കൺ​വെൻ​ഷ​നു​കൾ—ആനന്ദ​ത്തോ​ടെ യഹോ​വയെ ആരാധി​ക്കാ​നുള്ള വേളകൾ

1. ഇസ്രാ​യേ​ലി​ലെ ഉത്സവങ്ങ​ളെ​പ്പോ​ലെ ഇന്നത്തെ കൺ​വെൻ​ഷ​നു​കൾ എന്തിനുള്ള അവസരം നൽകുന്നു?

¹ വാർഷിക ഉത്സവങ്ങ​ളിൽ പങ്കെടു​ക്കാ​നാ​യി യോ​സേ​ഫും മറിയ​യും മക്കളോ​ടൊ​പ്പം പതിവാ​യി യെരു​ശ​ലേ​മിൽ പോയി​രു​ന്നു. ഈ അവസര​ങ്ങ​ളിൽ അവരും സഹാരാ​ധ​ക​രും അവരുടെ ജീവി​തോ​ത്‌ക​ണ്‌ഠകൾ മാറ്റി​വെച്ച്‌ പ്രാധാ​ന്യ​മേ​റിയ ആത്മീയ വിഷയ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ച്ചി​രു​ന്നു. യഹോ​വ​യു​ടെ നന്മയെ​യും അവന്റെ ന്യായ​പ്ര​മാ​ണ​ത്തെ​യും കുറിച്ച്‌ ചിന്തി​ക്കാ​നും സംസാ​രി​ക്കാ​നും ഈ ഉത്സവങ്ങൾ അവസര​മൊ​രു​ക്കി. വരാനി​രി​ക്കുന്ന ഡിസ്‌ട്രി​ക്‌റ്റ്‌ കൺ​വെൻ​ഷൻ യഹോ​വ​യ്‌ക്ക്‌ സന്തോ​ഷ​ത്തോ​ടെ ആരാധന അർപ്പി​ക്കാൻ നമുക്കും അവസര​മേ​കും.

2. വരാനി​രി​ക്കുന്ന കൺ​വെൻ​ഷ​നിൽ സംബന്ധി​ക്കാൻ എന്തെല്ലാം തയ്യാ​റെ​ടു​പ്പു​കൾ നടത്തേ​ണ്ട​തു​ണ്ടാ​യി​രി​ക്കാം?

² തയ്യാ​റെ​ടുപ്പ്‌ അനിവാ​ര്യം: നസറെ​ത്തിൽനിന്ന്‌ യെരു​ശ​ലേ​മി​ലേ​ക്കും തിരി​ച്ചു​മാ​യി ഏകദേശം 200 കിലോ​മീ​റ്റർ കാൽന​ട​യാ​യി യാത്ര ചെയ്‌താണ്‌ യേശു​വി​ന്റെ കുടും​ബം വാർഷിക ഉത്സവങ്ങ​ളിൽ പങ്കെടു​ത്തി​രു​ന്നത്‌. മറിയ​യ്‌ക്കും യോ​സേ​ഫി​നും എത്ര മക്കൾ ഉണ്ടായി​രു​ന്നെന്ന്‌ നമുക്ക്‌ അറിയി​ല്ലെ​ങ്കി​ലും മുഴു​കു​ടും​ബ​വു​മൊത്ത്‌ ഉത്സവങ്ങൾക്കു പോകാൻ അവർക്ക്‌ നല്ല തയ്യാ​റെ​ടു​പ്പു വേണമാ​യി​രു​ന്നു എന്നതിനു സംശയ​മില്ല. വരാനി​രി​ക്കുന്ന ഡിസ്‌ട്രി​ക്‌റ്റ്‌ കൺ​വെൻ​ഷന്റെ മൂന്നു ദിവസത്തെ പരിപാ​ടി​ക​ളി​ലും സംബന്ധി​ക്കാൻ നിങ്ങൾ ആവശ്യ​മായ തയ്യാ​റെ​ടു​പ്പു​കൾ നടത്തി​യി​ട്ടു​ണ്ടോ? അവധി​യെ​ടു​ക്കു​ന്ന​തി​നെ​പ്പറ്റി ഒരുപക്ഷേ നിങ്ങളു​ടെ തൊഴി​ലു​ട​മ​യോ​ടോ കുട്ടി​യു​ടെ അധ്യാ​പ​ക​രോ​ടോ മുൻകൂ​ട്ടി സംസാ​രി​ക്കേ​ണ്ട​തു​ണ്ടാ​യി​രി​ക്കാം. ഹോട്ട​ലി​ലോ മറ്റോ മുറി​യെ​ടു​ക്കേ​ണ്ട​തു​ണ്ടെ​ങ്കിൽ അതിനു​വേണ്ട ക്രമീ​ക​ര​ണങ്ങൾ ചെയ്‌തി​ട്ടു​ണ്ടോ? കൺ​വെൻ​ഷ​നിൽ സംബന്ധി​ക്കാൻ പ്രത്യേക സഹായം ആവശ്യ​മുള്ള ആരെങ്കി​ലും സഭയിൽ ഉണ്ടെങ്കിൽ മുൻകൈ എടുത്തു പ്രവർത്തി​ക്കാൻ നിങ്ങൾക്കാ​കു​മോ?—1 യോഹ. 3:17, 18.

3. ഇസ്രാ​യേ​ലി​ലെ ഉത്സവങ്ങൾ ആത്മീയ സഹവാ​സ​ത്തി​നുള്ള അവസരങ്ങൾ പ്രദാനം ചെയ്‌തത്‌ ഏതുവി​ധ​ത്തിൽ?

