ആത്മീയ നവോ​ന്മേ​ഷ​ത്തി​ന്റെ മൂന്നു​ദി​ന​ങ്ങൾ

1. ഈ വർഷത്തെ ഡിസ്‌ട്രി​ക്‌റ്റ്‌ കൺ​വെൻ​ഷ​നിൽനിന്ന്‌ നമുക്ക്‌ എങ്ങനെ പ്രയോ​ജനം നേടാം?

¹ ആത്മീയ​മാ​യി വരണ്ടു​ണ​ങ്ങിയ സാത്താന്റെ ഈ ലോക​ത്തിൽ യഹോവ തന്റെ ദാസന്മാർക്ക്‌ ആത്മീയ നവോ​ന്മേഷം പ്രദാനം ചെയ്‌തു​കൊ​ണ്ടാ​ണി​രി​ക്കു​ന്നത്‌. (യെശ. 58:11) അതിനു​വേണ്ടി യഹോവ ചെയ്‌തി​രി​ക്കുന്ന ഒരു കരുത​ലാണ്‌ വർഷ​ന്തോ​റു​മുള്ള ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ. ഈ വർഷത്തെ കൺ​വെൻ​ഷൻ അടുത്തു​വ​രവെ, ആത്മീയ നവോ​ന്മേഷം നേടാ​നും അത്‌ മറ്റുള്ള​വർക്ക്‌ പകർന്നു​കൊ​ടു​ക്കാ​നും നമുക്ക്‌ എങ്ങനെ ഒരുങ്ങാ​നാ​കും?—സദൃ. 21:5.

2. നാം ഇപ്പോൾ എന്തെല്ലാം തയ്യാ​റെ​ടു​പ്പു​കൾ നടത്തണം?

² മൂന്നു​ദി​വ​സ​വും ഹാജരാ​കാൻ കഴിയും​വി​ധം ജോലി​യി​ലും വ്യക്തി​പ​ര​മായ മറ്റു കാര്യാ​ദി​ക​ളി​ലും വേണ്ട പൊരു​ത്ത​പ്പെ​ടു​ത്ത​ലു​കൾ വരുത്തി​യി​ട്ടി​ല്ലെ​ങ്കിൽ ഇപ്പോൾത്തന്നെ അതു ചെയ്യുക. ഓരോ ദിവസ​വും പരിപാ​ടി​കൾ ആരംഭി​ക്കു​ന്ന​തി​നു മുമ്പു​തന്നെ ഹാളിൽ എത്താനും ഇരിപ്പി​ടം കണ്ടുപി​ടി​ക്കാ​നും കഴിയു​ന്ന​തിന്‌ താമസ​സ്ഥ​ല​ത്തു​നിന്ന്‌ എപ്പോൾ പുറ​പ്പെ​ടേ​ണ്ടി​വ​രും എന്നു നിങ്ങൾ കണക്കു​കൂ​ട്ടി നോക്കി​യോ? യഹോവ നമുക്കാ​യി ഒരുക്കി​യി​രി​ക്കുന്ന ആത്മീയ വിഭവ​ങ്ങ​ളിൽ ഒന്നു​പോ​ലും നഷ്ടപ്പെ​ടു​ത്താൻ നാം ആഗ്രഹി​ക്കു​ന്നില്ല. (യെശ. 65:13, 14) ആകട്ടെ, നിങ്ങളു​ടെ താമസ​ത്തി​നും യാത്ര​യ്‌ക്കും വേണ്ട ഏർപ്പാ​ടു​ക​ളെ​ല്ലാം ചെയ്‌തു​ക​ഴി​ഞ്ഞോ?

3. കൺ​വെൻ​ഷൻ പരിപാ​ടി​ക​ളിൽനിന്ന്‌ പൂർണ​പ്ര​യോ​ജനം നേടാൻ നമുക്കും കുടും​ബ​ത്തി​നും എന്തു ചെയ്യാ​നാ​കും?

³ പരിപാ​ടി​കൾക്ക്‌ അടുത്ത ശ്രദ്ധ നൽകാൻ നമുക്ക്‌ എന്തു ചെയ്യാ​നാ​കും? രാത്രി​യിൽ നന്നായി ഉറങ്ങുക. പരിപാ​ടി​യു​ടെ സമയത്ത്‌ പ്രസം​ഗ​ക​നിൽ ശ്രദ്ധ കേന്ദ്രീ​ക​രി​ക്കുക. തിരു​വെ​ഴു​ത്തു​ക​ളെ​ല്ലാം എടുത്തു നോക്കുക. ഹ്രസ്വ​മായ കുറി​പ്പു​ക​ളെ​ടു​ക്കുക. കുടും​ബം ഒരുമിച്ച്‌ ഇരിക്കാൻ ശ്രമി​ക്കണം. അങ്ങനെ​യാ​കു​മ്പോൾ, പരിപാ​ടി​കൾ നന്നായി ശ്രദ്ധി​ക്കാൻ മാതാ​പി​താ​ക്കൾക്ക്‌ കുട്ടി​കളെ സഹായി​ക്കാ​നാ​കും. (സദൃ. 29:15) ഓരോ സായാ​ഹ്ന​ത്തി​ലും അന്നത്തെ കൺ​വെൻ​ഷ​നിൽ കേട്ട പ്രധാ​ന​പ്പെട്ട കാര്യങ്ങൾ കുടും​ബം ഒത്തൊ​രു​മിച്ച്‌ ചർച്ച​ചെ​യ്യാൻ ഒരുപക്ഷേ നിങ്ങൾക്കു സാധി​ച്ചേ​ക്കും. പിന്നീട്‌ കുടും​ബാ​രാ​ധ​ന​യു​ടെ സമയത്ത്‌ കൺ​വെൻ​ഷ​നിൽനി​ന്നു പഠിച്ച​തും കുടും​ബം ബാധക​മാ​ക്കേ​ണ്ട​തു​മായ പ്രധാ​ന​പ്പെട്ട ആശയങ്ങൾ ചർച്ച​ചെ​യ്യാ​വു​ന്ന​താണ്‌. അപ്രകാ​രം ചെയ്യു​ന്നത്‌ കൺ​വെൻ​ഷ​നി​ലൂ​ടെ ലഭിച്ച ആത്മീയ നവോ​ന്മേ​ഷ​ത്തിൽനിന്ന്‌ തുടർന്നും പ്രയോ​ജനം നേടാൻ കുടും​ബത്തെ സഹായി​ക്കും.

4. ആത്മീയ നവോ​ന്മേഷം നേടാൻ സഭയിലെ മറ്റുള്ള​വരെ നമുക്ക്‌ എങ്ങനെ സഹായി​ക്കാ​നാ​കും?

