ഒരു ആത്മീയ വിരു​ന്നി​നാ​യി നിങ്ങൾ തയ്യാ​റെ​ടു​ത്തി​ട്ടു​ണ്ടോ?

1. ഒരു വിരു​ന്നു​മാ​യി ബന്ധപ്പെട്ട്‌ എന്തെല്ലാം ഒരുക്കങ്ങൾ നടത്തേ​ണ്ട​തുണ്ട്‌?

¹ ഒരു വിരുന്നു നടത്താൻ വളരെ​യ​ധി​കം ഒരുക്കങ്ങൾ ആവശ്യ​മാണ്‌. ഭക്ഷണസാ​ധ​നങ്ങൾ വാങ്ങണം, അവ രുചി​യോ​ടെ പാകം​ചെ​യ്യണം, പിന്നെ വിളമ്പണം. ആഹാരം വിളമ്പു​ന്നത്‌ വളരെ ചിട്ട​യോ​ടെ ആയിരി​ക്കണം. കൂടാതെ, വിരുന്നു നടക്കുന്ന സ്ഥലവും ഒരുക്കണം. ഇനി, വിരു​ന്നു​കാ​രും തയ്യാറാ​കേ​ണ്ട​തുണ്ട്‌; പ്രത്യേ​കിച്ച്‌, വിരുന്ന്‌ നടക്കുന്ന സ്ഥലം കുറച്ച​ക​ലെ​യാ​ണെ​ങ്കിൽ. ഇത്ര​യൊ​ക്കെ ശ്രമം ഉൾപ്പെ​ട്ടി​ട്ടു​ണ്ടെ​ങ്കി​ലും സുഹൃ​ത്തു​ക​ളോ​ടും വീട്ടു​കാ​രോ​ടും ഒപ്പമി​രുന്ന്‌ വിരു​ന്നു​ണ്ണു​ന്നത്‌ സന്തോ​ഷ​ക​ര​മായ ഒരനു​ഭ​വ​മാണ്‌. അധികം വൈകാ​തെ യഹോ​വ​യു​ടെ സാക്ഷികൾ അങ്ങനെ​യൊ​രു വിരുന്ന്‌ ആസ്വദി​ക്കു​ന്ന​തിന്‌ വലുതും ചെറു​തു​മായ കൂട്ടങ്ങ​ളാ​യി ലോക​മെ​മ്പാ​ടും കൂടി​വ​രും. അവർ ആകാം​ക്ഷ​യോ​ടെ കാത്തി​രി​ക്കുന്ന ആ ആത്മീയ വിരുന്ന്‌, “സദാ ജാഗരൂ​ക​രാ​യി​രി​ക്കു​വിൻ” ഡിസ്‌ട്രി​ക്‌റ്റ്‌ കൺ​വെൻ​ഷ​നാണ്‌. പരിപാ​ടി​കൾ തയ്യാറാ​ക്കാ​നും മറ്റുമാ​യി സഹോ​ദ​ര​ന്മാർ വളരെ അധ്വാനം നടത്തി​യി​ട്ടുണ്ട്‌. നമു​ക്കെ​ല്ലാം ക്ഷണം ലഭിച്ചി​രി​ക്കു​ന്നു. അവിടെ ഹാജരാ​കാ​നും പൂർണ പ്രയോ​ജനം നേടാ​നും നമ്മുടെ ഭാഗത്തു​നി​ന്നും വ്യക്തി​പ​ര​മായ ശ്രമം ആവശ്യ​മാണ്‌.—സദൃ. 21:5.

2. ആത്മീയ വിരു​ന്നിൽ ആദി​യോ​ടന്തം പങ്കെടു​ക്ക​ണ​മെ​ങ്കിൽ എന്തു ചെയ്യണം?

² പൂർണ പ്രയോ​ജനം നേടുക: ഈ ആത്മീയ വിരു​ന്നിൽ ആദി​യോ​ടന്തം പങ്കെടു​ക്കാൻവേണ്ട ക്രമീ​ക​ര​ണങ്ങൾ നിങ്ങൾ ചെയ്‌തി​ട്ടു​ണ്ടോ? കൺ​വെൻ​ഷന്റെ ആദ്യദി​വ​സം​തു​ടങ്ങി അതിലെ എല്ലാ സെഷനു​ക​ളി​ലും നിങ്ങൾ സംബന്ധി​ക്കു​മെന്ന കാര്യം ആവശ്യ​മെ​ങ്കിൽ മുൻകൂ​ട്ടി നിങ്ങളു​ടെ തൊഴി​ലു​ട​മയെ അറിയി​ക്കുക. യാത്ര​യ്‌ക്കും താമസ​ത്തി​നും വേണ്ട ക്രമീ​ക​ര​ണ​ങ്ങ​ളെ​ല്ലാം നിങ്ങൾ ചെയ്‌തി​ട്ടു​ണ്ടോ? പ്രായ​മാ​യ​വ​രും രോഗി​ക​ളും ഉൾപ്പെടെ സഹായം ആവശ്യ​മായ എല്ലാവർക്കും അതു ലഭിക്കു​ന്നു​വെന്ന്‌ മൂപ്പന്മാർ ഉറപ്പു​വ​രു​ത്തണം.—യിരെ. 23:4; ഗലാ. 6:10.

