ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ സത്യത്തിന്‌ ശക്തമായ സാക്ഷ്യം നൽകുന്നു

1. വർഷ​ന്തോ​റു​മുള്ള ഉത്സവങ്ങൾ ഏതെല്ലാം ആത്മീയ​സ​ത്യ​ങ്ങ​ളെ​ക്കു​റിച്ച്‌ ചർച്ച​ചെ​യ്യാ​നും ധ്യാനി​ക്കാ​നും ഇസ്രാ​യേ​ല്യർക്ക്‌ അവസരം നൽകി?

¹ പുരാ​ത​ന​കാ​ലത്തെ ഇസ്രാ​യേ​ല്യർ ഉത്സവങ്ങൾക്കാ​യി വർഷത്തിൽ മൂന്നു​തവണ കൂടി​വ​ര​ണ​മാ​യി​രു​ന്നു. ന്യായ​പ്ര​മാ​ണ​പ്ര​കാ​രം ഈ ഉത്സവങ്ങ​ളിൽ പുരു​ഷ​ന്മാർ സംബന്ധി​ച്ചാൽ മതിയാ​യി​രു​ന്നെ​ങ്കി​ലും മിക്ക​പ്പോ​ഴും കുടും​ബ​ങ്ങ​ളി​ലെ എല്ലാവ​രും യെരു​ശ​ലേ​മി​ലേക്കു യാത്ര​ചെ​യ്യു​മാ​യി​രു​ന്നു. (ആവ. 16:15, 16) സന്തോ​ഷ​ക​ര​മായ അത്തരം കൂടി​വ​ര​വു​കൾ, സുപ്ര​ധാന ആത്മീയ​സ​ത്യ​ങ്ങ​ളെ​ക്കു​റി​ച്ചു ചർച്ച​ചെ​യ്യാ​നും ധ്യാനി​ക്കാ​നും ഉള്ള അവസരം അവർക്കു നൽകി. ആ സത്യങ്ങ​ളിൽ ചിലത്‌ ഏതൊ​ക്കെ​യാണ്‌? ഒന്ന്‌, യഹോവ ഉദാര​മ​തി​യും സ്‌നേ​ഹ​വാ​നും ആയ ഒരു പിതാ​വാണ്‌. (ആവ. 15:4, 5) രണ്ട്‌, മാർഗ​ദർശ​ന​ത്തി​നും സംരക്ഷ​ണ​ത്തി​നും ആയി അവനെ ആശ്രയി​ക്കാ​നാ​കും. (ആവ. 32:9, 10) കൂടാതെ, യഹോ​വ​യു​ടെ നാമം വഹിക്കുന്ന ജനം എന്ന നിലയിൽ, ദൈവ​ത്തി​ന്റെ നീതി തങ്ങളുടെ ജീവി​ത​ത്തിൽ പ്രതി​ഫ​ലി​പ്പി​ക്കേ​ണ്ട​താ​ണെന്ന വസ്‌തു​ത​യെ​ക്കു​റിച്ച്‌ ചിന്തി​ക്കാ​നും ആ വേളകൾ ഇസ്രാ​യേ​ല്യർക്ക്‌ അവസര​മേകി. (ആവ. 7:6, 11) വാർഷിക ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ സമാന​മായ വിധത്തിൽ നമുക്ക്‌ പ്രയോ​ജനം ചെയ്യുന്നു.

2. ഡിസ്‌ട്രി​ക്‌റ്റ്‌ കൺ​വെൻ​ഷൻ പരിപാ​ടി​കൾ സത്യത്തി​നു​മേൽ വെളിച്ചം വീശു​ന്നത്‌ എങ്ങനെ​യാണ്‌?

² പരിപാ​ടി​കൾ സത്യത്തി​നു​മേൽ വെളിച്ചം വീശുന്നു: ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളി​ലെ പ്രസം​ഗ​ങ്ങ​ളും നാടക​ങ്ങ​ളും അവതര​ണ​ങ്ങ​ളും അഭിമു​ഖ​ങ്ങ​ളും, സുപ്ര​ധാന ബൈബിൾസ​ത്യ​ങ്ങൾ നന്നായി മനസ്സി​ലാ​ക്കാ​നും ബാധക​മാ​ക്കാ​നും നമ്മെ സഹായി​ക്കു​ന്നു. (യോഹ. 17:17) ഈ വരുന്ന കൺ​വെൻ​ഷ​നു​വേണ്ട പല ക്രമീ​ക​ര​ണ​ങ്ങ​ളും ഇതി​നോ​ടകം ചെയ്‌തു​ക​ഴി​ഞ്ഞി​ട്ടുണ്ട്‌. സന്നിഹി​ത​രാ​കു​ന്ന​വ​രു​ടെ ആത്മീയ ആവശ്യങ്ങൾ തൃപ്‌തി​പ്പെ​ടു​ത്താൻ ഉതകുന്ന, വിശേ​ഷ​ത​യാർന്ന ഒരു പരിപാ​ടി​യാണ്‌ യഹോ​വ​യു​ടെ സംഘടന തയ്യാറാ​ക്കി​ക്കൊ​ണ്ടി​രി​ക്കു​ന്നത്‌. (മത്താ. 24:45-47) അവിടെ അവതരി​പ്പി​ക്കുന്ന കാര്യങ്ങൾ കാണാ​നും കേൾക്കാ​നും ആയി നിങ്ങൾ നോക്കി​പ്പാർത്തി​രി​ക്കു​ക​യല്ലേ?

3. പരിപാ​ടി​ക​ളിൽനിന്ന്‌ പ്രയോ​ജനം നേടണ​മെ​ങ്കിൽ നാം എന്തു ചെയ്യണം?