⁴ നവോ​ന്മേഷം നേടാൻ മറ്റുള്ള​വരെ സഹായി​ക്കുക: മറ്റുള്ള​വ​രും ആത്മീയ നവോ​ന്മേഷം നേടാൻ നാം ആഗ്രഹി​ക്കു​ന്നു. കൺ​വെൻ​ഷ​നിൽ സംബന്ധി​ക്കാൻ സഹായം ആവശ്യ​മുള്ള പ്രായ​മായ പ്രസാ​ധ​ക​രോ മറ്റാ​രെ​ങ്കി​ലു​മോ നിങ്ങളു​ടെ സഭയി​ലു​ണ്ടോ? അവർക്കു​വേണ്ട സഹായം നൽകാൻ നിങ്ങൾക്കാ​കു​മോ? (1 യോഹ. 3:17, 18) അവർക്ക്‌ ആവശ്യ​മായ സഹായം ലഭിക്കു​ന്നു​ണ്ടെന്ന്‌ മൂപ്പന്മാർ, പ്രത്യേ​കിച്ച്‌ ഗ്രൂപ്പ്‌ മേൽവി​ചാ​ര​ക​ന്മാർ ഉറപ്പു​വ​രു​ത്തണം.

5. കൺ​വെൻ​ഷൻ ക്ഷണക്കത്തു​കൾ നാം എങ്ങനെ​യാ​യി​രി​ക്കും വിതരണം ചെയ്യു​ന്നത്‌? (5-ാം പേജിലെ ചതുരം കൂടെ കാണുക.)

⁵ മുൻവർഷ​ങ്ങ​ളി​ലേ​തു​പോ​ലെ, കൺ​വെൻ​ഷൻ ആരംഭി​ക്കു​ന്ന​തി​നു മൂന്നാഴ്‌ച മുമ്പു​തന്നെ നാം ക്ഷണക്കത്തു​കൾ വിതരണം ചെയ്യു​ന്ന​താ​യി​രി​ക്കും. ലഭിക്കുന്ന ക്ഷണക്കത്തു​ക​ളെ​ല്ലാം വിതരണം ചെയ്യാ​നും നിയമി​ത​പ്ര​ദേശം പരമാ​വധി പ്രവർത്തി​ച്ചു​തീർക്കാ​നും ഓരോ സഭയും ലക്ഷ്യം വെക്കണം. പ്രശ്‌നം ഉണ്ടാകാൻ സാധ്യ​ത​യുള്ള പ്രദേ​ശ​ങ്ങ​ളിൽ പ്രവർത്തി​ക്കു​മ്പോൾ വീട്ടു​കാ​രന്‌ താത്‌പ​ര്യ​മു​ണ്ടെന്നു ഉറപ്പാ​ക്കി​യ​ശേഷം മാത്രമേ ക്ഷണക്കത്ത്‌ കൊടു​ക്കാ​വൂ. പ്രചാരണ പരിപാ​ടി​ക്കു​ശേഷം ബാക്കി​വ​രുന്ന ക്ഷണക്കത്തു​കൾ കൺ​വെൻ​ഷനു വരു​മ്പോൾ കൊണ്ടു​വ​രാൻ ഓരോ കുടും​ബ​വും ശ്രദ്ധി​ക്കണം. കൺ​വെൻ​ഷൻ സ്ഥലത്ത്‌ അനൗപ​ചാ​രിക സാക്ഷീ​ക​രണം നടത്തു​മ്പോൾ അത്‌ ഉപയോ​ഗി​ക്കാ​നാ​കും. ഇത്‌ സംബന്ധിച്ച കൂടു​ത​ലായ നിർദേ​ശങ്ങൾ വെള്ളി​യാ​ഴ്‌ചത്തെ പരിപാ​ടി​യിൽ നാം ശ്രദ്ധി​ക്കു​ന്ന​താ​യി​രി​ക്കും. ഇനി, കൺ​വെൻ​ഷൻ നഗരത്തിൽ വിതരണം ചെയ്‌തു തീർക്കാൻ സാധി​ക്കാ​ത്തത്ര ക്ഷണക്കത്തു​കൾ നിങ്ങളു​ടെ കൈവശം ഉണ്ടെങ്കി​ലോ? ആദ്യദി​വ​സം​തന്നെ അതു സേവക​ന്മാ​രെ ഏൽപ്പി​ക്കുക. എന്നാൽ ക്ഷണക്കത്തി​ന്റെ ഒരു കോപ്പി നിങ്ങളു​ടെ കൈയിൽ ഉണ്ടായി​രി​ക്കണം. കാരണം ഞായറാഴ്‌ച ഉപസം​ഹാര പ്രസം​ഗ​ത്തിൽ അതിൽനി​ന്നുള്ള ചില ആശയങ്ങൾ പരിചി​ന്തി​ക്കു​ന്ന​താ​യി​രി​ക്കും.

6. കൺ​വെൻ​ഷൻ സ്ഥലത്താ​യി​രി​ക്കു​മ്പോൾ നാം പാലി​ക്കേണ്ട ചില മര്യാ​ദകൾ എന്തെല്ലാം?