3. ക്ഷണിച്ചി​ട്ടി​ല്ലാത്ത ഒരു അന്താരാ​ഷ്‌ട്ര കൺ​വെൻ​ഷന്‌ നാം പോക​രു​താ​ത്തത്‌ എന്തു​കൊണ്ട്‌?

³ ചില രാജ്യ​ങ്ങ​ളിൽ അന്താരാ​ഷ്‌ട്ര കൺ​വെൻ​ഷ​നു​കൾ ഉണ്ടായി​രി​ക്കും. ചില പ്രത്യേക സഭകൾക്കും വിദേശ പ്രതി​നി​ധി​കൾക്കും മാത്ര​മാ​യി​രി​ക്കും ഈ കൺ​വെൻ​ഷ​നു​ക​ളിൽ സംബന്ധി​ക്കാൻ ക്ഷണം ലഭിക്കുക. എത്ര പേർക്ക്‌ ഇരിപ്പി​ടം ഉണ്ടാകും, എത്ര ഹോട്ടൽ മുറികൾ ലഭ്യമാണ്‌ എന്നീ കാര്യങ്ങൾ കണക്കി​ലെ​ടു​ത്തു​കൊ​ണ്ടാണ്‌ എത്ര പേരെ ക്ഷണിക്കണം എന്ന്‌ ബ്രാഞ്ച്‌ ഓഫീസ്‌ തീരു​മാ​നി​ക്കുക. അതു​കൊണ്ട്‌ ക്ഷണിക്ക​പ്പെ​ടാത്ത ഒരു കൺ​വെൻ​ഷനു പ്രസാ​ധകർ ഹാജരാ​യാൽ അത്‌ അസൗക​ര്യ​മു​ണ്ടാ​ക്കും.

4. ഓരോ ദിവസ​വും പരിപാ​ടി​കൾ ആരംഭി​ക്കു​ന്ന​തി​നു​മു​മ്പാ​യി നാം എന്തു​ചെ​യ്യണം?

⁴ പരിപാ​ടി​കൾ ആരംഭി​ക്കു​ന്ന​തി​നു​മുമ്പ്‌ ഇരിപ്പി​ടം കണ്ടെത്താ​നാ​കേ​ണ്ട​തിന്‌ എല്ലാ ദിവസ​വും നേര​ത്തേ​തന്നെ എത്തുക. പരിപാ​ടി ആരംഭി​ക്കു​ന്ന​തി​നു​മു​മ്പാ​യി ഏതാനും മിനി​റ്റെ​ടുത്ത്‌ പ്രോ​ഗ്രാം അവലോ​ക​നം​ചെ​യ്യുക. പരിപാ​ടി​കൾ ശ്രദ്ധി​ക്കു​ന്ന​തി​നാ​യി മനസ്സിനെ ഒരുക്കാൻ അതു സഹായി​ക്കും. (എസ്രാ 7:10) തുടർന്ന്‌, സെഷൻ ചെയർമാൻ സംഗീതം ആരംഭി​ക്കാൻ പോകു​ന്ന​താ​യി അറിയി​ക്കു​മ്പോൾ ഇരിപ്പി​ട​ങ്ങ​ളിൽ ഇരുന്ന്‌ അത്‌ ആസ്വദി​ക്കുക. പിന്നീ​ടുള്ള ഗീതാ​ലാ​പ​ന​ത്തി​ലും പ്രാർഥ​ന​യി​ലും പങ്കു​ചേ​രുക.

5. പരിപാ​ടി​ക​ളിൽനിന്ന്‌ പൂർണ പ്രയോ​ജനം അനുഭ​വി​ക്കാൻ കുടും​ബ​ങ്ങൾക്ക്‌ എന്തു ചെയ്യാ​നാ​കും?