³ ആത്മീയാ​ഭി​വൃ​ദ്ധി വരുത്തുന്ന സഹവാസം: ആത്മീയാ​ഭി​വൃ​ദ്ധി​ക്കുള്ള എത്ര നല്ല അവസര​മാണ്‌ സഹാരാ​ധ​ക​രു​മാ​യുള്ള അത്തരം കൂടി​വ​ര​വു​കൾ യഹൂദ ജനതയ്‌ക്ക്‌ നൽകി​യത്‌! ദീർഘ​കാല സുഹൃ​ത്തു​ക്ക​ളു​മാ​യി വീണ്ടും ഒത്തുകൂ​ടാ​നുള്ള ആ വേളകൾക്കാ​യി യേശു​വി​ന്റെ കുടും​ബം നോക്കി​പ്പാർത്തി​രു​ന്നു​കാ​ണണം. ആ കൂടി​വ​ര​വു​ക​ളും യാത്ര​ക​ളും, യഹൂദ​രും യഹൂദ​മ​ത​പ​രി​വർത്തി​ത​രു​മായ യഹോ​വ​യു​ടെ ആരാധ​കർക്കി​ട​യിൽനിന്ന്‌ പുതിയ സുഹൃ​ത്തു​ക്കളെ സമ്പാദി​ക്കാ​നുള്ള അവസര​വും അവർക്കു നൽകി​യി​രു​ന്നു.

4. നമ്മുടെ ക്രിസ്‌തീയ സഹോ​ദ​ര​വർഗത്തെ നാം വിലമ​തി​ക്കു​ന്നു​വെന്ന്‌ നമുക്ക്‌ എങ്ങനെ കാണി​ക്കാം?

⁴ കൺ​വെൻ​ഷൻ പരിപാ​ടി​ക​ളി​ലൂ​ടെ ലഭിക്കുന്ന വിവരങ്ങൾ അച്ചടി​ച്ച​രൂ​പ​ത്തിൽ നമുക്ക്‌ നൽകു​ന്ന​തി​നു​പ​കരം അടിമ​വർഗം എന്തു​കൊ​ണ്ടാണ്‌ ഇത്തരം കൂടി​വ​ര​വു​കൾ ക്രമീ​ക​രി​ക്കു​ന്നത്‌? അന്യോ​ന്യം പ്രോ​ത്സാ​ഹി​പ്പി​ക്കാൻ അത്‌ അവസര​മേ​കു​ന്നു എന്നതാണ്‌ ഒരു കാരണം. (എബ്രാ. 10:24, 25) അതു​കൊണ്ട്‌, സംഗീതം ആരംഭി​ക്കു​ന്ന​തി​നു​മു​മ്പു​തന്നെ കൺ​വെൻ​ഷൻ സ്ഥലത്ത്‌ എത്തി​ച്ചേ​രാ​നും അങ്ങനെ വില​യേ​റിയ സഹവാസം ആസ്വദി​ക്കാ​നും പ്രത്യേ​കം ശ്രമം ചെയ്യുക. ആഹാരം കഴിക്കാൻവേണ്ടി പുറത്തു​പോ​കു​ന്നത്‌ ഒഴിവാ​ക്കാൻ എന്തെങ്കി​ലും ലഘുഭ​ക്ഷണം കൂടെ​ക്ക​രു​തുക. അങ്ങനെ​യാ​കു​മ്പോൾ സഹോ​ദ​ര​ങ്ങളെ കാണാ​നും സംസാ​രി​ക്കാ​നും നമുക്ക്‌ അവസരം ലഭിക്കും. യഹോ​വ​യിൽനി​ന്നുള്ള ഒരു വിശിഷ്ട സമ്മാന​മാണ്‌ നമ്മുടെ സഹോ​ദ​ര​വർഗം; നമുക്ക്‌ ഒരിക്ക​ലും അതിനെ നിസ്സാ​ര​മാ​യി കാണാ​തി​രി​ക്കാം.—മീഖാ 2:12.

5. പരിപാ​ടി​യിൽനിന്ന്‌ പൂർണ​പ്ര​യോ​ജനം നേടാൻ നമുക്ക്‌ എന്തു ചെയ്യാ​നാ​കും?

⁵ പഠിക്കാ​നുള്ള ഒരു അവസരം: യേശു​വി​നെ സംബന്ധി​ച്ചി​ട​ത്തോ​ളം, നന്നേ ചെറു​പ്പം​മു​തൽതന്നെ തന്റെ സ്വർഗീയ പിതാ​വി​നെ​ക്കു​റി​ച്ചു പഠിക്കാ​നുള്ള വില​യേ​റിയ അവസര​ങ്ങ​ളാ​യി​രു​ന്നു വാർഷിക ഉത്സവങ്ങൾ. (ലൂക്കോ. 2:41-49) കൺ​വെൻ​ഷൻ പരിപാ​ടി​യിൽനിന്ന്‌ പൂർണ​മാ​യി പ്രയോ​ജനം നേടാൻ നമുക്കും കുടും​ബ​ത്തി​നും എന്തു ചെയ്യാ​നാ​കും? പരിപാ​ടി​കൾ നടക്കുന്ന സമയത്ത്‌ ഇരിപ്പി​ട​ങ്ങ​ളിൽത്തന്നെ ആയിരി​ക്കാ​നും അനാവ​ശ്യ​മാ​യി സംസാ​രി​ക്കാ​തി​രി​ക്കാ​നും പ്രത്യേ​കം ശ്രദ്ധി​ക്കുക. മൊ​ബൈ​ലോ പേജറോ പോലുള്ള ഉപകര​ണങ്ങൾ നിങ്ങളു​ടെ​യും മറ്റുള്ള​വ​രു​ടെ​യും ശ്രദ്ധപ​ത​റാൻ ഇടയാ​ക്ക​രുത്‌. പ്രസം​ഗ​ക​നിൽത്തന്നെ ശ്രദ്ധ​കേ​ന്ദ്രീ​ക​രി​ക്കുക; കുറി​പ്പു​ക​ളെ​ടു​ക്കുക. കുട്ടി​ക​ളും പരിപാ​ടി​കൾ ശ്രദ്ധി​ക്കു​ന്നു​ണ്ടെന്ന്‌ ഉറപ്പാ​ക്കാൻ കുടും​ബം ഒരുമി​ച്ചു​ത​ന്നെ​യി​രി​ക്കുക. കൺ​വെൻ​ഷൻ പരിപാ​ടി​യിൽ നിങ്ങൾക്ക്‌ ഇഷ്ടപ്പെട്ട ആശയങ്ങൾ ചർച്ച ചെയ്യാൻ വൈകിട്ട്‌ സമയം കണ്ടെത്തുക.