⁶ നല്ല പെരു​മാ​റ്റം നവോ​ന്മേഷം പകരുന്നു: മറ്റുള്ള​വ​രു​ടെ വികാ​ര​ങ്ങൾക്ക്‌ തെല്ലും വില കൽപ്പി​ക്കാത്ത ‘സ്വസ്‌നേ​ഹി​ക​ളായ’ ആളുകൾ വർധി​ച്ചു​വ​രുന്ന ഇക്കാലത്ത്‌ നല്ല പെരു​മാ​റ്റ​ശീ​ല​ങ്ങ​ളുള്ള സഹവി​ശ്വാ​സി​ക​ളോ​ടൊ​പ്പം ആയിരി​ക്കു​ന്നത്‌ എത്ര നവോ​ന്മേ​ഷ​ദാ​യ​ക​മാണ്‌! (2 തിമൊ. 3:2) കൺ​വെൻ​ഷൻ സ്ഥലത്താ​യി​രി​ക്കു​മ്പോൾ, നല്ല പെരു​മാ​റ്റ​ശീ​ലങ്ങൾ ഉള്ളവരാ​ണെന്നു തെളി​യി​ക്കാൻ നമുക്ക്‌ എന്തു ചെയ്യാ​നാ​കും? രാവിലെ 8 മണിക്ക്‌ ഹാളിന്റെ വാതിൽ തുറക്കു​മ്പോൾ തിക്കും​തി​ര​ക്കും കൂട്ടാതെ അച്ചടക്ക​ത്തോ​ടെ പ്രവേ​ശി​ക്കാൻ ശ്രദ്ധി​ക്കുക. നിങ്ങ​ളോ​ടൊ​പ്പം ഒരേ വീട്ടിൽ താമസി​ക്കു​ന്ന​വർക്കോ ഒരേ വാഹന​ത്തിൽ യാത്ര​ചെ​യ്യു​ന്ന​വർക്കോ നിങ്ങൾ ഇപ്പോൾ ബൈബി​ള​ധ്യ​യനം എടുക്കു​ന്ന​വർക്കോ വേണ്ടി​മാ​ത്രമേ ഇരിപ്പി​ടങ്ങൾ പിടി​ക്കാ​വൂ. ഓരോ സെഷ​ന്റെ​യും തുടക്ക​ത്തിൽ സംഗീതം ശ്രവി​ക്കാൻ അധ്യക്ഷൻ സദസ്സിനെ ക്ഷണിക്കു​മ്പോൾ ഇരിപ്പി​ട​ങ്ങ​ളിൽ വന്നിരി​ക്കു​ന്ന​തും നല്ല പെരു​മാ​റ്റ​ത്തിൽപ്പെ​ടു​ന്നു. പരിപാ​ടി​യു​ടെ സമയത്ത്‌ നമ്മുടെ മൊ​ബൈൽഫോ​ണും മറ്റും മറ്റുള്ള​വ​രു​ടെ ശ്രദ്ധപ​ത​റി​ക്കാത്ത വിധത്തിൽ സെറ്റ്‌ ചെയ്യാൻ നാം പ്രത്യേ​കം ശ്രദ്ധി​ക്കും. പരിപാ​ടി​യു​ടെ സമയത്ത്‌ സംസാ​രി​ക്കു​ക​യോ മെസേജ്‌ അയയ്‌ക്കു​ക​യോ എന്തെങ്കി​ലും കഴിക്കു​ക​യോ ആവശ്യ​മി​ല്ലാ​തെ ഇടനാ​ഴി​യി​ലൂ​ടെ അങ്ങോ​ട്ടു​മി​ങ്ങോ​ട്ടും നടക്കു​ക​യോ ചെയ്യു​ന്നത്‌ ഒഴിവാ​ക്കുക.

7. നവോ​ന്മേഷം നേടാ​നും അതു പകർന്നു കൊടു​ക്കാ​നും സഹോ​ദ​ര​ങ്ങ​ളു​മാ​യുള്ള സഹവാസം നമ്മെ സഹായി​ക്കു​ന്നത്‌ എങ്ങനെ?

⁷ നവോ​ന്മേ​ഷ​ദാ​യ​ക​മായ സഹവാസം: കൺ​വെൻ​ഷ​നു​ക​ളിൽ ക്രിസ്‌തീയ സഹവാസം ആസ്വദി​ക്കാ​നുള്ള ധാരാളം അവസരങ്ങൾ നമുക്കുണ്ട്‌. (സങ്കീ. 133:1-3) മറ്റു സഭകളിൽനി​ന്നുള്ള സഹോ​ദ​രീ​സ​ഹോ​ദ​ര​ന്മാ​രെ പരിച​യ​പ്പെ​ടു​ന്ന​തി​നു മുൻ​കൈ​യെ​ടു​ക്കാ​നും അങ്ങനെ ‘ഹൃദയം വിശാ​ല​മാ​ക്കാ​നും’ നിങ്ങൾക്കാ​കു​മോ? (2 കൊരി. 6:13) ഓരോ ദിവസ​വും കുറഞ്ഞത്‌ ഒരു പുതിയ വ്യക്തിയെ അല്ലെങ്കിൽ ഒരു കുടും​ബത്തെ പരിച​യ​പ്പെ​ടാൻ ശ്രമി​ക്കാ​വു​ന്ന​താണ്‌. അതിനു പറ്റിയ സമയമാണ്‌ ഉച്ചഭക്ഷ​ണ​ത്തി​നുള്ള ഇടവേ​ളകൾ. ഭക്ഷണം കഴിക്കാ​നാ​യി ഹോട്ട​ലിൽ പോകു​ന്നത്‌ ഒഴിവാ​ക്കാൻ ലഘുവായ എന്തെങ്കി​ലും കൂടെ​ക്ക​രു​തുക. അങ്ങനെ​യാ​കു​മ്പോൾ സഹോ​ദ​ര​ങ്ങ​ളോ​ടൊ​പ്പം ഭക്ഷണം കഴിക്കാ​നും നല്ല സഹവാസം ആസ്വദി​ക്കാ​നും നമുക്കാ​കും. മാത്രമല്ല നല്ല സൗഹൃ​ദങ്ങൾ സമ്പാദി​ക്കാൻ അത്‌ നമ്മെ സഹായി​ക്കു​ക​യും ചെയ്യും.

8. കൺ​വെൻ​ഷൻ സ്ഥലത്തെ സേവന​ങ്ങൾക്കാ​യി നാം സ്വമേ​ധയാ മുന്നോ​ട്ടു​വ​രേ​ണ്ടത്‌ എന്തു​കൊണ്ട്‌, ഇത്‌ എങ്ങനെ ചെയ്യാ​നാ​കും?

⁸ സഹാരാ​ധ​ക​രോ​ടൊ​പ്പം വിശു​ദ്ധ​സേ​വ​ന​ത്തിൽ പങ്കുപ​റ്റു​ന്നത്‌ എത്ര നവോ​ന്മേ​ഷ​ദാ​യ​ക​മാണ്‌! ഡിപ്പാർട്ടു​മെ​ന്റു​കളെ സഹായി​ക്കാ​നാ​യി നിങ്ങൾ സ്വമേ​ധയാ മുന്നോ​ട്ടു​വ​രു​മോ? ഇനി, നിങ്ങളു​ടെ സഭയ്‌ക്ക്‌ ശുചീ​കരണ നിയമനം ഉണ്ടെങ്കിൽ സഭയോ​ടൊ​ത്തു പ്രവർത്തി​ക്കാൻ നിങ്ങൾക്കാ​കു​മോ? (സങ്കീ. 110:3) നിങ്ങൾക്ക്‌ ഇതുവ​രെ​യും നിയമ​നങ്ങൾ ഒന്നും ലഭിച്ചി​ട്ടി​ല്ലെ​ങ്കിൽ സ്വമേ​ധാ​സേവന ഡിപ്പാർട്ടു​മെ​ന്റി​നെ സമീപി​ക്കാ​വു​ന്ന​താണ്‌. കൂടുതൽ ആളുകൾ മുന്നോ​ട്ടു​വ​രു​മ്പോൾ ജോലി എളുപ്പ​മാ​കും എന്നുമാ​ത്രമല്ല കൂടുതൽ ആസ്വാ​ദ്യ​വു​മാ​യി​രി​ക്കും.