⁵ കൺ​വെൻ​ഷൻ സമയത്ത്‌ കുടും​ബം ഒന്നിച്ചി​രി​ക്കു​ന്നെ​ങ്കിൽ കുട്ടികൾ പരിപാ​ടി ശ്രദ്ധി​ക്കു​ന്നു​ണ്ടെന്ന്‌ മാതാ​പി​താ​ക്കൾക്ക്‌ ഉറപ്പു​വ​രു​ത്താ​നാ​കും. (ആവ. 31:12, 13) വാക്യങ്ങൾ വായി​ക്കു​മ്പോൾ എല്ലാവ​രും അത്‌ എടുത്തു​നോ​ക്കേ​ണ്ട​തുണ്ട്‌. ചെറിയ ചെറിയ കുറി​പ്പു​ക​ളെ​ടു​ക്കു​ന്നത്‌ പരിപാ​ടി​കൾക്ക്‌ അടുത്ത ശ്രദ്ധ​കൊ​ടു​ക്കാൻ സഹായി​ക്കും. മാത്രമല്ല, പിന്നീട്‌ പ്രസം​ഗ​ങ്ങ​ളി​ലെ മുഖ്യ​പോ​യി​ന്റു​കൾ അവലോ​കനം ചെയ്യാ​നും കഴിയും. ആവശ്യ​മി​ല്ലാ​തെ പരിപാ​ടി​ക്കി​ട​യിൽ സംസാ​രി​ക്കു​ന്ന​തും സീറ്റിൽനിന്ന്‌ എഴു​ന്നേ​റ്റു​പോ​കു​ന്ന​തും ഒഴിവാ​ക്കുക. മൊ​ബൈ​ലു​ണ്ടെ​ങ്കിൽ അത്‌ നിങ്ങളു​ടെ​യും മറ്റുള്ള​വ​രു​ടെ​യും ശ്രദ്ധപ​ത​റി​ക്കു​ന്നി​ല്ലെന്ന്‌ ഉറപ്പു​വ​രു​ത്തുക. ഓരോ ദിവസത്തെ പരിപാ​ടി​ക്കു​ശേ​ഷ​വും നിങ്ങൾക്ക്‌ ഇഷ്ടപ്പെട്ട പോയി​ന്റു​കൾ മറ്റുള്ള​വ​രു​മാ​യി ചർച്ച​ചെ​യ്യു​ന്നത്‌ നന്നായി​രി​ക്കും.

6. സമ്മേള​നങ്ങൾ എന്തിനുള്ള അവസര​മാണ്‌? ഈ അവസരം എങ്ങനെ പ്രയോ​ജ​ന​പ്പെ​ടു​ത്താം?

⁶ ഇന്ന്‌ ലോക​ത്തിൽ കാണാൻ കഴിയാത്ത അതുല്യ​മായ സ്‌നേ​ഹ​ബന്ധം ആസ്വദി​ക്കാൻ കൺ​വെൻ​ഷ​നു​കൾ അവസര​മൊ​രു​ക്കു​ന്നു. (സങ്കീ. 133:1-3; മർക്കോ. 10:29, 30) നിങ്ങളു​ടെ അടുത്തി​രി​ക്കു​ന്ന​വരെ പരിച​യ​പ്പെ​ടാ​നും ഉച്ചസമ​യത്ത്‌ അവരു​മാ​യി സംസാ​രി​ക്കാ​നും മുൻ​കൈ​യെ​ടു​ക്കുക. ഉച്ചയ്‌ക്ക്‌ ഭക്ഷണം കഴിക്കാൻ പുറത്തു പോകു​ന്ന​തി​നു​പ​കരം ലഘുവായ എന്തെങ്കി​ലും കൈയിൽ കരുതു​ന്ന​തി​ന്റെ ഒരു പ്രയോ​ജനം അതാണ്‌. പരസ്‌പരം പ്രോ​ത്സാ​ഹനം കൈമാ​റാ​നുള്ള അത്തരം അവസരങ്ങൾ പാഴാ​ക്ക​രുത്‌.—റോമ. 1:11, 12.

7. വസ്‌ത്ര​ധാ​ര​ണ​ത്തോ​ടുള്ള ബന്ധത്തിൽ നാം എന്തു മനസ്സിൽപ്പി​ടി​ക്കണം?

⁷ വസ്‌ത​ധാ​രണം: വസ്‌ത്ര​ത്തി​ന്റെ വിളു​മ്പു​ക​ളിൽ തൊങ്ങ​ലു​കൾ പിടി​പ്പി​ക്കാ​നും തൊങ്ങ​ലു​ക​ളിൽ നീലച്ച​രടു കെട്ടാ​നും യഹോവ യിസ്രാ​യേ​ല്യ​രോട്‌ കൽപ്പി​ച്ചി​രു​ന്നു. (സംഖ്യാ. 15:37-41) യഹോ​വയെ ആരാധി​ക്കാൻ വേർതി​രി​ക്ക​പ്പെ​ട്ട​വ​രാണ്‌ തങ്ങൾ എന്ന്‌ അത്‌ അവരെ ഓർമി​പ്പി​ച്ചി​രു​ന്നു. ഇന്ന്‌, കൺ​വെൻ​ഷൻ സ്ഥലത്തെ നമ്മുടെ മാന്യ​മായ വസ്‌ത്ര​ധാ​രണം ലോക​ത്തിൽനിന്ന്‌ നമ്മെ വേർതി​രി​ച്ചു നിറു​ത്തു​ന്നു. പരിപാ​ടി​കൾക്കു​ശേഷം നാം പുറത്ത്‌ ഭക്ഷണം​ക​ഴി​ക്കാൻ പോകു​മ്പോ​ഴും അത്‌ മറ്റുള്ള​വർക്ക്‌ ഒരു നല്ല സാക്ഷ്യ​മാ​യി​രി​ക്കും. അതു​കൊണ്ട്‌ നിങ്ങൾ എന്തു ധരിക്കും എന്ന്‌ മുൻകൂ​ട്ടി ചിന്തി​ക്കുക.

