ബൈബിൾ നന്നായി ഉപയോ​ഗ​പ്പെ​ടു​ത്തുക

¹ വയൽശുശ്രൂഷയിൽ നാം സമർപ്പി​ക്കാൻ ആഗ്രഹി​ക്കുന്ന സാഹി​ത്യം ഏതുതന്നെ ആയിരു​ന്നാ​ലും, ശ്രദ്ധി​ക്കു​ന്ന​വ​രു​മാ​യി പങ്കു​വെ​ക്കാൻ ചിന്തോ​ദ്ദീ​പ​ക​മായ ഒരു തിരു​വെ​ഴുത്ത്‌ തിര​ഞ്ഞെ​ടു​ക്കു​ന്നതു പ്രയോ​ജ​ന​ക​ര​മാണ്‌. (എബ്രാ. 4:12) നിങ്ങൾ സമർപ്പി​ക്കുന്ന സാഹി​ത്യ​ത്തിൽ ഉപയോ​ഗി​ച്ചി​രി​ക്കുന്ന ഒരു തിരു​വെ​ഴു​ത്തു​തന്നെ തിര​ഞ്ഞെ​ടു​ക്കു​ന്നത്‌, ആ സാഹി​ത്യ​ത്തി​ലേക്കു വീട്ടു​കാ​രന്റെ ശ്രദ്ധ തിരി​ക്കാ​നുള്ള നിങ്ങളു​ടെ അടുത്ത നീക്കത്തി​നു സംഭാവന ചെയ്യും. തിരു​വെ​ഴുത്ത്‌ ഉപയോ​ഗി​ക്കു​ന്ന​തി​ലൂ​ടെ നാം, ശ്രോ​താ​വി​ന്റെ ഹൃദയത്തെ സ്വാധീ​നി​ക്കാൻ ദൈവ​വ​ച​നത്തെ അനുവ​ദി​ക്കു​ന്നു. ക്രൈ​സ്‌ത​വ​ര​ല്ലാ​ത്ത​വ​രും ക്രിസ്‌ത്യാ​നി​കളെ ഇഷ്ടപ്പെ​ടാ​ത്ത​വ​രിൽ ചിലർ പോലും ബൈബി​ളി​നോട്‌ പൊതു​വേ ആദരവ്‌ ഉള്ളവരാണ്‌.

² തുടക്കത്തിൽത്തന്നെ തിരു​വെ​ഴു​ത്തി​ലേക്കു ശ്രദ്ധ തിരി​ക്കുക: ചില പ്രസാ​ധകർ, തങ്ങൾ വായി​ക്കാൻ പോകുന്ന തിരു​വെ​ഴു​ത്തു സംബന്ധിച്ച്‌ ലളിത​മായ ഒരു വീക്ഷണ ചോദ്യം ചോദി​ച്ചു​കൊണ്ട്‌ തങ്ങളുടെ അവതരണം ആരംഭി​ക്കു​ന്നു. പെട്ടെ​ന്നു​തന്നെ ദൈവ​വ​ച​ന​ത്തി​ലേക്കു ശ്രദ്ധ തിരി​ക്കാൻ ഇതു വീട്ടു​കാ​രനെ സഹായി​ക്കു​ന്നു. പിൻവ​രുന്ന അവതര​ണ​ങ്ങ​ളിൽ ചിലത്‌ നിങ്ങളു​ടെ പ്രദേ​ശത്തു ഫലപ്രദം ആയിരി​ക്കു​മോ?

◼ “പിൻവ​രുന്ന മാറ്റങ്ങൾ വരുത്താ​നുള്ള കഴിവ്‌ നിങ്ങൾക്കു​ണ്ടെ​ങ്കിൽ, നിങ്ങൾ അതു ചെയ്യു​മോ?” വെളി​പ്പാ​ടു 21:4, 5 വായി​ക്കുക.