9. കൺ​വെൻ​ഷൻ ദിനങ്ങ​ളിൽ നമ്മുടെ നടത്ത, വസ്‌ത്ര​ധാ​രണം, ചമയം എന്നിവ​യ്‌ക്ക്‌ നാം നല്ല ശ്രദ്ധ കൊടു​ക്കേ​ണ്ടത്‌ എന്തു​കൊണ്ട്‌?

⁹ നമ്മുടെ നടത്ത പുറത്തു​ള്ള​വർക്ക്‌ നവോ​ന്മേഷം പകരുന്നു: പരിപാ​ടി​ക​ളു​ടെ സമയത്തു മാത്രമല്ല, കൺ​വെൻ​ഷന്റെ മൂന്നു​ദി​വ​സ​ങ്ങ​ളി​ലും നാം കൺ​വെൻ​ഷൻ പ്രതി​നി​ധി​ക​ളാണ്‌. സാക്ഷികൾ മറ്റുള്ള​വ​രിൽനി​ന്നു വ്യത്യ​സ്‌ത​രാ​ണെന്ന്‌ നമ്മെ നിരീ​ക്ഷി​ക്കു​ന്ന​വർക്ക്‌ മനസ്സി​ലാ​കണം. (1 പത്രോ. 2:12) കൺ​വെൻ​ഷൻ സ്ഥലത്തും താമസ​സ്ഥ​ല​ത്തും റെസ്റ്ററ​ന്റു​ക​ളി​ലു​മൊ​ക്കെ ആയിരി​ക്കു​മ്പോൾ നമ്മുടെ വസ്‌ത്ര​ധാ​ര​ണ​വും ചമയവും യഹോ​വ​യ്‌ക്ക്‌ മഹത്ത്വം കരേറ്റുന്ന വിധത്തി​ലു​ള്ള​താ​യി​രി​ക്കണം. (1 തിമൊ. 2:9, 10) കൺ​വെൻ​ഷൻ ബാഡ്‌ജു​കൾ ധരിക്കു​ന്നത്‌ നാം യഹോ​വ​യു​ടെ സാക്ഷി​ക​ളാ​ണെന്നു മനസ്സി​ലാ​ക്കാൻ നിരീ​ക്ഷ​കരെ സഹായി​ക്കും. ഇത്‌ കൺ​വെൻ​ഷ​നെ​ക്കു​റി​ച്ചു പറയാ​നും കൂടു​ത​ലായ സാക്ഷ്യം നൽകാ​നും നമുക്ക്‌ അവസരം നൽകി​യേ​ക്കാം.

10. ഹോട്ടൽ, റെസ്റ്ററന്റ്‌ ജീവന​ക്കാർക്ക്‌ കൺ​വെൻ​ഷ​നെ​പ്പറ്റി നല്ലൊരു ധാരണ ലഭിക്കാൻ നമുക്ക്‌ എന്തു ചെയ്യാ​നാ​കും?

¹⁰ ഹോട്ട​ലി​ലെ​യും റെസ്റ്ററ​ന്റി​ലെ​യും ജീവന​ക്കാ​രോട്‌ നമുക്ക്‌ എങ്ങനെ സഹകരി​ക്കാ​നാ​കും? വേണ്ടതി​ല​ധി​കം മുറികൾ ബുക്കു​ചെ​യ്യ​രുത്‌. അങ്ങനെ ചെയ്‌താൽ കൺ​വെൻ​ഷനു വരുന്ന മറ്റുള്ള​വർക്ക്‌ മുറികൾ ലഭിക്കാ​തെ പോകും; ഹോട്ട​ലിന്‌ നഷ്ടംവ​രാ​നും സാധ്യ​ത​യുണ്ട്‌. ഒരുപക്ഷേ നല്ല തിരക്കു​ള്ള​പ്പോ​ഴാ​യി​രി​ക്കാം നാം ഹോട്ട​ലിൽ ചെല്ലു​ക​യോ മുറി ഒഴിയു​ക​യോ ചെയ്യു​ന്നത്‌. ആ സമയത്ത്‌ ക്ഷമയും മര്യാ​ദ​യും ഉള്ളവരാ​യി​രി​ക്കാൻ പ്രത്യേ​കം ശ്രദ്ധി​ക്കുക. (കൊലോ. 4:6) റെസ്റ്ററ​ന്റി​ലെ വെയി​റ്റർക്കും നമ്മുടെ ലഗേജ്‌ എടുക്കു​ക​യും മുറി വൃത്തി​യാ​ക്കു​ക​യും ഒക്കെ ചെയ്യുന്ന ഹോട്ടൽ ജോലി​ക്കാർക്കും ടിപ്പ്‌ കൊടു​ക്കാൻ മറക്കരുത്‌.

11. ക്രിസ്‌തീയ നടത്ത നല്ല സാക്ഷ്യം നൽകുന്നു എന്നു കാണി​ക്കുന്ന ചില അനുഭ​വങ്ങൾ പറയുക.

¹¹ കൺ​വെൻ​ഷൻ സ്ഥലത്തെ നമ്മുടെ നല്ല നടത്ത മറ്റുള്ള​വ​രിൽ എന്തു പ്രഭാ​വ​മാണ്‌ ചെലു​ത്തു​ന്നത്‌? സാക്ഷികൾ ഉപയോ​ഗിച്ച ഒരു കൺ​വെൻ​ഷൻ ഹാളിന്റെ മാനേജർ ഇങ്ങനെ പറഞ്ഞതാ​യി ഒരു വർത്തമാ​ന​പ​ത്രം റിപ്പോർട്ടു ചെയ്യുന്നു: “അവർ നല്ല മര്യാ​ദ​ക്കാ​രാണ്‌. എല്ലാ വർഷവും അവർക്ക്‌ ഹാൾ കൊടു​ക്കാൻ ഞങ്ങൾക്കു സന്തോ​ഷ​മേ​യു​ള്ളൂ.” കഴിഞ്ഞ വർഷം നടന്ന മറ്റൊരു സംഭവം ശ്രദ്ധി​ക്കുക. കൺ​വെൻ​ഷൻ പ്രതി​നി​ധി​കൾ താമസി​ച്ചി​രുന്ന ഹോട്ട​ലിൽവെച്ച്‌ ഒരാളു​ടെ പേഴ്‌സ്‌ നഷ്ടപ്പെട്ടു. സാക്ഷികൾ ആ പേഴ്‌സ്‌ അതേപടി ഹോട്ടൽ മാനേ​ജരെ ഏൽപ്പിച്ചു. അത്‌ ഉടമസ്ഥനു കൈമാ​റി​യ​പ്പോൾ മാനേജർ പറഞ്ഞ വാക്കുകൾ ശ്രദ്ധി​ക്കുക: “ഇവി​ടെ​യ​ടുത്ത്‌ യഹോ​വ​യു​ടെ സാക്ഷി​ക​ളു​ടെ കൺ​വെൻ​ഷൻ ഉണ്ടായി​രു​ന്നത്‌ നിങ്ങളു​ടെ ഭാഗ്യം. അവരുടെ ആളുക​ളാ​യി​രു​ന്നു ഹോട്ടൽ നിറയെ. അല്ലായി​രു​ന്നെ​ങ്കിൽ ഒരുപക്ഷേ നിങ്ങൾക്ക്‌ ഈ പേഴ്‌സ്‌ തിരികെ കിട്ടി​ല്ലാ​യി​രു​ന്നു.”

