‘വിജാ​തീ​യ​രു​ടെ ഇടയിൽ നിങ്ങളു​ടെ നടപ്പ്‌ നന്നായി​രി​ക്കട്ടെ’

1. വരാനി​രി​ക്കുന്ന കൺ​വെൻ​ഷ​നു​ക​ളിൽ നല്ല നടത്ത ഉള്ളവരാ​യി​രി​ക്കേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹ ഓരോ വർഷവും നമ്മുടെ കൺ​വെൻ​ഷ​നു​കൾ പൊതു​ജ​ന​ശ്രദ്ധ പിടി​ച്ചു​പ​റ്റു​ന്നു. അതിനാൽ, യഹോ​വയെ ആരാധി​ക്കു​ന്ന​വ​രെ​ന്ന​നി​ല​യിൽ നല്ല നടത്ത ഉള്ളവരാ​യി​രി​ക്കു​ന്നത്‌ പ്രധാ​ന​മാണ്‌. (ലേവ്യ. 20:26) നമ്മുടെ നല്ല പെരു​മാറ്റ രീതി​ക​ളും അതോ​ടൊ​പ്പം വേഷഭൂ​ഷാ​ദി​ക​ളും നാം ക്രിസ്‌തു​വി​ന്റെ യഥാർഥ അനുഗാ​മി​ക​ളാ​ണെന്ന്‌ വ്യക്തമാ​യി തിരി​ച്ച​റി​യി​ക്കണം. വരാനി​രി​ക്കുന്ന മേഖലാ അല്ലെങ്കിൽ അന്താരാ​ഷ്‌ട്ര കൺ​വെൻ​ഷ​നു​ക​ളിൽ പങ്കെടു​ക്കവേ ‘വിജാ​തീ​യ​രു​ടെ ഇടയിൽ നമ്മുടെ നടപ്പ്‌ നന്നായി​രി’ക്കാനും അതുവഴി സ്വർഗീയ പിതാ​വി​നെ മഹത്വ​പ്പെ​ടു​ത്താ​നും എങ്ങനെ കഴിയും?—1 പത്രോ. 2:12.

2. കൺ​വെൻ​ഷ​നിൽ പങ്കെടു​ക്കു​മ്പോൾ ക്രിസ്‌തീയ വ്യക്തി​ത്വം പ്രതി​ഫ​ലി​പ്പി​ക്കാ​നുള്ള ഏതൊക്കെ അവസരങ്ങൾ ഉണ്ട്‌?

² ക്രിസ്‌തീയ വ്യക്തി​ത്വം പ്രതി​ഫ​ലി​പ്പി​ക്കുക: നാം അന്യോ​ന്യം കാണി​ക്കുന്ന സ്‌നേ​ഹ​വും “പുറത്തു​ള്ള​വ​രോ​ടു” പെരു​മാ​റുന്ന വിധവും ലോക​ത്തിൽ പ്രബല​മായ ആത്മാവിന്‌ നേർ വിപരീ​ത​മാണ്‌. (കൊലോ. 3:10; 4:5; 2 തിമൊ. 3:1-5) പ്രശ്‌നങ്ങൾ ഉടലെ​ടു​ക്കു​മ്പോൾപോ​ലും നാം ഹോട്ടൽ, റസ്റ്റോ​റന്റ്‌ ജീവന​ക്കാ​രോ​ടു ദയയോ​ടും ക്ഷമയോ​ടും കൂടി ഇടപെ​ടണം. വ്യക്തി​പ​ര​മായ സേവന​ങ്ങൾക്കു ടിപ്പ്‌ കൊടു​ക്കു​ന്ന​തും നല്ല പെരു​മാ​റ്റ​ത്തിൽ ഉൾപ്പെ​ടു​ന്നു. സീറ്റുകൾ പിടി​ച്ചു​വെ​ക്കു​മ്പോ​ഴോ കൺ​വെൻ​ഷ​നിൽ പ്രകാ​ശനം ചെയ്‌ത പുതിയ പ്രസി​ദ്ധീ​ക​ര​ണങ്ങൾ വാങ്ങാ​നാ​യി നിൽക്കു​മ്പോ​ഴോ നാം സ്വന്തന​ന്മയല്ല മറ്റുള്ള​വ​രു​ടെ നന്മയാണ്‌ അന്വേ​ഷി​ക്കേ​ണ്ടത്‌. (1 കൊരി. 10:23, 24) താൻ പങ്കെടുത്ത ആദ്യ കൺ​വെൻ​ഷ​നു​ശേഷം ഒരു താത്‌പ​ര്യ​ക്കാ​രൻ ഇങ്ങനെ പറഞ്ഞു, “അന്നു നടന്ന പ്രസം​ഗ​ങ്ങ​ളൊ​ന്നും ഞാൻ ഓർക്കു​ന്നില്ല, എന്നാൽ സാക്ഷി​ക​ളു​ടെ പെരു​മാ​റ്റം എന്നിൽ ഏറെ മതിപ്പു​ള​വാ​ക്കി.”

