മാന്യ​മായ പെരു​മാ​റ്റം—ക്രിസ്‌തു​വി​നെ അനുഗ​മി​ക്കു​ന്ന​വർക്ക്‌ അനിവാ​ര്യം

1. ഈ വർഷത്തെ കൺ​വെൻ​ഷന്റെ വിഷയം മാന്യ​മായ പെരു​മാ​റ്റ​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

¹ അഖിലാണ്ഡ പരമാ​ധി​കാ​രി​യായ യഹോവ മഹത്ത്വം ധരിച്ചി​രി​ക്കു​ന്ന​താ​യി ബൈബിൾ പറയുന്നു. (സങ്കീ. 104:1) യേശു എല്ലായ്‌പോ​ഴും തന്റെ പിതാ​വി​നോ​ടും അവന്റെ കരുത​ലു​ക​ളോ​ടും ആദരവു പ്രകട​മാ​ക്കി; അവന്റെ സംസാ​ര​ത്തി​ലും പ്രവൃ​ത്തി​യി​ലും അതു വ്യക്തമാ​യി​രു​ന്നു. (യോഹ. 17:4) അടുത്തു​വ​രുന്ന “ക്രിസ്‌തു​വി​നെ അനുഗ​മി​ക്കുക!” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ സംബന്ധി​ക്കവേ യേശു​വി​നെ അനുക​രി​ച്ചു​കൊണ്ട്‌ യഹോ​വ​യ്‌ക്കു മഹത്ത്വം കരേറ്റാൻ നമു​ക്കെ​ല്ലാം അവസരം ലഭിക്കും.

2. കൺ​വെൻ​ഷന്റെ ഓരോ സെഷനി​ലും സന്നിഹി​ത​രാ​കു​ന്ന​തിന്‌ നാം ചെയ്യുന്ന ഒരുക്കങ്ങൾ യഹോ​വയെ മഹത്ത്വ​പ്പെ​ടു​ത്തു​ന്നത്‌ എങ്ങനെ?

² മാന്യമായ ആരാധന: യഹോവ നമുക്കാ​യി തയ്യാർ ചെയ്‌തി​രി​ക്കുന്ന ആത്മീയ​വി​രു​ന്നിൽ സംബന്ധി​ക്കു​ന്ന​തി​ലൂ​ടെ നമുക്ക​വനെ മഹത്ത്വ​പ്പെ​ടു​ത്താ​നാ​കും. വെള്ളി​യാഴ്‌ച ഉൾപ്പെടെ എല്ലാ ദിവസ​വും കൺ​വെൻ​ഷനു പോകു​ന്ന​തി​നു​വേണ്ടി തൊഴി​ലു​ട​മ​യു​മാ​യി സംസാ​രി​ക്കു​ക​യും നിങ്ങളു​ടെ കാര്യാ​ദി​കൾ ക്രമ​പ്പെ​ടു​ത്തു​ക​യും ചെയ്‌തി​രി​ക്കു​ന്നു​വോ? ഇരിപ്പി​ടങ്ങൾ കണ്ടെത്തു​ന്ന​തി​നും പ്രാരംഭ ഗീതത്തി​ലും പ്രാർഥ​ന​യി​ലും പങ്കുപ​റ്റു​ന്ന​തി​നു​മാ​യി നേര​ത്തേ​തന്നെ എത്താനുള്ള ഏർപ്പാ​ടു​കൾ ചെയ്‌തോ? സഹോ​ദ​ര​ങ്ങ​ളോ​ടൊ​പ്പം കൂടുതൽ സമയം ചെലവ​ഴി​ക്കാൻ കഴി​യേ​ണ്ട​തിന്‌ ഉച്ചഭക്ഷണം കൊണ്ടു​വ​രാ​നുള്ള ക്രമീ​ക​ര​ണങ്ങൾ ചെയ്‌തോ? ഓരോ സെഷ​ന്റെ​യും ആരംഭ​ത്തിൽ ചെയർമാൻ സ്റ്റേജിൽവന്ന്‌ സംഗീതം ആസ്വദി​ക്കാൻ നമ്മെ ഓർമി​പ്പി​ച്ചാ​ലു​ടൻ നാം സംഭാ​ഷണം നിറുത്തി ഇരിപ്പി​ട​ങ്ങ​ളിൽ ചെന്നി​രി​ക്കണം.