8. ഇരിപ്പി​ടം പിടി​ച്ചു​വെ​ക്കുന്ന കാര്യ​ത്തിൽ നമ്മെ നിയ​ന്ത്രി​ക്കേണ്ട തിരു​വെ​ഴു​ത്തു തത്ത്വങ്ങൾ ഏവ?

⁸ സ്‌നേഹം പ്രവൃ​ത്തി​പ​ഥ​ത്തിൽ: കൺ​വെൻ​ഷ​നു​ക​ളിൽ പങ്കെടു​ക്കാ​നെ​ത്തുന്ന ചിലർ സുഹൃ​ത്തു​ക്കൾക്കും ബന്ധുക്കൾക്കും വേണ്ടി നിരവധി സീറ്റുകൾ പിടി​ച്ചു​വെ​ക്കു​ന്ന​താ​യി ശ്രദ്ധി​ക്ക​പ്പെ​ട്ടി​ട്ടുണ്ട്‌. സേവക​ന്മാ​രോട്‌ സഹകരി​ക്കാൻ ഇവരിൽ പലരും മടികാ​ണി​ക്കു​ന്നു; ചിലരാ​കട്ടെ ക്രിസ്‌ത്യാ​നി​കൾക്കു നിരക്കാത്ത വിധത്തിൽ അവരോ​ടു കയർക്കു​ക​പോ​ലും ചെയ്യുന്നു. ഇത്തരത്തിൽ ഞാൻ-മുമ്പൻ മനോ​ഭാ​വം പ്രകട​മാ​ക്കുന്ന ഒരു വ്യക്തിയെ നന്മ പ്രവർത്തി​ക്കു​ന്ന​വ​രു​ടെ ഗണത്തിൽ പെടു​ത്താ​നാ​കു​മോ? ഇങ്ങനെ​യുള്ള പ്രവൃ​ത്തി​കൾ യഹോ​വ​യാം ദൈവ​ത്തിന്‌ മഹത്ത്വം കരേറ്റു​മോ? അതു​കൊണ്ട്‌ നമുക്ക്‌ സ്‌നേ​ഹ​വും ക്ഷമയും സഹകര​ണ​മ​നോ​ഭാ​വ​വും ഉള്ളവരാ​യി​രി​ക്കാം. (ഗലാ. 5:22, 23, 25) ഇരിപ്പി​ടം പിടി​ച്ചു​വെ​ക്കു​ന്നതു സംബന്ധിച്ച്‌ ലഭിച്ചി​രി​ക്കുന്ന നിർദേ​ശങ്ങൾ നാം ഹൃദയ​ത്തിൽ ഉൾക്കൊ​ണ്ടി​ട്ടു​ണ്ടോ? സ്‌നേഹം “തൻകാ​ര്യം അന്വേ​ഷി​ക്കു​ന്നില്ല” എന്ന്‌ ബൈബിൾ പറയുന്നു. (1 കൊരി. 13:5) തന്റെ ശിഷ്യ​ന്മാ​രെ തിരി​ച്ച​റി​യി​ക്കുന്ന സുപ്ര​ധാന അടയാളം ഇത്തരത്തി​ലുള്ള നിസ്സ്വാർഥ സ്‌നേഹം ആയിരി​ക്കു​മെന്ന്‌ യേശു​ത​ന്നെ​യും വെളി​പ്പെ​ടു​ത്തി. (യോഹ. 13:35) മേൽപ്പ​റ​ഞ്ഞ​തു​പോ​ലെ ഇരിപ്പി​ടങ്ങൾ പിടി​ച്ചു​വെ​ക്കു​ന്നത്‌ ക്രിസ്‌തീയ സ്‌നേ​ഹ​ത്തി​ന്റെ തെളി​വാ​യി​രി​ക്കു​മോ? “ആകയാൽ മറ്റുള്ളവർ നിങ്ങൾക്കു ചെയ്യണ​മെന്ന്‌ നിങ്ങൾ ആഗ്രഹി​ക്കു​ന്ന​തൊ​ക്കെ​യും നിങ്ങൾ അവർക്കും ചെയ്യു​വിൻ” എന്ന്‌ ക്രിസ്‌തു പറഞ്ഞു. (മത്താ. 7:12) ക്രിസ്‌തീയ സ്‌നേഹം ഉള്ളവരാ​ണെ​ങ്കിൽ യേശു പറഞ്ഞ ഈ തത്ത്വത്തി​നു ചേർച്ച​യിൽ നാം പ്രവർത്തി​ക്കും.

9. കൺ​വെൻ​ഷൻ നടക്കുന്ന സ്ഥലത്തെ ആളുക​ളോട്‌ എങ്ങനെ സാക്ഷീ​ക​രി​ക്കാം?

