“ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ന്നു”

¹ ഈ വ്യവസ്ഥി​തി​യു​ടെ ആത്മീയ​വും ധാർമി​ക​വു​മായ അന്ധകാ​ര​ത്തിൻ നടുവിൽ, സത്യ​ദൈ​വ​മായ യഹോ​വ​യു​ടെ അറുപതു ലക്ഷത്തി​ല​ധി​കം വരുന്ന ആരാധകർ ലോക​വ്യാ​പ​ക​മാ​യി 234 രാജ്യ​ങ്ങ​ളിൽ “ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ന്നു.” (ഫിലി. 2:14, 15) തന്നിമി​ത്തം മറ്റുള്ള​വർക്കു നമ്മെ പെട്ടെന്നു തിരി​ച്ച​റി​യാം. യഹോ​വ​യിൽനി​ന്നു നിർഗ​മി​ക്കുന്ന സത്യത്തി​ന്റെ അനർഘ പ്രകാശം നാം എങ്ങനെ​യാ​ണു പ്രതി​ഫ​ലി​പ്പി​ക്കു​ന്നത്‌?—2 കൊരി. 3:18.

² നമ്മുടെ പ്രവൃ​ത്തി​കൾ: നമ്മുടെ നടത്ത ആളുകൾ പെട്ടെന്ന്‌ ശ്രദ്ധി​ക്കും. (1 പത്രൊ. 2:12) ഒരു സ്‌ത്രീ തന്റെ സഹജോ​ലി​ക്കാ​ര​നായ ഒരു സാക്ഷി ദയയു​ള്ള​വ​നും സഹായ​മ​ന​സ്‌ക​നും അസഭ്യം സംസാ​രി​ക്കു​ക​യോ വൃത്തി​കെട്ട തമാശകൾ കേട്ട്‌ ചിരി​ക്കു​ക​യോ ചെയ്യാ​ത്ത​വ​നും ആണെന്ന്‌ നിരീ​ക്ഷി​ക്കു​ക​യു​ണ്ടാ​യി. സഹോ​ദ​രനെ പ്രകോ​പി​പ്പി​ക്കു​ന്ന​തിന്‌ മറ്റുള്ളവർ അദ്ദേഹം കേൾക്കെ അസഭ്യം പറഞ്ഞ​പ്പോൾ അദ്ദേഹം ശാന്തനാ​യി നില​കൊ​ണ്ടു, ഒപ്പം ശരിയായ നിലവാ​രങ്ങൾ മുറു​കെ​പ്പി​ടി​ക്കു​ക​യും ചെയ്‌തു. ഇത്‌ സഹജോ​ലി​ക്കാ​രി​യായ ആ സ്‌ത്രീ​യിൽ എന്തു ഫലം ഉളവാക്കി? അവൾ ഇങ്ങനെ സ്‌മരി​ക്കു​ന്നു: “അദ്ദേഹ​ത്തി​ന്റെ പെരു​മാ​റ്റ​ത്തിൽ എനിക്കു വളരെ മതിപ്പു​തോ​ന്നി, അതു​കൊണ്ട്‌ ഞാൻ ബൈബി​ളി​നെ കുറിച്ച്‌ ചോദ്യ​ങ്ങൾ ചോദി​ക്കാൻ തുടങ്ങി. ഞാൻ ദൈവ​വ​ചനം പഠിക്കാൻ തുടങ്ങു​ക​യും പിന്നീട്‌ സ്‌നാ​പ​ന​മേൽക്കു​ക​യും ചെയ്‌തു.” അവൾ ഇങ്ങനെ പറയുന്നു: “അദ്ദേഹ​ത്തി​ന്റെ നടത്തയാണ്‌ യഹോ​വ​യു​ടെ സാക്ഷി​ക​ളു​ടെ വിശ്വാ​സങ്ങൾ അടുത്തു പരി​ശോ​ധി​ക്കാൻ എന്നെ പ്രചോ​ദി​പ്പി​ച്ചത്‌.”