3. പരിപാ​ടി​യിൽ ശ്രദ്ധി​ച്ചി​രി​ക്കു​ന്നത്‌ ആരാധ​ന​യു​ടെ മാന്യത കാക്കാൻ ഇടയാ​ക്കു​ന്നത്‌ എങ്ങനെ?

³ പരിപാടികൾക്ക്‌ അടുത്ത ശ്രദ്ധ നൽകു​ന്ന​തും നമ്മുടെ സ്വർഗീയ പിതാ​വി​നെ മഹത്ത്വ​പ്പെ​ടു​ത്തും. ഒരു ഡിസ്‌ട്രി​ക്‌റ്റ്‌ കൺ​വെൻ​ഷ​നെ​ക്കു​റിച്ച്‌ ഒരു റിപ്പോർട്ടർ ഇപ്രകാ​ര​മാണ്‌ എഴുതി​യത്‌: “ആധ്യാ​ത്മിക കാര്യ​ങ്ങ​ളോ​ടുള്ള പ്രതി​പ​ത്തി​യോ​ടെ​യും ആദരസൂ​ച​ക​മായ നിശ്ശബ്ദ​ത​യോ​ടെ​യും ഹാജരാ​യി​രു​ന്നവർ പരിപാ​ടി ശ്രദ്ധി​ക്കു​ന്ന​തി​നാൽ അവരുടെ മാതൃ​കാ​യോ​ഗ്യ​മായ പെരു​മാ​റ്റം” കാഴ്‌ച​ക്കാ​രിൽ മതിപ്പു​ള​വാ​ക്കും. “ഇത്ര നന്നായി പെരു​മാ​റുന്ന, വിശുദ്ധ തിരു​വെ​ഴു​ത്തു​കൾ തിരക്കി​ട്ടു മറിച്ചു​നോ​ക്കുന്ന . . . കുട്ടി​ക​ളു​ടെ ഒരു നല്ലസംഖ്യ”യെക്കു​റി​ച്ചും അദ്ദേഹം പരാമർശി​ച്ചു. വർത്തമാ​നം പറയുക, മൊ​ബൈൽ ഫോണിൽ സന്ദേശങ്ങൾ അയയ്‌ക്കുക, എന്തെങ്കി​ലു​മൊ​ക്കെ തിന്നു​കൊ​ണ്ടി​രി​ക്കുക, ഇടനാ​ഴി​യി​ലൂ​ടെ ചുറ്റി​ന​ട​ക്കുക തുടങ്ങി​യവ പരിപാ​ടി നടക്കു​ന്ന​തി​നി​ട​യിൽ ചെയ്യേണ്ട കാര്യ​ങ്ങളല്ല. യുവജ​നങ്ങൾ മാതാ​പി​താ​ക്ക​ളോ​ടൊ​പ്പം ഇരി​ക്കേ​ണ്ട​താണ്‌; അങ്ങനെ​യാ​കു​മ്പോൾ പരിപാ​ടി​യിൽനി​ന്നു പ്രയോ​ജനം നേടാൻ മാതാ​പി​താ​ക്കൾക്ക്‌ അവരെ സഹായി​ക്കാ​നാ​കും. (ആവ. 31:12; സദൃ. 29:15) ഇങ്ങനെ ചെയ്യാൻ ശ്രമി​ക്കു​ന്ന​തി​ലൂ​ടെ നാം മറ്റുള്ള​വ​രോട്‌ ആദരവും അവിടെ ലഭിക്കുന്ന വിലപ്പെട്ട ആത്മീയ ആഹാര​ത്തോ​ടു വിലമ​തി​പ്പും കാണി​ക്കു​ക​യാ​യി​രി​ക്കും.

