പൂർണ ഹൃദയ​ത്തോ​ടെ യഹോ​വയെ സേവി​ക്കു​ക

¹ ആയുരാരോഗ്യത്തിനുവേണ്ടി നമ്മുടെ ഹൃദയത്തെ നല്ല അവസ്ഥയിൽ സൂക്ഷി​ക്കു​ന്നതു സംബന്ധിച്ച്‌ ധാരാളം വിവരങ്ങൾ ഇക്കാലത്ത്‌ ലഭ്യമാണ്‌. അതി​നെ​ക്കാ​ളേറെ പ്രധാ​ന​പ്പെ​ട്ട​താണ്‌ നമ്മുടെ ആലങ്കാ​രിക ഹൃദയ​ത്തി​ന്റെ അവസ്ഥ. അതിനാൽ, സേവന​വർഷം 2004-ൽ നാം ആസ്വദിച്ച പ്രത്യേക സമ്മേളന ദിന പരിപാ​ടി​യു​ടെ പ്രതി​പാ​ദ്യ വിഷയം എത്ര ഉചിത​മാ​യി​രു​ന്നു! “പൂർണ​ഹൃ​ദ​യ​ത്തോ​ടെ യഹോ​വയെ സേവിക്കൽ” എന്നതാ​യി​രു​ന്നു അത്‌. (1 ദിന. 28:9) ആ പരിപാ​ടി​യിൽനിന്ന്‌ നാം എന്താണു പഠിച്ചത്‌?

² “സന്തോ​ഷ​ത്തോ​ടെ യഹോ​വയെ സേവി​ക്കാൻ മറ്റുള്ള​വരെ സഹായി​ക്കൽ” എന്ന പരിപാ​ടി സർക്കിട്ട്‌ മേൽവി​ചാ​രകൻ നിർവ​ഹി​ക്കു​ക​യു​ണ്ടാ​യി. കണ്ടെത്തിയ താത്‌പ​ര്യം വളർത്തി​യെ​ടു​ക്കു​ക​യും യഹോ​വയെ സേവി​ക്കാൻ ആഗ്രഹി​ക്കു​ന്ന​വ​രു​മാ​യി ബൈബി​ള​ധ്യ​യ​നങ്ങൾ നടത്തു​ക​യും ചെയ്യു​ന്ന​തിൽനി​ന്നു ലഭിക്കുന്ന സന്തോഷം അഭിമു​ഖ​ങ്ങ​ളിൽ നിറഞ്ഞു​നി​ന്നി​രു​ന്നു. യഹോ​വ​യോട്‌ അടുത്തു ചെല്ലു​വിൻ എന്ന പുസ്‌ത​ക​ത്തി​ന്റെ പഠനത്തി​ലൂ​ടെ യഹോ​വ​യോട്‌ ഏറെ അടുത്തു ചെല്ലാൻ ചിലർ സഹായി​ക്ക​പ്പെ​ട്ടി​രി​ക്കു​ന്നു. നിങ്ങളു​ടെ അനുഭ​വ​വും അതാണോ? സന്ദർശക പ്രസം​ഗകൻ നടത്തിയ, “പ്രക്ഷു​ബ്ധ​മായ ഒരു ലോക​ത്തിൽ നമ്മുടെ ഹൃദയത്തെ കാത്തു​സൂ​ക്ഷി​ക്കൽ” എന്ന പ്രസംഗം സന്നിഹി​ത​രാ​യി​രുന്ന എല്ലാവർക്കും ആശ്വാ​സ​വും പ്രോ​ത്സാ​ഹ​ന​വും പ്രദാനം ചെയ്‌തു എന്നതിൽ സംശയ​മില്ല. സ്‌നാപന പ്രസം​ഗ​ത്തോ​ടെ രാവി​ലത്തെ സെഷൻ അവസാ​നി​ച്ചു.