◼ “നാം ജീവി​ക്കുന്ന ഈ കാലം ഇതു​പോ​ലുള്ള പ്രശ്‌നങ്ങൾ നിറഞ്ഞ ദുർഘ​ട​മായ ഒന്നായി​രി​ക്കു​ന്നത്‌ എന്തു​കൊ​ണ്ടാ​ണെന്നു നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ?” 2 തിമൊ​ഥെ​യൊസ്‌ 3:1-5 വായി​ക്കുക.

◼ “ഈ ബുദ്ധി​യു​പ​ദേശം പിൻപ​റ്റു​ന്ന​പക്ഷം, നമ്മുടെ സമൂഹം കൂടുതൽ പുരോ​ഗതി പ്രാപി​ക്കും എന്നു നിങ്ങൾ വിചാ​രി​ക്കു​ന്നു​ണ്ടോ?” മത്തായി 7:12 വായി​ക്കുക.

◼ “നിലവി​ലുള്ള കുഴപ്പം​പി​ടിച്ച അവസ്ഥക​ളു​ടെ വീക്ഷണ​ത്തിൽ, നിങ്ങളു​ടെ മക്കൾക്ക്‌ ഇത്തരം അവസ്ഥകൾ ആസ്വദി​ക്കാൻ കഴിയും എന്ന്‌ നിങ്ങൾ കരുതു​ന്നു​ണ്ടോ?” സങ്കീർത്തനം 37:10, 11 വായി​ക്കുക.

◼ “രോഗ​വും വ്യഥക​ളും അടിക്കടി വർധി​ക്കുന്ന നമ്മുടെ ലോക​ത്തിൽ, ഈ വാക്കുകൾ എന്നെങ്കി​ലും സത്യമാ​യി ഭവിക്കും എന്ന്‌ നിങ്ങൾ കരുതു​ന്നു​ണ്ടോ?” യെശയ്യാ​വു 33:24 വായി​ക്കുക.

◼ “ഗവൺമെ​ന്റു​കൾക്കു സംഭവി​ക്കാ​നി​രി​ക്കുന്ന മാറ്റത്തെ കുറിച്ച്‌ ഇവിടെ പരാമർശി​ച്ചി​രി​ക്കുന്ന കാര്യം നിങ്ങൾ കേട്ടി​ട്ടു​ണ്ടോ?” ദാനീ​യേൽ 2:44 വായി​ക്കുക.

◼ “ദൈവ​ത്തോട്‌ ഈ ചോദ്യം ചോദി​ക്കാൻ നിങ്ങൾ എന്നെങ്കി​ലും ആഗ്രഹി​ച്ചി​ട്ടു​ണ്ടോ?” ഇയ്യോബ്‌ 21:7 വായി​ക്കുക.

◼ “മരിച്ചു​പോയ നമ്മുടെ പ്രിയ​പ്പെ​ട്ട​വരെ നമുക്കു വീണ്ടും കാണാൻ കഴിയു​മോ?” യോഹ​ന്നാൻ 5:28, 29 വായി​ക്കുക.

◼ “ജീവി​ച്ചി​രി​ക്കു​ന്നവർ എന്തു ചെയ്യുന്നു എന്ന്‌ മരിച്ച​വർക്ക്‌ അറിയാ​മോ?” സഭാ​പ്ര​സം​ഗി 9:5 വായി​ക്കുക.

³ വിശദീകരിക്കുക, ദൃഷ്ടാ​ന്തീ​ക​രി​ക്കുക, ബാധക​മാ​ക്കുക: വീട്ടു​കാ​രനു സംഭാ​ഷ​ണ​ത്തിൽ താത്‌പ​ര്യം ഉള്ളപ്പോൾ, ചർച്ച പെട്ടെന്ന്‌ അവസാ​നി​പ്പി​ക്കാ​തി​രി​ക്കുക. നിങ്ങൾ വായി​ക്കുന്ന തിരു​വെ​ഴുത്ത്‌ വിശദീ​ക​രി​ക്കു​ക​യും ദൃഷ്ടാ​ന്തീ​ക​രി​ക്കു​ക​യും ബാധക​മാ​ക്കു​ക​യും ചെയ്‌തു​കൊണ്ട്‌ അതു ഗ്രഹി​ക്കാൻ അദ്ദേഹത്തെ സഹായി​ക്കുക. (നെഹെ. 8:8) ദൈവ​വ​ചനം പഠിപ്പി​ക്കു​ന്നത്‌ എന്താ​ണെന്ന്‌ ആളുകൾ ഗ്രഹി​ക്കു​ക​യും അംഗീ​ക​രി​ക്കു​ക​യും ചെയ്യു​മ്പോൾ, അത്‌ അവരുടെ ജീവി​ത​ത്തിൽ അത്ഭുത​ക​ര​മായ മാറ്റങ്ങൾ കൈവ​രു​ത്തും.—1 തെസ്സ. 2:13.