4. കൺ​വെൻ​ഷനു സംബന്ധി​ക്കു​മ്പോൾ നമ്മുടെ വേഷവി​ധാ​നം മാന്യ​വും അന്തസ്സു​റ്റ​തും ആയിരി​ക്കേ​ണ്ടത്‌ എന്തു​കൊണ്ട്‌?

⁴ മാന്യമായ വേഷവി​ധാ​നങ്ങൾ: കഴിഞ്ഞ ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ “എല്ലായ്‌പോ​ഴും ക്രിസ്‌തീയ അന്തസ്സ്‌ പ്രകട​മാ​ക്കുക” എന്ന പ്രസം​ഗ​ത്തി​ലൂ​ടെ ലഭിച്ച ഓർമി​പ്പി​ക്ക​ലു​കൾ മൂല്യ​വ​ത്താ​യി​രു​ന്നെന്നു പലരും അഭി​പ്രാ​യ​പ്പെട്ടു. ദൈവ​ദാ​സ​ന്മാ​രു​ടെ വസ്‌ത്ര​ധാ​ര​ണ​വും ചമയവും ക്രിസ്‌തീയ അന്തസ്സിനു നിരക്കും​വി​ധം മാന്യ​മാ​യി​രി​ക്ക​ണ​മെന്ന്‌ ആ പ്രസം​ഗ​ത്തിൽ ഊന്നി​പ്പ​റ​ഞ്ഞി​രു​ന്നു. ഈ വർഷവും നാം ഇക്കാര്യം ഗൗരവ​മാ​യെ​ടു​ക്കണം. യഹോ​വ​യോ​ടും അവന്റെ സാക്ഷി​ക​ളെന്ന പദവി​യോ​ടു​മുള്ള നമ്മുടെ മനോ​വി​കാ​രം വേഷവി​ധാ​ന​ങ്ങ​ളിൽ പ്രതി​ഫ​ലി​ക്കു​ന്നു. നമ്മുടെ വസ്‌ത്ര​ധാ​രണം എല്ലായ്‌പോ​ഴും ‘ദൈവ​ഭ​ക്തി​യെ സ്വീക​രി​ക്കു​ന്ന​വർക്കു ഉചിത​മാ​കും​വണ്ണം’ ആയിരി​ക്കണം.—1 തിമൊ. 2:9, 10.

5. പരിപാ​ടി കഴിഞ്ഞുള്ള സമയത്തും വേഷവി​ധാ​നം മാന്യ​ത​യു​ള്ള​താ​ണെന്ന്‌ നമു​ക്കെ​ങ്ങനെ ഉറപ്പു​വ​രു​ത്താ​നാ​കും?