⁹ സാക്ഷ്യം നൽകുക: അൽപ്പം ശ്രദ്ധി​ച്ചാൽ കൺ​വെൻ​ഷൻ നഗരത്തിൽവെച്ച്‌ ആളുക​ളോട്‌ സാക്ഷീ​ക​രി​ക്കാൻ നമുക്കു കഴിയും. പരിപാ​ടി​കൾക്കു​ശേഷം ഭാര്യ​യോ​ടൊത്ത്‌ ഒരു ഹോട്ട​ലിൽ പോയ സഹോ​ദരൻ തന്റെ ബാഡ്‌ജ്‌ കാണി​ച്ചിട്ട്‌ വെയ്‌റ്റ​റോട്‌ ചോദി​ച്ചു: “പലരും ഇങ്ങനെ​യൊ​രു ബാഡ്‌ജ്‌ ധരിച്ചി​രി​ക്കു​ന്നത്‌ താങ്കൾ ശ്രദ്ധി​ച്ചോ?” താൻ അത്‌ ശ്രദ്ധി​ച്ചു​വെ​ന്നും എന്തിനാണ്‌ എല്ലാവ​രും ഇത്‌ ധരിച്ചി​രി​ക്കു​ന്ന​തെന്ന്‌ ചിന്തി​ച്ചു​കൊ​ണ്ടി​രി​ക്കു​ക​യാ​യി​രു​ന്നെ​ന്നും അയാൾ പറഞ്ഞു. അത്‌ ഒരു സംഭാ​ഷ​ണ​ത്തി​ലേക്കു നയിച്ചു; സഹോ​ദരൻ അദ്ദേഹത്തെ കൺ​വെൻ​ഷനു ക്ഷണിക്കു​ക​യും ചെയ്‌തു.

10. നമ്മുടെ ആതി​ഥേ​യ​നായ യഹോ​വ​യോട്‌ നമുക്ക്‌ എങ്ങനെ കൃതജ്ഞത പ്രകടി​പ്പി​ക്കാം?

¹⁰ പ്രസം​ഗ​ങ്ങ​ളും അഭിമു​ഖ​ങ്ങ​ളും പ്രകട​ന​ങ്ങ​ളും ഒക്കെ നടത്തു​ന്നത്‌ സഹോ​ദ​ര​ങ്ങ​ളാ​ണെ​ങ്കി​ലും വാസ്‌ത​വ​ത്തിൽ ഈ ആത്മീയ വിരുന്ന്‌ നൽകു​ന്നത്‌ നമ്മുടെ സ്‌നേ​ഹ​വാ​നായ സ്വർഗീയ പിതാ​വാണ്‌. (യെശ. 65:13, 14) ഓരോ ദിവസ​വും അതിൽ സംബന്ധി​ച്ചു​കൊ​ണ്ടും അവിടെ വിളം​ബുന്ന എല്ലാ ആത്മീയ ആഹാര​വും ആസ്വദി​ച്ചു​കൊ​ണ്ടും നമ്മുടെ ആതി​ഥേ​യ​നായ യഹോ​വ​യോട്‌ നമുക്ക്‌ കൃതജ്ഞത പ്രകടി​പ്പി​ക്കാം. നിങ്ങൾ അതിന്‌ തയ്യാറാ​യി​ക്ക​ഴി​ഞ്ഞോ?

[4-ാം പേജിലെ ചതുരം]

ഡിസ്‌ട്രിക്‌റ്റ്‌ കൺ​വെൻ​ഷൻ ഓർമി​പ്പി​ക്ക​ലു​കൾ

◼ പരിപാ​ടി​യു​ടെ സമയം: മൂന്നു ദിവസ​വും രാവിലെ 9:20-നു പരിപാ​ടി തുടങ്ങു​ന്ന​താ​യി​രി​ക്കും. രാവിലെ 8:00 മണിമു​തൽ ഹാളിൽ പ്രവേ​ശി​ക്കാ​നാ​കും. സംഗീതം ആരംഭി​ക്കാൻ പോകു​ന്നു​വെന്ന അറിയി​പ്പു​ണ്ടാ​കു​മ്പോൾ എല്ലാവ​രും ഇരിപ്പി​ട​ങ്ങ​ളിൽ വന്നിരി​ക്കേ​ണ്ട​താണ്‌. അങ്ങനെ​യാ​കു​മ്പോൾ മാന്യ​മായ വിധത്തിൽ പരിപാ​ടി ആരംഭി​ക്കാ​നാ​കും. വെള്ളി​യാ​ഴ്‌ച​യും ശനിയാ​ഴ്‌ച​യും 4:55-നും ഞായറാഴ്‌ച 4 മണിക്കും പരിപാ​ടി സമാപി​ക്കും.