12. കൺ​വെൻ​ഷൻ അടുത്തു​വ​രവെ നമ്മുടെ ലക്ഷ്യം എന്തായി​രി​ക്കണം, എന്തു​കൊണ്ട്‌?

¹² ഈ വർഷത്തെ കൺ​വെൻ​ഷൻ അടുത്തു​വ​രു​ക​യാണ്‌. കൺ​വെൻ​ഷൻ നവോ​ന്മേ​ഷ​ദാ​യ​ക​മാ​ക്കാൻ വളരെ​യ​ധി​കം സമയവും ശ്രമവും ചെലവ​ഴി​ച്ചി​ട്ടുണ്ട്‌. അതു​കൊണ്ട്‌ മൂന്നു​ദി​വ​സ​വും ഹാജരാ​കാൻ ലക്ഷ്യം വെക്കുക. യഹോ​വ​യും അവന്റെ സംഘട​ന​യും നിങ്ങൾക്കാ​യി തയ്യാറാ​ക്കി​യി​രി​ക്കുന്ന ആത്മീയ വിരു​ന്നി​നാ​യി ഒരുങ്ങുക. നല്ല പെരു​മാ​റ്റ​ത്തി​ലൂ​ടെ​യും സഹവാ​സ​ത്തി​ലൂ​ടെ​യും നടത്തയി​ലൂ​ടെ​യും മറ്റുള്ള​വർക്ക്‌ നവോ​ന്മേഷം പകരാൻ ദൃഢചി​ത്ത​രാ​യി​രി​ക്കുക. അപ്പോൾ, കഴിഞ്ഞ വർഷം കൺ​വെൻ​ഷ​നിൽ സംബന്ധിച്ച ഒരു സഹോ​ദരി പറഞ്ഞ വാക്കുകൾ നിങ്ങളു​ടെ കാര്യ​ത്തി​ലും സത്യമാ​ണെന്നു തെളി​യും. “എനിക്ക്‌ ഇത്ര സന്തോഷം തോന്നിയ മറ്റൊരു സന്ദർഭം ഓർക്കാ​നേ കഴിയു​ന്നില്ല” എന്നാണ്‌ ആ സഹോ​ദരി പറഞ്ഞത്‌.

[4-ാം പേജിലെ ആകർഷക വാക്യം]

മുൻവർഷങ്ങളിലേതുപോലെ, കൺ​വെൻ​ഷൻ ആരംഭി​ക്കു​ന്ന​തി​നു മൂന്നാഴ്‌ച മുമ്പു​തന്നെ നാം ക്ഷണക്കത്തു​കൾ വിതരണം ചെയ്യു​ന്ന​താ​യി​രി​ക്കും

[6-ാം പേജിലെ ആകർഷക വാക്യം]

കൺ​വെൻ​ഷൻ സ്ഥലത്തും താമസ​സ്ഥ​ല​ത്തും റെസ്റ്ററ​ന്റു​ക​ളി​ലും നമ്മുടെ വസ്‌ത്ര​ധാ​ര​ണ​വും ചമയവും യഹോ​വ​യ്‌ക്ക്‌ മഹത്ത്വം കരേറ്റുന്ന വിധത്തി​ലു​ള്ള​താ​യി​രി​ക്കണം

[7-ാം പേജിലെ ആകർഷക വാക്യം]

നല്ല പെരു​മാ​റ്റ​ത്തി​ലൂ​ടെ​യും സഹവാ​സ​ത്തി​ലൂ​ടെ​യും നടത്തയി​ലൂ​ടെ​യും മറ്റുള്ള​വർക്ക്‌ നവോ​ന്മേഷം പകരാൻ ദൃഢചി​ത്ത​രാ​യി​രി​ക്കുക

[4-ാം പേജിലെ ചതുരം]

ഡിസ്‌ട്രിക്‌റ്റ്‌ കൺ​വെൻ​ഷൻ ഓർമി​പ്പി​ക്ക​ലു​കൾ

◼ പരിപാ​ടി​യു​ടെ സമയം: മൂന്നു​ദി​വ​സ​വും രാവിലെ 9:20-ന്‌ പരിപാ​ടി തുടങ്ങു​ന്ന​താ​യി​രി​ക്കും. രാവിലെ 8 മണിമു​തൽ ഹാളിൽ പ്രവേ​ശി​ക്കാ​നാ​കും. സംഗീതം ആരംഭി​ക്കാൻ പോകു​ന്നു​വെന്ന അറിയി​പ്പു കേൾക്കു​മ്പോൾ എല്ലാവ​രും ഇരിപ്പി​ട​ങ്ങ​ളിൽ വന്നിരി​ക്കേ​ണ്ട​താണ്‌. അങ്ങനെ​യാ​കു​മ്പോൾ മാന്യ​മായ വിധത്തിൽ പരിപാ​ടി ആരംഭി​ക്കാ​നാ​കും. വെള്ളി​യാ​ഴ്‌ച​യും ശനിയാ​ഴ്‌ച​യും 4:55-നും ഞായറാഴ്‌ച 3:40-നും പരിപാ​ടി സമാപി​ക്കും.