⁵ പരിപാടിയുടെ സമയത്തു മാത്രമേ നമ്മുടെ വേഷവി​ധാ​നം മാന്യ​മാ​യി​രി​ക്കേ​ണ്ട​തു​ള്ളോ? കൺ​വെൻ​ഷൻ നടക്കുന്ന നഗരത്തിൽ ബാഡ്‌ജ്‌ ധരിച്ചു​പോ​കുന്ന നമ്മെ പലരും ശ്രദ്ധി​ക്കും എന്ന്‌ മനസ്സിൽപ്പി​ടി​ക്കുക. നാം പൊതു​ജ​ന​ങ്ങ​ളിൽനി​ന്നു വ്യത്യ​സ്‌ത​രാ​ണെന്ന്‌ നമ്മുടെ വേഷവി​ധാ​ന​ത്തിൽ പ്രകട​മാ​യി​രി​ക്കണം. അതു​കൊണ്ട്‌, പരിപാ​ടി​കൾക്കു​ശേഷം ഭക്ഷണം കഴിക്കാൻ പുറത്തു പോകു​മ്പോ​ഴും മറ്റും ഒരു ക്രിസ്‌തീയ കൺ​വെൻ​ഷ​നിൽ സംബന്ധി​ക്കാൻ നഗരത്തിൽ വന്നിരി​ക്കു​ന്ന​വർക്കു യോജി​ക്കും​വി​ധം ആയിരി​ക്കണം നമ്മുടെ വസ്‌ത്ര​ധാ​രണം; ജീൻസ്‌, ഷോർട്‌സ്‌, ടീ-ഷർട്ട്‌ മുതലാ​യവ ധരിക്ക​രുത്‌. എത്ര നല്ലൊരു സാക്ഷ്യ​മാ​യി​രി​ക്കും അത്‌! ശുശ്രൂ​ഷ​കർക്കു യോജിച്ച നമ്മുടെ വേഷവി​ധാ​നം യഹോ​വയെ പ്രസാ​ദി​പ്പി​ക്കും.

6. ക്രിസ്‌തീയ അന്തസ്സും മാന്യ​ത​യും കാത്തു​സൂ​ക്ഷി​ക്കു​ന്ന​തി​ന്റെ സത്‌ഫ​ലങ്ങൾ ഏവ?

⁶ തൃപ്‌തികരമായ ഫലങ്ങൾ: കൺ​വെൻ​ഷ​നിൽ സംബന്ധി​ക്കു​മ്പോൾ ക്രിസ്‌തീയ അന്തസ്സും മാന്യ​ത​യും കാക്കു​ന്നത്‌ അനൗപ​ചാ​രിക സാക്ഷീ​ക​ര​ണ​ത്തി​നു അവസര​മൊ​രു​ക്കു​മെന്നു മാത്രമല്ല ആ പ്രദേ​ശത്തു നമുക്ക്‌ നല്ലൊരു പേര്‌ ഉണ്ടായി​രി​ക്കാ​നും ഇടയാ​ക്കും. ഒരു കൺ​വെൻ​ഷൻ കഴിഞ്ഞ​പ്പോൾ ഒരു അധികാ​രി പറഞ്ഞു: “ഇത്രയും നന്നായി ഇടപെ​ടു​ന്ന​വരെ ഞങ്ങൾ കണ്ടി​ട്ടേ​യില്ല. നിങ്ങൾ ദൈവം ആഗ്രഹി​ക്കു​ന്ന​പ്ര​കാ​രം ജീവി​ക്കു​ന്നവർ ആണ്‌.” മാന്യ​മായ പെരു​മാ​റ്റ​ത്തി​ലൂ​ടെ നാം അന്യോ​ന്യം സ്‌നേ​ഹ​വും ആദരവും കാണി​ക്കു​ന്നു, മാത്രമല്ല യഹോ​വയെ മഹത്ത്വ​പ്പെ​ടു​ത്തു​ക​യും ചെയ്യുന്നു. (1 പത്രൊ. 2:12) അങ്ങനെ നാം നമ്മുടെ പിതാ​വി​നാൽ പഠിപ്പി​ക്ക​പ്പെ​ടുക എന്ന പദവി​യോ​ടുള്ള വിലമ​തി​പ്പും ദൈവി​ക​ഭ​യ​വും പ്രകട​മാ​ക്കു​ന്നു. (എബ്രാ. 12:28) ഈ വർഷത്തെ, “ക്രിസ്‌തു​വി​നെ അനുഗ​മി​ക്കുക!” ഡിസ്‌ട്രി​ക്‌റ്റ്‌ കൺ​വെൻ​ഷ​നാ​യി നോക്കി​പ്പാർത്തി​രി​ക്കുന്ന നമുക്ക്‌ അന്തസ്സും മാന്യ​ത​യും ഉള്ളവരാ​യി​രി​ക്കാൻ ശ്രമി​ക്കാം.

