം ചെയ്‌ത യഹോവ നമ്മുടെ സകല സ്‌തു​തി​ക്കും അർഹനാണ്‌. മറുവില അനുസ​ര​ണ​മുള്ള മനുഷ്യ​വർഗ​ത്തിന്‌ ദൈവ​ത്തിൽനി​ന്നുള്ള അത്ഭുത​ക​ര​മായ അനു​ഗ്ര​ഹങ്ങൾ ലഭിക്കാ​നുള്ള വഴി തുറന്നി​രി​ക്കു​ന്നു. അതു​കൊണ്ട്‌ സങ്കീർത്ത​ന​ക്കാ​ര​നോ​ടൊ​ത്തു നാം മുഴു​ഹൃ​ദ​യ​ത്തോ​ടെ ഇങ്ങനെ ഉദ്‌ഘോ​ഷി​ക്കു​ന്നു: “യഹോവ വലിയ​വ​നും അത്യന്തം സ്‌തു​ത്യ​നും ആകുന്നു.”—സങ്കീ. 145:3.

² ദൈവത്തിന്റെ നന്മയെ​യും “തന്റെ ഏകജാ​ത​നായ പുത്രനെ നാം അവനാൽ ജീവി​ക്കേ​ണ്ട​തി​ന്നു ലോക​ത്തി​ലേക്കു അയച്ച”തിന്‌ നാം യഹോ​വ​യോട്‌ എത്രമാ​ത്രം കടപ്പെ​ട്ടി​രി​ക്കു​ന്നു എന്നതി​നെ​യും കുറിച്ചു ധ്യാനി​ക്കാ​നുള്ള ഒരു സമയമാണ്‌ ഇത്‌. (1 യോഹ. 4:9, 10) അനുസ​ര​ണ​യോ​ടെ കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​ന്റെ സ്‌മാ​രകം ആചരി​ക്കു​ന്നത്‌, ‘യഹോവ കൃപയും കരുണ​യും മഹാദ​യ​യും ഉള്ളവൻ’ ആണെന്ന വസ്‌തുത നമ്മുടെ മനസ്സിൽ പതിയാൻ ഇടയാ​ക്കു​ന്നു. (സങ്കീ. 145:8) യഥാർഥ​ത്തിൽ, മുഴു മനുഷ്യ​വർഗ​ത്തോ​ടു​മുള്ള യഹോ​വ​യു​ടെ സ്‌നേ​ഹ​ത്തി​ന്റെ ഏറ്റവും വലിയ പ്രകട​ന​മാണ്‌ മറുവില. (യോഹ. 3:16) ദൈവ​സ്‌നേ​ഹ​ത്തെ​യും യേശു പിൻപ​റ്റിയ ദൃഢവി​ശ്വ​സ്‌ത​ത​യു​ടെ ഗതി​യെ​യും കുറിച്ചു സ്‌മരി​ക്കു​ന്നത്‌ യഹോ​വയെ സ്‌തു​തി​ക്കാൻ നമ്മെ പ്രേരി​പ്പി​ക്കു​ന്നു. നമുക്കു നിത്യ​ജീ​വൻ സാധ്യ​മാ​ക്കി​യ​തി​ലൂ​ടെ ദൈവം പ്രകട​മാ​ക്കിയ നിസ്സീ​മ​മായ സ്‌നേ​ഹ​ത്തെ​പ്രതി നിത്യ​ത​യിൽ ഉടനീളം നാം അവനെ സ്‌തു​തി​ക്കും.—സങ്കീ. 145:1, 2.