³ പൂർണ​പ്ര​യോ​ജനം ലഭിക്ക​ണ​മെ​ങ്കിൽ നാം മൂന്നു​ദി​വ​സ​വും ഹാജരാ​കു​ക​യും പരിപാ​ടി​കൾ നന്നായി ശ്രദ്ധി​ക്കു​ക​യും വേണം. കൺ​വെൻ​ഷ​നിൽ മൂന്നു​ദി​വ​സ​വും സംബന്ധി​ക്കാൻ സാധി​ക്കേ​ണ്ട​തിന്‌, തൊഴി​ലു​ട​മ​യോട്‌ സംസാ​രിച്ച്‌ മുൻകൂ​ട്ടി അവധി വാങ്ങുക. പരിപാ​ടി​ക​ളു​ടെ സമയത്ത്‌ ഉണർന്നി​രി​ക്കാൻ കഴിയ​ണ​മെ​ങ്കിൽ രാത്രി നന്നായി ഉറങ്ങണം. പ്രസം​ഗ​ക​നിൽ ദൃഷ്ടി​പ​തി​പ്പി​ക്കു​ന്ന​തും ഹ്രസ്വ​മായ കുറി​പ്പു​ക​ളെ​ടു​ക്കു​ന്ന​തും ശ്രദ്ധി​ച്ചി​രി​ക്കാൻ സഹായി​ക്കു​ന്ന​താ​യി പലരും കണ്ടെത്തി​യി​രി​ക്കു​ന്നു. നിങ്ങൾക്കും മറ്റുള്ള​വർക്കും ശല്യമു​ണ്ടാ​ക്കാ​ത്ത​വി​ധം മൊ​ബൈൽഫോ​ണും പേജറും സെറ്റു​ചെ​യ്യുക. പരിപാ​ടി​കൾക്കി​ടെ ഭക്ഷണം കഴിക്കു​ന്ന​തും സംസാ​രി​ക്കു​ന്ന​തും മൊ​ബൈൽഫോ​ണിൽ മെസേജ്‌ അയയ്‌ക്കു​ന്ന​തും ഒഴിവാ​ക്കുക.

4. കുട്ടികൾ കൺ​വെൻ​ഷ​നിൽനിന്ന്‌ പ്രയോ​ജനം നേടണ​മെ​ങ്കിൽ മാതാ​പി​താ​ക്കൾ എന്തു ചെയ്യണം?

⁴ ശബത്തു​വർഷ​ങ്ങ​ളിൽ, കൂടാ​ര​പ്പെ​രു​ന്നാ​ളി​ന്റെ സമയത്ത്‌ ന്യായ​പ്ര​മാ​ണം വായി​ച്ചു​കേൾക്കാ​നാ​യി ഇസ്രാ​യേല്യ കുടും​ബങ്ങൾ കൂടി​വ​രു​മാ​യി​രു​ന്നു; ദൈവ​കൽപ്പ​നകൾ ‘കേട്ടു പഠിക്കാ​നാ​യി’ “കുട്ടി​ക​ളും” അവരോ​ടൊ​പ്പം ഉണ്ടായി​രി​ക്കു​മാ​യി​രു​ന്നു. (ആവ. 31:12) നമ്മുടെ കൺ​വെൻ​ഷ​നു​ക​ളിൽ കുടും​ബാം​ഗങ്ങൾ ഒരുമി​ച്ചി​രി​ക്കു​ന്ന​തും കുട്ടികൾ അവരോ​ടൊ​പ്പം ഉണർന്നി​രുന്ന്‌ പരിപാ​ടി​കൾ ശ്രദ്ധി​ച്ചു​കേൾക്കു​ന്ന​തും എല്ലാം എത്ര പ്രോ​ത്സാ​ഹ​ജ​ന​ക​മാണ്‌! പരിപാ​ടി​ക​ളു​ടെ സമയത്ത്‌ കുറി​ച്ചെ​ടുത്ത പോയി​ന്റു​കൾ ഓരോ ദിവസ​വും സായാ​ഹ്ന​ത്തിൽ കുടും​ബാം​ഗ​ങ്ങ​ളു​മൊത്ത്‌ ചർച്ച ചെയ്യാ​വു​ന്ന​താണ്‌. “ബാലന്റെ ഹൃദയ​ത്തോ​ടു ഭോഷ​ത്വം പറ്റിയി​രി​ക്കു​ന്നു” എന്ന്‌ ബൈബിൾ പറയുന്നു; അതു​കൊണ്ട്‌ മക്കളെ “തന്നിഷ്ട​ത്തി​ന്നു” വിടു​ന്ന​തി​നു പകരം, ഉച്ചയ്‌ക്കത്തെ ഇടവേ​ള​യു​ടെ സമയത്തും ഹോട്ട​ലി​ലാ​യി​രി​ക്കു​മ്പോ​ഴും എല്ലാം മാതാ​പി​താ​ക്കൾ അവരെ, കൗമാ​ര​പ്രാ​യ​ത്തി​ലുള്ള കുട്ടി​ക​ളെ​പ്പോ​ലും, പ്രത്യേ​കം ശ്രദ്ധി​ക്കണം.—സദൃ. 22:15; 29:15.

5. ഹോട്ട​ലു​ക​ളി​ലെ നമ്മുടെ പെരു​മാ​റ്റം സത്യത്തെ അലങ്കരി​ക്കു​ന്നത്‌ എങ്ങനെ?

⁵ നമ്മുടെ നല്ല പെരു​മാ​റ്റം സത്യത്തെ അലങ്കരി​ക്കു​ന്നു: കൺ​വെൻ​ഷൻ നഗരി​യി​ലെ നമ്മുടെ പെരു​മാ​റ്റം സത്യത്തെ അലങ്കരി​ക്കും. (തീത്തൊ. 2:10) സഹോ​ദ​രങ്ങൾ ഹോട്ടൽ നിയമങ്ങൾ അനുസ​രി​ക്കു​ക​യും ജീവന​ക്കാ​രോട്‌ ക്ഷമയോ​ടെ ഹൃദ്യ​മാ​യി ഇടപെ​ടു​ക​യും ചെയ്യു​മ്പോൾ അതു ശ്രദ്ധി​ക്ക​പ്പെ​ടു​മെ​ന്നതു തീർച്ച​യാണ്‌. (കൊലോ. 4:6) ഉദാഹ​ര​ണ​ത്തിന്‌, വാടക​യെ​ക്കു​റിച്ച്‌ ചർച്ച ചെയ്യവെ ബ്രാഞ്ച്‌ ഓഫീ​സി​ന്റെ പ്രതി​നി​ധി​ക​ളോട്‌ ഹോട്ടൽ അധികൃ​ത​രിൽ ഒരാൾ ഇപ്രകാ​രം അഭി​പ്രാ​യ​പ്പെട്ടു: “നിങ്ങളു​ടെ ആളുകൾ വളരെ നല്ലവരാണ്‌. അവർ ഇവിടെ താമസി​ക്കു​ന്ന​തിൽ ഞങ്ങൾക്കു സന്തോ​ഷ​മേ​യു​ള്ളൂ. വളരെ മാന്യ​രാണ്‌ അവർ. ദയയോ​ടും ആദര​വോ​ടും കൂടെ​യാണ്‌ അവർ ഞങ്ങളുടെ ജോലി​ക്കാ​രോട്‌ ഇടപെ​ടു​ന്നത്‌.”

6. കൺ​വെൻ​ഷൻ നഗരി​യി​ലാ​യി​രി​ക്കു​മ്പോൾ നാം ധരിക്കുന്ന വസ്‌ത്രം സത്യത്തെ അലങ്കരി​ക്കു​ന്നത്‌ എങ്ങനെ?

