വ്യക്തി​പ​ര​മായ ഒരു പ്രദേശം നിങ്ങൾക്കു​ണ്ടോ?

1. വ്യക്തി​പ​ര​മായ പ്രദേശം എന്നു പറഞ്ഞാൽ എന്താണ്‌?

¹ നിങ്ങൾക്കു നിയമി​ച്ചു തന്നിട്ടുള്ള ഒരു പ്രദേ​ശ​ത്തെ​യാ​ണു വ്യക്തി​പ​ര​മായ പ്രദേശം എന്നു പറയു​ന്നത്‌. പെട്ടെന്ന്‌ എത്തി​ച്ചേ​രാൻ കഴിയുന്ന, ഒറ്റയ്‌ക്കോ മറ്റൊ​രാ​ളോ​ടൊ​പ്പ​മോ സാക്ഷീ​ക​രി​ക്കാൻ സാധി​ക്കുന്ന സൗകര്യ​പ്ര​ദ​മായ ഒരിട​ത്താ​യി​രി​ക്കാം അത്‌. സാധി​ക്കു​മ്പോ​ഴെ​ല്ലാം, സഭ ക്രമീ​ക​രി​ക്കുന്ന കൂട്ടസാ​ക്ഷീ​ക​ര​ണ​ത്തിൽ പങ്കുപ​റ്റു​ന്നതു പ്രയോ​ജനം ചെയ്യു​മെ​ങ്കി​ലും, മറ്റു സന്ദർഭ​ങ്ങ​ളിൽ പ്രവർത്തി​ക്കാൻ വ്യക്തി​പ​ര​മായ ഒരു പ്രദേശം ഉണ്ടായി​രി​ക്കു​ന്നത്‌ ഒരു നല്ല സാക്ഷ്യം കൊടു​ക്കാൻ ഉതകും, വിശേ​ഷി​ച്ചും സഭയ്‌ക്കു ധാരാളം പ്രദേ​ശ​മു​ണ്ടെ​ങ്കിൽ.—പ്രവൃ. 10:42.

2. വ്യക്തി​പ​ര​മായ ഒരു പ്രദേ​ശ​മു​ണ്ടാ​യി​രി​ക്കു​ന്ന​തി​ന്റെ ചില പ്രയോ​ജ​നങ്ങൾ ഏവ?

² പ്രയോജനങ്ങൾ: തങ്ങളുടെ ജോലി​സ്ഥ​ല​ത്തി​ന​ടു​ത്തുള്ള വ്യക്തി​പ​ര​മായ പ്രദേ​ശത്ത്‌, ഉച്ചയ്‌ക്കുള്ള ഇടവേ​ള​യി​ലോ ജോലി​സ​മയം കഴിഞ്ഞ ഉടനെ​ത​ന്നെ​യോ സാക്ഷീ​ക​രി​ക്കു​ന്നതു കൂടു​ത​ലാ​യുള്ള പ്രയോ​ജനം ചെയ്യു​മെന്നു ചിലർ കണ്ടെത്തി​യി​രി​ക്കു​ന്നു. മറ്റു ചിലർ സഭാപു​സ്‌ത​കാ​ധ്യ​യ​ന​ത്തി​നു മുമ്പ്‌ കുടും​ബ​സ​മേതം തങ്ങളുടെ അയൽ പ്രദേ​ശ​ങ്ങ​ളിൽ ഒരു മണിക്കൂ​റോ മറ്റോ പ്രവർത്തി​ക്കാൻ ശ്രമി​ക്കു​ന്നു. തത്‌ഫ​ല​മാ​യി, മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും സമീപ പ്രദേ​ശ​ങ്ങ​ളിൽ ലഭിക്കു​ന്നു. ഇതാകട്ടെ സമയവും ചെലവും ലാഭി​ക്കു​ന്നു, അധ്വാ​ന​വും കുറവാ​യി​രി​ക്കും. കുറച്ചു​സ​മ​യം​കൊ​ണ്ടു കൂടുതൽ ചെയ്യാ​നാ​കു​മെ​ന്ന​തി​നാൽ, വ്യക്തി​പ​ര​മായ പ്രദേ​ശ​മു​ള്ള​വർക്ക്‌ ഇടയ്‌ക്കി​ടെ സഹായ പയനി​യ​റിങ്‌ നടത്താ​നും എന്തിന്‌ ഒരു സാധാരണ പയനിയർ ആയി സേവി​ക്കാൻപോ​ലും സാധി​ച്ചേ​ക്കും. ഇതു കൂടാതെ, വ്യക്തി​പ​ര​മായ പ്രദേ​ശത്തു പ്രവർത്തിച്ച്‌ വീട്ടു​കാ​രു​മാ​യി പരിച​യ​ത്തി​ലാ​കു​ന്നത്‌ അവരുടെ വിശ്വാ​സം നേടാ​നും അവരുടെ ഉത്‌ക​ണ്‌ഠ​കൾക്ക്‌ അനു​യോ​ജ്യ​മായ രീതി​യിൽ അവതരണം അനുരൂ​പ​പ്പെ​ടു​ത്താ​നും നമ്മെ സഹായി​ക്കും. ഇതു നമ്മുടെ ശുശ്രൂഷ കൂടുതൽ ഫലപ്ര​ദ​മാ​ക്കും.

3. വ്യക്തി​പ​ര​മായ പ്രദേശം സമ്പാദിച്ച ഒരു പയനി​യ​റി​ന്റെ അനുഭവം എന്തായി​രു​ന്നു?