3. മാതാ​പി​താ​ക്കൾക്കുള്ള ഓർമി​പ്പി​ക്കൽ എന്താണ്‌, എന്തു​കൊണ്ട്‌?

³ കൺ​വെൻ​ഷൻ സ്ഥലത്തും റസ്റ്റോ​റ​ന്റു​ക​ളി​ലും ഹോട്ട​ലു​ക​ളി​ലും ആയിരി​ക്കു​മ്പോൾ മാതാ​പി​താ​ക്കൾ തങ്ങളുടെ കുട്ടി​കളെ നന്നായി ശ്രദ്ധി​ക്കണം. (സദൃ. 29:15) ഒരു ഹോട്ട​ലി​ലെ റസ്റ്റോ​റന്റ്‌ മാനേജർ ഒരു ദമ്പതി​ക​ളോട്‌ ഇപ്രകാ​രം പറഞ്ഞു: “ഞങ്ങൾക്കു നിങ്ങളെ ശരിക്കും ഇഷ്ടമാണ്‌. നിങ്ങളു​ടെ കുടും​ബ​ങ്ങ​ളും കുട്ടി​ക​ളും നല്ല പെരു​മാ​റ്റ​വും മാന്യ​ത​യും ഉള്ളവരാണ്‌. ഞങ്ങളുടെ ജീവന​ക്കാ​രെ​ല്ലാം നിങ്ങ​ളെ​ക്കു​റിച്ച്‌ നല്ലതു പറയുന്നു. എല്ലാ വാരാ​ന്ത​ങ്ങ​ളി​ലും നിങ്ങളി​വി​ടെ താമസി​ച്ചി​രു​ന്നെ​ങ്കിൽ എന്നു ഞങ്ങൾ ആഗ്രഹി​ക്കു​ന്നു.”

4. കൺ​വെൻ​ഷൻ നഗരി​യിൽ ആയിരി​ക്കു​മ്പോൾ നമ്മുടെ ചമയം സംബന്ധിച്ച്‌ എന്തൊക്കെ ശ്രദ്ധി​ക്കണം?