⁶ കൺ​വെൻ​ഷൻ ബാഡ്‌ജ്‌ ധരിക്കു​ന്നത്‌ കൺ​വെൻ​ഷൻ പരസ്യ​പ്പെ​ടു​ത്താൻ സഹായി​ക്കും; കൺ​വെൻ​ഷ​നിൽ സംബന്ധി​ക്കാൻ എത്തിയി​രി​ക്കുന്ന മറ്റുള്ള​വർക്ക്‌ നമ്മളെ തിരി​ച്ച​റി​യാ​നും അത്‌ ഉപകരി​ക്കും. അതിലും പ്രധാ​ന​മാ​യി, അത്‌ നല്ലൊരു സാക്ഷ്യ​മാ​യി ഉതകും. എങ്ങനെ? അലസമോ കാഴ്‌ച​ക്കാ​രിൽ അനുചിത വികാ​രങ്ങൾ ഉണർത്തു​ന്ന​തോ ആയ വസ്‌ത്ര​ങ്ങൾക്കു പകരം വൃത്തി​യു​ള്ള​തും മാന്യ​വും ആയ വസ്‌ത്ര​ങ്ങ​ളാണ്‌ നമ്മൾ ധരിക്കു​ന്ന​തെന്ന്‌ കൺ​വെൻ​ഷൻ നഗരി​യി​ലു​ള്ളവർ ശ്രദ്ധി​ക്കും. (1 തിമൊ. 2:9, 10) അതു​കൊണ്ട്‌ കൺ​വെൻ​ഷൻ നഗരി​യി​ലാ​യി​രി​ക്കു​മ്പോൾ നാം നമ്മുടെ വസ്‌ത്ര​ധാ​ര​ണ​ത്തി​ലും ചമയത്തി​ലും ശ്രദ്ധി​ക്കണം; ഷോർട്‌സും ടി-ഷർട്ടും ഒക്കെ ധരിച്ചു​കൊണ്ട്‌ ഹോട്ട​ലു​ക​ളിൽ എത്തുന്നത്‌ ഒട്ടും മാന്യമല്ല. ഇനി, കൺ​വെൻ​ഷൻ നടക്കു​ന്നത്‌ തുറന്ന സ്റ്റേഡി​യ​ത്തി​ലാ​ണെ​ങ്കിൽപ്പോ​ലും നമ്മുടെ വസ്‌ത്ര​ധാ​രണം ഉചിത​വും മാന്യ​വു​മാ​യി​രി​ക്കണം. പരിപാ​ടി​കൾക്കു ശേഷം ഭക്ഷണം കഴിക്കാ​നും മറ്റുമാ​യി പുറത്തു​പോ​കുന്ന അവസര​ങ്ങ​ളി​ലും, നമ്മൾ എത്തിയി​രി​ക്കു​ന്നത്‌ കൺ​വെൻ​ഷ​നിൽ സംബന്ധി​ക്കാ​നാ​ണെന്ന കാര്യം വിസ്‌മ​രി​ക്ക​രുത്‌; അതു​കൊണ്ട്‌ അലസമായ വസ്‌ത്ര​ധാ​രണം ഒഴിവാ​ക്കണം.

7. കൺ​വെൻ​ഷന്റെ സമയത്ത്‌ ക്രിസ്‌തീ​യ​സാ​ഹോ​ദ​ര്യം ആസ്വദി​ക്കാ​നുള്ള ഒരു മാർഗ​മേത്‌?

⁷ വാർഷി​കോ​ത്സ​വ​ങ്ങ​ളിൽ പങ്കെടു​ക്കവെ, സ്വദേ​ശ​ത്തു​നി​ന്നും വിദേ​ശ​ത്തു​നി​ന്നും വന്നു​ചേർന്ന സഹാരാ​ധ​കരെ കാണാ​നും അവരു​മൊത്ത്‌ ആരോ​ഗ്യ​ക​ര​മായ സഹവാസം ആസ്വദി​ക്കാ​നും ഇസ്രാ​യേ​ല്യർക്കു കഴിഞ്ഞു; ഇത്‌ അവർക്കി​ട​യിൽ ഐക്യം ഊട്ടി​വ​ളർത്തി. (പ്രവൃ. 2:1, 5) ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ, നമുക്കി​ട​യി​ലുള്ള അനുപ​മ​മായ ക്രിസ്‌തീ​യ​സാ​ഹോ​ദ​ര്യ​ത്തി​ന്റെ മനോ​ഹാ​രിത പൂർണ​മായ അളവിൽ ദൃശ്യ​മാ​യി​രി​ക്കും. ആത്മീയ​പ​റു​ദീ​സ​യു​ടെ ഈ സവി​ശേഷത കാഴ്‌ച​ക്കാ​രിൽ തീർച്ച​യാ​യും മതിപ്പു​ള​വാ​ക്കും. (സങ്കീ. 133:1) ഇടവേ​ള​യു​ടെ സമയത്ത്‌ പുറത്തു​പോ​യി ഭക്ഷണം വാങ്ങി​ക്ക​ഴി​ക്കു​ന്ന​തി​നെ​ക്കാൾ നല്ലത്‌ ലഘുവാ​യി എന്തെങ്കി​ലും കൂടെ​ക്ക​രു​തു​ന്ന​താണ്‌. അടുത്തി​രി​ക്കുന്ന സഹോ​ദ​രീ​സ​ഹോ​ദ​ര​ന്മാ​രെ പരിച​യ​പ്പെ​ടാ​നും അവരു​മാ​യി സംസാ​രി​ക്കാ​നും അങ്ങനെ നമുക്കു കഴിയും.

8. സാഹച​ര്യ​ങ്ങൾ അനുവ​ദി​ക്കു​ന്നെ​ങ്കിൽ, കൺ​വെൻ​ഷൻ സമയത്ത്‌ സ്വമേ​ധാ​സേ​വ​ന​ത്തിൽ ഉൾപ്പെ​ടു​ന്ന​തി​ന്റെ പ്രയോ​ജ​നങ്ങൾ എന്തെല്ലാം?

