ശുശ്രൂ​ഷ​യ്‌ക്ക്‌ മുൻഗണന നൽകുക

1. തനിക്കു പരമ​പ്ര​ധാ​നം ശുശ്രൂ​ഷ​യാ​ണെന്ന്‌ യേശു തെളി​യി​ച്ചത്‌ എങ്ങനെ?

¹ യേശു​വി​ന്റെ ജീവി​ത​ത്തിൽ ശുശ്രൂ​ഷ​യ്‌ക്കാ​യി​രു​ന്നു പ്രഥമ​സ്ഥാ​നം. അവൻ തന്റെ ജീവി​തം​തന്നെ അതിനാ​യി ഉഴിഞ്ഞു​വെച്ചു. കഴിയു​ന്നത്ര ആളുക​ളോട്‌ സുവി​ശേഷം ഘോഷി​ക്കു​ന്ന​തി​നാ​യി പാലസ്‌തീ​നി​ലു​ട​നീ​ളം നൂറു​ക​ണ​ക്കി​നു കിലോ​മീ​റ്റർ അവൻ കാൽന​ട​യാ​യി സഞ്ചരിച്ചു. ശുശ്രൂ​ഷ​യ്‌ക്ക്‌ കൂടുതൽ സമയവും ശ്രദ്ധയും നൽകാൻ കഴി​യേ​ണ്ട​തിന്‌ അവൻ ജീവിതം ലളിത​മാ​ക്കി​നി​റു​ത്തി. (മത്താ. 8:20) തുടർന്നും രോഗി​കളെ സൗഖ്യ​മാ​ക്കു​ന്ന​തി​നു​വേണ്ടി അവൻ തങ്ങളോ​ടൊ​പ്പം​തന്നെ ആയിരി​ക്ക​ണ​മെന്ന്‌ ആഗ്രഹിച്ച ജനത്തിന്‌ അവൻ കൊടുത്ത മറുപടി ഇതായി​രു​ന്നു: “മറ്റു പട്ടണങ്ങ​ളി​ലും ഞാൻ ദൈവ​രാ​ജ്യ​ത്തി​ന്റെ സുവി​ശേഷം ഘോഷി​ക്കേ​ണ്ട​താ​കു​ന്നു; അതിനാ​യി​ട്ട​ല്ലോ എന്നെ അയച്ചി​രി​ക്കു​ന്നത്‌.”—ലൂക്കോ. 4:43.

2. യേശു ശുശ്രൂ​ഷ​യ്‌ക്ക്‌ വളരെ​യ​ധി​കം പ്രാധാ​ന്യം നൽകി​യത്‌ എന്തു​കൊ​ണ്ടാണ്‌?

² യേശു ശുശ്രൂ​ഷ​യ്‌ക്ക്‌ ഇത്രയ​ധി​കം പ്രാധാ​ന്യം നൽകി​യത്‌ എന്തു​കൊ​ണ്ടാ​യി​രു​ന്നു? യഹോ​വ​യു​ടെ നാമത്തി​ന്റെ വിശു​ദ്ധീ​ക​ര​ണ​മാ​യി​രു​ന്നു അവന്റെ മുഖ്യ​ല​ക്ഷ്യം. (മത്താ. 6:9) സ്വർഗീ​യ​പി​താ​വി​നെ സ്‌നേ​ഹി​ച്ചി​രു​ന്ന​തു​കൊണ്ട്‌ അവന്റെ ഇഷ്ടം നിവർത്തി​ക്കാ​നും അവന്റെ സകല കൽപ്പന​ക​ളും പാലി​ക്കാ​നും യേശു ആഗ്രഹി​ച്ചു. (യോഹ. 14:31) കൂടാതെ, അവന്‌ ആളുക​ളോട്‌ പരിഗ​ണ​ന​യും അവരെ സഹായി​ക്കാ​നുള്ള ആത്മാർഥ​മായ ആഗ്രഹ​വും ഉണ്ടായി​രു​ന്നു.—മത്താ. 9:36, 37.

3. ശുശ്രൂ​ഷ​യ്‌ക്ക്‌ പ്രഥമ​സ്ഥാ​നം നൽകു​ന്നു​വെന്ന്‌ നമുക്ക്‌ എങ്ങനെ തെളി​യി​ക്കാം?