⁴ മാന്യ​മായ വസ്‌ത്ര​ധാ​രണം: കൺ​വെൻ​ഷനു വരു​മ്പോൾ നമ്മുടെ വസ്‌ത്ര​ധാ​രണം മാന്യ​വും ഉചിത​വും ആയിരി​ക്കണം, അല്ലാതെ ലോക​ത്തി​ന്റെ രീതികൾ പ്രതി​ഫ​ലി​പ്പി​ക്കു​ന്നത്‌ ആയിരി​ക്ക​രുത്‌. (1 തിമൊ. 2:9) ഹോട്ട​ലിൽ താമസി​ക്കു​ന്നവർ അവിടെ ചെല്ലു​മ്പോ​ഴും തിരികെ പോരു​മ്പോ​ഴും കൺ​വെൻ​ഷൻ സെഷനു​ക​ളു​ടെ ഇടവേ​ള​ക​ളി​ലും സെഷനു​കൾക്കു​ശേ​ഷ​വും അങ്ങേയറ്റം അലസമോ അശ്രദ്ധ​മോ ആയ വസ്‌ത്ര​ധാ​രണം ഒഴിവാ​ക്കേ​ണ്ട​താണ്‌. അതിലൂ​ടെ കൺ​വെൻ​ഷൻ ബാഡ്‌ജ്‌ അഭിമാ​ന​ത്തോ​ടെ ധരിക്കാ​നും അവസരം വരു​മ്പോൾ സാക്ഷ്യം കൊടു​ക്കു​ന്ന​തിൽ ലജ്ജിക്കാ​തി​രി​ക്കാ​നും നമുക്കാ​കും. വരാനി​രി​ക്കുന്ന കൺ​വെൻ​ഷ​നു​ക​ളിൽ സംബന്ധി​ക്കു​മ്പോൾ നല്ല നടത്തയും ചമയവും പരമാർഥ​ഹൃ​ദ​യരെ ജീവര​ക്ഷാ​ക​ര​മായ ബൈബിൾ സന്ദേശ​ത്തി​ലേക്ക്‌ ആകർഷി​ക്കുക മാത്രമല്ല യഹോ​വ​യു​ടെ ഹൃദയം സന്തോ​ഷി​പ്പി​ക്കു​ക​യും ചെയ്യും.—സെഫ. 3:17.

[5,6 പേജു​ക​ളി​ലെ ചതുരം]

2014-ലെ കൺ​വെൻ​ഷൻ ഓർമി​പ്പി​ക്ക​ലു​കൾ

◼ പരിപാ​ടി​യു​ടെ സമയം: രാവിലെ 8 മുതൽ ഹാളിൽ പ്രവേ​ശി​ക്കാ​നാ​കും. മൂന്നു ദിവസ​വും രാവിലെ 9:20-ന്‌ പ്രാരംഭ സംഗീതം ആരംഭി​ക്കും. സംഗീതം ആരംഭി​ക്കാൻ പോകു​ന്നു​വെന്ന അറിയി​പ്പു കേൾക്കു​മ്പോൾ എല്ലാവ​രും ഇരിപ്പി​ട​ങ്ങ​ളിൽ വന്നിരി​ക്കേ​ണ്ട​താണ്‌. അങ്ങനെ​യാ​കു​മ്പോൾ മാന്യ​വും ക്രമീ​കൃ​ത​വു​മായ വിധത്തിൽ പരിപാ​ടി ആരംഭി​ക്കാ​നാ​കും. വെള്ളി​യാ​ഴ്‌ച​യും ശനിയാ​ഴ്‌ച​യും ഉള്ള സമാപന ഗീതവും പ്രാർഥ​ന​യും വൈകു​ന്നേരം 4:55-നും, ഞായറാഴ്‌ച  3:50-നും ആയിരി​ക്കും.

◼ അന്താരാ​ഷ്‌ട്ര കൺ​വെൻ​ഷൻ: ചില സ്ഥലങ്ങൾ അന്താരാ​ഷ്‌ട്ര കൺ​വെൻ​ഷ​നു​കൾക്കു വേദി​യാ​കും. ലഭ്യമായ ഇരിപ്പി​ടങ്ങൾ, പാർക്കിങ്‌ സ്ഥലങ്ങൾ, ഹോട്ടൽ മുറികൾ എന്നിവ ശ്രദ്ധാ​പൂർവം വിലയി​രു​ത്തി​യാ​ണു ബ്രാ​ഞ്ചോ​ഫീസ്‌ ചില സഭക​ളെ​യും വിദേശ പ്രതി​നി​ധി​ക​ളെ​യും ക്ഷണിച്ചി​രി​ക്കു​ന്നത്‌. അന്താരാ​ഷ്‌ട്ര കൺ​വെൻ​ഷ​നിൽ പ്രസാ​ധകർ ക്ഷണിക്ക​പ്പെ​ടാ​തെ ഹാജരാ​യാൽ അത്‌ പല അസൗക​ര്യ​ങ്ങ​ളി​ലേ​ക്കും നയി​ച്ചേ​ക്കാം. നിങ്ങൾക്കു നിയമനം ലഭിച്ചി​ട്ടുള്ള കൺ​വെൻ​ഷനു പകരം മറ്റൊ​ന്നി​നു പോകേണ്ട സാഹച​ര്യം വരു​ന്നെ​ങ്കിൽ ഒരു കാരണ​വ​ശാ​ലും അന്താരാ​ഷ്‌ട്ര കൺ​വെൻ​ഷൻ തിര​ഞ്ഞെ​ടു​ക്ക​രുത്‌.