⁸ നമ്മുടെ കൺ​വെൻ​ഷ​നു​കൾ ഇത്ര ചിട്ട​യോ​ടെ സംഘടി​പ്പി​ച്ചി​രി​ക്കു​ന്നതു കാണു​മ്പോൾ പലരും ആശ്ചര്യ​പ്പെ​ടാ​റുണ്ട്‌, പ്രത്യേ​കിച്ച്‌ എല്ലാ ജോലി​ക​ളും സ്വമേ​ധാ​സേ​വ​ക​രാണ്‌ നിർവ​ഹി​ക്കു​ന്ന​തെന്ന്‌ അറിയു​മ്പോൾ. കൺ​വെൻ​ഷ​നു​വേണ്ടി പ്രവർത്തി​ച്ചു​കൊണ്ട്‌ നിങ്ങ​ളെ​ത്തന്നെ “സ്വമേ​ധാ​ദാ​ന​മാ​യി” അർപ്പി​ക്കാൻ കഴിയു​മോ? (സങ്കീ. 110:3) മറ്റുള്ള​വർക്കു​വേണ്ടി സ്വയം വിട്ടു​കൊ​ടു​ക്കാൻ മക്കളെ പരിശീ​ലി​പ്പി​ക്കു​ന്ന​തി​നാ​യി ചില കുടും​ബങ്ങൾ ഈ സേവന​ങ്ങ​ളിൽ സ്വമേ​ധയാ പങ്കു​ചേ​രാ​റുണ്ട്‌. നിങ്ങൾ ലജ്ജാശീ​ല​മുള്ള ഒരാളാ​ണെ​ങ്കിൽപ്പോ​ലും, കൺ​വെൻ​ഷന്റെ സമയത്ത്‌ സ്വമേ​ധാ​സേ​വ​ന​ത്തിൽ ഏർപ്പെ​ടു​മ്പോൾ മറ്റു സഹോ​ദ​രീ​സ​ഹോ​ദ​ര​ന്മാ​രെ പരിച​യ​പ്പെ​ടാൻ നിങ്ങൾക്ക്‌ അവസരം ലഭിക്കും. ഒരു സഹോ​ദരി ഇപ്രകാ​രം അഭി​പ്രാ​യ​പ്പെട്ടു: “എന്റെ വീട്ടു​കാ​രെ​യും ചില സുഹൃ​ത്തു​ക്ക​ളെ​യും അല്ലാതെ അവിടെ കൂടിവന്ന മറ്റാ​രെ​യും എനിക്കു പരിച​യ​മി​ല്ലാ​യി​രു​ന്നു. പക്ഷേ, ശുചീ​ക​ര​ണ​ത്തി​ന്റെ സമയത്ത്‌ ഒരുപാട്‌ സഹോ​ദ​രീ​സ​ഹോ​ദ​ര​ന്മാ​രെ പരിച​യ​പ്പെ​ടാൻ എനിക്കു കഴിഞ്ഞു. എന്തു രസമാ​യി​രു​ന്നു അത്‌!” കൺ​വെൻ​ഷ​നോ​ടു ബന്ധപ്പെട്ട ശുചീ​ക​ര​ണ​പ്ര​വർത്ത​ന​ങ്ങ​ളി​ലും മറ്റും പങ്കെടു​ക്കു​മ്പോൾ സുഹൃ​ദ്‌വ​ലയം വിശാ​ല​മാ​ക്കാ​നും അതിന്റെ സന്തോഷം അനുഭ​വി​ക്കാ​നും നമുക്കു കഴിയും. (2 കൊരി. 6:12, 13) നിങ്ങൾ ഇതുവരെ ഈ പ്രവർത്ത​ന​ങ്ങ​ളിൽ പങ്കെടു​ത്തി​ട്ടി​ല്ലെ​ങ്കിൽ, അതിനുള്ള യോഗ്യത എങ്ങനെ നേടാ​നാ​കു​മെന്ന്‌ മൂപ്പന്മാ​രോ​ടു ചോദി​ക്കുക.

9. കൺ​വെൻ​ഷ​നു​വേണ്ടി മറ്റുള്ള​വരെ ക്ഷണിക്കാൻ നമുക്ക്‌ എങ്ങനെ കഴിയും?

⁹ സത്യം കേൾക്കാൻ മറ്റുള്ള​വരെ ക്ഷണിക്കുക: മുൻവർഷ​ങ്ങ​ളി​ലെ​പ്പോ​ലെ​ത്തന്നെ, കൺ​വെൻ​ഷന്‌ മൂന്നാഴ്‌ച മുമ്പ്‌ നാം ക്ഷണക്കത്തു​വി​ത​രണം ആരംഭി​ക്കും. നിയമിത പ്രദേ​ശ​ത്തെ​ല്ലാം ക്ഷണക്കത്ത്‌ വിതരണം ചെയ്യാൻ ഓരോ സഭയും ശ്രമി​ക്കേ​ണ്ട​താണ്‌. (“ക്ഷണക്കത്ത്‌ വിതരണം ചെയ്യേ​ണ്ടത്‌ എങ്ങനെ?” എന്ന ചതുരം കാണുക.) ബാക്കി വരുന്ന ക്ഷണക്കത്തു​കൾ കൺ​വെൻ​ഷൻ സ്ഥലത്ത്‌ കൊണ്ടു​വ​രുക. കൺ​വെൻ​ഷൻ നഗരത്തിൽ അനൗപ​ചാ​രി​ക​മാ​യി സാക്ഷീ​ക​രണം നടത്താൻ നമ്മൾ അവ ഉപയോ​ഗി​ക്കും.

10. ക്ഷണക്കത്തു​വി​ത​രണം നല്ല ഫലം കൈവ​രു​ത്തി​യ​തി​ന്റെ അനുഭ​വങ്ങൾ പറയുക.

¹⁰ ഈ വിതര​ണ​പ​രി​പാ​ടി​യോട്‌ ആളുകൾ നന്നായി പ്രതി​ക​രി​ക്കാ​റു​ണ്ടോ? ഒരിക്കൽ ഒരു കൺ​വെൻ​ഷന്‌, സേവക​ന്മാ​രിൽ ഒരാൾ ഇരിപ്പി​ടം കണ്ടെത്താൻ ഒരു ദമ്പതി​കളെ സഹായി​ച്ചു. തങ്ങൾക്ക്‌ ഒരു ക്ഷണക്കത്ത്‌ ലഭി​ച്ചെ​ന്നും അത്‌ വളരെ ആകർഷ​ക​മാ​യി തോന്നി​യ​തി​നാ​ലാണ്‌ വന്നതെ​ന്നും അവർ അദ്ദേഹ​ത്തോ​ടു പറഞ്ഞു. 320 കിലോ​മീ​റ്റ​റി​ല​ധി​കം ദൂരം കാറോ​ടി​ച്ചാണ്‌ അവർ കൺ​വെൻ​ഷന്‌ എത്തിയത്‌! മറ്റൊരു അനുഭവം ഇതാണ്‌: വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ട്ടി​രുന്ന ഒരു സഹോ​ദരി ഒരു വ്യക്തിക്കു ക്ഷണക്കത്ത്‌ നൽകി. കൺ​വെൻ​ഷ​നെ​ക്കു​റിച്ച്‌ അറിയാൻ അദ്ദേഹം താത്‌പ​ര്യം കാണി​ച്ച​തി​നാൽ, സഹോ​ദരി സമയ​മെ​ടുത്ത്‌ ക്ഷണക്കത്തി​ലെ വിവരങ്ങൾ അദ്ദേഹ​വു​മാ​യി ചർച്ച ചെയ്‌തു. കുറച്ചു ദിവസ​ങ്ങൾക്കു ശേഷം കൺ​വെൻ​ഷ​നിൽവെച്ച്‌ സഹോ​ദരി അദ്ദേഹത്തെ വീണ്ടും കണ്ടുമു​ട്ടി. ഒരു സുഹൃ​ത്തി​നോ​ടൊ​പ്പ​മാണ്‌ അദ്ദേഹം വന്നത്‌. രണ്ടു​പേ​രു​ടെ​യും കൈയിൽ, അന്നേദി​വസം പ്രകാ​ശനം ചെയ്‌ത ഒരു പ്രസി​ദ്ധീ​ക​ര​ണ​വു​മു​ണ്ടാ​യി​രു​ന്നു!

11. ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ ഹാജരാ​കു​ന്ന​തി​ന്റെ പ്രാധാ​ന്യം എന്താണ്‌?

¹¹ ഇസ്രാ​യേ​ല്യ​രെ സംബന്ധി​ച്ചി​ട​ത്തോ​ളം, വാർഷി​കോ​ത്സ​വങ്ങൾ യഹോ​വ​യിൽനി​ന്നുള്ള സ്‌നേ​ഹ​പു​ര​സ്സ​ര​മായ ഒരു കരുത​ലാ​യി​രു​ന്നു; “പരമാർത്ഥ​ത​യോ​ടും വിശ്വ​സ്‌ത​ത​യോ​ടും​കൂ​ടെ” യഹോ​വയെ സേവി​ക്കാൻ അത്‌ അവരെ സഹായി​ച്ചു. (യോശു. 24:14) സമാന​മാ​യി, നമ്മുടെ ആരാധ​ന​യു​ടെ പ്രമുഖ ഭാഗമായ വാർഷിക ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ ‘സത്യത്തിൽ നടക്കാൻ’ നമ്മെ സഹായി​ക്കു​ന്നു. (3 യോഹ. 3) കൺ​വെൻ​ഷനു ഹാജരാ​യി പരിപാ​ടി​ക​ളിൽനിന്ന്‌ പൂർണ​പ്ര​യോ​ജനം നേടാ​നുള്ള നമ്മുടെ ശ്രമങ്ങളെ യഹോവ അനു​ഗ്ര​ഹി​ക്കട്ടെ!

[5-ാം പേജിലെ ആകർഷക വാക്യം]

കൺ​വെൻ​ഷൻ നഗരി​യി​ലെ നമ്മുടെ പെരു​മാ​റ്റം സത്യത്തെ അലങ്കരി​ക്കും

[5-ാം പേജിലെ ആകർഷക വാക്യം]

കൺ​വെൻ​ഷന്‌ മൂന്നാഴ്‌ച മുമ്പ്‌ നാം ക്ഷണക്കത്തു​വി​ത​രണം ആരംഭി​ക്കും

[6, 7 -ാം പേജിലെ ചതുരം]

ഡിസ്‌ട്രിക്‌റ്റ്‌ കൺ​വെൻ​ഷൻ ഓർമി​പ്പി​ക്ക​ലു​കൾ

◼ പരിപാ​ടി​യു​ടെ സമയം: മൂന്നു​ദി​വ​സ​വും രാവിലെ 9:20-നായി​രി​ക്കും പരിപാ​ടി തുടങ്ങു​ന്നത്‌. രാവിലെ 8 മണിമു​തൽ ഹാളിൽ പ്രവേ​ശി​ക്കാ​നാ​കും. സംഗീതം ആരംഭി​ക്കാൻ പോകു​ന്നു​വെന്ന അറിയി​പ്പു കേൾക്കു​മ്പോൾ എല്ലാവ​രും ഇരിപ്പി​ട​ങ്ങ​ളിൽ വന്നിരി​ക്കേ​ണ്ട​താണ്‌. അങ്ങനെ​യാ​കു​മ്പോൾ മാന്യ​മായ വിധത്തിൽ പരിപാ​ടി ആരംഭി​ക്കാ​നാ​കും. വെള്ളി​യാ​ഴ്‌ച​യും ശനിയാ​ഴ്‌ച​യും 4:55-നും ഞായറാഴ്‌ച 3:40-നും പരിപാ​ടി സമാപി​ക്കും.

◼ പാർക്കിങ്‌: നമുക്ക്‌ പാർക്കിങ്‌ സ്ഥലങ്ങളു​ടെ നിയ​ന്ത്രണം ലഭിക്കുന്ന എല്ലാ കൺ​വെൻ​ഷൻ സ്ഥലങ്ങളി​ലും, പാർക്ക്‌ ചെയ്യാ​നുള്ള ഇടം ആദ്യം വരുന്ന​വർക്ക്‌ ആദ്യം എന്ന രീതി​യിൽ സൗജന്യ​മാ​യി ലഭിക്കും. പാർക്കി​ങ്ങി​നുള്ള സ്ഥലം സാധാ​ര​ണ​ഗ​തി​യിൽ പരിമി​ത​മാ​യി​രി​ക്കും എന്നതി​നാൽ, കാറു​ക​ളി​ലും മറ്റും ഒന്നോ രണ്ടോ പേർമാ​ത്രം യാത്ര ചെയ്യു​ന്ന​തി​നു​പ​കരം അവയിലെ സ്ഥലസൗ​ക​ര്യം പരമാ​വധി ഉപയോ​ഗ​പ്പെ​ടു​ത്തേ​ണ്ട​താണ്‌.

◼ ഇരിപ്പി​ടം പിടി​ച്ചു​വെക്കൽ: നിങ്ങ​ളോ​ടൊ​പ്പം ഒരേ വീട്ടിൽ താമസി​ക്കു​ന്ന​വർക്കോ ഒരേ വാഹന​ത്തിൽ യാത്ര​ചെ​യ്യു​ന്ന​വർക്കോ നിങ്ങൾ ഇപ്പോൾ അധ്യയ​ന​മെ​ടു​ക്കു​ന്ന​വർക്കോ വേണ്ടി മാത്രമേ ഇരിപ്പി​ടങ്ങൾ പിടി​ച്ചു​വെ​ക്കാ​വൂ.—1 കൊരി. 13:5.