³ അധികാരത്തോടുള്ള നമ്മുടെ മനോ​ഭാ​വം, ലോക​ത്തി​ന്റെ നടപടി​ക​ളോ​ടുള്ള നമ്മുടെ വീക്ഷണം, നമ്മുടെ ആരോ​ഗ്യാ​വ​ഹ​മായ സംസാരം എന്നിവ ബൈബി​ളി​ന്റെ ഉദാത്ത​മായ നിലവാ​ര​ങ്ങൾക്കു ചേർച്ച​യിൽ ജീവി​ക്കുന്ന ആളുകൾ എന്നനി​ല​യിൽ യഹോ​വ​യു​ടെ സാക്ഷി​കളെ വ്യതി​രി​ക്ത​രാ​ക്കു​ന്നു. അത്തരം സത്‌പ്ര​വൃ​ത്തി​കൾ യഹോ​വ​യ്‌ക്കു മഹത്ത്വം കരേറ്റു​ക​യും മറ്റുള്ള​വരെ അവന്റെ ആരാധ​ന​യി​ലേക്ക്‌ ആകർഷി​ക്കു​ക​യും ചെയ്യുന്നു.

⁴ നമ്മുടെ വാക്കുകൾ: നമ്മുടെ നല്ല നടത്ത നിരീ​ക്ഷി​ക്കു​ന്ന​വ​രോട്‌ നമ്മുടെ വിശ്വാ​സത്തെ സംബന്ധിച്ച്‌ നാം സംസാ​രി​ക്കു​ന്നി​ല്ലെ​ങ്കിൽ നമ്മൾ എന്തു​കൊ​ണ്ടാണ്‌ വ്യത്യ​സ്‌ത​രാ​യി​രി​ക്കു​ന്നത്‌ എന്ന്‌ അവർ മനസ്സി​ലാ​ക്കി​യെ​ന്നു​വ​രില്ല. നിങ്ങളു​ടെ സഹപ്ര​വർത്ത​കർക്ക്‌ അല്ലെങ്കിൽ സഹപാ​ഠി​കൾക്ക്‌ നിങ്ങൾ യഹോ​വ​യു​ടെ സാക്ഷി​ക​ളിൽ ഒരുവ​നാ​ണെന്ന്‌ അറിയാ​മോ? സാധാരണ സംഭാ​ഷ​ണ​ങ്ങ​ളിൽ ഏർപ്പെ​ടു​മ്പോൾ സാക്ഷ്യം നൽകാൻ നിങ്ങൾ അവസരങ്ങൾ തേടാ​റു​ണ്ടോ? ഉചിത​മായ എല്ലാ സന്ദർഭ​ങ്ങ​ളി​ലും ‘നിങ്ങളു​ടെ വെളിച്ചം മനുഷ്യ​രു​ടെ മുമ്പിൽ പ്രകാ​ശി​പ്പി​ക്കാൻ’ നിങ്ങൾ ദൃഢനി​ശ്ച​യ​മു​ള്ള​വ​രാ​ണോ?—മത്താ. 5:14-16.

⁵ പ്രകാശ വാഹകർ എന്നനി​ല​യി​ലുള്ള നമ്മുടെ നിയോ​ഗം നിറ​വേ​റ്റു​ന്ന​തിന്‌ ആത്മത്യാഗ മനോ​ഭാ​വം ആവശ്യ​മാണ്‌. മുഴു​ദേ​ഹി​യോ​ടെ സേവി​ക്കാ​നുള്ള മനസ്സൊ​രു​ക്കം, പ്രാധാ​ന്യം കുറഞ്ഞ കാര്യ​ങ്ങളെ ഒഴിവാ​ക്കി​ക്കൊണ്ട്‌ പ്രസം​ഗി​ക്കാ​നും ശിഷ്യ​രാ​ക്കാ​നു​മുള്ള ജീവര​ക്ഷാ​ക​ര​മായ വേലയിൽ നമ്മുടെ പരമാ​വധി പ്രവർത്തി​ക്കാൻ നമ്മെ പ്രചോ​ദി​പ്പി​ക്കും.—2 കൊരി. 12:15.

⁶ നമ്മുടെ പ്രവൃ​ത്തി​യാ​ലും വാക്കി​നാ​ലും ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ന്ന​തിൽ നമുക്കു തുടരാം. നാം അപ്രകാ​രം ചെയ്യു​ന്നെ​ങ്കിൽ യഹോ​വ​യ്‌ക്കു മഹത്ത്വം നൽകു​ന്ന​തിൽ നമ്മോ​ടൊ​പ്പം ചേരാൻ മറ്റുള്ള​വ​രും പ്രേരി​ത​രാ​യേ​ക്കാം.