[5-ാം പേജിലെ ചതുരം]

ഡിസ്‌ട്രിക്‌റ്റ്‌ കൺ​വെൻ​ഷൻ ഓർമി​പ്പി​ക്ക​ലു​കൾ

◼ പരിപാ​ടി​യു​ടെ സമയം: മൂന്നു ദിവസ​വും രാവിലെ 9:20-നു പരിപാ​ടി തുടങ്ങു​ന്ന​താ​യി​രി​ക്കും. രാവിലെ 8:00 മണിമു​തൽ ഹാളിൽ പ്രവേ​ശി​ക്കാ​നാ​കും. പ്രാരംഭ സംഗീതം ആരംഭി​ക്കു​മ്പോൾ നാമെ​ല്ലാം ഇരിപ്പി​ട​ങ്ങ​ളിൽ വന്നിരി​ക്കേ​ണ്ട​താണ്‌. അങ്ങനെ​യാ​കു​മ്പോൾ മാന്യ​മായ വിധത്തിൽ പരിപാ​ടി ആരംഭി​ക്കാ​നാ​കും. വെള്ളി​യാ​ഴ്‌ച​യും ശനിയാ​ഴ്‌ച​യും 5:05-നും ഞായറാഴ്‌ച 4:10-നും ആയിരി​ക്കും പരിപാ​ടി സമാപി​ക്കുക.

◼ പാർക്കിങ്‌: നമുക്ക്‌ പാർക്കിങ്‌ സ്ഥലങ്ങളു​ടെ നിയ​ന്ത്ര​ണ​മുള്ള എല്ലാ കൺ​വെൻ​ഷൻസ്ഥ​ല​ങ്ങ​ളി​ലും പാർക്ക്‌ ചെയ്യാ​നുള്ള ഇടം ആദ്യം വരുന്ന​വർക്ക്‌ ആദ്യം എന്ന രീതി​യിൽ സൗജന്യ​മാ​യി ലഭിക്കു​ന്ന​താ​യി​രി​ക്കും. കൺ​വെൻ​ഷൻ ബാഡ്‌ജ്‌ കാർഡു​കൾ ഈ സമയത്ത്‌ തിരി​ച്ച​റി​യി​ക്കൽ അടയാ​ള​മാ​യി ഉതകും. അംഗ​വൈ​ക​ല്യ​മു​ള്ള​വർക്കാ​യി വേർതി​രി​ച്ചി​രി​ക്കുന്ന പാർക്കിങ്‌ സ്ഥലത്ത്‌ അവരുടെ വാഹനങ്ങൾ മാത്രമേ പാർക്കു​ചെ​യ്യാൻ അനുവ​ദി​ക്കു​ക​യു​ള്ളൂ. പാർക്കി​ങ്ങി​നുള്ള സ്ഥലം സാധാ​ര​ണ​ഗ​തി​യിൽ പരിമി​ത​മാ​യ​തി​നാൽ, കാറു​ക​ളി​ലും മറ്റും ഒന്നോ രണ്ടോ പേർ മാത്രം യാത്ര​ചെ​യ്യു​ന്ന​തി​നു പകരം അവയിലെ സ്ഥലസൗ​ക​ര്യം പരമാ​വധി ഉപയോ​ഗ​പ്പെ​ടു​ത്തേ​ണ്ട​താണ്‌.

◼ ഇരിപ്പി​ടം പിടി​ച്ചു​വെക്കൽ: നിങ്ങ​ളോ​ടൊ​പ്പം കാറിൽ സഞ്ചരി​ക്കു​ന്ന​വർക്കോ നിങ്ങളു​ടെ​കൂ​ടെ താമസി​ക്കു​ന്ന​വർക്കോ വേണ്ടി മാത്രമേ ഇരിപ്പി​ടങ്ങൾ പിടി​ച്ചു​വെ​ക്കാ​വൂ.