◼ ഉച്ചഭക്ഷണം: ഉച്ചയ്‌ക്കത്തെ ഇടവേ​ള​യിൽ ഹോട്ട​ലിൽ പോയി ഭക്ഷണം കഴിക്കു​ന്ന​തി​നു​പ​കരം ലഘുവായ എന്തെങ്കി​ലും കൂടെ​ക്ക​രു​തുക. ഇരിപ്പി​ട​ത്തി​ന​ടി​യിൽ വെക്കാ​വു​ന്ന​തരം സഞ്ചിയും മറ്റും ഭക്ഷണം കൊണ്ടു​വ​രാൻ ഉപയോ​ഗി​ക്കാ​മെ​ങ്കി​ലും വലിയ പാത്ര​ങ്ങ​ളും ചില്ലു​പാ​ത്ര​ങ്ങ​ളും കൺ​വെൻ​ഷൻ സ്ഥലത്ത്‌ കൊണ്ടു​വ​ര​രുത്‌.

◼ സംഭാ​വ​നകൾ: ലോക​വ്യാ​പക വേലയ്‌ക്കു​വേണ്ടി കൺ​വെൻ​ഷൻ സ്ഥലത്ത്‌ സംഭാ​വ​നകൾ ഇട്ടു​കൊണ്ട്‌ നമുക്ക്‌ കൺ​വെൻ​ഷൻ ക്രമീ​ക​ര​ണ​ങ്ങ​ളോ​ടു വിലമ​തി​പ്പു കാണി​ക്കാം. കൺ​വെൻ​ഷൻ സ്ഥലത്ത്‌ സംഭാ​വ​ന​യാ​യി നൽകുന്ന ചെക്കുകൾ “The Watch Tower Bible and Tract Society of India” എന്ന പേരി​ലാണ്‌ എഴു​തേ​ണ്ടത്‌.

◼ അപകട​ങ്ങ​ളും അടിയ​ന്തിര സാഹച​ര്യ​ങ്ങ​ളും: കൺ​വെൻ​ഷൻ സ്ഥലത്ത്‌ വൈദ്യ​സ​ഹാ​യം ആവശ്യ​മുള്ള ഒരു അടിയ​ന്തിര സാഹച​ര്യം ഉണ്ടാകു​ന്ന​പക്ഷം ദയവായി അടുത്തുള്ള ഒരു സേവകനെ സമീപി​ക്കുക. അദ്ദേഹം ഉടൻതന്നെ പ്രഥമ​ശു​ശ്രൂ​ഷാ വിഭാ​ഗത്തെ വിവര​മ​റി​യി​ക്കും. ആ വിഭാ​ഗ​ത്തി​ലുള്ള യോഗ്യ​രായ സഹോ​ദ​രങ്ങൾ സാഹച​ര്യ​ത്തി​ന്റെ ഗൗരവം വിലയി​രു​ത്തി ആവശ്യ​മായ സഹായം നൽകും. ആംബു​ലൻസ്‌ വിളി​ക്കേ​ണ്ട​തു​ണ്ടെ​ങ്കിൽ പ്രഥമ​ശു​ശ്രൂ​ഷാ​വി​ഭാ​ഗം അതു ചെയ്യു​ന്ന​താ​യി​രി​ക്കും. അങ്ങനെ​യാ​കു​മ്പോൾ ഒരേ കാര്യ​ത്തെ​പ്രതി പലരുടെ കോളു​കൾ അടിയ​ന്തി​ര​സ​ഹാ​യ​വി​ഭാ​ഗ​ത്തി​നു ലഭിക്കില്ല.

◼ മരുന്നു​കൾ: ഡോക്‌ട​റു​ടെ നിർദേ​ശ​പ്ര​കാ​രം നിങ്ങൾ ഏതെങ്കി​ലും മരുന്ന്‌ കഴിച്ചു​കൊ​ണ്ടി​രി​ക്കു​ക​യാ​ണെ​ങ്കിൽ ആവശ്യ​മാ​യ​ത്ര​യും മരുന്നു​കൾ കൂടെ​ക്ക​രു​തുക. കൺ​വെൻ​ഷൻ സ്ഥലത്ത്‌ അവ ലഭ്യമാ​യി​രി​ക്കില്ല. പ്രമേ​ഹ​രോ​ഗി​കൾ ഉപയോ​ഗി​ക്കുന്ന സിറി​ഞ്ചു​ക​ളും സൂചി​ക​ളും ശരിയായ വിധത്തിൽ നിർമാർജനം ചെയ്യേ​ണ്ട​താണ്‌. അവ അപകട​ക​ര​മാ​യി​രു​ന്നേ​ക്കാ​വു​ന്ന​തു​കൊണ്ട്‌ കൺ​വെൻ​ഷൻ സ്ഥലത്തോ ഹോട്ട​ലി​ലോ ഉള്ള ചവറ്റു​കു​ട്ട​യിൽ നിക്ഷേ​പി​ക്ക​രുത്‌.

◼ പാദര​ക്ഷകൾ: പടികൾ കയറു​മ്പോ​ഴും മറ്റും തെന്നി​വീ​ഴാൻ ഇടയാ​ക്കാ​ത്ത​തരം പാദര​ക്ഷകൾ ധരിക്കുക; അവ മാന്യ​വും പാദങ്ങൾക്കു ചേരു​ന്ന​വ​യും ആയിരി​ക്കണം. എല്ലാ വർഷവും ആരെങ്കി​ലു​മൊ​ക്കെ വീണു പരി​ക്കേൽക്കാ​റുണ്ട്‌.

◼ ശ്രവണ​വൈ​ക​ല്യ​മു​ള്ളവർ: ചില കൺ​വെൻ​ഷ​നു​ക​ളിൽ ആംഗ്യ​ഭാ​ഷ​യി​ലും പരിപാ​ടി​കൾ ഉണ്ടായി​രി​ക്കു​ന്ന​താണ്‌.

◼ സ്‌നാനം: ശനിയാഴ്‌ച രാവിലെ സ്‌നാ​ന​പ്ര​സം​ഗം ആരംഭി​ക്കു​ന്ന​തി​നു മുമ്പു​തന്നെ സ്‌നാ​നാർഥി​കൾ അവർക്കു​വേണ്ടി വേർതി​രി​ച്ചി​രി​ക്കുന്ന കസേര​ക​ളിൽ വന്നിരി​ക്കേ​ണ്ട​താണ്‌. ഓരോ​രു​ത്ത​രും, തോർത്തും മാന്യ​മായ സ്‌നാ​ന​വ​സ്‌ത്ര​വും കൊണ്ടു​വ​രണം. പ്രധാ​ന​ഹാ​ളിൽ സ്റ്റേജിനു തൊട്ടു​മു​മ്പി​ലാ​യി​ട്ടാണ്‌ സ്‌നാ​നാർഥി​കൾക്കുള്ള ഇരിപ്പി​ടം ക്രമീ​ക​രി​ച്ചി​രി​ക്കു​ന്നത്‌. ഇക്കാര്യ​ത്തിൽ എന്തെങ്കി​ലും മാറ്റമു​ണ്ടെ​ങ്കിൽ അതു മുന്നമേ അറിയി​ക്കു​ന്ന​താണ്‌. കൂടാതെ, ഇതു സംബന്ധിച്ച വിവരങ്ങൾ സേവക​ന്മാ​രിൽനി​ന്നും “വിവരങ്ങൾ” ഡിപ്പാർട്ടു​മെ​ന്റിൽനി​ന്നും ലഭിക്കും.