◼ പാർക്കിങ്‌: നമുക്ക്‌ പാർക്കിങ്‌ സ്ഥലങ്ങളു​ടെ നിയ​ന്ത്ര​ണ​മുള്ള എല്ലാ കൺ​വെൻ​ഷൻ സ്ഥലങ്ങളി​ലും, പാർക്ക്‌ ചെയ്യാ​നുള്ള ഇടം ആദ്യം വരുന്ന​വർക്ക്‌ ആദ്യം എന്ന രീതി​യിൽ സൗജന്യ​മാ​യി ലഭിക്കു​ന്ന​താ​യി​രി​ക്കും. പാർക്കി​ങ്ങി​നുള്ള സ്ഥലം സാധാ​ര​ണ​ഗ​തി​യിൽ പരിമി​ത​മാ​യി​രി​ക്കും എന്നതി​നാൽ, കാറു​ക​ളി​ലും മറ്റും ഒന്നോ രണ്ടോ പേർമാ​ത്രം യാത്ര ചെയ്യു​ന്ന​തി​നു​പ​കരം അവയിലെ സ്ഥലസൗ​ക​ര്യം പരമാ​വധി ഉപയോ​ഗ​പ്പെ​ടു​ത്തേ​ണ്ട​താണ്‌.

◼ ഇരിപ്പി​ടം പിടി​ച്ചു​വെക്കൽ: നിങ്ങ​ളോ​ടൊ​പ്പം ഒരേ വീട്ടിൽ താമസി​ക്കു​ന്ന​വർക്കോ ഒരേ വാഹന​ത്തിൽ യാത്ര​ചെ​യ്യു​ന്ന​വർക്കോ നിങ്ങൾ ഇപ്പോൾ അധ്യയനം എടുക്കു​ന്ന​വർക്കോ​വേണ്ടി മാത്രമേ ഇരിപ്പി​ടങ്ങൾ പിടി​ച്ചു​വെ​ക്കാ​വൂ.—1 കൊരി. 13:5.

◼ ഉച്ചഭക്ഷണം: ഉച്ചയ്‌ക്കത്തെ ഇടവേ​ള​യിൽ ഹോട്ട​ലി​ലും മറ്റും പോയി ഭക്ഷണം കഴിക്കു​ന്ന​തി​നു​പ​കരം ദയവായി ലഘുവായ ഉച്ചഭക്ഷണം കൂടെ കരുതുക. ഇരിപ്പി​ട​ത്തി​ന​ടി​യിൽ വെക്കാ​വു​ന്ന​തരം സഞ്ചിയും മറ്റും ഭക്ഷണം കൊണ്ടു​വ​രാൻ ഉപയോ​ഗി​ക്കാ​മെ​ങ്കി​ലും വലിയ പാത്ര​ങ്ങ​ളും ചില്ലു​പാ​ത്ര​ങ്ങ​ളും കൺ​വെൻ​ഷൻ സ്ഥലത്ത്‌ കൊണ്ടു​വ​ര​രുത്‌. കൺ​വെൻ​ഷൻ സംഘാ​ടകർ ഭക്ഷണപാ​നീ​യങ്ങൾ ലഭ്യമാ​ക്കു​ന്നതല്ല.

◼ സംഭാ​വ​നകൾ: ലോക​വ്യാ​പക വേലയ്‌ക്കു​വേണ്ടി രാജ്യ​ഹാ​ളി​ലോ കൺ​വെൻ​ഷൻ സ്ഥലത്തോ സംഭാ​വ​നകൾ ഇട്ടു​കൊണ്ട്‌ നമുക്ക്‌ കൺ​വെൻ​ഷൻ ക്രമീ​ക​ര​ണ​ങ്ങ​ളോ​ടു വിലമ​തി​പ്പു കാണി​ക്കാം. കൺ​വെൻ​ഷൻ സ്ഥലത്ത്‌ സംഭാ​വ​ന​യാ​യി നൽകുന്ന ചെക്കുകൾ “The Watch Tower Bible and Tract Society of India” എന്ന പേരി​ലാണ്‌ എഴു​തേ​ണ്ടത്‌.

◼ അപകട​ങ്ങ​ളും അടിയ​ന്തിര സാഹച​ര്യ​ങ്ങ​ളും: കൺ​വെൻ​ഷൻ സ്ഥലത്ത്‌ വൈദ്യ​സ​ഹാ​യം ആവശ്യ​മുള്ള ഒരു അടിയ​ന്തിര സാഹച​ര്യം ഉണ്ടാകു​ന്ന​പക്ഷം ദയവായി അടുത്തുള്ള ഒരു സേവകനെ സമീപി​ക്കുക. അദ്ദേഹം ഉടൻതന്നെ പ്രഥമ​ശു​ശ്രൂ​ഷാ വിഭാ​ഗത്തെ വിവര​മ​റി​യി​ക്കും. ആ വിഭാ​ഗ​ത്തി​ലുള്ള യോഗ്യ​രായ സഹോ​ദ​രങ്ങൾ സാഹച​ര്യ​ത്തി​ന്റെ ഗൗരവം വിലയി​രു​ത്തി ആവശ്യ​മായ സഹായം നൽകും. ആംബു​ലൻസ്‌ വിളി​ക്കേ​ണ്ട​തു​ണ്ടെ​ങ്കിൽ പ്രഥമ​ശു​ശ്രൂ​ഷാ വിഭാഗം അതു ചെയ്യു​ന്ന​താ​യി​രി​ക്കും. അങ്ങനെ​വ​രു​മ്പോൾ ഒരേ കാര്യ​ത്തെ​പ്രതി പലരുടെ കോളു​കൾ അടിയ​ന്തിര സഹായ​വി​ഭാ​ഗ​ത്തിന്‌ ലഭിക്കില്ല.

◼ മരുന്നു​കൾ: ഡോക്‌ട​റു​ടെ നിർദേ​ശ​പ്ര​കാ​രം നിങ്ങൾ ഏതെങ്കി​ലും മരുന്ന്‌ കഴിച്ചു​കൊ​ണ്ടി​രി​ക്കു​ന്നു​ണ്ടെ​ങ്കിൽ ആവശ്യ​മാ​യ​ത്ര​യും മരുന്നു​കൾ കൂടെ​ക്ക​രു​തുക. കൺ​വെൻ​ഷൻ സ്ഥലത്ത്‌ അവ ലഭ്യമാ​യി​രി​ക്കില്ല.

◼ പാദര​ക്ഷകൾ: പടികൾ കയറു​മ്പോ​ഴും മറ്റും തെന്നി​വീ​ഴാൻ ഇടയാ​ക്കാ​ത്ത​തരം പാദര​ക്ഷകൾ ധരിക്കുക. എല്ലാ വർഷവും ആരെങ്കി​ലു​മൊ​ക്കെ വീണു പരി​ക്കേൽക്കാ​റുണ്ട്‌.

