പുതിയ പ്രത്യേക സമ്മേള​ന​ദിന പരിപാ​ടി

“ശുശ്രൂഷ നിവർത്തി​പ്പാൻ നോ​ക്കേണം” എന്നതാണ്‌ 2009-ലെ പ്രത്യേക സമ്മേളന പരിപാ​ടി​യു​ടെ വിഷയം. കൊ​ലൊ​സ്സ്യർ 4:17-നെ ആസ്‌പ​ദ​മാ​ക്കി​യു​ള്ള​താണ്‌ ഇത്‌. ക്രിസ്‌ത്യാ​നി​ക​ളായ നാം ആ ഉദ്‌ബോ​ധനം വളരെ ഗൗരവ​മാ​യെ​ടു​ക്കു​ന്നു. യേശു​വി​നെ​പ്പോ​ലെ വിശ്വ​സ്‌ത​ത​യോ​ടെ ശുശ്രൂഷ നിർവ​ഹി​ക്കു​ക​യാണ്‌ നമ്മുടെ ലക്ഷ്യം. (യോഹ. 17:4) അപ്പൊ​സ്‌ത​ല​നായ പൗലൊ​സും ഇക്കാര്യ​ത്തിൽ നല്ലൊരു മാതൃക വെച്ചു. ശുശ്രൂഷ നിവർത്തി​ക്കാൻ അവൻ ദൃഢചി​ത്ത​നാ​യി​രു​ന്നു.—പ്രവൃ. 20:24.

പല പ്രസാ​ധ​ക​രും ശുശ്രൂ​ഷ​യി​ലെ വെല്ലു​വി​ളി​കൾ തരണം​ചെ​യ്യു​ന്നത്‌ എങ്ങനെ​യെന്ന്‌ സഞ്ചാര മേൽവി​ചാ​രകൻ വ്യക്തമാ​ക്കും. തുടർന്നുള്ള, “നട്ടതു വളർത്തി​ക്കൊ​ണ്ടു​വ​രിക” എന്ന പ്രസം​ഗ​ത്തി​ലൂ​ടെ ‘നിത്യ​ജീ​വ​ന്നാ​യി നിയമി​ക്ക​പ്പെ​ട്ട​വരെ’ എങ്ങനെ സഹായി​ക്കാ​നാ​കു​മെന്ന്‌ നാം മനസ്സി​ലാ​ക്കു​ന്ന​താ​യി​രി​ക്കും. (പ്രവൃ. 13:48) “നാം ശുശ്രൂ​ഷ​ക​രാ​ണെന്നു തെളി​യി​ക്കുന്ന വിധം” എന്ന പ്രസം​ഗ​ത്തിൽ സന്ദർശക പ്രസം​ഗകൻ ആദ്യം​തന്നെ 2 കൊരി​ന്ത്യർ 6:1-10 വാക്യാ​നു​വാ​ക്യം വിശദീ​ക​രി​ക്കും. ഉച്ചയ്‌ക്കു​ശേഷം അദ്ദേഹം “നിങ്ങളു​ടെ ശുശ്രൂ​ഷയെ അമൂല്യ​മാ​യി കരുതുക” എന്ന പ്രസംഗം അവതരി​പ്പി​ക്കും. “യുവാ​ക്ക​ളും പ്രായ​മാ​യ​വ​രും ഒരു​പോ​ലെ ശുശ്രൂഷ ആസ്വദി​ക്കു​ന്നു,” “ശുശ്രൂഷ നിവർത്തി​ക്കുന്ന യുവജ​നങ്ങൾ” എന്നീ പരിപാ​ടി​ക​ളും പ്രോ​ത്സാ​ഹ​ജ​ന​ക​മാ​യി​രി​ക്കും. നടക്കാ​നി​രി​ക്കുന്ന ഏതെങ്കി​ലു​മൊ​രു സമ്മേള​ന​ത്തിൽ സ്‌നാ​ന​മേൽക്കാൻ ആഗ്രഹി​ക്കു​ന്നവർ എത്രയും വേഗം അധ്യക്ഷ മേൽവി​ചാ​ര​കനെ വിവരം അറിയി​ക്കുക. നമ്മുടെ സമ്മേള​ന​ങ്ങ​ളു​ടെ​യും കൺ​വെൻ​ഷ​നു​ക​ളു​ടെ​യും ഒരു മുഖ്യ​ഭാ​ഗ​മാ​ണ​ല്ലോ വീക്ഷാ​ഗോ​പുര പരിചി​ന്തനം. അതു​കൊണ്ട്‌ പ്രത്യേക സമ്മേള​ന​ദി​നം നടക്കുന്ന വാരത്തിൽ പഠിക്കേണ്ട മാസിക കൊണ്ടു​വ​രിക.

യഹോവ നമ്മെ ഭരമേൽപ്പി​ച്ചി​രി​ക്കുന്ന വേലയ്‌ക്കു​വേ​ണ്ടി​യുള്ള സമയം മറ്റു കാര്യ​ങ്ങൾക്കാ​യി നാം ഒരിക്ക​ലും വിനി​യോ​ഗി​ക്ക​രുത്‌. ഈ പ്രത്യേക സമ്മേള​ന​ദിന പരിപാ​ടി​യി​ലൂ​ടെ ലഭിക്കുന്ന തിരു​വെ​ഴു​ത്തു പ്രോ​ത്സാ​ഹ​നങ്ങൾ, ശരിയായ കാര്യ​ങ്ങ​ളിൽ ദൃഷ്ടി കേന്ദ്രീ​ക​രി​ച്ചു​നി​റു​ത്താൻ നമ്മെ സഹായി​ക്കും. അതോ​ടൊ​പ്പം, നമ്മുടെ ശുശ്രൂ​ഷയെ വിലയി​രു​ത്താ​നും അങ്ങനെ അത്‌ പൂർണ​മാ​യി നിവർത്തി​ക്കാ​നും അതു നമ്മെ പ്രാപ്‌ത​രാ​ക്കും.