◼ പെർഫ്യൂം: വായു​സ​ഞ്ചാ​ര​ത്തി​നാ​യി കൃത്രിമ മാർഗങ്ങൾ ഉപയോ​ഗി​ക്കേ​ണ്ടി​വ​രുന്ന അടഞ്ഞ ഹാളു​ക​ളി​ലാണ്‌ മിക്ക കൺ​വെൻ​ഷ​നു​ക​ളും നടക്കു​ന്നത്‌. അതു​കൊ​ണ്ടു​തന്നെ ആസ്‌ത്‌മ​യോ അലർജി​യോ ഉള്ളവർക്ക്‌ അസ്വസ്ഥത ഉളവാ​ക്കി​യേ​ക്കാ​വുന്ന രൂക്ഷഗ​ന്ധ​മുള്ള പെർഫ്യൂ​മു​ക​ളും മറ്റും അധികം ഉപയോ​ഗി​ക്കാ​തി​രു​ന്നു​കൊണ്ട്‌ മറ്റുള്ള​വ​രോ​ടു പരിഗണന കാണി​ക്കാ​നാ​കും.—1 കൊരി. 10:24.

◼ ദയവായി ബന്ധപ്പെ​ടുക (S-43) ഫാറങ്ങൾ: കൺ​വെൻ​ഷൻ സ്ഥലത്ത്‌ അനൗപ​ചാ​രിക സാക്ഷീ​ക​രണം നടത്തു​മ്പോൾ ആരെങ്കി​ലും താത്‌പ​ര്യം കാണി​ക്കു​ന്നെ​ങ്കിൽ അവരെ​ക്കു​റി​ച്ചുള്ള വിവരങ്ങൾ നൽകു​ന്ന​തിന്‌ ദയവായി ബന്ധപ്പെ​ടുക (S-43) ഫാറങ്ങൾ ഉപയോ​ഗി​ക്കേ​ണ്ട​താണ്‌. കൺ​വെൻ​ഷനു വരു​മ്പോൾ പ്രസാ​ധകർ ഒന്നോ രണ്ടോ S-43 ഫാറങ്ങൾ കൂടെ​ക്ക​രു​തണം. പൂരി​പ്പി​ച്ച​ശേഷം അവ പുസ്‌ത​ക​ശാ​ല​യിൽ ഏൽപ്പി​ക്കാ​നാ​കും; അല്ലെങ്കിൽ തിരി​കെ​ച്ചെ​ന്ന​ശേഷം നിങ്ങളു​ടെ സഭാ​സെ​ക്ര​ട്ട​റി​യെ ഏൽപ്പി​ക്കാ​വു​ന്ന​താണ്‌.—2011 മെയ്‌ ലക്കം നമ്മുടെ രാജ്യ ശുശ്രൂ​ഷ​യു​ടെ 3-ാം പേജ്‌ കാണുക.

◼ റെസ്റ്ററ​ന്റു​ക​ളിൽ: റെസ്റ്ററ​ന്റു​ക​ളി​ലും ഹോട്ട​ലു​ക​ളി​ലും ആയിരി​ക്കു​മ്പോൾ നല്ല പെരു​മാ​റ്റ​ത്താൽ യഹോ​വ​യു​ടെ നാമം മഹത്ത്വ​പ്പെ​ടു​ത്തുക. പല സ്ഥലങ്ങളി​ലും സേവന​ത്തി​ന​നു​സ​രിച്ച്‌ ടിപ്പ്‌ കൊടു​ക്കുന്ന രീതി​യുണ്ട്‌.

◼ ഹോട്ട​ലു​ക​ളിൽ:

(1) വേണ്ടതി​ല​ധി​കം മുറികൾ ബുക്കു​ചെ​യ്യ​രുത്‌; അനുവ​ദി​ച്ചി​രി​ക്കു​ന്ന​തി​ലും കൂടുതൽ ആളുകൾ മുറി​യിൽ താമസി​ക്ക​രുത്‌.

(2) തക്കതായ കാരണ​മി​ല്ലാ​തെ ബുക്കു​ചെയ്‌ത മുറി ക്യാൻസൽ ചെയ്യരുത്‌. ഇനി ക്യാൻസൽ ചെയ്യാൻ തീരു​മാ​നി​ച്ചാൽ എത്രയും വേഗം അക്കാര്യം ഹോട്ടൽ അധികൃ​തരെ അറിയി​ക്കുക.—മത്താ. 5:37.

(3) ഡെബിറ്റ്‌ കാർഡോ ക്രെഡിറ്റ്‌ കാർഡോ ഉപയോ​ഗി​ച്ചാണ്‌ ഹോട്ടൽ ബുക്കു​ചെ​യ്യു​ന്ന​തെ​ങ്കിൽ, മുറി​വാ​ട​ക​യും താമസ​സ​മ​യത്ത്‌ ഹോട്ട​ലിന്‌ എന്തെങ്കി​ലും നഷ്ടം വരുത്തി​യാൽ അതും നികത്താൻ ആവശ്യ​മായ ഒരു തുക നിങ്ങളു​ടെ അക്കൗണ്ടിൽ ബ്ലോക്കു​ചെ​യ്യും എന്ന കാര്യം പ്രത്യേ​കം ഓർമി​ക്കുക. അക്കൗണ്ട്‌ സെറ്റിൽ ചെയ്യു​ന്ന​തു​വരെ നിങ്ങൾക്ക്‌ ആ പണം ഉപയോ​ഗി​ക്കാൻ കഴിയില്ല.

(4) ലഗേജ്‌ കൊണ്ടു​പോ​കാ​നുള്ള ട്രോ​ളി​കൾ ലഭ്യമാ​ണെ​ങ്കിൽ, പുറത്തി​റ​ങ്ങാൻ തയ്യാറാ​യി​ക്ക​ഴി​ഞ്ഞേ അതെടു​ക്കാ​വൂ; മറ്റുള്ള​വർക്ക്‌ ഉപയോ​ഗി​ക്കാൻ കഴി​യേ​ണ്ട​തിന്‌ ഉടനെ തിരി​ച്ചു​വെ​ക്കു​ക​യും വേണം.

