ദൈവത്തെ ആരാധി​ക്കുക പുസ്‌തകം പഠിക്കൽ

പരിജ്ഞാ​നം പുസ്‌ത​ക​ത്തി​ന്റെ പഠനത്തി​നു​ശേഷം പുതിയ ആളുക​ളു​മാ​യി പഠിക്കു​ന്ന​തി​നു​വേണ്ടി തയ്യാറാ​ക്കി​യി​രി​ക്കു​ന്ന​താണ്‌ ഏക സത്യ​ദൈ​വത്തെ ആരാധി​ക്കുക എന്ന പുസ്‌തകം. സഭാ പുസ്‌ത​കാ​ധ്യ​യ​ന​ത്തിൽ ഈ പുസ്‌തകം പരിചി​ന്തി​ക്കു​ന്നത്‌, ശുശ്രൂ​ഷ​യിൽ ഈ ഉപകരണം നന്നായി ഉപയോ​ഗി​ക്കു​ന്ന​തി​നു നമ്മെ സജ്ജരാ​ക്കു​ക​യും യഹോ​വ​യോ​ടും അവന്റെ സംഘട​ന​യോ​ടു​മുള്ള നമ്മുടെ സ്‌നേ​ഹ​വും വിലമ​തി​പ്പും ആഴമു​ള്ള​താ​ക്കു​ക​യും ചെയ്യും. ദൈവത്തെ ആരാധി​ക്കുക പുസ്‌ത​ക​ത്തി​ന്റെ പഠനത്തിൽനി​ന്നു നമുക്ക്‌ എങ്ങനെ പൂർണ​മാ​യി പ്രയോ​ജനം നേടാൻ കഴിയും?

അധ്യയന നിർവ​ഹണം: ഓരോ ആഴ്‌ച​യും ഒരു അധ്യാ​യം​വീ​തം പരിചി​ന്തി​ക്കു​ന്ന​തി​നാൽ, പുസ്‌ത​കാ​ധ്യ​യന മേൽവി​ചാ​ര​ക​ന്മാർ ഓരോ ഭാഗത്തി​നും ബുദ്ധി​പൂർവം സമയം വിഭജി​ക്കണം. പ്രാരംഭ ഖണ്ഡിക​ക​ളു​ടെ സവിസ്‌തര ചർച്ച ഒഴിവാ​ക്കി​ക്കൊണ്ട്‌, സാധാ​ര​ണ​മാ​യി അധ്യാ​യ​ത്തി​ന്റെ തുടർന്നുള്ള ഭാഗങ്ങ​ളിൽ കാണാൻ കഴിയുന്ന ഏറെ പ്രധാ​ന​പ്പെട്ട വിവര​ങ്ങൾക്ക്‌ കൂടുതൽ സമയം നൽകാൻ അവർ ആഗ്രഹി​ക്കും. ഓരോ അധ്യയ​ന​ത്തി​നും ഒടുവിൽ പുനര​വ​ലോ​കന ചതുരം ഹ്രസ്വ​മാ​യി ചർച്ച ചെയ്യു​ന്നത്‌ പ്രധാന ആശയങ്ങൾ ഓർമ​യിൽ സൂക്ഷി​ക്കാൻ സന്നിഹി​ത​രാ​യ​വരെ സഹായി​ക്കും.

ദൈവത്തെ ആരാധി​ക്കുക പുസ്‌ത​ക​ത്തി​ന്റെ പകുതി​യോ​ളം അധ്യാ​യ​ങ്ങ​ളി​ലും പാഠഭാ​ഗ​ത്തി​നു​ള്ളിൽ മാർജി​നിൽനിന്ന്‌ അൽപ്പം വലത്തേ​ക്കു​മാ​റി, ധ്യാനി​ക്കാ​നും ചർച്ച ചെയ്യാ​നു​മുള്ള ചോദ്യ​ങ്ങൾ കൊടു​ത്തി​ട്ടുണ്ട്‌. 48-9 പേജു​ക​ളിൽ ഇതിനുള്ള ഉദാഹ​രണം കാണാ​വു​ന്ന​താണ്‌. അധ്യയന സമയത്ത്‌ ഖണ്ഡിക​യോ​ടൊ​പ്പം അത്തരം ചോദ്യ​ങ്ങൾ വായി​ക്കേ​ണ്ട​തില്ല. അധ്യയ​ന​ക്കൂ​ട്ട​ത്തോ​ടൊ​പ്പം അവ പരിചി​ന്തി​ക്കു​മ്പോൾ, പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ സമയം അനുവ​ദി​ക്കു​ന്ന​ത​നു​സ​രിച്ച്‌ മേൽവി​ചാ​രകൻ വായി​പ്പി​ക്കു​ക​യും ചർച്ച ചെയ്യു​ക​യും വേണം.

മുൻകൂ​ട്ടി​യു​ള്ള തയ്യാറാ​കൽ: അധ്യയ​ന​ത്തി​നു വേണ്ടി നന്നായി തയ്യാറാ​കു​ന്ന​തിൽ ഉത്തരങ്ങൾക്ക്‌ അടിയിൽ വരയ്‌ക്കു​ന്ന​തി​നെ​ക്കാൾ കൂടുതൽ കാര്യങ്ങൾ ഉൾപ്പെ​ടു​ന്നു. പരാമർശി​ച്ചി​രി​ക്കുന്ന തിരു​വെ​ഴു​ത്തു​കളെ കുറിച്ച്‌ പ്രാർഥ​നാ​പൂർവം ധ്യാനി​ക്കു​ന്നത്‌ ഉത്തരങ്ങൾ തയ്യാറാ​കു​ന്ന​തി​നു മാത്രമല്ല, അതിലും പ്രധാ​ന​മാ​യി ഹൃദയ​ങ്ങളെ ഒരുക്കു​ന്ന​തി​നും നമ്മെ സഹായി​ക്കും. (എസ്രാ 7:10, NW) ന്യായ​മായ തോതിൽ ഉത്തരങ്ങൾ പറഞ്ഞു​കൊണ്ട്‌ പ്രോ​ത്സാ​ഹന കൈമാ​റ്റ​ത്തിൽ നമുക്ക്‌ എല്ലാവർക്കും നമ്മുടെ ഭാഗം നിർവ​ഹി​ക്കാൻ കഴിയും.—റോമ. 1:11, 12.

ദൈവത്തെ ആരാധി​ക്കുക പുസ്‌ത​ക​ത്തി​ന്റെ പഠനം യഹോ​വ​യോട്‌ അടുത്തു​ചെ​ല്ലാൻ നമ്മെ സഹായി​ക്കു​ക​യും അവനെ ആരാധി​ക്കു​ന്ന​തിൽ നമ്മോ​ടൊ​പ്പം ചേരാൻ പരമാർഥ​ഹൃ​ദ​യരെ സഹായി​ക്കാൻ നമ്മെ സജ്ജരാ​ക്കു​ക​യും ചെയ്യും. (സങ്കീ. 95:6; യാക്കോ. 4:8) വിശി​ഷ്ട​മായ ഈ ആത്മീയ കരുത​ലിൽനിന്ന്‌ നാമേ​വ​രും പൂർണ പ്രയോ​ജനം നേടു​മാ​റാ​കട്ടെ.