6. വസ്‌ത്ര​ധാ​ര​ണ​വും ചമയവും സംബന്ധിച്ച്‌ നാം എന്തു ശ്രദ്ധി​ക്കണം?

⁶ വസ്‌ത്ര​ധാ​ര​ണ​വും ചമയവും: റോഡി​ലൂ​ടെ യാത്ര ചെയ്യുന്ന വിദേശ വ്യാപാ​രി​കൾക്ക്‌ യെരു​ശ​ലേ​മി​ലെ ഉത്സവത്തിന്‌ പോയി​വ​രുന്ന യഹോ​വ​യു​ടെ ആരാധ​കരെ അവരുടെ വസ്‌ത്ര​ത്താൽ തിരി​ച്ച​റി​യാൻ കഴിഞ്ഞി​രു​ന്നു; അവരുടെ വസ്‌ത്ര​ത്തി​ന്റെ വിളു​മ്പു​ക​ളിൽ തൊങ്ങ​ലു​കൾ പിടി​പ്പി​ച്ചി​രു​ന്നു, തൊങ്ങ​ലു​ക​ളിൽ നീലച്ച​ര​ടും കെട്ടി​യി​രു​ന്നു. (സംഖ്യാ. 15:37-41) ഇന്ന്‌ സത്യാ​രാ​ധ​കർക്ക്‌ അവരെ തിരി​ച്ച​റി​യി​ക്കുന്ന പ്രത്യേക വസ്‌ത്ര​ങ്ങ​ളി​ല്ലെ​ങ്കി​ലും വൃത്തി​യു​ള്ള​തും മാന്യ​വു​മായ വസ്‌ത്രങ്ങൾ ധരിക്കാൻ അവർ ശ്രദ്ധി​ക്കു​ന്നു. കൺ​വെൻ​ഷനു പോകു​മ്പോ​ഴും വരു​മ്പോ​ഴു​മെ​ല്ലാം വസ്‌ത്ര​ധാ​ര​ണ​ത്തി​നു നാം പ്രത്യേക ശ്രദ്ധ നൽകണം. പരിപാ​ടി​കൾക്കു​ശേഷം ഭക്ഷണം കഴിക്കാ​നും മറ്റുമാ​യി പുറത്തു​പോ​കു​മ്പോ​ഴും നമ്മുടെ വസ്‌ത്ര​ധാ​രണം മാന്യ​മാ​യി​രി​ക്കണം; അതു​പോ​ലെ കൺ​വെൻ​ഷൻ ബാഡ്‌ജ്‌ ധരിക്കാ​നും നാം മറക്കരുത്‌. അങ്ങനെ അവിശ്വാ​സി​ക​ളിൽനി​ന്നു വ്യത്യ​സ്‌ത​രാണ്‌ നാം എന്ന്‌ കാഴ്‌ച​ക്കാർക്കു മനസ്സി​ലാ​കും; അത്‌ അവരിൽ മതിപ്പു​ള​വാ​ക്കു​ക​യും ചെയ്യും.

7. കൺ​വെൻ​ഷ​നോ​ടു ബന്ധപ്പെട്ട സ്വമേ​ധാ​സേ​വ​ന​ത്തി​നാ​യി നാം മുന്നോ​ട്ടു​വ​രേ​ണ്ടത്‌ എന്തു​കൊണ്ട്‌?