◼ പാർക്കിങ്‌: പാർക്കിങ്‌ സ്ഥലങ്ങളു​ടെ നിയ​ന്ത്രണം നമുക്കു ലഭിക്കുന്ന എല്ലാ കൺ​വെൻ​ഷ​നു​ക​ളി​ലും, പാർക്ക്‌ ചെയ്യാ​നുള്ള ഇടം ആദ്യം വരുന്ന​വർക്ക്‌ ആദ്യം എന്ന രീതി​യിൽ സൗജന്യ​മാ​യി ലഭിക്കും. പാർക്കി​ങ്ങി​നുള്ള സ്ഥലം സാധാ​ര​ണ​ഗ​തി​യിൽ പരിമി​ത​മാ​യ​തി​നാൽ, കാറു​ക​ളി​ലും മറ്റും ഒന്നോ രണ്ടോ പേർമാ​ത്രം യാത്ര ചെയ്യു​ന്ന​തി​നു​പ​കരം സ്ഥലസൗ​ക​ര്യം പരമാ​വധി ഉപയോ​ഗ​പ്പെ​ടു​ത്തേ​ണ്ട​താണ്‌. അംഗ​വൈ​ക​ല്യ​മു​ള്ള​വർക്കു മാറ്റി​വെ​ച്ചി​രി​ക്കുന്ന പാർക്കിങ്‌ സ്ഥലങ്ങൾ അവർ മാത്രം ഉപയോ​ഗി​ക്കേ​ണ്ട​താണ്‌.

◼ ഇരിപ്പി​ടം പിടി​ച്ചു​വെക്കൽ: ഓരോ പ്രഭാ​ത​ത്തി​ലും ഹാളി​ലേ​ക്കുള്ള വാതിൽ തുറക്കു​മ്പോൾ സീറ്റു പിടി​ക്കാൻ ദയവായി മത്സരിച്ച്‌ ഓടരുത്‌. മറ്റുള്ള​വ​രു​ടെ നന്മ അന്വേ​ഷി​ക്കു​ന്ന​തിൽ കാണി​ക്കുന്ന ആത്മത്യാഗ മനോ​ഭാ​വം യഥാർഥ ക്രിസ്‌ത്യാ​നി​ക​ളാ​യി നമ്മെ തിരി​ച്ച​റി​യി​ക്കു​ക​യും ദൈവത്തെ മഹത്വ​പ്പെ​ടു​ത്താൻ മറ്റുള്ള​വരെ പ്രേരി​പ്പി​ക്കു​ക​യും ചെയ്യും. (യോഹ. 13:34, 35; 1 കൊരി. 13:4, 5; 1 പത്രോ. 2:12) നിങ്ങ​ളോ​ടൊ​പ്പം ഒരേ വീട്ടിൽ താമസി​ക്കു​ന്ന​വർക്കോ ഒരേ വാഹന​ത്തിൽ യാത്ര​ചെ​യ്യു​ന്ന​വർക്കോ നിങ്ങൾ ഇപ്പോൾ അധ്യയ​ന​മെ​ടു​ക്കു​ന്ന​വർക്കോ വേണ്ടി മാത്രമേ ഇരിപ്പി​ടങ്ങൾ പിടി​ച്ചു​വെ​ക്കാ​വൂ. വയോ​ധി​കർക്കും വൈക​ല്യ​മു​ള്ള​വർക്കും വേണ്ടി പ്രത്യേ​കം ഇരിപ്പി​ടങ്ങൾ ക്രമീ​ക​രി​ച്ചി​ട്ടുണ്ട്‌. ഇവ പരിമി​ത​മാ​യ​തി​നാൽ അവരോ​ടൊ​പ്പം ഒന്നോ രണ്ടോ സഹായി​കൾ മാത്രമേ ഇരിക്കാ​വൂ.