◼ പെർഫ്യൂം: വായു​സ​ഞ്ചാ​ര​ത്തി​നാ​യി കൃത്രിമ മാർഗങ്ങൾ ഉപയോ​ഗി​ക്കേ​ണ്ടി​വ​രുന്ന അടഞ്ഞ ഹാളു​ക​ളി​ലാണ്‌ മിക്ക കൺ​വെൻ​ഷ​നു​ക​ളും നടക്കു​ന്നത്‌. അതു​കൊ​ണ്ടു​തന്നെ ആസ്‌ത്‌മ​യോ അലർജി​യോ ഉള്ളവർക്ക്‌ അസ്വസ്ഥത ഉളവാ​ക്കി​യേ​ക്കാ​വുന്ന രൂക്ഷഗ​ന്ധ​മുള്ള പെർഫ്യൂ​മു​ക​ളും മറ്റും അധികം ഉപയോ​ഗി​ക്കാ​തി​രു​ന്നു​കൊണ്ട്‌ മറ്റുള്ള​വ​രോ​ടു പരിഗണന കാണി​ക്കാ​നാ​കും.—1 കൊരി. 10:24.

◼ S-43 ഫാറങ്ങൾ: കൺ​വെൻ​ഷൻ സ്ഥലത്ത്‌ അനൗപ​ചാ​രിക സാക്ഷീ​ക​രണം നടത്തു​മ്പോൾ ആരെങ്കി​ലും താത്‌പ​ര്യം കാണി​ക്കു​ന്നെ​ങ്കിൽ അവരെ​ക്കു​റി​ച്ചുള്ള വിവരങ്ങൾ നൽകു​ന്ന​തിന്‌ ദയവായി ബന്ധപ്പെ​ടുക (S-43) ഫാറങ്ങൾ ഉപയോ​ഗി​ക്കേ​ണ്ട​താണ്‌. കൺ​വെൻ​ഷനു വരു​മ്പോൾ പ്രസാ​ധകർ ഒന്നോ രണ്ടോ S-43 ഫാറങ്ങൾ കൂടെ​ക്ക​രു​തുക. പൂരി​പ്പി​ച്ച​ശേഷം അവ പുസ്‌ത​ക​ശാ​ല​യിൽ ഏൽപ്പി​ക്കാ​നാ​കും; അല്ലെങ്കിൽ തിരി​കെ​ച്ചെ​ന്ന​ശേഷം നിങ്ങളു​ടെ സഭാ​സെ​ക്ര​ട്ട​റി​യെ ഏൽപ്പി​ക്കാ​വു​ന്ന​താണ്‌.—2009 നവംബർ ലക്കം നമ്മുടെ രാജ്യ ശുശ്രൂ​ഷ​യു​ടെ 3-ാം പേജ്‌ കാണുക.

◼ റെസ്റ്ററ​ന്റു​ക​ളിൽ: റെസ്റ്ററ​ന്റു​ക​ളി​ലും ഹോട്ട​ലു​ക​ളി​ലും ആയിരി​ക്കു​മ്പോൾ നല്ല പെരു​മാ​റ്റ​ത്താൽ യഹോ​വ​യു​ടെ നാമത്തെ മഹത്ത്വ​പ്പെ​ടു​ത്തുക. പല സ്ഥലങ്ങളി​ലും സേവന​ത്തി​ന​നു​സ​രിച്ച്‌ ടിപ്പ്‌ കൊടു​ക്കുന്ന രീതി​യുണ്ട്‌.

◼ ഹോട്ട​ലു​ക​ളിൽ:

(1) വേണ്ടതി​ല​ധി​കം മുറികൾ ബുക്കു​ചെ​യ്യ​രുത്‌; അനുവ​ദി​ച്ചി​രി​ക്കു​ന്ന​തി​ലും കൂടുതൽ ആളുകൾ മുറി​യിൽ താമസി​ക്കാ​തി​രി​ക്കാൻ ശ്രദ്ധി​ക്കുക.

(2) തക്കതായ കാരണ​മി​ല്ലാ​തെ ബുക്കു​ചെയ്‌ത മുറി ക്യാൻസൽ ചെയ്യരുത്‌. ഇനി ക്യാൻസൽ ചെയ്യാൻ തീരു​മാ​നി​ച്ചാൽ എത്രയും​വേഗം അക്കാര്യം ഹോട്ടൽ അധികൃ​തരെ അറിയി​ക്കുക.—മത്താ. 5:37.

(3) ലഗേജ്‌ കൊണ്ടു​പോ​കാ​നുള്ള ട്രോ​ളി​കൾ ലഭ്യമാ​ണെ​ങ്കിൽ, പുറത്തി​റ​ങ്ങാൻ തയ്യാറാ​യി​ക്ക​ഴി​ഞ്ഞേ അതെടു​ക്കാ​വൂ; മറ്റുള്ള​വർക്ക്‌ ഉപയോ​ഗി​ക്കാൻ കഴി​യേ​ണ്ട​തിന്‌ ഉടനെ തിരി​ച്ചു​വെ​ക്കു​ക​യും വേണം.

(4) ഹോട്ടൽ മുറി​യിൽ പാചകം അനുവ​ദ​നീ​യ​മ​ല്ലെ​ങ്കിൽ അതു ചെയ്യരുത്‌.

(5) നിങ്ങളു​ടെ ലഗേജ്‌ എടുക്കുന്ന ഹോട്ടൽ ജോലി​ക്കാർക്ക്‌ ടിപ്പ്‌ കൊടു​ക്കാൻ മറക്കരുത്‌. മുറി​യിൽ നിങ്ങൾക്കു​വേണ്ട സേവനം ചെയ്‌തു​ത​രുന്ന ആൾക്ക്‌ ദിവസ​വും ടിപ്പ്‌ കൊടു​ക്കുക.

(6) ഹോട്ട​ലിൽ ആയിരി​ക്കു​മ്പോൾ ഉപചാ​രാർഥം ലഭിക്കുന്ന പ്രഭാ​ത​ഭ​ക്ഷ​ണ​മോ പാനീ​യ​ങ്ങ​ളോ ഐസ്‌ തുടങ്ങിയ സാധന​ങ്ങ​ളോ ദുരു​പ​യോ​ഗം ചെയ്യരുത്‌.

(7) ഹോട്ടൽ ജീവന​ക്കാ​രു​മാ​യി ഇടപെ​ടു​മ്പോ​ഴെ​ല്ലാം ദൈവാ​ത്മാ​വി​ന്റെ ഫലം പ്രകടി​പ്പി​ക്കുക. ഹോട്ട​ലിൽ വരുന്ന എല്ലാവ​രെ​യും അവർക്കു തൃപ്‌തി​പ്പെ​ടു​ത്തേ​ണ്ട​തു​ണ്ടെന്ന കാര്യം മനസ്സിൽപ്പി​ടി​ച്ചു​കൊണ്ട്‌ ക്ഷമയും പരിഗ​ണ​ന​യും ന്യായ​ബോ​ധ​വും കാണി​ക്കുക.