⁷ സ്വമേ​ധാ​സേ​വ​കരെ ആവശ്യ​മുണ്ട്‌: കൺ​വെൻ​ഷന്റെ സുഗമ​മായ നടത്തി​പ്പിന്‌ നിരവധി സേവക​രു​ടെ ആവശ്യ​മുണ്ട്‌. സ്വമേ​ധാ​സേ​വ​ന​ത്തി​നു നിങ്ങൾ മുന്നോ​ട്ടു​വ​രു​മോ? (സങ്കീ. 110:3) കൺ​വെൻ​ഷ​നോ​ടു ബന്ധപ്പെട്ട്‌ നാം ചെയ്യുന്ന കാര്യങ്ങൾ നമ്മുടെ വിശുദ്ധ സേവന​ത്തി​ന്റെ ഭാഗമാണ്‌; നല്ല സാക്ഷ്യം നൽകാ​നും അത്‌ ഉതകും. കൺ​വെൻ​ഷൻ ഹാൾ വൃത്തി​യാ​ക്കാൻ സ്വമേ​ധാ​സേ​വകർ ചെയ്‌ത ശ്രമത്തെ വിലമ​തി​ച്ചു​കൊണ്ട്‌ ഹാളിന്റെ മാനേജർ ഇപ്രകാ​രം എഴുതി: “ഇതിനു​മുമ്പ്‌ ഇങ്ങനെ​യൊ​രു പരിപാ​ടി ഈ ഹാളിൽ നടന്നി​ട്ടില്ല. അതിന്‌ ഞാൻ നിങ്ങ​ളോ​ടു നന്ദി പറയുന്നു. യഹോ​വ​യു​ടെ സാക്ഷി​കൾക്ക്‌ ഞങ്ങളുടെ ഇടയിൽ വളരെ നല്ല പേരാ​ണു​ള്ളത്‌; കൊടു​ക്കു​ന്ന​തി​നെ​ക്കാൾ ഭംഗി​യാ​യി​ട്ടാണ്‌ അവർ ഹാൾ ഞങ്ങൾക്ക്‌ തിരി​ച്ചു​ത​രു​ന്നത്‌. നിങ്ങളും നിങ്ങളു​ടെ സംഘട​ന​യും ഈ ഹാളിന്റെ മാറ്റു​കൂ​ട്ടി​യി​രി​ക്കു​ന്നു. ഇത്ര നല്ല ആളുകളെ ഞങ്ങൾ ഇതിനു​മുമ്പ്‌ ഒരിക്ക​ലും പരിച​യ​പ്പെ​ട്ടി​ട്ടില്ല.”

8. കൺ​വെൻ​ഷ​നോ​ടു ബന്ധപ്പെട്ട്‌ സാക്ഷീ​ക​ര​ണ​ത്തി​നുള്ള എന്ത്‌ അവസരം നമുക്കുണ്ട്‌?

⁸ സാക്ഷീ​ക​രി​ക്കാ​നുള്ള അവസരങ്ങൾ: മാന്യ​മായ വസ്‌ത്ര​ധാ​രണം നടത്തി, കൺ​വെൻ​ഷൻ ബാഡ്‌ജും ധരിച്ച്‌ നടക്കുന്ന ആളുകളെ കാണു​മ്പോൾ സ്വാഭാ​വി​ക​മാ​യും കാഴ്‌ച​ക്കാർക്ക്‌ അവർ ആരാണ്‌ എന്ന്‌ അറിയാൻ ജിജ്ഞാ​സ​യു​ണ്ടാ​കും. ഇത്‌ കൺ​വെൻ​ഷ​നെ​ക്കു​റിച്ച്‌ അവരോ​ടു പറയാൻ നമുക്ക്‌ അവസരം നൽകും. ഒരിക്കൽ ഒരു നാലു​വ​യ​സ്സു​കാ​രൻ, പുതു​താ​യി പ്രകാ​ശനം ചെയ്‌ത ഒരു പ്രസി​ദ്ധീ​ക​രണം റസ്റ്ററന്റി​ലെ വെയ്‌ട്ര​സ്സി​നെ കാണിച്ചു. ഇത്‌ ആ സ്‌ത്രീ​യെ കൺ​വെൻ​ഷനു ക്ഷണിക്കാൻ കുട്ടി​യു​ടെ മാതാ​പി​താ​ക്കൾക്ക്‌ അവസര​മൊ​രു​ക്കി.

9. നമ്മുടെ സഹോ​ദ​ര​ങ്ങ​ളു​ടെ നല്ല പെരു​മാ​റ്റ​ത്തെ​ക്കു​റിച്ച്‌ ചില ഹോട്ടൽ ജീവന​ക്കാർ എന്ത്‌ അഭി​പ്രാ​യങ്ങൾ പറഞ്ഞി​ട്ടുണ്ട്‌?

⁹ സത്‌പ്ര​വൃ​ത്തി​കൾ: ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളോ​ടു ബന്ധപ്പെട്ട്‌ നാം ചെയ്യാ​റുള്ള “സത്‌പ്ര​വൃ​ത്തി​കൾ” പലപ്പോ​ഴും മറ്റുള്ള​വ​രു​ടെ ശ്രദ്ധയിൽപ്പെ​ടാ​റുണ്ട്‌. (1 തിമൊ. 5:25) വർഷങ്ങ​ളാ​യി യഹോ​വ​യു​ടെ സാക്ഷികൾ കൺ​വെൻ​ഷൻ നടത്താ​റുള്ള ഒരു ഉത്തരേ​ന്ത്യൻ നഗരത്തി​ലെ ഒരു ഹോട്ടൽ മാനേജർ ഇപ്രകാ​രം പറഞ്ഞു: “നിങ്ങളു​ടെ പെരു​മാ​റ്റം ഞങ്ങളെ വല്ലാതെ ആകർഷി​ച്ചു. കണ്ടിട​ത്തെ​ല്ലാം തുപ്പു​ക​യും ചപ്പുച​വ​റു​കൾ ഇടുക​യും ചെയ്‌തു​കൊണ്ട്‌ ആളുകൾ പലപ്പോ​ഴും ഞങ്ങൾക്ക്‌ തലവേദന സൃഷ്ടി​ക്കാ​റുണ്ട്‌. പക്ഷേ നിങ്ങൾ എത്ര മാന്യ​മാ​യാണ്‌ പെരു​മാ​റു​ന്നത്‌!” പൊതു​വെ താമസ​ക്കാർ ഉണ്ടാക്കി​വെ​ക്കാ​റുള്ള പ്രശ്‌ന​ങ്ങ​ളെ​ക്കു​റി​ച്ചു പറഞ്ഞ​ശേഷം മറ്റൊരു നഗരത്തി​ലെ ഹോട്ടൽ മാനേജർ നമ്മുടെ സഹോ​ദ​ര​ങ്ങ​ളു​ടെ ക്ഷമയെ​യും സഹകര​ണ​മ​നോ​ഭാ​വ​ത്തെ​യും അഭിന​ന്ദി​ച്ചു​സം​സാ​രി​ക്കു​ക​യു​ണ്ടാ​യി. “ഞങ്ങളുടെ ഹോട്ട​ലി​ലെ താമസ​ക്കാ​രെ​ല്ലാം യഹോ​വ​യു​ടെ സാക്ഷി​ക​ളെ​പ്പോ​ലെ ആയിരു​ന്നെ​ങ്കിൽ!” എന്ന്‌ അദ്ദേഹം അഭി​പ്രാ​യ​പ്പെട്ടു. നമ്മുടെ സഹോ​ദ​ര​ങ്ങ​ളു​ടെ ഇത്തരത്തി​ലുള്ള നല്ല പെരു​മാ​റ്റം തീർച്ച​യാ​യും നമ്മുടെ ദൈവ​മായ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ന്നുണ്ട്‌ എന്നതിൽ സംശയ​മില്ല!