◼ ഉച്ചഭക്ഷണം: ഉച്ചയ്‌ക്കത്തെ ഇടവേ​ള​യിൽ ഭക്ഷണത്തി​നാ​യി ഹോട്ട​ലി​ലും മറ്റും പോകു​ന്ന​തി​നു പകരം ദയവായി ലഘുവായ ഉച്ചഭക്ഷണം കൂടെ കരുതുക. നിങ്ങളു​ടെ ഇരിപ്പി​ട​ത്തി​ന​ടി​യിൽ ഒതുങ്ങുന്ന പാത്രങ്ങൾ ഇതിനാ​യി ഉപയോ​ഗി​ക്കാ​വു​ന്ന​താണ്‌. വലിയ പാത്ര​ങ്ങ​ളും (അതു​പോ​ലെ​തന്നെ കുപ്പി​പ്പാ​ത്ര​ങ്ങ​ളും) മദ്യവും കൺ​വെൻ​ഷൻസ്ഥ​ലത്ത്‌ അനുവ​ദ​നീ​യമല്ല.

◼ സംഭാ​വ​നകൾ:ഡിസ്‌ട്രി​ക്‌റ്റ്‌ കൺ​വെൻ​ഷൻ സംഘടി​പ്പി​ക്കു​ന്ന​തിൽ ഗണ്യമായ ചെലവ്‌ ഉൾപ്പെ​ട്ടി​രി​ക്കു​ന്നു. ലോക​വ്യാ​പക വേലയ്‌ക്കു​വേണ്ടി രാജ്യ​ഹാ​ളി​ലോ കൺ​വെൻ​ഷൻസ്ഥ​ല​ത്തോ സ്വമേ​ധയാ സംഭാ​വ​നകൾ ഇട്ടു​കൊണ്ട്‌ നമുക്കു വിലമ​തി​പ്പു പ്രകടി​പ്പി​ക്കാൻ കഴിയും. കൺ​വെൻ​ഷൻസ്ഥ​ലത്ത്‌ സംഭാ​വ​ന​യാ​യി നൽകുന്ന ചെക്കുകൾ “Watch Tower” എന്ന പേരി​ലാണ്‌ എഴു​തേ​ണ്ടത്‌.

◼ അപകട​ങ്ങ​ളും അടിയ​ന്തിര സാഹച​ര്യ​ങ്ങ​ളും: കൺ​വെൻ​ഷൻസ്ഥ​ലത്ത്‌ വൈദ്യ​സ​ഹാ​യം ആവശ്യ​മുള്ള ഒരു അടിയ​ന്തിര സാഹച​ര്യം ഉണ്ടാകു​ന്ന​പക്ഷം ദയവായി അടുത്തുള്ള ഒരു സേവകനെ സമീപി​ക്കുക. അദ്ദേഹം ഉടൻതന്നെ പ്രഥമ​ശു​ശ്രൂ​ഷാ വിഭാ​ഗത്തെ വിവര​മ​റി​യി​ക്കും. അപ്പോൾ ആ വിഭാ​ഗ​ത്തി​ലുള്ള യോഗ്യ​രായ സഹോ​ദ​രങ്ങൾ സാഹച​ര്യ​ത്തി​ന്റെ ഗൗരവം വിലയി​രു​ത്തി ആവശ്യ​മായ സഹായം നൽകും.

◼ ആംഗ്യ​ഭാ​ഷാ സെഷനു​കൾ: ബാംഗ്ലൂ​രിൽവെച്ച്‌ നടക്കുന്ന ഇംഗ്ലീഷ്‌ കൺ​വെൻ​ഷ​നിൽ ആംഗ്യ​ഭാ​ഷാ സെഷനു​കൾ ക്രമീ​ക​രി​ച്ചി​ട്ടുണ്ട്‌.

