ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കുന്ന യുവജ​ന​ങ്ങൾ

1. ക്രിസ്‌ത്യാ​നി​കൾ ശ്രദ്ധേ​യ​മാം​വി​ധം വ്യത്യ​സ്‌ത​രാ​യി​രി​ക്കു​മെന്നു ബൈബിൾ സൂചി​പ്പി​ക്കു​ന്നത്‌ എങ്ങനെ, ആ വാക്കുകൾ ഇന്നു യുവ​ക്രി​സ്‌ത്യാ​നി​കൾക്കു ബാധക​മാ​കു​ന്നത്‌ എങ്ങനെ?

¹ “നിങ്ങൾ ലോക​ത്തി​ന്റെ വെളിച്ചം ആകുന്നു” എന്ന്‌ യേശു തന്റെ ശിഷ്യ​ന്മാ​രോ​ടു പറഞ്ഞു. (മത്താ. 5:14, 16) മലമു​ക​ളിൽ സ്ഥിതി​ചെ​യ്യുന്ന, സൂര്യ​പ്ര​കാ​ശ​ത്തിൽ കുളി​ച്ചു​നിൽക്കുന്ന നഗരം​പോ​ലെ അവർ വ്യത്യ​സ്‌ത​രാ​യി കാണ​പ്പെ​ടും. ഇന്ന്‌, നീതി​നി​ഷ്‌ഠ​മായ നടത്തയാ​ലും തീക്ഷ്‌ണ​മായ സാക്ഷീ​ക​ര​ണ​ത്താ​ലും അനേകം യുവ​ക്രി​സ്‌ത്യാ​നി​കൾ “ലോക​ത്തിൽ ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ന്നു.”—ഫിലി. 2:15; മലാ. 3:18.

2. അധ്യാ​പ​ക​രോ​ടും സഹപാ​ഠി​ക​ളോ​ടും നിങ്ങൾക്കു സാക്ഷീ​ക​രി​ക്കാ​വുന്ന ചില വിധങ്ങൾ ഏവ?

² സ്‌കൂളിൽ: സ്‌കൂ​ളിൽ നിങ്ങൾക്ക്‌ എങ്ങനെ​യൊ​ക്കെ സാക്ഷ്യം നൽകാ​നാ​യേ​ക്കും? ചില യുവജ​നങ്ങൾ മയക്കു​മ​രുന്ന്‌, പരിണാ​മം, പ്രകൃ​തി​വി​പ​ത്തു​കൾ തുടങ്ങിയ ഏതെങ്കി​ലും വിഷയ​ത്തെ​ക്കു​റി​ച്ചുള്ള ക്ലാസ്സ്‌ ചർച്ചകൾ പ്രയോ​ജ​ന​പ്പെ​ടു​ത്തി​യി​ട്ടുണ്ട്‌. ഭീകര​പ്ര​വർത്ത​ന​ത്തെ​ക്കു​റിച്ച്‌ ഉപന്യാ​സം എഴുതാൻ ആവശ്യ​പ്പെ​ട്ട​പ്പോൾ ഒരു സഹോ​ദരി മനുഷ്യ​വർഗ​ത്തി​ന്റെ യഥാർഥ പ്രത്യാശ ദൈവ​രാ​ജ്യ​മാ​ണെന്നു വ്യക്തമാ​ക്കി​ക്കൊണ്ട്‌ സാക്ഷ്യം നൽകാൻ ആ അവസരം ഉപയോ​ഗി​ച്ചു. നന്നായി ചിന്തിച്ചു തയ്യാറാ​ക്കിയ ആ റിപ്പോർട്ട്‌ അധ്യാ​പി​ക​യിൽ അങ്ങേയറ്റം മതിപ്പു​ള​വാ​ക്കി, അത്‌ കൂടു​ത​ലായ സാക്ഷീ​ക​ര​ണ​ത്തിന്‌ അവസര​മൊ​രു​ക്കി.

3. സ്‌കൂ​ളിൽ നിങ്ങളു​ടെ നടത്തയാൽ നിങ്ങൾക്കു വെളിച്ചം പ്രകാ​ശി​പ്പി​ക്കാ​നാ​കു​ന്നത്‌ എങ്ങനെ?