10. യഹോ​വ​യു​ടെ ആത്മീയ കരുത​ലി​നോട്‌ യേശു​വി​ന്റെ കുടും​ബം കാണിച്ച വിലമ​തിപ്പ്‌ നമുക്ക്‌ എങ്ങനെ പകർത്താം?

¹⁰ കഴിഞ്ഞ​കാ​ലത്ത്‌, ആത്മീയ മനസ്‌ക​രായ യഹൂദ​ന്മാ​രെ സംബന്ധി​ച്ചി​ട​ത്തോ​ളം സന്തോഷം നിറഞ്ഞ വേളക​ളാ​യി​രു​ന്നു അവരുടെ ഉത്സവങ്ങൾ; അതിനാ​യി അവർ കാത്തു​കാ​ത്തി​രി​ക്കു​മാ​യി​രു​ന്നു. (ആവ. 16:15) ആ ഉത്സവങ്ങ​ളിൽ പങ്കെടു​ക്കാ​നും അവയിൽനിന്ന്‌ പൂർണ​പ്ര​യോ​ജനം അനുഭ​വി​ക്കാ​നു​മാ​യി എന്തു ത്യാഗങ്ങൾ ചെയ്യാ​നും യേശു​വി​ന്റെ കുടും​ബ​ത്തി​നു സന്തോ​ഷമേ ഉണ്ടായി​രു​ന്നു​ള്ളൂ. ഇന്നത്തെ കൺ​വെൻ​ഷ​നു​ക​ളോട്‌ നമുക്കും അതേ വിലമ​തി​പ്പാ​ണു​ള്ളത്‌. സ്‌നേ​ഹ​നി​ധി​യായ നമ്മുടെ സ്വർഗീയ പിതാ​വിൽനി​ന്നുള്ള വിശിഷ്ട ദാനമാണ്‌ ഈ ക്രമീ​ക​രണം. (യാക്കോ. 1:17) യഹോ​വയെ ആരാധി​ക്കാ​നുള്ള ഈ മഹത്തായ അവസര​ത്തി​നാ​യി നമുക്ക്‌ ഇപ്പോൾത്തന്നെ തയ്യാ​റെ​ടു​പ്പു​കൾ തുടങ്ങാം!

[5, 6 പേജു​ക​ളിൽ ചതുരം]

ഡിസ്‌ട്രിക്‌റ്റ്‌ കൺ​വെൻ​ഷൻ ഓർമി​പ്പി​ക്ക​ലു​കൾ

◼ പരിപാ​ടി​യു​ടെ സമയം: മൂന്നു​ദി​വ​സ​വും രാവിലെ 9:20-നു പരിപാ​ടി തുടങ്ങു​ന്ന​താ​യി​രി​ക്കും. രാവിലെ 8:00 മണിമു​തൽ ഹാളിൽ പ്രവേ​ശി​ക്കാ​നാ​കും. സംഗീതം ആരംഭി​ക്കാൻ പോകു​ന്നു​വെന്ന അറിയി​പ്പു​ണ്ടാ​കു​മ്പോൾ എല്ലാവ​രും ഇരിപ്പി​ട​ങ്ങ​ളിൽ വന്നിരി​ക്കേ​ണ്ട​താണ്‌. അങ്ങനെ​യാ​കു​മ്പോൾ മാന്യ​മായ വിധത്തിൽ പരിപാ​ടി ആരംഭി​ക്കാ​നാ​കും. വെള്ളി​യാ​ഴ്‌ച​യും ശനിയാ​ഴ്‌ച​യും 4:55-നും ഞായറാഴ്‌ച 3:40-നും പരിപാ​ടി സമാപി​ക്കും.

◼ പാർക്കിങ്‌: നമുക്ക്‌ പാർക്കിങ്‌ സ്ഥലങ്ങളു​ടെ നിയ​ന്ത്ര​ണ​മുള്ള എല്ലാ കൺ​വെൻ​ഷൻസ്ഥ​ല​ങ്ങ​ളി​ലും, പാർക്ക്‌ ചെയ്യാ​നുള്ള ഇടം ആദ്യം വരുന്ന​വർക്ക്‌ ആദ്യം എന്ന രീതി​യിൽ സൗജന്യ​മാ​യി ലഭിക്കു​ന്ന​താ​യി​രി​ക്കും. പാർക്കി​ങ്ങി​നുള്ള സ്ഥലം സാധാ​ര​ണ​ഗ​തി​യിൽ പരിമി​ത​മാ​യി​രി​ക്കു​മെ​ന്ന​തി​നാൽ, കാറു​ക​ളി​ലും മറ്റും ഒന്നോ രണ്ടോ പേർമാ​ത്രം യാത്ര ചെയ്യു​ന്ന​തി​നു​പ​കരം അവയിലെ സ്ഥലസൗ​ക​ര്യം പരമാ​വധി ഉപയോ​ഗ​പ്പെ​ടു​ത്തേ​ണ്ട​താണ്‌.