◼ പാർക്കിങ്‌: നമുക്ക്‌ പാർക്കിങ്‌ സ്ഥലങ്ങളു​ടെ നിയ​ന്ത്ര​ണ​മുള്ള എല്ലാ കൺ​വെൻ​ഷൻസ്ഥ​ല​ങ്ങ​ളി​ലും, പാർക്ക്‌ ചെയ്യാ​നുള്ള ഇടം ആദ്യം വരുന്ന​വർക്ക്‌ ആദ്യം എന്ന രീതി​യിൽ സൗജന്യ​മാ​യി ലഭിക്കു​ന്ന​താ​യി​രി​ക്കും. പാർക്കി​ങ്ങി​നുള്ള സ്ഥലം സാധാ​ര​ണ​ഗ​തി​യിൽ പരിമി​ത​മാ​യി​രി​ക്കു​മെ​ന്ന​തി​നാൽ, കാറു​ക​ളി​ലും മറ്റും ഒന്നോ രണ്ടോ പേർ മാത്രം യാത്ര​ചെ​യ്യു​ന്ന​തി​നു പകരം അവയിലെ സ്ഥലസൗ​ക​ര്യം പരമാ​വധി ഉപയോ​ഗ​പ്പെ​ടു​ത്തേ​ണ്ട​താണ്‌.

◼ ഇരിപ്പി​ടം പിടി​ച്ചു​വെക്കൽ: നിങ്ങ​ളോ​ടൊ​പ്പം താമസി​ക്കു​ക​യോ യാത്ര​ചെ​യ്യു​ക​യോ ചെയ്യു​ന്ന​വർക്കു​വേണ്ടി മാത്രമേ ഇരിപ്പി​ടങ്ങൾ പിടി​ച്ചു​വെ​ക്കാ​വൂ.

◼ ഉച്ചഭക്ഷണം: ഉച്ചയ്‌ക്കത്തെ ഇടവേ​ള​യിൽ ഹോട്ട​ലി​ലും മറ്റും പോയി ഭക്ഷണം കഴിക്കു​ന്ന​തി​നു പകരം ദയവായി ലഘുവായ ഉച്ചഭക്ഷണം കൂടെ കരുതുക. വലിയ പാത്ര​ങ്ങ​ളും ചില്ലു​പാ​ത്ര​ങ്ങ​ളും കൺ​വെൻ​ഷൻസ്ഥ​ലത്ത്‌ കൊണ്ടു​വ​ര​രുത്‌. കൺ​വെൻ​ഷൻ സംഘാ​ടകർ ഭക്ഷണപാ​നീ​യങ്ങൾ ലഭ്യമാ​ക്കു​ന്നതല്ല.

◼ സംഭാ​വ​നകൾ: ലോക​വ്യാ​പക വേലയ്‌ക്കു​വേണ്ടി രാജ്യ​ഹാ​ളി​ലോ കൺ​വെൻ​ഷൻസ്ഥ​ല​ത്തോ സംഭാ​വ​നകൾ ഇട്ടു​കൊണ്ട്‌ നമുക്കു കൺ​വെൻ​ഷൻ ക്രമീ​ക​ര​ണ​ങ്ങ​ളോ​ടു വിലമ​തി​പ്പു കാണി​ക്കാം. കൺ​വെൻ​ഷൻസ്ഥ​ലത്ത്‌ സംഭാ​വ​ന​യാ​യി നൽകുന്ന ചെക്കുകൾ “The Watch Tower Bible and Tract Society of India”എന്ന പേരി​ലാണ്‌ എഴു​തേ​ണ്ടത്‌.

◼ അപകട​ങ്ങ​ളും അടിയ​ന്തിര സാഹച​ര്യ​ങ്ങ​ളും: കൺ​വെൻ​ഷൻസ്ഥ​ലത്ത്‌ വൈദ്യ​സ​ഹാ​യം ആവശ്യ​മുള്ള ഒരു അടിയ​ന്തിര സാഹച​ര്യം ഉണ്ടാകു​ന്ന​പക്ഷം ദയവായി അടുത്തുള്ള ഒരു സേവകനെ സമീപി​ക്കുക. അദ്ദേഹം ഉടൻതന്നെ പ്രഥമ​ശു​ശ്രൂ​ഷാ വിഭാ​ഗത്തെ വിവര​മ​റി​യി​ക്കും. ആ വിഭാ​ഗ​ത്തി​ലുള്ള യോഗ്യ​രായ സഹോ​ദ​രങ്ങൾ സാഹച​ര്യ​ത്തി​ന്റെ ഗൗരവം വിലയി​രു​ത്തി ആവശ്യ​മായ സഹായം നൽകും.

◼ പാദര​ക്ഷകൾ: പടികൾ കയറു​മ്പോ​ഴും മറ്റും തെന്നി​വീ​ഴാൻ ഇടയാ​ക്കാ​ത്ത​തരം പാദര​ക്ഷകൾ ധരിക്കുക.