³ ഉച്ചകഴിഞ്ഞു നടന്ന “സഹായ​ഹ​സ്‌തം നീട്ടി​ക്കൊ​ടു​ക്കൽ” എന്ന പരിപാ​ടി, ശുശ്രൂ​ഷ​യിൽ പുതി​യ​വ​രെ​യും ബലഹീ​ന​രെ​യും നിഷ്‌ക്രി​യ​രെ​യും നമുക്ക്‌ എങ്ങനെ സഹായി​ക്കാം എന്നു കാണി​ച്ചു​തന്നു. മോശ​മായ സ്വാധീ​ന​ങ്ങ​ളിൽനി​ന്നു മക്കളെ സംരക്ഷി​ക്കാ​നും യഹോ​വ​യോട്‌ അടുത്തു ചെല്ലാൻ അവരെ സഹായി​ക്കാ​നു​മാ​യി മാതാ​പി​താ​ക്കൾക്ക്‌ എന്തു ചെയ്യാ​നാ​കും? “യഹോ​വ​യിൽ സന്തോ​ഷി​ക്കാൻ നിങ്ങളു​ടെ മക്കളെ സഹായി​ക്കൽ” എന്ന പരിപാ​ടി, ഇതു സംബന്ധിച്ച പ്രാ​യോ​ഗിക നിർദേ​ശങ്ങൾ നൽകു​ക​യും അതു ചെയ്യേണ്ട വിധം പ്രകടി​പ്പി​ച്ചു​കാ​ണി​ക്കു​ക​യും ചെയ്‌തു.

⁴ നമ്മുടെ ആലങ്കാ​രിക ഹൃദയത്തെ ആരോ​ഗ്യ​വും ബലവു​മു​ള്ള​താ​ക്കി നിറു​ത്താൻ യഹോവ ലഭ്യമാ​ക്കുന്ന ഓരോ കരുത​ലി​നെ​യും നാം പ്രയോ​ജ​ന​പ്പെ​ടു​ത്തു​ന്നു​ണ്ടോ? സന്ദർശക പ്രസം​ഗകൻ നിർവ​ഹിച്ച, “പൂർണ​ഹൃ​ദ​യ​ത്തോ​ടെ യഹോ​വയെ സേവി​ക്കു​ന്ന​തിൽ തുടരുക” എന്ന അവസാന പ്രസംഗം നമ്മുടെ ആത്മീയത നിലനി​റു​ത്താൻ ഉതകുന്ന നാലു സുപ്ര​ധാന വശങ്ങൾക്ക്‌ ഊന്നൽ നൽകി. നിങ്ങൾ അവ ഓർക്കു​ന്നു​ണ്ടോ? ആത്മാർഥ​മായ പ്രാർഥ​ന​യ്‌ക്കും ദൈവ​വ​ച​ന​ത്തി​ന്റെ പഠനത്തി​നും തീക്ഷ്‌ണ രാജ്യ​ഘോ​ഷ​ണ​ത്തി​നും മറ്റു ക്രിസ്‌ത്യാ​നി​ക​ളു​മാ​യി സഹവസി​ക്കാ​നും നാം എത്ര​ത്തോ​ളം സമയവും ശ്രമവും ചെലവി​ടു​ന്നുണ്ട്‌? ഈ മേഖല​ക​ളിൽ ഏതി​ലെ​ങ്കി​ലും നാം പുരോ​ഗ​മി​ക്കേ​ണ്ട​തു​ണ്ടോ?

⁵ “നിന്റെ ഹൃദയം പ്രബോ​ധ​ന​ത്തി​ന്നും നിന്റെ ചെവി പരിജ്ഞാ​ന​വ​ച​ന​ങ്ങൾക്കും സമർപ്പിക്ക” എന്ന ക്ഷണം യഹോവ നമുക്കു വെച്ചു​നീ​ട്ടു​ന്നു. (സദൃ. 23:12) സമ്മേള​ന​ത്തിൽ പഠിച്ച ഉത്‌കൃഷ്ട വിവര​ങ്ങ​ളു​ടെ ബാധക​മാ​ക്കൽ, പൂർണ ഹൃദയ​ത്തോ​ടും സന്തോ​ഷ​ത്തോ​ടും​കൂ​ടെ യഹോ​വയെ തുടർന്നും സേവി​ക്കാൻ നിങ്ങളെ ശക്തീക​രി​ക്കും.