◼ ഇരിപ്പി​ടം പിടി​ച്ചു​വെക്കൽ: നിങ്ങ​ളോ​ടൊ​പ്പം താമസി​ക്കു​ക​യോ യാത്ര​ചെ​യ്യു​ക​യോ ചെയ്യു​ന്ന​വർക്കു​വേ​ണ്ടി​യും നിങ്ങൾ ഇപ്പോൾ അധ്യയനം എടുക്കു​ന്ന​വർക്കു​വേ​ണ്ടി​യും മാത്രമേ ഇരിപ്പി​ടങ്ങൾ പിടി​ച്ചു​വെ​ക്കാ​വൂ.—1 കൊരി. 13:5.

◼ ഉച്ചഭക്ഷണം: ഉച്ചയ്‌ക്കത്തെ ഇടവേ​ള​യിൽ ഹോട്ട​ലി​ലും മറ്റും പോയി ഭക്ഷണം കഴിക്കു​ന്ന​തി​നു പകരം ദയവായി ലഘുവായ ഉച്ചഭക്ഷണം കൂടെ കരുതുക. ഇരിപ്പി​ട​ത്തി​ന​ടി​യിൽ വെക്കാ​വു​ന്ന​തരം സഞ്ചിയും മറ്റും ഭക്ഷണം കൊണ്ടു​വ​രാൻ ഉപയോ​ഗി​ക്കാ​മെ​ങ്കി​ലും വലിയ പാത്ര​ങ്ങ​ളും ചില്ലു​പാ​ത്ര​ങ്ങ​ളും കൺ​വെൻ​ഷൻസ്ഥ​ലത്ത്‌ കൊണ്ടു​വ​ര​രുത്‌. കൺ​വെൻ​ഷൻ സംഘാ​ടകർ ഭക്ഷണപാ​നീ​യങ്ങൾ ലഭ്യമാ​ക്കു​ന്നതല്ല.

◼ സംഭാ​വ​നകൾ: ലോക​വ്യാ​പക വേലയ്‌ക്കു​വേണ്ടി രാജ്യ​ഹാ​ളി​ലോ കൺ​വെൻ​ഷൻസ്ഥ​ല​ത്തോ സംഭാ​വ​നകൾ ഇട്ടു​കൊണ്ട്‌ നമുക്കു കൺ​വെൻ​ഷൻ ക്രമീ​ക​ര​ണ​ങ്ങ​ളോ​ടു വിലമ​തി​പ്പു കാണി​ക്കാം. കൺ​വെൻ​ഷൻസ്ഥ​ലത്ത്‌ സംഭാ​വ​ന​യാ​യി നൽകുന്ന ചെക്കുകൾ “The Watch Tower Bible and Tract Society of India” എന്ന പേരി​ലാണ്‌ എഴു​തേ​ണ്ടത്‌.

◼ അപകട​ങ്ങ​ളും അടിയ​ന്തിര സാഹച​ര്യ​ങ്ങ​ളും: കൺ​വെൻ​ഷൻസ്ഥ​ലത്ത്‌ വൈദ്യ​സ​ഹാ​യം ആവശ്യ​മുള്ള ഒരു അടിയ​ന്തിര സാഹച​ര്യം ഉണ്ടാകു​ന്ന​പക്ഷം ദയവായി അടുത്തുള്ള ഒരു സേവകനെ സമീപി​ക്കുക. അദ്ദേഹം ഉടൻതന്നെ പ്രഥമ​ശു​ശ്രൂ​ഷാ വിഭാ​ഗത്തെ വിവര​മ​റി​യി​ക്കും. ആ വിഭാ​ഗ​ത്തി​ലുള്ള യോഗ്യ​രായ സഹോ​ദ​രങ്ങൾ സാഹച​ര്യ​ത്തി​ന്റെ ഗൗരവം വിലയി​രു​ത്തി ആവശ്യ​മായ സഹായം നൽകും.

◼ പാദര​ക്ഷകൾ: പടികൾ കയറു​മ്പോ​ഴും മറ്റും തെന്നി​വീ​ഴാൻ ഇടയാ​ക്കാ​ത്ത​തരം പാദര​ക്ഷകൾ ധരിക്കുക. എല്ലാ വർഷവും ആരെങ്കി​ലു​മൊ​ക്കെ വീണു പരി​ക്കേൽക്കാ​റുണ്ട്‌.

◼ ആംഗ്യ​ഭാ​ഷാ സെഷനു​കൾ: ബാംഗ്ലൂർ (ഇംഗ്ലീഷ്‌), കോയ​മ്പ​ത്തൂർ (തമിഴ്‌), കൊച്ചി-2 (മലയാളം), പൂന-ചിഞ്ച്വഡ്‌ (ഇംഗ്ലീഷ്‌) കൺ​വെൻ​ഷ​നു​ക​ളിൽ ആംഗ്യ​ഭാ​ഷാ സെഷനു​കൾ ക്രമീ​ക​രി​ച്ചി​ട്ടുണ്ട്‌.