(5) നിങ്ങളു​ടെ ലഗേജ്‌ എടുക്കുന്ന ഹോട്ടൽ ജോലി​ക്കാർക്ക്‌ ടിപ്പ്‌ കൊടു​ക്കാൻ മറക്കരുത്‌. മുറി​യിൽ നിങ്ങൾക്കു​വേണ്ട സേവനം ചെയ്‌തു​ത​രുന്ന ആൾക്ക്‌ ദിവസ​വും ടിപ്പ്‌ കൊടു​ക്കുക.

(6) ഹോട്ടൽ മുറി​യിൽ പാചകം അനുവ​ദ​നീ​യ​മ​ല്ലെ​ങ്കിൽ അതു ചെയ്യരുത്‌.

(7) ഹോട്ട​ലിൽ ആയിരി​ക്കു​മ്പോൾ ഉപചാ​രാർഥം ലഭിക്കുന്ന പ്രഭാ​ത​ഭ​ക്ഷ​ണ​മോ പാനീ​യ​ങ്ങ​ളോ ഐസ്‌ തുടങ്ങിയ സാധന​ങ്ങ​ളോ ദുരു​പ​യോ​ഗം ചെയ്യരുത്‌.

(8) ഹോട്ടൽ ജീവന​ക്കാ​രു​മാ​യി ഇടപെ​ടു​മ്പോ​ഴെ​ല്ലാം ദൈവാ​ത്മാ​വി​ന്റെ ഫലം പ്രകടി​പ്പി​ക്കുക. ഹോട്ട​ലിൽ വരുന്ന എല്ലാവ​രെ​യും അവർക്കു തൃപ്‌തി​പ്പെ​ടു​ത്തേ​ണ്ട​തു​ണ്ടെന്ന കാര്യം മനസ്സിൽപ്പി​ടി​ച്ചു​കൊണ്ട്‌ ക്ഷമയും പരിഗ​ണ​ന​യും ന്യായ​ബോ​ധ​വും കാണി​ക്കുക.

(9) ഹോട്ട​ലി​ലെ നീന്തൽക്കു​ളം, ജിം, ഇടനാ​ഴി​കൾ തുടങ്ങി ഹോട്ട​ലി​ലാ​യി​രി​ക്കു​മ്പോ​ഴെ​ല്ലാം മാതാ​പി​താ​ക്കൾ മക്കളുടെ കാര്യ​ത്തിൽ പ്രത്യേ​ക​ശ്രദ്ധ പുലർത്തണം.

(10) ശുപാർശ ചെയ്യ​പ്പെ​ടുന്ന ലോഡ്‌ജു​ക​ളു​ടെ പട്ടിക​യിൽ കാണി​ച്ചി​രി​ക്കുന്ന നിരക്ക്‌, നികുതി ഒഴി​കെ​യുള്ള ഒരു ദിവസത്തെ ചാർജാണ്‌. അതില​ധി​കം ചാർജു​ചെ​യ്‌തി​ട്ടു​ണ്ടെ​ങ്കിൽ അവ ഒഴിവാ​ക്കി​യേ പണം കൊടു​ക്കാ​വൂ; കൺ​വെൻ​ഷൻ സ്ഥലത്തുള്ള താമസ​സൗ​കര്യ ഡിപ്പാർട്ടു​മെ​ന്റി​നെ എത്രയും പെട്ടെന്ന്‌ വിവരം അറിയി​ക്കുക.

(11) ഹോട്ടൽമു​റി​യോ​ടുള്ള ബന്ധത്തിൽ എന്തെങ്കി​ലും പ്രശ്‌ന​മു​ണ്ടാ​കു​ന്ന​പക്ഷം അക്കാര്യം കൺ​വെൻ​ഷൻ സ്ഥലത്തു​വെ​ച്ചു​തന്നെ റൂമിങ്‌ ഡിപ്പാർട്ടു​മെ​ന്റി​നെ അറിയി​ക്കുക. അവർക്കു നിങ്ങളെ സഹായി​ക്കാ​നാ​യേ​ക്കും.

◼ സ്വമേ​ധാ​സേ​വനം: സേവനം ചെയ്യാൻ ആഗ്രഹി​ക്കു​ന്നവർ സ്വമേ​ധാ​സേവന ഡിപ്പാർട്ടു​മെ​ന്റിൽ പേരു നൽകേ​ണ്ട​താണ്‌. മാതാ​പി​താ​ക്ക​ളോ​ടോ രക്ഷാകർത്താ​വി​നോ​ടോ അവർ നിയമി​ക്കുന്ന ഏതെങ്കി​ലു​മൊ​രു മുതിർന്ന വ്യക്തി​യോ​ടോ ഒപ്പം 16 വയസ്സിൽ താഴെ​യുള്ള കുട്ടി​കൾക്കും സ്വമേ​ധാ​സേ​വ​ന​ത്തിൽ പങ്കെടു​ക്കാ​നാ​കും.

[6-ാം പേജിലെ ചതുരം]

ക്ഷണക്കത്ത്‌ വിതരണം ചെയ്യേ​ണ്ടത്‌ എങ്ങനെ?

നിയമിത പ്രദേ​ശ​ത്തെ​ല്ലാം ക്ഷണക്കത്ത്‌ വിതരണം ചെയ്യാൻ കഴിയ​ണ​മെ​ങ്കിൽ അവതരണം ഹ്രസ്വ​മാ​യി​രി​ക്കണം. ഇങ്ങനെ പറയാ​വു​ന്ന​താണ്‌: “നമസ്‌കാ​രം. ഈ ക്ഷണക്കത്ത്‌ ലോക​വ്യാ​പ​ക​മാ​യി ഞങ്ങൾ വിതരണം ചെയ്യു​ന്നുണ്ട്‌. താങ്കൾക്കും ഇതു തരാൻ ഞാൻ ആഗ്രഹി​ക്കു​ന്നു. കൂടുതൽ വിവരങ്ങൾ ക്ഷണക്കത്തി​ലുണ്ട്‌.” ഉത്സാഹ​ത്തോ​ടെ വേണം കാര്യങ്ങൾ അവതരി​പ്പി​ക്കാൻ. വാരാ​ന്ത​ങ്ങ​ളിൽ, ഉചിത​മെന്നു തോന്നു​ന്ന​പക്ഷം ക്ഷണക്കത്തി​നോ​ടൊ​പ്പം മാസി​ക​ക​ളും നൽകാ​വു​ന്ന​താണ്‌.