പുതിയ സർക്കിട്ട്‌ സമ്മേളന പരിപാ​ടി

സത്യാ​രാ​ധ​നയെ ശക്തിയു​ക്തം എതിർക്കു​ന്ന​വർക്കെ​തി​രെ ഉറച്ച നിലപാട്‌ കൈ​ക്കൊ​ള്ളാൻ നമു​ക്കെ​ങ്ങനെ കഴിയും? അഭക്ത ലോക​ത്തി​ലേക്ക്‌ നമ്മെ വലിച്ചി​ഴ​ച്ചു​കൊ​ണ്ടു​പോ​കാൻ നിരന്തരം ശ്രമി​ക്കുന്ന ശക്തികളെ നമു​ക്കെ​ങ്ങനെ ചെറുത്തു തോൽപ്പി​ക്കാം? സേവന​വർഷം 2009-ലെ സർക്കിട്ട്‌ സമ്മേളന പരിപാ​ടി സുപ്ര​ധാ​ന​മായ ഈ ചോദ്യ​ങ്ങൾക്ക്‌ ഉത്തരം നൽകും. “നന്മയാൽ തിന്മയെ ജയിക്കുക” എന്നതാണ്‌ അതിന്റെ വിഷയം. (റോമ. 12:21) പ്രസം​ഗ​ങ്ങ​ളെ​ക്കു​റിച്ച്‌ നമുക്ക്‌ അൽപ്പമാ​യി ചിന്തി​ക്കാം.

“നന്മയാൽ തിന്മയെ ജയിക്കാൻ ശക്തരാ​ക്ക​പ്പെ​ട്ടവർ,” “അമിത ആത്മവി​ശ്വാ​സ​ത്തി​നെ​തി​രെ ജാഗ്രത പാലി​ക്കുക,” “സകല തിന്മക​ളു​ടെ​യും അന്ത്യം സമീപം!,” “വിശ്വാ​സം ശക്തമാ​ക്കുക, ലോകത്തെ ജയിച്ച​ട​ക്കുക” എന്നീ പ്രസം​ഗങ്ങൾ ഡിസ്‌ട്രി​ക്‌റ്റ്‌ മേൽവി​ചാ​രകൻ നടത്തു​ന്ന​താ​യി​രി​ക്കും. റോമർ 13:11-13-നെ ആസ്‌പ​ദ​മാ​ക്കി​യുള്ള “ഉണരു​വാൻ നാഴിക വന്നിരി​ക്കു​ന്നു!,” സദൃശ​വാ​ക്യ​ങ്ങൾ 24:10-നെ ആധാര​മാ​ക്കി​യുള്ള “കഷ്ടകാ​ലത്ത്‌ കുഴഞ്ഞു​പോ​ക​രുത്‌” എന്നീ പ്രസം​ഗങ്ങൾ നിർവ​ഹി​ക്കു​ന്നത്‌ സർക്കിട്ട്‌ മേൽവി​ചാ​ര​ക​നാ​യി​രി​ക്കും. “സർക്കി​ട്ടി​ന്റെ ആവശ്യ​ങ്ങൾക്ക്‌ ശ്രദ്ധ​കൊ​ടു​ക്കുക” എന്ന ഭാഗവും അദ്ദേഹ​ത്തിൽനിന്ന്‌ നാം ശ്രദ്ധി​ക്കു​ന്ന​താ​യി​രി​ക്കും. “പയനിയർ ശുശ്രൂഷ ഏറ്റെടു​ക്കാൻ നിങ്ങൾക്കാ​കു​മോ?” എന്ന ആവേശ​ജ​ന​ക​മായ മറ്റൊരു പ്രസം​ഗ​വും ഉണ്ടായി​രി​ക്കും. രണ്ടു സിമ്പോ​സി​യ​ങ്ങ​ളിൽ ആദ്യ​ത്തേത്‌ “സാത്താന്റെ കുത​ന്ത്ര​ങ്ങൾക്കെ​തി​രെ ഉറച്ചു​നിൽക്കുക” എന്നതാണ്‌. സാങ്കേ​തി​ക​വി​ദ്യ, വിനോ​ദം, വിദ്യാ​ഭ്യാ​സം എന്നീ രംഗങ്ങ​ളിൽ പിശാച്‌ കൗശല​പൂർവം വെച്ചി​രി​ക്കുന്ന തന്ത്രങ്ങളെ തിരി​ച്ച​റിഞ്ഞ്‌ ഒഴിവാ​ക്കാൻ ഇതു നമ്മെ സഹായി​ക്കും. എഫെസ്യർ 6:10-18-ലെ ബുദ്ധി​യു​പ​ദേശം മെച്ചമാ​യി എങ്ങനെ ബാധക​മാ​ക്കാൻ കഴിയു​മെന്ന്‌ “ദുർദ്ദി​വ​സ​ത്തിൽ എതിർത്തു​നിൽക്കാൻ ശക്തിയാർജി​ക്കുക” എന്ന സിമ്പോ​സി​യം വ്യക്തമാ​ക്കി​ത്ത​രും.

രാജ്യ​സ​ന്ദേ​ശം പ്രസം​ഗി​ക്കു​ന്നത്‌ തിന്മയെ പാടേ പരാജ​യ​പ്പെ​ടു​ത്തു​ന്ന​തു​മാ​യി നേരിട്ട്‌ ബന്ധപ്പെ​ട്ടി​രി​ക്കു​ന്നു. (വെളി. 12:17) സാത്താൻ യഹോ​വ​യു​ടെ സാക്ഷി​കളെ ആക്രമി​ച്ചു​കൊ​ണ്ടി​രി​ക്കു​ന്ന​തിൽ അതിശ​യ​മില്ല. (യെശ. 43:10, 12) ‘നന്മയാൽ തിന്മയെ ജയിക്കാൻ’ നാം തീരു​മാ​നി​ച്ചു​റ​ച്ചി​രി​ക്കു​ന്ന​തി​നാൽ സാത്താൻ ദയനീ​യ​മാ​യി പരാജ​യ​പ്പെ​ടും. ഈ സർക്കിട്ട്‌ സമ്മേള​ന​ത്തി​ന്റെ നാലു സെഷനു​ക​ളിൽനി​ന്നും പൂർണ​പ്ര​യോ​ജനം നേടാ​നാ​വ​ശ്യ​മായ എല്ലാ ക്രമീ​ക​ര​ണ​ങ്ങ​ളും ചെയ്യുക.