◼ റെക്കോർഡിങ്‌: മറ്റുള്ള​വർക്കു ശല്യമു​ണ്ടാ​കാത്ത വിധത്തിൽ മാത്രമേ റെക്കോർഡിങ്‌ ചെയ്യാവൂ. റെക്കോർഡിങ്‌ ഉപകര​ണങ്ങൾ കൺ​വെൻ​ഷൻസ്ഥ​ലത്തെ വൈദ്യു​ത, ശബ്ദ സംവി​ധാ​ന​ങ്ങ​ളു​മാ​യി ഘടിപ്പി​ക്ക​രുത്‌.

◼ കുഞ്ഞു​ങ്ങളെ ഇരുത്തി​ക്കൊ​ണ്ടു​പോ​കുന്ന വണ്ടിക​ളും ചാരു​ക​സേ​ര​ക​ളും: കൺ​വെൻ​ഷൻസ്ഥ​ലത്ത്‌ ഇവ കൊണ്ടു​വ​ര​രുത്‌. മാതാ​പി​താ​ക്ക​ളു​ടെ അടുത്തു​ത​ന്നെ​യുള്ള ഇരിപ്പി​ട​ത്തിൽ സ്ഥാപി​ക്കാൻ കഴിയുന്ന, കുട്ടി​കൾക്കാ​യുള്ള പ്രത്യേക സുരക്ഷാ​സീ​റ്റു​കൾ ഉപയോ​ഗി​ക്കാ​വു​ന്ന​താണ്‌.

◼ പെർഫ്യൂം: വായു​സ​ഞ്ചാ​ര​ത്തി​നാ​യി കൃത്രിമ മാർഗങ്ങൾ ഉപയോ​ഗി​ക്കേ​ണ്ടി​വ​രുന്ന അടഞ്ഞ ഹാളു​ക​ളി​ലാ​ണു മിക്ക കൺ​വെൻ​ഷ​നു​ക​ളും നടക്കു​ന്നത്‌. അതു​കൊ​ണ്ടു​തന്നെ ആസ്‌ത്‌മ​യോ അലർജി​യോ ഉള്ളവർക്ക്‌ അസ്വസ്ഥത ഉളവാ​ക്കി​യേ​ക്കാ​വുന്ന രൂക്ഷഗ​ന്ധ​മുള്ള പെർഫ്യൂ​മു​ക​ളും മറ്റും അധികം ഉപയോ​ഗി​ക്കാ​തി​രു​ന്നു​കൊണ്ട്‌ മറ്റുള്ള​വ​രോ​ടു പരിഗണന കാണി​ക്കാ​നാ​കും.—1 കൊരി. 10:24.

◼ S-43 ഫാറങ്ങൾ: കൺ​വെൻ​ഷൻസ​മ​യത്ത്‌ അനൗപ​ചാ​രിക സാക്ഷീ​ക​രണം നടത്തു​മ്പോൾ ആരെങ്കി​ലും താത്‌പ​ര്യം കാണി​ക്കു​ന്നെ​ങ്കിൽ അവരെ​ക്കു​റി​ച്ചുള്ള വിവരങ്ങൾ നൽകു​ന്ന​തിന്‌ ദയവായി ബന്ധപ്പെ​ടുക (S-43) ഫാറങ്ങൾ ഉപയോ​ഗി​ക്കേ​ണ്ട​താണ്‌. കൺ​വെൻ​ഷനു വരു​മ്പോൾ പ്രസാ​ധകർ ഒന്നോ രണ്ടോ S-43 ഫാറങ്ങൾ കൂടെ​ക്ക​രു​തുക. പൂരി​പ്പി​ച്ച​ശേഷം അവ പുസ്‌ത​ക​ശാ​ല​യിൽ ഏൽപ്പി​ക്കാ​നാ​കും; അല്ലെങ്കിൽ തിരി​കെ​ച്ചെ​ന്ന​ശേഷം നിങ്ങളു​ടെ സഭാ​സെ​ക്ര​ട്ട​റി​യെ ഏൽപ്പി​ക്കാ​വു​ന്ന​താണ്‌.—2009 നവംബർ ലക്കം നമ്മുടെ രാജ്യ ശുശ്രൂ​ഷ​യു​ടെ 3-ാം പേജ്‌ കാണുക.

◼ റെസ്റ്ററ​ന്റു​ക​ളിൽ: റെസ്റ്ററ​ന്റു​ക​ളി​ലും ഹോട്ട​ലു​ക​ളി​ലും ആയിരി​ക്കു​മ്പോൾ നല്ല പെരു​മാ​റ്റ​ത്താൽ യഹോ​വ​യു​ടെ നാമത്തെ മഹത്ത്വ​പ്പെ​ടു​ത്തുക. പല സ്ഥലങ്ങളി​ലും സേവന​ത്തി​ന​നു​സ​രിച്ച്‌ ടിപ്പ്‌ കൊടു​ക്കുന്ന രീതി​യുണ്ട്‌.