³ ജ്യോതിസ്സുകളെപ്പോലെ പ്രകാ​ശി​ക്കു​ന്ന​തി​നുള്ള മറ്റൊരു വിധം നല്ല നടത്തയും മാന്യ​മായ വസ്‌ത്ര​ധാ​ര​ണ​വും ചമയവും ഉണ്ടായി​രി​ക്കുക എന്നതാണ്‌. (1 കൊരി. 4:9; 1 തിമൊ. 2:9, 10എ) നിങ്ങളു​ടെ പെരു​മാ​റ്റം വ്യത്യ​സ്‌ത​മാ​ണെന്നു വിദ്യാർഥി​ക​ളും അധ്യാ​പ​ക​രും കാണു​മ്പോൾ, നിങ്ങളു​ടെ നല്ല നടത്തയാൽ ചിലർ സത്യത്തി​ലേക്ക്‌ ആകർഷി​ക്ക​പ്പെ​ട്ടേ​ക്കാം; അത്‌ ബൈബിൾ സത്യങ്ങൾ പങ്കു​വെ​ക്കാ​നുള്ള അവസരം നിങ്ങൾക്കു നൽകി​യേ​ക്കാം. (1 പത്രൊ. 2:12; 3:1, 2) ദൈവിക നടത്ത ഉള്ളവരാ​യി​രി​ക്കു​ന്നത്‌ എളുപ്പ​മാ​യി​രി​ക്കില്ല, എന്നാൽ യഹോവ നിങ്ങളെ സമൃദ്ധ​മാ​യി അനു​ഗ്ര​ഹി​ക്കും. (1 പത്രൊ. 3:16, 17; 4:14) മറ്റുള്ള​വ​രിൽ സുവാർത്ത​യോ​ടു താത്‌പ​ര്യം ഉണർത്തു​ന്ന​തിന്‌ വിശ്ര​മ​വേ​ള​ക​ളിൽ ബൈബിൾ സാഹി​ത്യം വായി​ക്കു​ക​യോ മറ്റുള്ള​വർക്കു കാണാ​വു​ന്നി​ടത്ത്‌ അവ വെക്കു​ക​യോ ചെയ്യാ​വു​ന്ന​താണ്‌.

4. സ്‌കൂ​ളിൽ സാക്ഷീ​ക​രി​ക്കു​ന്ന​തി​ന്റെ ചില പ്രയോ​ജ​നങ്ങൾ ഏവ?

⁴ സ്‌കൂളിൽ നിങ്ങളു​ടെ വെളിച്ചം പ്രകാ​ശി​പ്പി​ക്കു​ന്നത്‌ വിശ്വാ​സത്തെ ശക്തി​പ്പെ​ടു​ത്തു​ക​യും യഹോ​വയെ സേവി​ക്കു​ന്ന​തിൽ അഭിമാ​നം വളർത്തി​യെ​ടു​ക്കാൻ സഹായി​ക്കു​ക​യും ചെയ്യും. (യിരെ. 9:24) അതു​പോ​ലെ അതു സംരക്ഷ​ണ​വും പ്രദാ​നം​ചെ​യ്യും. ഒരു സഹോ​ദരി പറഞ്ഞു, “ബൈബി​ളി​നു ചേർച്ച​യി​ല​ല്ലാത്ത കാര്യങ്ങൾ ചെയ്യാൻ വിദ്യാർഥി​കൾ എന്നെ നിർബ​ന്ധി​ക്കില്ല. എന്റെ വിശ്വാ​സ​ങ്ങ​ളെ​ക്കു​റി​ച്ചു സംസാ​രി​ക്കു​ന്ന​തി​ന്റെ ഒരു പ്രയോ​ജ​ന​മാ​ണത്‌.”

5. (എ) ചില യുവജ​നങ്ങൾ തങ്ങളുടെ ശുശ്രൂഷ വിപു​ല​പ്പെ​ടു​ത്തു​ന്നത്‌ എങ്ങനെ? (ബി) നിങ്ങളു​ടെ ആത്മീയ ലക്ഷ്യങ്ങൾ എന്തെല്ലാം?