³ യഹോവയെ സ്‌തു​തി​ക്കാൻ മറ്റുള്ള​വരെ സഹായി​ക്കുക: ദൈവം പ്രദാനം ചെയ്‌ത മറുവി​ല​യെന്ന അതി​ശ്രേഷ്‌ഠ ദാന​ത്തോ​ടുള്ള വിലമ​തിപ്പ്‌ യഹോ​വയെ സ്‌തു​തി​ക്കു​ന്ന​തിൽ നമ്മോ​ടൊ​പ്പം ചേരാൻ മറ്റുള്ള​വരെ ക്ഷണിക്കു​ന്ന​തി​നു നമ്മെ പ്രേരി​പ്പി​ക്കു​ന്നു. നിശ്വ​സ്‌ത​ത​യിൽ സങ്കീർത്ത​ന​ക്കാ​രൻ ഇങ്ങനെ എഴുതി: “അവർ നിന്റെ വലിയ നന്മയുടെ ഓർമ്മയെ പ്രസി​ദ്ധ​മാ​ക്കും; നിന്റെ നീതി​യെ​ക്കു​റി​ച്ചു ഘോഷി​ച്ചു​ല്ല​സി​ക്കും.” (സങ്കീ. 145:7) പ്രസം​ഗ​വേ​ല​യിൽ യഹോ​വ​യു​ടെ സാക്ഷികൾ കഴിഞ്ഞ വർഷം മാത്രം നൂറു കോടി​യി​ല​ധി​കം മണിക്കൂർ ചെലവ​ഴി​ച്ചു. അവരുടെ ശ്രമങ്ങ​ളു​ടെ ഫലം എന്തായി​രു​ന്നു? വാര​ന്തോ​റും ശരാശരി 5,100-ലധികം പേർ യഹോ​വ​യ്‌ക്കു തങ്ങളെ​ത്തന്നെ സമർപ്പി​ച്ചു സ്‌നാ​പ​ന​മേറ്റു. മൊത്തം 1,55,97,746 പേർ സ്‌മാ​ര​ക​ത്തി​നു ഹാജരാ​യി. അവരിൽ 90 ലക്ഷത്തി​ല​ധി​കം പേർ സുവാർത്ത​യു​ടെ പ്രസാ​ധ​ക​രെന്ന നിലയിൽ യഹോ​വയെ സ്‌തു​തി​ക്കാൻ തുടങ്ങി​യി​ട്ടി​ല്ലാ​ത്ത​വ​രാണ്‌. ഇത്‌ ഇനിയും വലിയ വർധന​യ്‌ക്കു സാധ്യത ഉണ്ടെന്നു കാണി​ക്കു​ന്നു! രാജ്യ ഘോഷകർ എന്ന നിലയിൽ സുവാർത്ത പ്രഖ്യാ​പി​ക്കു​ന്ന​തി​നും മറ്റുള്ള​വ​രു​ടെ ഹൃദയ​ങ്ങളെ യഹോ​വ​യി​ലേ​ക്കും അവന്റെ പുത്ര​നി​ലേ​ക്കും രാജ്യ​ത്തി​ലേ​ക്കും തിരി​ക്കു​ന്ന​തി​നു​മുള്ള പദവിയെ നാം അമൂല്യ​മാ​യി കരുതു​ന്നു.

⁴ യഹോവയെ മഹത്ത്വ​പ്പെ​ടു​ത്താൻ മറ്റുള്ള​വരെ പ്രോ​ത്സാ​ഹി​പ്പി​ക്കാ​നുള്ള ഒരു നല്ല വിധം സ്‌മാ​ര​കാ​ച​ര​ണ​ത്തിൽ നമ്മോടു ചേരാൻ അവരെ ക്ഷണിക്കുക എന്നതാണ്‌. സ്‌മാ​ര​ക​ത്തി​നു നിങ്ങൾ ക്ഷണിക്കാൻ ഉദ്ദേശി​ക്കു​ന്ന​വ​രു​ടെ​യും അതു​പോ​ലെ​തന്നെ ദിവസ​വും സമയവും ഓർമി​പ്പി​ക്കേണ്ടി വന്നേക്കാ​വുന്ന മറ്റുള്ള​വ​രു​ടെ​യും ഒരു ലിസ്റ്റ്‌ നിങ്ങൾ ഉണ്ടാക്കി​യി​ട്ടു​ണ്ടോ? ലിസ്റ്റിൽ ഉള്ള എല്ലാവ​രെ​യും നിങ്ങൾ ക്ഷണിച്ചോ? ഇല്ലെങ്കിൽ, ശേഷി​ക്കുന്ന സമയത്ത്‌ അത്‌ ഉത്സാഹ​ത്തോ​ടെ ചെയ്യുക. ഈ ആചരണ​ത്തി​ന്റെ ഉദ്ദേശ്യം മനസ്സി​ലാ​ക്കാൻ അവരെ സഹായി​ക്കുക. ആചരണ​ത്തി​നാ​യി കൂടി​വ​രു​മ്പോൾ സന്ദർശ​കരെ അഭിവാ​ദനം ചെയ്യാൻ ഒരുങ്ങി​യി​രി​ക്കുക. തങ്ങൾ സ്വാഗതം ചെയ്യ​പ്പെ​ടു​ന്ന​താ​യി അവർക്കു തോന്നു​ന്നു​വെന്ന്‌ ഉറപ്പു വരുത്തുക, അവരെ മറ്റുള്ള​വർക്കു പരിച​യ​പ്പെ​ടു​ത്തി​ക്കൊ​ടു​ക്കുക, സന്നിഹി​ത​രാ​യ​തിന്‌ അവരെ അഭിന​ന്ദി​ക്കുക.

⁵ സ്‌മാരകത്തിനു ഹാജരാ​കു​ന്നത്‌ ആത്മീയ പുരോ​ഗതി വരുത്താ​നുള്ള പ്രോ​ത്സാ​ഹനം പുതി​യ​വർക്കു നൽകും. മാനസി​കാ​ഘാ​താ​നന്തര സമ്മർദ ക്രമ​ക്കേടു (Post-traumatic stress disorder) നിമിത്തം പൊതു​സ്ഥ​ല​ങ്ങ​ളിൽ പോകുക വളരെ ബുദ്ധി​മു​ട്ടാ​യി​രി​ക്കുന്ന ഒരു ബൈബിൾ വിദ്യാർഥി സ്‌മാ​ര​ക​ത്തി​നു വന്നു. യോഗത്തെ കുറി​ച്ചുള്ള അദ്ദേഹ​ത്തി​ന്റെ അഭി​പ്രാ​യം ആരാഞ്ഞ​പ്പോൾ അദ്ദേഹം പറഞ്ഞു: “അതു പരിപാ​വ​ന​മായ ഒരു രാത്രി​യാ​യി​രു​ന്നു, എനിക്ക്‌ അവിടെ സന്നിഹി​ത​നാ​കാൻ കഴിഞ്ഞു.” അന്നു മുതൽ അദ്ദേഹം യോഗ​ങ്ങൾക്കു ഹാജരാ​കാൻ തുടങ്ങി.