◼ ഹോട്ട​ലു​ക​ളിൽ: (1) വേണ്ടതി​ല​ധി​കം മുറികൾ ബുക്കു ചെയ്യരുത്‌; അനുവ​ദി​ച്ചി​രി​ക്കു​ന്ന​തി​ലും കൂടുതൽ ആളുകൾ മുറി​യിൽ താമസി​ക്കാ​തി​രി​ക്കാൻ ശ്രദ്ധി​ക്കുക. (2) ബുക്കു​ചെയ്‌ത മുറി വേണ്ടെന്ന്‌ ഉറപ്പാ​ണെ​ങ്കിൽ എത്രയും​വേഗം ഹോട്ട​ല​ധി​കൃ​തരെ അറിയി​ക്കുക. (3) ലഗ്ഗേജ്‌ കൊണ്ടു​പോ​കാ​നുള്ള ട്രോ​ളി​കൾ ലഭ്യമാ​ണെ​ങ്കിൽ പുറത്തി​റ​ങ്ങാൻ തയ്യാറാ​യി​ക്ക​ഴി​ഞ്ഞേ അതെടു​ക്കാ​വൂ, മറ്റുള്ള​വർക്ക്‌ ഉപയോ​ഗി​ക്കാൻ കഴി​യേ​ണ്ട​തിന്‌ ഉടനെ തിരി​ച്ചു​വെ​ക്കു​ക​യും ചെയ്യുക. (4) ഹോട്ടൽമു​റി​യിൽ പാചകം അനുവ​ദ​നീ​യ​മ​ല്ലെ​ങ്കിൽ അതു ചെയ്യരുത്‌. (5) മുറി​യിൽ നമുക്കു​വേണ്ട സേവനം ചെയ്‌തു​ത​രുന്ന ആൾക്ക്‌ ദിവസ​വും ടിപ്പ്‌ കൊടു​ക്കുക. (6) ഹോട്ട​ലിൽ ആയിരി​ക്കു​മ്പോൾ ഉപചാ​രാർഥം ലഭിക്കുന്ന പ്രഭാ​ത​ഭ​ക്ഷ​ണ​മോ പാനീ​യ​ങ്ങ​ളോ ഐസ്‌ തുടങ്ങിയ സാധന​ങ്ങ​ളോ ദുരു​പ​യോ​ഗം ചെയ്യരുത്‌. (7) ഹോട്ടൽ ജീവന​ക്കാ​രു​മാ​യി ഇടപെ​ടു​മ്പോ​ഴെ​ല്ലാം ദൈവാ​ത്മാ​വി​ന്റെ ഫലം പ്രകടി​പ്പി​ക്കുക. ഹോട്ട​ലിൽ വരുന്ന എല്ലാവ​രെ​യും അവർക്കു തൃപ്‌തി​പ്പെ​ടു​ത്തേ​ണ്ട​തു​ണ്ടെന്ന കാര്യം മനസ്സിൽപ്പി​ടി​ച്ചു​കൊണ്ട്‌ ക്ഷമയും പരിഗ​ണ​ന​യും ന്യായ​ബോ​ധ​വും കാണി​ക്കുക. (8) ശുപാർശ ചെയ്യ​പ്പെ​ടുന്ന ലോഡ്‌ജു​ക​ളു​ടെ പട്ടിക​യിൽ കാണി​ച്ചി​രി​ക്കുന്ന നിരക്ക്‌, നികുതി ഒഴി​കെ​യുള്ള ഒരു ദിവസത്തെ ചാർജാണ്‌. അതില​ധി​കം ചാർജു​ചെ​യ്യു​ക​യോ നിങ്ങൾ ആവശ്യ​പ്പെ​ടാ​ത്ത​തോ ഉപയോ​ഗി​ക്കാ​ത്ത​തോ ആയ എന്തെങ്കി​ലും ബില്ലിൽ ഉൾപ്പെ​ടു​ത്തു​ക​യോ ചെയ്‌തി​ട്ടു​ണ്ടെ​ങ്കിൽ അവ ഒഴിവാ​ക്കി​യേ പണം കൊടു​ക്കാ​വൂ, തുടർന്ന്‌ കൺ​വെൻ​ഷൻസ്ഥ​ല​ത്തുള്ള താമസ​സൗ​കര്യ ഡിപ്പാർട്ടു​മെ​ന്റി​നെ എത്രയും പെട്ടെന്ന്‌ വിവര​മ​റി​യി​ക്കുക. (9) ഹോട്ടൽമു​റി​യോ​ടുള്ള ബന്ധത്തിൽ എന്തെങ്കി​ലും പ്രശ്‌ന​മു​ണ്ടാ​കു​ന്ന​പക്ഷം അക്കാര്യം കൺ​വെൻ​ഷൻസ്ഥ​ല​ത്തു​വെ​ച്ചു​തന്നെ റൂമിങ്‌ ഡിപ്പാർട്ടു​മെ​ന്റി​നെ അറിയി​ക്കുക. അവർക്കു നിങ്ങളെ സഹായി​ക്കാ​നാ​യേ​ക്കും.

◼ സ്വമേ​ധാ​സേ​വനം: ആവശ്യ​മായ സേവനങ്ങൾ ചെയ്യു​ന്ന​തി​നാ​യി നാം സ്വമേ​ധയാ മുന്നോ​ട്ടു​വ​രു​ന്നെ​ങ്കിൽ കൺ​വെൻ​ഷ​നിൽ സംബന്ധി​ക്കു​ന്ന​തിൽനി​ന്നു കൂടുതൽ സന്തോഷം നമുക്ക്‌ ആസ്വദി​ക്കാ​നാ​കും. (പ്രവൃ. 20:35) അങ്ങനെ ചെയ്യാൻ ആഗ്രഹി​ക്കു​ന്നവർ സ്വമേ​ധാ​സേവന ഡിപ്പാർട്ടു​മെ​ന്റിൽ പേരു നൽകുക. മാതാ​പി​താ​ക്ക​ളോ​ടോ രക്ഷാകർത്താ​വി​നോ​ടോ അവർ നിയമി​ക്കുന്ന ഏതെങ്കി​ലു​മൊ​രു മുതിർന്ന വ്യക്തി​യോ​ടോ ഒപ്പം 16 വയസ്സിൽ താഴെ പ്രായ​മുള്ള കുട്ടി​കൾക്കും സ്വമേ​ധാ​സേ​വ​ന​ത്തിൽ പങ്കെടു​ക്കാ​നാ​കും.