³ വ്യക്തിപരമായ ഒരു പ്രദേശം സമ്പാദി​ക്കാൻ സർക്കിട്ട്‌ മേൽവി​ചാ​ര​ക​നിൽനി​ന്നു പ്രോ​ത്സാ​ഹനം ലഭിച്ച ഒരു പയനിയർ ഇപ്രകാ​രം പറഞ്ഞു: “ഞാൻ ആ ഉപദേശം സ്വീക​രി​ച്ചു, പെട്ടെ​ന്നു​തന്നെ എന്റെ പ്രദേ​ശ​ത്തുള്ള വീട്ടു​കാ​രു​മാ​യി ഞാൻ നല്ല പരിച​യ​ത്തി​ലാ​കു​ക​യും സൗഹൃദം സ്ഥാപി​ക്കു​ക​യും ചെയ്‌തു. അവരുടെ സൗകര്യ​ത്തി​ന​നു​സ​രിച്ച്‌ എന്റെ സന്ദർശന സമയം ഞാൻ ക്രമീ​ക​രി​ച്ചു. അതിന്റെ ഫലമായി എന്റെ മടക്കസ​ന്ദർശ​നങ്ങൾ 35-ൽനിന്ന്‌ 80-ലധിക​മാ​യി, കൂടാതെ എനിക്ക്‌ ഏഴു ഭവന ബൈബി​ള​ധ്യ​യ​ന​ങ്ങ​ളും ഉണ്ട്‌.”

4. വ്യക്തി​പ​ര​മായ പ്രദേശം ലഭിക്കാൻ എന്തു ചെയ്യണം, അവിടെ എങ്ങനെ പ്രവർത്തി​ക്കാ​നാ​കും?

⁴ എങ്ങനെ അതു സമ്പാദി​ക്കാം: വ്യക്തി​പ​ര​മായ പ്രദേശം വേണ​മെ​ന്നു​ണ്ടെ​ങ്കിൽ പ്രദേശ ദാസ​നോ​ടു സംസാ​രി​ക്കുക. നിങ്ങ​ളോ​ടൊ​പ്പം പ്രവർത്തി​ക്കാൻ മറ്റാ​രെ​യെ​ങ്കി​ലും ക്ഷണിക്കു​ന്ന​തി​നു മടിവി​ചാ​രി​ക്കേ​ണ്ട​തില്ല. ആളില്ലാ​ഭ​വ​ന​ങ്ങ​ളു​ടെ രേഖ സൂക്ഷി​ക്കുക. നാലു മാസത്തി​നു​ള്ളിൽ പ്രദേശം പ്രവർത്തി​ച്ചു തീർക്കാൻ ശ്രമി​ക്കണം. അതിനു സാധി​ക്കു​ന്നി​ല്ലെ​ങ്കിൽ പുസ്‌ത​കാ​ധ്യ​യന മേൽവി​ചാ​ര​ക​നോ​ടോ മറ്റുള്ള​വ​രോ​ടോ സഹായം ചോദി​ക്കാ​വു​ന്ന​താണ്‌. നാലാം മാസത്തി​നൊ​ടു​വിൽ, ചെയ്‌തു​തീർത്ത പ്രദേശം തിരികെ ഏൽപ്പി​ക്കു​ക​യോ വീണ്ടും പ്രവർത്തി​ക്കാ​നാ​യി ചോദി​ക്കു​ക​യോ ചെയ്യാം. എന്നാൽ ആ പ്രദേശം അനിശ്ചി​ത​കാ​ലം കൈവശം വെക്കരു​തു, മറ്റുള്ളവർ ചോദി​ച്ചേ​ക്കാ​മെ​ന്ന​തി​നാൽ അതു തിരികെ ഏൽപ്പി​ക്കണം. പരിമി​ത​മായ പ്രദേ​ശ​മുള്ള സഭയി​ലാ​ണു നിങ്ങ​ളെ​ങ്കിൽ വ്യക്തി​പ​ര​മായ പ്രദേശം ലഭിക്കാൻ സാധ്യ​ത​യി​ല്ലാ​യി​രി​ക്കാം. അങ്ങനെ​യെ​ങ്കിൽ പുസ്‌ത​കാ​ധ്യ​യന മേൽവി​ചാ​ര​ക​നോ​ടു പ്രദേ​ശ​ത്തി​ന്റെ ഒരു ഭാഗം ചോദി​ക്കാൻ സാധി​ച്ചേ​ക്കും.

5. സുവാർത്താ പ്രസം​ഗ​ത്തി​നുള്ള നമ്മുടെ നിയമനം നിർവ​ഹി​ക്കാൻ എന്താണാ​വ​ശ്യം?

⁵ “ഭൂലോ​ക​ത്തിൽ ഒക്കെയും” സുവാർത്ത പ്രസം​ഗി​ക്കുക എന്നതു വെല്ലു​വി​ളി നിറഞ്ഞ ഒരു നിയമ​ന​മാണ്‌. (മത്താ. 24:14) നല്ല ഏകോ​പിത ശ്രമം ഇതിനാ​വ​ശ്യ​മാണ്‌. കൂട്ടസാ​ക്ഷീ​ക​ര​ണ​ത്തി​നു പുറമേ വ്യക്തി​പ​ര​മായ പ്രദേ​ശത്തു പ്രവർത്തി​ക്കു​ന്നത്‌ സാധ്യ​മാ​കു​ന്നത്ര ആളുക​ളു​ടെ അടുത്തു സുവാർത്ത​യു​മാ​യി ചെല്ലാൻ നമ്മെ സഹായി​ക്കും.