◼ ഉച്ചഭക്ഷണം: ഉച്ചയ്‌ക്കുള്ള ഇടവേ​ള​യിൽ ഹോട്ട​ലിൽ പോയി ഭക്ഷണം കഴിക്കു​ന്ന​തി​നു​പ​കരം എന്തെങ്കി​ലും കരുതുക. ഇരിപ്പി​ട​ത്തിന്‌ അടിയിൽ വെക്കാ​വു​ന്ന​തരം സഞ്ചിയും മറ്റും ഭക്ഷണം കൊണ്ടു​വ​രാൻ ഉപയോ​ഗി​ക്കാ​മെ​ങ്കി​ലും വലിയ പാത്ര​ങ്ങ​ളും ചില്ലു​പാ​ത്ര​ങ്ങ​ളും കൺ​വെൻ​ഷൻ സ്ഥലത്തു കൊണ്ടു​വ​ര​രുത്‌.

◼ സംഭാ​വ​നകൾ: ലോക​വ്യാ​പക വേലയ്‌ക്കു​വേണ്ടി കൺ​വെൻ​ഷൻ സ്ഥലത്ത്‌ സംഭാ​വ​നകൾ നൽകി​ക്കൊണ്ട്‌ കൺ​വെൻ​ഷൻ ക്രമീ​ക​ര​ണ​ങ്ങ​ളോ​ടു നമുക്കു വിലമ​തി​പ്പു കാണി​ക്കാം. കൺ​വെൻ​ഷൻ സ്ഥലത്ത്‌ സംഭാ​വ​ന​യാ​യി നൽകുന്ന ചെക്കുകൾ “The Watch Tower Bible and Tract Society of India” എന്ന പേരി​ലാണ്‌ എഴു​തേ​ണ്ടത്‌.

◼ മരുന്നു​കൾ: ഡോക്‌ട​റു​ടെ നിർദേ​ശ​പ്ര​കാ​രം നിങ്ങൾ ഏതെങ്കി​ലും മരുന്ന്‌ കഴിച്ചു​കൊ​ണ്ടി​രി​ക്കു​ക​യാ​ണെ​ങ്കിൽ അവ കൂടെ​ക്ക​രു​തുക. കൺ​വെൻ​ഷൻ സ്ഥലത്ത്‌ അവ ലഭിക്കില്ല. പ്രമേ​ഹ​രോ​ഗി​കൾ ഉപയോ​ഗി​ക്കുന്ന സിറി​ഞ്ചു​ക​ളും സൂചി​ക​ളും ശരിയായ വിധത്തിൽ നിർമാർജനം ചെയ്യേ​ണ്ട​താണ്‌. അവ അപകട​ക​ര​മാ​യ​തി​നാൽ കൺ​വെൻ​ഷൻ സ്ഥലത്തോ ഹോട്ട​ലി​ലോ ഉള്ള ചവറ്റു​കു​ട്ട​യിൽ ഇടരുത്‌.

◼ സുരക്ഷി​ത​ത്വ​ത്തി​നു​വേ​ണ്ടി​യുള്ള മുൻക​രു​ത​ലു​കൾ: തെന്നി​യും തട്ടിയും വീഴു​ന്നത്‌ ഒഴിവാ​ക്കാൻ ദയവായി ശ്രദ്ധി​ക്കുക. ഓരോ വർഷവും പാദര​ക്ഷ​ക​ളു​ടെ, പ്രത്യേ​കിച്ച്‌ ഉയർന്ന ഹീലു​ള്ള​വ​യു​ടെ ഉപയോ​ഗം മൂലം പരിക്കു പറ്റാറുണ്ട്‌. നടപ്പാ​ത​ക​ളി​ലൂ​ടെ​യും ഗോവ​ണി​പ്പ​ടി​ക​ളി​ലൂ​ടെ​യും മറ്റും സുരക്ഷി​ത​മാ​യി നടക്കാൻ സഹായി​ക്കുന്ന ഒതുക്ക​മുള്ള ഷൂസുകൾ തിര​ഞ്ഞെ​ടു​ക്കു​ന്ന​താ​യി​രി​ക്കും ഏറ്റവും ഉചിതം.