◼ ആംഗ്യ​ഭാ​ഷാ സെഷനു​കൾ: ബാംഗ്ലൂർ-3 (ഇംഗ്ലീഷ്‌), കോയ​മ്പ​ത്തൂർ (തമിഴ്‌), കൊച്ചി (മലയാളം), പൂന-ചിഞ്ച്വഡ്‌ (ഇംഗ്ലീഷ്‌) കൺ​വെൻ​ഷ​നു​ക​ളിൽ ആംഗ്യ​ഭാ​ഷാ സെഷനു​കൾ ക്രമീ​ക​രി​ച്ചി​ട്ടുണ്ട്‌.

◼ റെക്കോർഡിങ്‌: മറ്റുള്ള​വർക്കു ശല്യമു​ണ്ടാ​കാത്ത വിധത്തിൽ മാത്രമേ റെക്കോർഡിങ്‌ ചെയ്യാവൂ. റെക്കോർഡിങ്‌ ഉപകര​ണങ്ങൾ കൺ​വെൻ​ഷൻസ്ഥ​ലത്തെ വൈദ്യു​ത, ശബ്ദ സംവി​ധാ​ന​ങ്ങ​ളു​മാ​യി ഘടിപ്പി​ക്ക​രുത്‌.

◼ കുഞ്ഞു​ങ്ങളെ ഇരുത്തി​ക്കൊ​ണ്ടു​പോ​കുന്ന വണ്ടികൾ: കൺ​വെൻ​ഷൻസ്ഥ​ലത്ത്‌ ഇവ കൊണ്ടു​വ​ര​രുത്‌. മാതാ​പി​താ​ക്ക​ളു​ടെ അടുത്തു​ത​ന്നെ​യുള്ള ഇരിപ്പി​ട​ത്തിൽ സ്ഥാപി​ക്കാൻ കഴിയുന്ന, കുട്ടി​കൾക്കാ​യുള്ള പ്രത്യേക സുരക്ഷാ​സീ​റ്റു​കൾ ഉപയോ​ഗി​ക്കാ​വു​ന്ന​താണ്‌.

◼ പെർഫ്യൂം: വായു​സ​ഞ്ചാ​ര​ത്തി​നാ​യി കൃത്രിമ മാർഗങ്ങൾ ഉപയോ​ഗി​ക്കേ​ണ്ടി​വ​രുന്ന അടഞ്ഞ ഹാളു​ക​ളി​ലാ​ണു മിക്ക കൺ​വെൻ​ഷ​നു​ക​ളും നടക്കു​ന്നത്‌. അതു​കൊ​ണ്ടു​തന്നെ ആസ്‌ത്മ​യോ അലർജി​യോ ഉള്ളവർക്ക്‌ അസ്വസ്ഥത ഉളവാ​ക്കി​യേ​ക്കാ​വുന്ന രൂക്ഷഗ​ന്ധ​മുള്ള പെർഫ്യൂ​മു​ക​ളും മറ്റും അധികം ഉപയോ​ഗി​ക്കാ​തി​രു​ന്നു​കൊണ്ട്‌ മറ്റുള്ള​വ​രോ​ടു പരിഗണന കാണി​ക്കാ​നാ​കും.—1 കൊരി. 10:24.

◼ S-43 ഫാറങ്ങൾ: കൺ​വെൻ​ഷൻസ​മ​യത്ത്‌ അനൗപ​ചാ​രിക സാക്ഷീ​ക​രണം നടത്തു​മ്പോൾ ആരെങ്കി​ലും താത്‌പ​ര്യം കാണി​ക്കു​ന്നെ​ങ്കിൽ അവരെ​ക്കു​റി​ച്ചുള്ള വിവരങ്ങൾ നൽകു​ന്ന​തിന്‌ ദയവായി ബന്ധപ്പെ​ടുക (S-43) ഫാറങ്ങൾ ഉപയോ​ഗി​ക്കേ​ണ്ട​താണ്‌. കൺ​വെൻ​ഷനു വരു​മ്പോൾ പ്രസാ​ധകർ ഒന്നോ രണ്ടോ S-43 ഫാറങ്ങൾ കൂടെ​ക്ക​രു​തുക. പൂരി​പ്പി​ച്ച​ശേഷം അവ പുസ്‌ത​ക​ശാ​ല​യിൽ ഏൽപ്പി​ക്കാ​നാ​കും; അല്ലെങ്കിൽ തിരി​കെ​ച്ചെ​ന്ന​ശേഷം നിങ്ങളു​ടെ സഭാ​സെ​ക്ര​ട്ട​റി​യെ ഏൽപ്പി​ക്കാ​വു​ന്ന​താണ്‌—2005 ഫെബ്രു​വരി ലക്കം നമ്മുടെ രാജ്യ ശുശ്രൂഷ, പേജ്‌ 6 കാണുക.

◼ റെസ്റ്റൊ​റ​ന്റു​ക​ളിൽ: റെസ്റ്റൊ​റ​ന്റു​ക​ളി​ലാ​യി​രി​ക്കു​മ്പോൾ നല്ല പെരു​മാ​റ്റ​ത്താൽ യഹോ​വ​യു​ടെ നാമത്തെ മഹത്ത്വ​പ്പെ​ടു​ത്തുക. പല സ്ഥലങ്ങളി​ലും സേവന​ത്തി​ന​നു​സ​രിച്ച്‌ ടിപ്പ്‌ കൊടു​ക്കുന്ന രീതി​യുണ്ട്‌.