³ യേശു​വി​നെ അനുക​രി​ക്കുക: യേശു​വി​നെ​പ്പോ​ലെ ശുശ്രൂ​ഷ​യ്‌ക്ക്‌ പ്രഥമ​സ്ഥാ​നം നൽകുക എന്നത്‌ ഇന്ന്‌ ഒരു വെല്ലു​വി​ളി​യാണ്‌. കാരണം നമ്മുടെ സമയം കവർന്നെ​ടു​ക്കാ​നും നമ്മുടെ ശ്രദ്ധ വ്യതി​ച​ലി​പ്പി​ക്കാ​നും ഉദ്ദേശി​ച്ചുള്ള പലതും ലോകം വെച്ചു​നീ​ട്ടു​ന്നു. (മത്താ. 24:37-39; ലൂക്കോ. 21:34) അതു​കൊണ്ട്‌ പ്രസം​ഗ​വേ​ല​യ്‌ക്കാ​യി തയ്യാറാ​കാ​നും ക്രമമാ​യി അതിൽ ഏർപ്പെ​ടാ​നും സമയം നീക്കി​വെ​ച്ചു​കൊണ്ട്‌ പ്രാധാ​ന്യ​മേ​റിയ കാര്യങ്ങൾ അവഗണി​ക്ക​പ്പെ​ടു​ന്നി​ല്ലെന്ന്‌ നാം ഉറപ്പാ​ക്കേ​ണ്ട​തുണ്ട്‌. (ഫിലി. 1:10) ലളിത​മായ ജീവിതം നയിക്കാ​നും ലോകത്തെ മുഴു​വ​നാ​യി ഉപയോ​ഗി​ക്കാ​തി​രി​ക്കാ​നും നാം പ്രത്യേ​കം ശ്രദ്ധി​ക്കണം.—1 കൊരി. 7:31.

4. ഇപ്പോൾത്തന്നെ ശരിയായ മുൻഗ​ണ​ന​വെച്ചു പ്രവർത്തി​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁴ സമയം പരിമി​ത​മാ​യി​രി​ക്കു​മ്പോൾ, ഏറ്റവും പ്രാധാ​ന്യ​മുള്ള കാര്യം ആദ്യം ചെയ്യാൻ ജ്ഞാനി​യായ ഒരു വ്യക്തി ശ്രമി​ക്കും. ഉദാഹ​ര​ണ​ത്തിന്‌, വിനാ​ശ​ക​മായ ഒരു കൊടു​ങ്കാറ്റ്‌ ആഞ്ഞടി​ക്കാൻ പോകു​ക​യാണ്‌ എന്ന്‌ കേൾക്കു​ന്നെ​ങ്കിൽ, അദ്ദേഹം എന്തായി​രി​ക്കും ചെയ്യുക? തന്റെ കുടും​ബ​ത്തി​ന്റെ സുരക്ഷി​ത​ത്വം ഉറപ്പു​വ​രു​ത്താൻ ആവശ്യ​മായ ക്രമീ​ക​ര​ണങ്ങൾ ചെയ്യു​ന്ന​തി​ലും അയൽക്കാർക്ക്‌ മുന്നറി​യി​പ്പു നൽകു​ന്ന​തി​ലു​മാ​യി​രി​ക്കും അദ്ദേഹ​ത്തി​ന്റെ മുഖ്യ​ശ്രദ്ധ. തന്റെ സമയവും ഊർജ​വു​മെ​ല്ലാം അദ്ദേഹം അതിനാ​യി ഉപയോ​ഗി​ക്കും. അത്ര പ്രധാ​ന​മ​ല്ലാത്ത കാര്യങ്ങൾ പിന്നീടു ചെയ്യാ​മെ​ന്നു​വെ​ക്കും. അർമ​ഗെ​ദോൻ ആകുന്ന കൊടു​ങ്കാറ്റ്‌ ആഞ്ഞടി​ക്കാൻ ഇനി അധിക​സ​മയം ശേഷി​ക്കു​ന്നില്ല. (സെഫ. 1:14-16; 1 കൊരി. 7:29) നമ്മെത്ത​ന്നെ​യും നമ്മുടെ വാക്കു കേൾക്കു​ന്ന​വ​രെ​യും രക്ഷിക്കാൻ കഴി​യേ​ണ്ട​തിന്‌ നാം നമുക്കു​ത​ന്നെ​യും നമ്മുടെ പഠിപ്പി​ക്ക​ലി​നും നിരന്തര ശ്രദ്ധ നൽകേ​ണ്ട​തുണ്ട്‌, സഭയി​ലാ​യി​രി​ക്കു​മ്പോ​ഴും അല്ലാത്ത​പ്പോ​ഴും. (1 തിമൊ. 4:16) അതെ, നമ്മുടെ രക്ഷ ശുശ്രൂ​ഷ​യ്‌ക്ക്‌ പ്രഥമ​സ്ഥാ​നം നൽകു​ന്ന​തി​നെ ആശ്രയി​ച്ചാ​ണി​രി​ക്കു​ന്നത്‌!