⁴ മറ്റുള്ളവരിൽ താത്‌പ​ര്യം നട്ടുവ​ളർത്താൻ ശ്രമി​ക്കവേ, ബൈബിൾ തുടർന്നും നന്നായി ഉപയോ​ഗ​പ്പെ​ടു​ത്തുക. മടക്കസ​ന്ദർശ​നങ്ങൾ നടത്തു​മ്പോ​ഴും നിങ്ങൾക്ക്‌ ഈ രീതി​തന്നെ അവലം​ബി​ക്കാൻ കഴിയും: (1) ഉചിത​മായ ഒരു തിരു​വെ​ഴുത്ത്‌ തിര​ഞ്ഞെ​ടു​ക്കുക. (2) തിരു​വെ​ഴുത്ത്‌ സംബന്ധിച്ച്‌ ലളിത​മായ ഒരു വീക്ഷണ ചോദ്യം ചോദി​ക്കുക, എന്നിട്ട്‌ അതു വായി​ക്കുക. (3) അതു വിശദീ​ക​രി​ക്കു​ക​യും ദൃഷ്ടാ​ന്തീ​ക​രി​ക്കു​ക​യും ബാധക​മാ​ക്കു​ക​യും ചെയ്യുക. ആ വ്യക്തിയെ സന്ദർശി​ക്കുന്ന ഓരോ തവണയും, ദൈവ​വ​ചനം സംബന്ധിച്ച്‌ ആ വ്യക്തി​ക്കുള്ള പരിജ്ഞാ​നം വർധി​പ്പി​ക്കാൻ ശ്രമി​ക്കുക. പെട്ടെ​ന്നു​തന്നെ നിങ്ങൾക്ക്‌ അദ്ദേഹ​വു​മാ​യി ഒരു ബൈബി​ള​ധ്യ​യനം ആരംഭി​ക്കാൻ കഴി​ഞ്ഞേ​ക്കും!

[അധ്യയന ചോദ്യ​ങ്ങൾ]

1. വയൽശു​ശ്രൂ​ഷ​യ്‌ക്കാ​യി ഒരുങ്ങു​മ്പോൾ നിങ്ങൾക്ക്‌ എന്തു ചെയ്യാൻ കഴിയും?

2. (എ) തിരു​വെ​ഴുത്ത്‌ ഉപയോ​ഗിച്ച്‌ നമുക്ക്‌ എങ്ങനെ അവതരണം ആരംഭി​ക്കാം? (ബി) പ്രദേ​ശ​ത്തുള്ള ആളുകൾ ഏതു തിരു​വെ​ഴുത്ത്‌ വിഷയ​ങ്ങ​ളിൽ തത്‌പ​ര​രാണ്‌?

3. നാം വായി​ക്കുന്ന ബൈബിൾ വാക്യം മനസ്സി​ലാ​ക്കാൻ ആളുകളെ എപ്രകാ​രം സഹായി​ക്കാൻ കഴിയും?

4. മടക്കസ​ന്ദർശ​ന​ങ്ങ​ളിൽ നമുക്ക്‌ ബൈബിൾ എപ്രകാ​രം മെച്ചമാ​യി ഉപയോ​ഗ​പ്പെ​ടു​ത്താം?