◼ റെക്കോർഡിങ്‌: ഒരു തരത്തി​ലുള്ള റെക്കോർഡിങ്‌ ഉപകര​ണ​വും കൺ​വെൻ​ഷൻസ്ഥ​ലത്തെ വൈദ്യു​ത, ശബ്ദ സംവി​ധാ​ന​ങ്ങ​ളു​മാ​യി ഘടിപ്പി​ക്ക​രുത്‌. മറ്റുള്ള​വർക്കു ശല്യമു​ണ്ടാ​കാത്ത വിധത്തിൽ മാത്രമേ റെക്കോർഡിങ്‌ ചെയ്യാവൂ.

◼ പെർഫ്യൂം: വായു​സ​ഞ്ചാ​ര​ത്തി​നാ​യി കൃത്രിമ മാർഗങ്ങൾ ഉപയോ​ഗി​ക്കേ​ണ്ടി​വ​രുന്ന അടഞ്ഞ ഹാളു​ക​ളി​ലാ​ണു ചില കൺ​വെൻ​ഷ​നു​കൾ നടക്കു​ന്നത്‌. അതു​കൊ​ണ്ടു​തന്നെ ആസ്‌ത്‌മ​യോ അലർജി​യോ ഉള്ളവർക്ക്‌ അസ്വസ്ഥത ഉളവാ​ക്കി​യേ​ക്കാ​വുന്ന രൂക്ഷഗ​ന്ധ​മുള്ള പെർഫ്യൂ​മു​ക​ളും മറ്റും അധികം ഉപയോ​ഗി​ക്കാ​തി​രു​ന്നു​കൊണ്ട്‌ മറ്റുള്ള​വ​രോ​ടു പരിഗണന കാണി​ക്കാ​നാ​കും.—1 കൊരി. 10:24.

◼ S-43 ഫാറങ്ങൾ: കൺ​വെൻ​ഷൻസ​മ​യത്ത്‌ അനൗപ​ചാ​രിക സാക്ഷീ​ക​രണം നടത്തു​മ്പോൾ ആരെങ്കി​ലും താത്‌പ​ര്യം കാണി​ക്കു​ന്നെ​ങ്കിൽ അവരെ​ക്കു​റി​ച്ചുള്ള വിവരങ്ങൾ നൽകു​ന്ന​തിന്‌ ദയവായി ബന്ധപ്പെ​ടുക (Please Follow Up) (S-43) ഫാറങ്ങൾ ഉപയോ​ഗി​ക്കേ​ണ്ട​താണ്‌. കൺ​വെൻ​ഷനു വരു​മ്പോൾ പ്രസാ​ധകർ ഒന്നോ രണ്ടോ S-43 ഫാറങ്ങൾ കൊണ്ടു​വ​രേ​ണ്ട​താണ്‌. കൺ​വെൻ​ഷൻസ്ഥ​ലത്തെ പുസ്‌ത​ക​ശാ​ല​യി​ലും ഇവ ലഭിക്കു​ന്ന​താണ്‌. പൂരി​പ്പി​ച്ച​ശേഷം അവ പുസ്‌ത​ക​ശാ​ല​യിൽ ഏൽപ്പി​ക്കാ​നാ​കും; അല്ലെങ്കിൽ തിരി​കെ​ച്ചെ​ന്ന​ശേഷം നിങ്ങളു​ടെ സഭാ​സെ​ക്ര​ട്ട​റി​യെ ഏൽപ്പി​ക്കാ​വു​ന്ന​താണ്‌.—2005 ഫെബ്രു​വരി ലക്കം നമ്മുടെ രാജ്യ ശുശ്രൂഷ, പേജ്‌ 6 കാണുക.

◼ റെസ്റ്ററ​ന്റു​ക​ളിൽ: പല സ്ഥലങ്ങളി​ലും സേവന​ത്തി​ന​നു​സ​രിച്ച്‌ ടിപ്പ്‌ കൊടു​ക്കുന്ന രീതി​യുണ്ട്‌.