◼ കുഞ്ഞു​ങ്ങളെ ഇരുത്തി​ക്കൊ​ണ്ടു​പോ​കുന്ന വണ്ടിക​ളും ചാരു​ക​സേ​ര​ക​ളും: കൺ​വെൻ​ഷൻ സ്ഥലത്ത്‌ ഇവ കൊണ്ടു​വ​ര​രുത്‌. മാതാ​പി​താ​ക്ക​ളു​ടെ അടുത്തു​ത​ന്നെ​യുള്ള ഇരിപ്പി​ട​ത്തിൽ സ്ഥാപി​ക്കാൻ കഴിയുന്ന, കുട്ടി​കൾക്കാ​യുള്ള പ്രത്യേക സുരക്ഷാ​സീ​റ്റു​കൾ ഉപയോ​ഗി​ക്കാ​വു​ന്ന​താണ്‌.

◼ പെർഫ്യൂം: വായു സഞ്ചാര​ത്തി​നാ​യി കൃത്രിമ മാർഗങ്ങൾ ഉപയോ​ഗി​ക്കേ​ണ്ടി​വ​രുന്ന അടഞ്ഞ ഹാളു​ക​ളി​ലാണ്‌ മിക്ക കൺ​വെൻ​ഷ​നു​ക​ളും നടക്കു​ന്നത്‌. അതു​കൊ​ണ്ടു​തന്നെ ശ്വാസ​ത​ട​സ്സ​മോ അലർജി​യോ ഉള്ളവർക്ക്‌ അസ്വസ്ഥത ഉളവാ​ക്കാ​വുന്ന രൂക്ഷഗ​ന്ധ​മുള്ള പെർഫ്യൂ​മു​ക​ളു​ടെ​യും മറ്റും ഉപയോ​ഗം കുറച്ചു​കൊണ്ട്‌ മറ്റുള്ള​വ​രോ​ടു പരിഗണന കാണി​ക്കാം.—1 കൊരി. 10:24.

◼ ദയവായി ബന്ധപ്പെ​ടുക (S-43) ഫാറങ്ങൾ: കൺ​വെൻ​ഷൻ സ്ഥലത്ത്‌ അനൗപ​ചാ​രിക സാക്ഷീ​ക​രണം നടത്തു​മ്പോൾ ആരെങ്കി​ലും താത്‌പ​ര്യം കാണി​ക്കു​ന്നെ​ങ്കിൽ അവരെ​ക്കു​റി​ച്ചുള്ള വിവരങ്ങൾ നൽകു​ന്ന​തിന്‌ ദയവായി ബന്ധപ്പെ​ടുക എന്ന ഫാറം ഉപയോ​ഗി​ക്കേ​ണ്ട​താണ്‌. പൂരി​പ്പി​ച്ച​ശേഷം അവ പുസ്‌ത​ക​ശാ​ല​യിൽ ഏൽപ്പി​ക്കാ​നാ​കും; അല്ലെങ്കിൽ മടങ്ങി​ച്ചെ​ല്ലു​മ്പോൾ നിങ്ങളു​ടെ സഭാ​സെ​ക്ര​ട്ട​റി​യെ ഏൽപ്പി​ക്കാ​വു​ന്ന​താണ്‌.

◼ റസ്റ്റോ​റ​ന്റു​ക​ളിൽ: നല്ല പെരു​മാ​റ്റ​ത്താൽ യഹോ​വ​യു​ടെ നാമം മഹത്വ​പ്പെ​ടു​ത്തുക. ഒരു ക്രിസ്‌തീയ ശുശ്രൂ​ഷ​കനു ചേർന്ന രീതി​യിൽ വസ്‌ത്രം ധരിക്കുക. പല സ്ഥലങ്ങളി​ലും സേവന​ത്തി​ന​നു​സ​രിച്ച്‌ ടിപ്പ്‌ കൊടു​ക്കുന്ന രീതി​യുണ്ട്‌.