◼ ഹോട്ട​ലു​ക​ളിൽ: (1) വേണ്ടതി​ല​ധി​കം മുറികൾ ബുക്കു​ചെ​യ്യ​രുത്‌; അനുവ​ദി​ച്ചി​രി​ക്കു​ന്ന​തി​ലും കൂടുതൽ ആളുകൾ മുറി​യിൽ താമസി​ക്കാ​തി​രി​ക്കാൻ ശ്രദ്ധി​ക്കുക. (2) ബുക്കു​ചെയ്‌ത മുറി വേണ്ടെന്ന്‌ ഉറപ്പാ​ണെ​ങ്കിൽ എത്രയും വേഗം ഹോട്ട​ല​ധി​കൃ​തരെ അറിയി​ക്കുക. (3) ലഗ്ഗേജ്‌ കൊണ്ടു​പോ​കാ​നുള്ള ട്രോ​ളി​കൾ ലഭ്യമാ​ണെ​ങ്കിൽ പുറത്തി​റ​ങ്ങാൻ തയ്യാറാ​യി​ക്ക​ഴി​ഞ്ഞേ അതെടു​ക്കാ​വൂ, മറ്റുള്ള​വർക്ക്‌ ഉപയോ​ഗി​ക്കാൻ കഴി​യേ​ണ്ട​തിന്‌ ഉടനെ തിരി​ച്ചു​വെ​ക്കു​ക​യും ചെയ്യുക.(4)  ഹോട്ടൽമു​റി​യിൽ പാചകം അനുവ​ദ​നീ​യ​മ​ല്ലെ​ങ്കിൽ അതു ചെയ്യരുത്‌. (5) ദിവസ​വും റൂം​ബോ​യിക്ക്‌ ടിപ്പ്‌ കൊടു​ക്കുക. (6) ഹോട്ട​ലിൽ ആയിരി​ക്കു​മ്പോൾ ഉപചാ​രാർഥം ലഭിക്കുന്ന പ്രഭാ​ത​ഭ​ക്ഷ​ണ​മോ പാനീ​യ​ങ്ങ​ളോ ഐസ്‌ തുടങ്ങിയ സാധന​ങ്ങ​ളോ ദുരു​പ​യോ​ഗം ചെയ്യരുത്‌. (7) ഹോട്ടൽ ജീവന​ക്കാ​രു​മാ​യി ഇടപെ​ടു​മ്പോ​ഴെ​ല്ലാം ദൈവാ​ത്മാ​വി​ന്റെ ഫലം പ്രകടി​പ്പി​ക്കുക. ഹോട്ട​ലിൽ വരുന്ന എല്ലാവ​രെ​യും അവർക്ക്‌ തൃപ്‌തി​പ്പെ​ടു​ത്തേ​ണ്ട​തു​ണ്ടെന്ന കാര്യം മനസ്സിൽപി​ടി​ച്ചു​കൊണ്ട്‌ ക്ഷമയും പരിഗ​ണ​ന​യും കാണി​ക്കുക. (8) ശുപാർശ ചെയ്യ​പ്പെ​ടുന്ന ലോഡ്‌ജു​ക​ളു​ടെ പട്ടിക​യിൽ കാണി​ച്ചി​രി​ക്കുന്ന നിരക്ക്‌, നികുതി ഒഴി​കെ​യുള്ള ഒരു ദിവസത്തെ ചാർജാണ്‌. നിങ്ങൾ ആവശ്യ​പ്പെ​ടാ​ത്ത​തോ ഉപയോ​ഗി​ക്കാ​ത്ത​തോ ആയ എന്തെങ്കി​ലും ബില്ലിൽ ഉൾപ്പെ​ടു​ത്തി​യി​ട്ടു​ണ്ടെ​ങ്കിൽ അവ ഒഴിവാ​ക്കി​യേ പണം കൊടു​ക്കാ​വൂ, തുടർന്ന്‌ കൺ​വെൻ​ഷൻസ്ഥ​ല​ത്തുള്ള താമസ​സൗ​കര്യ ഡിപ്പാർട്ടു​മെ​ന്റി​നെ എത്രയും പെട്ടെന്ന്‌ വിവര​മ​റി​യി​ക്കുക. (9)  ഹോട്ടൽമു​റി​യോ​ടുള്ള ബന്ധത്തിൽ എന്തെങ്കി​ലും പ്രശ്‌ന​മു​ണ്ടാ​കു​ന്ന​പക്ഷം അക്കാര്യം കൺ​വെൻ​ഷൻസ്ഥ​ല​ത്തു​വെ​ച്ചു​തന്നെ റൂമിങ്‌ ഡിപ്പാർട്ടു​മെ​ന്റി​നെ അറിയി​ക്കുക.