◼ ഹോട്ട​ലു​ക​ളിൽ: (1) ആവശ്യ​മു​ള്ള​തിൽ അധികം മുറികൾ ബുക്കു​ചെ​യ്യ​രുത്‌; അനുവ​ദി​ച്ചി​രി​ക്കു​ന്ന​തി​ലും കൂടുതൽ ആളുകൾ മുറി​യിൽ താമസി​ക്കാ​തി​രി​ക്കാൻ ശ്രദ്ധി​ക്കുക. (2) ബുക്കു​ചെയ്‌ത മുറി വേണ്ടെ​ങ്കിൽ എത്രയും വേഗം ഹോട്ടൽ അധികൃ​തരെ അറിയി​ക്കുക. (3) ലഗേജ്‌ പുറ​ത്തേക്കു കൊണ്ടു​പോ​കു​ന്ന​തി​നും മറ്റും ട്രോളി ലഭ്യമാ​ണെ​ങ്കിൽ, പുറത്തി​റ​ങ്ങാൻ തയ്യാറാ​യി​ക്ക​ഴി​ഞ്ഞേ അതെടു​ക്കാ​വൂ, മറ്റുള്ള​വ​രു​ടെ ഉപയോ​ഗ​ത്തി​നാ​യി ഉടൻ തിരികെ ഏൽപ്പി​ക്കുക. (4) പാചകം അനുവ​ദ​നീ​യ​മ​ല്ലെ​ങ്കിൽ അതു ചെയ്യരുത്‌. (5) റൂം​ബോ​യിക്ക്‌ ഓരോ ദിവസ​വും ടിപ്പ്‌ കൊടു​ക്കുക. (6) ക്രിസ്‌ത്യാ​നി​ക​ളായ നാം, ഹോട്ട​ലിൽ ആയിരി​ക്കു​മ്പോൾ ഉപചാ​രാർഥം ലഭിക്കുന്ന പ്രഭാത ഭക്ഷണമോ പാനീ​യ​ങ്ങ​ളോ ഐസ്‌ തുടങ്ങിയ സാധന​ങ്ങ​ളോ ദുരു​പ​യോ​ഗം ചെയ്യില്ല. (7) ഹോട്ടൽ ജീവന​ക്കാ​രു​മാ​യി ഇടപെ​ടു​മ്പോ​ഴെ​ല്ലാം ദൈവാ​ത്മാ​വി​ന്റെ ഫലം പ്രകടി​പ്പി​ക്കുക. (8) ലിസ്റ്റിൽ കാണി​ച്ചി​രി​ക്കുന്ന ദിവസ​വാ​ട​ക​യിൽ ടാക്‌സ്‌ ഉൾപ്പെ​ടു​ത്തി​യി​ട്ടില്ല. നിങ്ങൾ ആവശ്യ​പ്പെ​ടാ​ത്ത​തോ ഉപയോ​ഗി​ക്കാ​ത്ത​തോ ആയ എന്തെങ്കി​ലും ബില്ലിൽ ഉൾപ്പെ​ടു​ത്തി​യാൽ, അവ ഒഴിവാ​ക്കി​യേ പണം കൊടു​ക്കാ​വൂ, തുടർന്ന്‌ കൺ​വെൻ​ഷൻസ്ഥ​ലത്തെ റൂമിങ്‌ ഡിപ്പാർട്ടു​മെ​ന്റി​നെ ഉടൻതന്നെ വിവരം അറിയി​ക്കുക. (9) ഹോട്ടൽ മുറി​യോ​ടുള്ള ബന്ധത്തിൽ എന്തെങ്കി​ലും പ്രശ്‌ന​മു​ണ്ടാ​യാൽ, കൺ​വെൻ​ഷൻ സ്ഥലത്തു​വെ​ച്ചു​തന്നെ റൂമിങ്‌ ഡിപ്പാർട്ടു​മെ​ന്റിൽ വിവരം അറിയി​ക്കുക.