◼ ഹോട്ട​ലു​ക​ളിൽ:

(1) വേണ്ടതി​ല​ധി​കം മുറികൾ ബുക്കു​ചെ​യ്യ​രുത്‌; അനുവ​ദി​ച്ചി​രി​ക്കു​ന്ന​തി​ലും കൂടുതൽ ആളുകളെ മുറി​യിൽ താമസി​പ്പി​ക്ക​രുത്‌.

(2) അടിയ​ന്തി​ര​സാ​ഹ​ച​ര്യ​മി​ല്ലെ​ങ്കിൽ ബുക്കു​ചെയ്‌ത മുറി റദ്ദാക്ക​രുത്‌. ഇനി, അങ്ങനെ ചെയ്യാൻ തീരു​മാ​നി​ച്ചാൽ എത്രയും വേഗം അക്കാര്യം ഹോട്ടൽ അധികൃ​തരെ അറിയി​ക്കുക. (മത്താ. 5:37) ബുക്കിങ്‌ റദ്ദാക്കി​യ​തി​ന്റെ രേഖ കൈപ്പ​റ്റാൻ മറക്കരുത്‌. 48 മണിക്കൂ​റി​നു മുമ്പ്‌ റദ്ദാക്കി​യി​ല്ലെ​ങ്കിൽ മുൻകൂർ അടച്ച പണം തിരികെ ലഭിക്കില്ല.

(3) ഡെബിറ്റ്‌ കാർഡോ ക്രെഡിറ്റ്‌ കാർഡോ ഉപയോ​ഗി​ച്ചാണ്‌ ഹോട്ട​ലിൽ മുറി ബുക്കു​ചെ​യ്യു​ന്ന​തെ​ങ്കിൽ, മുറി​വാ​ട​ക​യും താമസ​സ​മ​യത്ത്‌ ഹോട്ട​ലിന്‌ എന്തെങ്കി​ലും നഷ്ടം വരുത്തി​യാൽ അതും നികത്താ​നാ​വ​ശ്യ​മായ ഒരു തുക നിങ്ങളു​ടെ അക്കൗണ്ടിൽനി​ന്നു പിടി​ച്ചു​വെ​ക്കു​മെന്ന കാര്യം പ്രത്യേ​കം ഓർമി​ക്കുക. മുറി ഒഴിഞ്ഞ്‌ ഏതാനും ദിവസ​ങ്ങൾക്കു​ള്ളിൽ അവരു​മാ​യുള്ള പണമി​ട​പാ​ടു തീർക്കു​ന്ന​തു​വരെ നിങ്ങൾക്ക്‌ ആ പണം ഉപയോ​ഗി​ക്കാൻ കഴിയില്ല.

(4) സാധനങ്ങൾ കൊണ്ടു​പോ​കാ​നുള്ള ട്രോ​ളി​കൾ ലഭ്യമാ​ണെ​ങ്കിൽ, പുറത്തി​റ​ങ്ങാൻ തയ്യാറാ​യി​ക്ക​ഴി​ഞ്ഞേ അതെടു​ക്കാ​വൂ; മറ്റുള്ള​വർക്ക്‌ ഉപയോ​ഗി​ക്കാൻ കഴി​യേ​ണ്ട​തിന്‌ ഉടനെ തിരി​ച്ചു​വെ​ക്കു​ക​യും വേണം.

(5) നിങ്ങളു​ടെ സാധനങ്ങൾ എടുക്കുന്ന ഹോട്ടൽ ജോലി​ക്കാർക്ക്‌ ടിപ്പ്‌ കൊടു​ക്കാൻ മറക്കരുത്‌. മുറി​യിൽ നിങ്ങൾക്കു​വേണ്ട സേവനം ചെയ്‌തു​ത​രുന്ന ആൾക്കും നാട്ടു​ന​ട​പ്പ​നു​സ​രി​ച്ചു ടിപ്പ്‌ കൊടു​ക്കുക.

(6) അനുവാ​ദം ഉണ്ടെങ്കി​ലേ ഹോട്ടൽ മുറി​യിൽ പാചകം ചെയ്യാവൂ.