⁶ സ്‌മാരകത്തിനു ശേഷം: യഹോ​വ​യു​ടെ സ്‌തു​തി​പാ​ഠ​ക​രാ​യി​ത്തീ​രാൻ ഈ പുതി​യ​വരെ സഹായി​ക്കു​ന്ന​തി​നാ​യി എന്തു ചെയ്യാ​നാ​കും? സ്‌മാ​ര​ക​ത്തി​നു ഹാജരാ​കുന്ന പുതി​യ​വർക്ക്‌ മൂപ്പന്മാർ ശ്രദ്ധ നൽകും. അതിനു​ശേഷം എത്രയും പെട്ടെ​ന്നു​തന്നെ പുതി​യ​വരെ സന്ദർശിച്ച്‌ അവർ പഠിക്കു​ക​യും നിരീ​ക്ഷി​ക്കു​ക​യും ചെയ്‌ത നവോ​ന്മേ​ഷ​പ്ര​ദ​മായ കാര്യങ്ങൾ അവരു​മാ​യി പുനര​വ​ലോ​കനം ചെയ്യാൻ യോഗ്യ​രായ പ്രസാ​ധ​കരെ മൂപ്പന്മാർ ക്രമീ​ക​രി​ക്കും. ചിലർ ഒരു ഭവന ബൈബി​ള​ധ്യ​യ​ന​ത്തി​നു സമ്മതി​ച്ചേ​ക്കാം. അവരെ വാരം​തോ​റു​മുള്ള എല്ലാ സഭാ​യോ​ഗ​ങ്ങൾക്കും ക്ഷണിക്കുക. കാരണം, ക്രമമായ യോഗ​ഹാ​ജർ ബൈബിൾ പരിജ്ഞാ​നം വർധി​പ്പി​ക്കാൻ ഉതകും.

⁷ നിഷ്‌ക്രിയരും ക്രമമി​ല്ലാ​ത്ത​വ​രു​മായ എല്ലാവ​രെ​യും യോഗ​ങ്ങൾക്കു മുടക്കം കൂടാതെ ഹാജരാ​കാൻ പ്രോ​ത്സാ​ഹി​പ്പി​ക്കു​ന്ന​തി​നുള്ള ക്രമീ​ക​ര​ണങ്ങൾ ചെയ്യ​പ്പെ​ടു​ന്നുണ്ട്‌. നിഷ്‌ക്രി​യ​നാ​യി​ത്തീർന്ന ഒരാളെ വീണ്ടും വയൽസേ​വ​ന​ത്തിൽ ഏർപ്പെ​ടു​ന്ന​തി​നു സഹായി​ക്കാൻ മൂപ്പന്മാർ നിങ്ങ​ളോട്‌ ആവശ്യ​പ്പെ​ടു​ന്നെ​ങ്കിൽ അതി​നോ​ടു സഹകരി​ക്കുക. സഹോ​ദ​ര​ങ്ങ​ളോട്‌ അത്തരം സ്‌നേ​ഹ​പു​ര​സ്സ​ര​മായ താത്‌പ​ര്യം കാണി​ക്കു​ന്നത്‌ അപ്പൊ​സ്‌ത​ല​നായ പൗലൊ​സി​ന്റെ പിൻവ​രുന്ന ഉദ്‌ബോ​ധ​ന​ത്തി​നു ചേർച്ച​യി​ലാണ്‌: “ആകയാൽ അവസരം കിട്ടും​പോ​ലെ നാം എല്ലാവർക്കും, വിശേ​ഷാൽ സഹവി​ശ്വാ​സി​കൾക്കും നന്മചെയ്‌ക.”—ഗലാ. 6:10.

⁸ ഏപ്രിൽ 16-ാം തീയതി സ്‌മാ​ര​ക​ത്തി​നു ഹാജരാ​കാൻ നമു​ക്കേ​വർക്കും ഒരു പ്രത്യേക ശ്രമം ചെയ്യാം. യഹോ​വയെ സ്‌തു​തി​ക്കാ​നുള്ള ഏറെ പവി​ത്ര​മായ ഈ അവസരം നഷ്ടപ്പെ​ടു​ത്താൻ നാം ആഗ്രഹി​ക്കു​ന്നില്ല. അതേ, യഹോവ ചെയ്‌തി​രി​ക്കുന്ന മഹാ​പ്ര​വൃ​ത്തി​കൾ നിമിത്തം നമുക്ക്‌ ഇപ്പോ​ഴും എന്നേക്കും അവനു സ്‌തുതി കരേറ്റാം!—സങ്കീ. 145:21.