⁵ വിപുലമായ സേവനം: മറ്റൊരു വിധത്തി​ലും അനേകം യുവജ​ന​ങ്ങ​ളും ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ന്നുണ്ട്‌, തങ്ങളുടെ ശുശ്രൂഷ വിപു​ല​പ്പെ​ടു​ത്തി​ക്കൊ​ണ്ടാ​ണത്‌. ഹൈസ്‌കൂൾ വിദ്യാ​ഭ്യാ​സം പൂർത്തി​യാ​ക്കി​യ​ശേഷം ഒരു സഹോ​ദരൻ രാജ്യ​ഘോ​ഷ​ക​രു​ടെ ആവശ്യം അധിക​മുള്ള ഒരു സ്ഥലത്തു സേവി​ക്കു​ന്ന​തി​നാ​യി അങ്ങോട്ടു താമസം മാറി. ഒരു മൂപ്പൻ മാത്ര​മുള്ള ഒരു ചെറിയ സഭയാ​യി​രു​ന്നു അവിട​ത്തേത്‌. “ഇവിടെ ഞാൻ ജീവിതം അങ്ങേയറ്റം ആസ്വദി​ക്കു​ക​യാണ്‌. ശുശ്രൂഷ എത്രയോ നവോ​ന്മേ​ഷ​പ്ര​ദ​മാണ്‌! ഓരോ വീട്ടി​ലും ഞങ്ങൾ ഏകദേശം 20 മിനിട്ടു സംസാ​രി​ക്കു​ന്നു, കാരണം ഞങ്ങൾക്കു പറയാ​നു​ള്ള​തെ​ല്ലാം കേൾക്കാ​നുള്ള ആഗ്രഹം അവർക്കുണ്ട്‌,” അവൻ തന്റെ സുഹൃ​ത്തിന്‌ എഴുതി. അവൻ ഇങ്ങനെ​യും കൂട്ടി​ച്ചേർത്തു: “ഓരോ യുവവ്യ​ക്തി​യും ഇതു​പോ​ലെ എന്തെങ്കി​ലും ചെയ്യണ​മെ​ന്നും ഞാൻ അനുഭ​വി​ക്കുന്ന സംതൃ​പ്‌തി ആസ്വദി​ക്ക​ണ​മെ​ന്നും ഞാൻ ആശിച്ചു​പോ​കു​ന്നു. നമുക്കു​ള്ള​തെ​ല്ലാം​കൊണ്ട്‌ യഹോ​വയെ സേവി​ക്കു​ന്ന​തി​നെ​ക്കാൾ മെച്ചമാ​യി മറ്റൊ​ന്നു​മില്ല.”

6. നിങ്ങളു​ടെ സഭയിലെ യുവജ​ന​ങ്ങ​ളു​ടെ കാര്യ​ത്തിൽ നിങ്ങൾ വിലമ​തി​ക്കു​ന്നത്‌ എന്താണ്‌?

⁶ ലോകത്തിൽ ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കുന്ന യുവജ​ന​ങ്ങ​ളായ നിങ്ങ​ളെ​ക്കു​റി​ച്ചു ഞങ്ങൾ എത്രമാ​ത്രം അഭിമാ​നം​കൊ​ള്ളു​ന്നു​വെ​ന്നോ! (1 തെസ്സ. 2:20) യഹോ​വയെ നിങ്ങൾ പൂർണ​ഹൃ​ദ​യ​ത്തോ​ടും ആത്മാ​വോ​ടും മനസ്സോ​ടും ശക്തി​യോ​ടും കൂടെ സേവി​ക്കവേ “ഈ ലോക​ത്തിൽ തന്നേ, . . . നൂറു മടങ്ങും . . . വരുവാ​നുള്ള ലോക​ത്തിൽ നിത്യ​ജീവ”നും നിങ്ങൾ കൊയ്യും.—മർക്കൊ. 10:29, 30; 12:30.