(7) ഹോട്ട​ലിൽ ആയിരി​ക്കു​മ്പോൾ ഉപചാ​രാർഥം ലഭിക്കുന്ന പ്രഭാ​ത​ഭ​ക്ഷ​ണ​മോ പാനീ​യ​ങ്ങ​ളോ ഐസ്‌ തുടങ്ങിയ സാധന​ങ്ങ​ളോ അമിത​മാ​യി ആഹരി​ച്ചു​കൊ​ണ്ടോ കൺ​വെൻ​ഷൻ സ്ഥലത്തേക്കു കൊണ്ടു​പോ​യോ ദുരു​പ​യോ​ഗം ചെയ്യരുത്‌.

(8) ഹോട്ടൽ ജീവന​ക്കാ​രു​മാ​യി ഇടപെ​ടു​മ്പോ​ഴെ​ല്ലാം ദൈവാ​ത്മാ​വി​ന്റെ ഫലം പ്രകടി​പ്പി​ക്കുക. ഹോട്ട​ലിൽ വരുന്ന എല്ലാവ​രെ​യും അവർക്കു തൃപ്‌തി​പ്പെ​ടു​ത്തേ​ണ്ടത്‌ ഉണ്ടെന്ന കാര്യം മനസ്സിൽപ്പി​ടി​ച്ചു​കൊണ്ട്‌ ക്ഷമയും പരിഗ​ണ​ന​യും ന്യായ​ബോ​ധ​വും കാണി​ക്കുക.

(9) നീന്തൽക്കു​ളം, ജിം, ഇടനാ​ഴി​കൾ എന്നിവ ഉൾപ്പെടെ ഹോട്ട​ലിൽ എവി​ടെ​യാ​യി​രു​ന്നാ​ലും മാതാ​പി​താ​ക്കൾ കുട്ടി​കളെ പ്രത്യേ​കം ശ്രദ്ധി​ക്കണം.

(10) ശുപാർശ ചെയ്യ​പ്പെ​ടുന്ന ലോഡ്‌ജു​ക​ളു​ടെ പട്ടിക​യിൽ കാണി​ച്ചി​രി​ക്കുന്ന നിരക്ക്‌, നികുതി ഒഴി​കെ​യുള്ള ഒരു ദിവസത്തെ നിരക്കാണ്‌. നിശ്ചിത നിരക്കി​ല​ധി​കം ഈടാ​ക്കു​ന്നെ​ങ്കിൽ പണം കൊടു​ക്കു​ന്ന​തി​നു​മുമ്പ്‌, കൺ​വെൻ​ഷൻ സ്ഥലത്തുള്ള താമസ​സൗ​കര്യ ഡിപ്പാർട്ടു​മെ​ന്റി​നെ എത്രയും പെട്ടെന്ന്‌ വിവരം അറിയി​ക്കുക.

(11) ഹോട്ടൽമു​റി​യോ​ടുള്ള ബന്ധത്തിൽ എന്തെങ്കി​ലും പ്രശ്‌ന​മു​ണ്ടാ​കു​ന്ന​പക്ഷം അക്കാര്യം കൺ​വെൻ​ഷൻ സ്ഥലത്തു​വെ​ച്ചു​തന്നെ താമസ​സൗ​കര്യ ഡിപ്പാർട്ടു​മെ​ന്റി​നെ അറിയി​ക്കുക. അവർക്കു നിങ്ങളെ സഹായി​ക്കാ​നാ​യേ​ക്കും.

◼ സ്വമേ​ധാ​സേ​വനം: സേവനം ചെയ്യാൻ ആഗ്രഹി​ക്കു​ന്നവർ സ്വമേ​ധാ​സേവന ഡിപ്പാർട്ടു​മെ​ന്റിൽ പേര്‌ നൽകേ​ണ്ട​താണ്‌. മാതാ​പി​താ​ക്കൾ, രക്ഷിതാ​ക്കൾ, അവർ അനുവ​ദി​ക്കുന്ന ഏതെങ്കി​ലു​മൊ​രു മുതിർന്ന വ്യക്തി എന്നിവ​രോ​ടൊ​പ്പം 16 വയസ്സിൽ താഴെ​യുള്ള കുട്ടി​കൾക്കും സ്വമേ​ധാ​സേ​വ​ന​ത്തിൽ പങ്കെടു​ക്കാം.