(8) ശുപാർശ ചെയ്യ​പ്പെ​ടുന്ന ലോഡ്‌ജു​ക​ളു​ടെ പട്ടിക​യിൽ കാണി​ച്ചി​രി​ക്കുന്ന നിരക്ക്‌, നികുതി ഒഴി​കെ​യുള്ള ഒരു ദിവസത്തെ ചാർജാണ്‌. അതില​ധി​കം ചാർജു​ചെ​യ്യു​ക​യോ നിങ്ങൾ ആവശ്യ​പ്പെ​ടാ​ത്ത​തോ ഉപയോ​ഗി​ക്കാ​ത്ത​തോ ആയ എന്തെങ്കി​ലും ബില്ലിൽ ഉൾപ്പെ​ടു​ത്തു​ക​യോ ചെയ്‌തി​ട്ടു​ണ്ടെ​ങ്കിൽ അവ ഒഴിവാ​ക്കി​യേ പണം കൊടു​ക്കാ​വൂ, തുടർന്ന്‌ കൺ​വെൻ​ഷൻ സ്ഥലത്തുള്ള താമസ​സൗ​കര്യ ഡിപ്പാർട്ടു​മെ​ന്റി​നെ എത്രയും പെട്ടെന്ന്‌ വിവരം അറിയി​ക്കുക.

(9) ഹോട്ടൽ മുറി​യോ​ടുള്ള ബന്ധത്തിൽ എന്തെങ്കി​ലും പ്രശ്‌ന​മു​ണ്ടാ​കു​ന്ന​പക്ഷം അക്കാര്യം കൺ​വെൻ​ഷൻ സ്ഥലത്തു​വെ​ച്ചു​തന്നെ റൂമിങ്‌ ഡിപ്പാർട്ടു​മെ​ന്റി​നെ അറിയി​ക്കുക. അവർക്കു നിങ്ങളെ സഹായി​ക്കാ​നാ​യേ​ക്കും.

(10) ഡെബിറ്റ്‌ കാർഡോ ക്രെഡിറ്റ്‌ കാർഡോ ഉപയോ​ഗി​ച്ചാണ്‌ ഹോട്ടൽ ബുക്കു​ചെ​യ്യു​ന്ന​തെ​ങ്കിൽ, മുറി​വാ​ട​ക​യും താമസ സമയത്ത്‌ നിങ്ങൾ ഹോട്ട​ലിന്‌ എന്തെങ്കി​ലും നഷ്ടം വരുത്തി​യാൽ അതും നികത്താൻ ആവശ്യ​മായ ഒരു തുക നിങ്ങളു​ടെ അക്കൗണ്ടിൽ ബ്ലോക്കു​ചെ​യ്യും എന്ന കാര്യം പ്രത്യേ​കം ഓർമി​ക്കുക. അക്കൗണ്ട്‌ സെറ്റിൽചെ​യ്യു​ന്ന​തു​വരെ നിങ്ങൾക്ക്‌ ആ പണം ഉപയോ​ഗി​ക്കാൻ കഴിയില്ല.

◼ സ്വമേ​ധാ​സേ​വനം: ആവശ്യ​മായ സേവനങ്ങൾ ചെയ്യു​ന്ന​തി​നാ​യി നാം മുന്നോ​ട്ടു​വ​രു​ന്നെ​ങ്കിൽ കൺ​വെൻ​ഷ​നിൽ സംബന്ധി​ക്കു​ന്ന​തിൽനി​ന്നു കൂടുതൽ സന്തോഷം നമുക്ക്‌ ആസ്വദി​ക്കാ​നാ​കും. (പ്രവൃ. 20:35) അങ്ങനെ ചെയ്യാൻ ആഗ്രഹി​ക്കു​ന്നവർ സ്വമേ​ധാ​സേവന ഡിപ്പാർട്ടു​മെ​ന്റിൽ പേരു നൽകുക. മാതാ​പി​താ​ക്ക​ളോ​ടോ രക്ഷകർത്താ​വി​നോ​ടോ അവർ നിയമി​ക്കുന്ന ഏതെങ്കി​ലു​മൊ​രു മുതിർന്ന വ്യക്തി​യോ​ടോ ഒപ്പം 16 വയസ്സിൽ താഴെ പ്രായ​മുള്ള കുട്ടി​കൾക്കും സ്വമേ​ധാ​സേ​വ​ന​ത്തിൽ പങ്കെടു​ക്കാ​നാ​കും.

[5-ാം പേജിലെ ചതുരം]

എങ്ങനെ ക്ഷണിക്കണം?

ക്ഷണക്കത്തു​കൾ പ്രദേശം മുഴു​വ​നും വിതരണം ചെയ്യു​ന്ന​തിന്‌ നമ്മുടെ അവതരണം ഹ്രസ്വ​മാ​യി​രി​ക്കണം. നമുക്ക്‌ ഒരുപക്ഷേ ഇങ്ങനെ പറയാ​നാ​യേ​ക്കും: “നമസ്‌കാ​രം. ഗോള​വ്യാ​പ​ക​മാ​യി വിതരണം ചെയ്യുന്ന ഒരു ക്ഷണക്കത്ത്‌ താങ്കൾക്ക്‌ തരാനാണ്‌ ഞങ്ങൾ ഇവിടെ വന്നിരി​ക്കു​ന്നത്‌. ഈ കോപ്പി താങ്കൾക്കു​ള്ള​താണ്‌. കൂടുതൽ വിവരങ്ങൾ ഈ ക്ഷണക്കത്തി​ലുണ്ട്‌.” താത്‌പ​ര്യം ഉണർത്തുന്ന വിധത്തി​ലാണ്‌ ക്ഷണക്കത്തി​ന്റെ മുൻപേജ്‌ തയ്യാറാ​ക്കി​യി​രി​ക്കു​ന്നത്‌. അതു​കൊണ്ട്‌ അതു വീട്ടു​കാ​രനു കാണാൻ കഴിയുന്ന വിധത്തിൽ ക്ഷണക്കത്ത്‌ കൈമാ​റാൻ ശ്രദ്ധി​ക്കുക. ഉത്സാഹ​ത്തോ​ടെ സംസാ​രി​ക്കുക. വാരാ​ന്ത​ത്തിൽ ക്ഷണക്കത്തി​നോ​ടൊ​പ്പം മാസി​ക​ക​ളും സമർപ്പി​ക്കാ​വു​ന്ന​താണ്‌.