ദൈവ​രാ​ജ്യ​സ​ന്ദേശം വ്യാപി​പ്പി​ക്കാ​നുള്ള അവസര​ങ്ങ​ളെ​ല്ലാം നിങ്ങൾ ഉപയോ​ഗ​പ്പെ​ടു​ത്തു​ന്നു​ണ്ടോ?

1. ദാവീ​ദി​ന്റെ മാതൃ​ക​യിൽനിന്ന്‌ എന്തു പഠിക്കാം?

¹ സാഹച​ര്യ​ങ്ങൾ തന്നെ തളർത്തി​ക്ക​ള​യാൻ ദാവീദ്‌ രാജാവ്‌ അനുവ​ദി​ച്ചില്ല. ഉദാഹ​ര​ണ​ത്തിന്‌, ദാവീദ്‌ യഹോ​വ​യ്‌ക്ക്‌ ഒരു ആലയം പണിയാൻ ആഗ്രഹി​ച്ചു. അതിനു തടസ്സം വന്നപ്പോൾ തന്റെ ലക്ഷ്യം സാധ്യ​മാ​ക്കാൻ, ആലയം പണിയാൻ വേണ്ട സഹായങ്ങൾ ശലോ​മോന്‌ ഒരുക്കി​ക്കൊ​ടു​ത്തു. (1 രാജാ. 8:17-19; 1 ദിന. 29:3-9) ചെയ്യാൻ കഴിയാ​ത്ത​തിൽ ആകുല​പ്പെ​ടു​ന്ന​തി​നു പകരം തനിക്കു സാധി​ക്കു​ന്ന​തിൽ ദാവീദ്‌ ശ്രദ്ധ വെച്ചു. വ്യത്യ​സ്‌ത​വി​ധ​ങ്ങ​ളിൽ ദൈവ​രാ​ജ്യ​സ​ന്ദേശം വ്യാപി​പ്പി​ക്കുന്ന കാര്യ​ത്തിൽ ദാവീ​ദി​നെ എങ്ങനെ അനുക​രി​ക്കാം?

2. നാം എന്ത്‌ ആത്മപരി​ശോ​ധന നടത്തണം?

² നിങ്ങൾക്ക്‌ ചെയ്യാ​നാ​കു​ന്നതു ചെയ്യുക: സഹായ പയനി​യ​റോ സാധാരണ പയനി​യ​റോ ആകാൻ അനേക​രും ജീവിതം ലളിത​മാ​ക്കി​യി​രി​ക്കു​ന്നു. (മത്താ. 6:22, അടിക്കു​റിപ്പ്‌) നിങ്ങൾക്ക്‌ അതു സാധി​ക്കു​മോ? സ്വന്തം സാഹച​ര്യ​ങ്ങൾ പ്രാർഥ​നാ​പൂർവം വിലയി​രു​ത്തു​ക​യാ​ണെ​ങ്കിൽ “പ്രവർത്ത​ന​ത്തി​നുള്ള ഒരു വലിയ വാതിൽ” തുറന്നു​കി​ട്ടി​യി​രി​ക്കു​ന്നു എന്നു മനസ്സി​ലാ​ക്കാ​നാ​കും. അങ്ങനെ​യെ​ങ്കിൽ ആ അവസരം ഉപയോ​ഗി​ക്ക​രു​തോ?—1 കൊരി. 16:8, 9.

3. പയനി​യ​റിങ്‌ ചെയ്യാൻ സാഹച​ര്യ​ങ്ങൾ അനുവ​ദി​ക്കു​ന്നി​ല്ലെ​ങ്കിൽപ്പോ​ലും ഏതൊക്കെ അവസരങ്ങൾ പ്രയോ​ജ​ന​പ്പെ​ടു​ത്താം?

³ പയനി​യ​റിങ്‌ ചെയ്യാൻ സാഹച​ര്യം അനുവ​ദി​ക്കു​ന്നി​ല്ലെ​ങ്കിൽ എന്ത്‌? നിങ്ങൾക്കുള്ള അവസരങ്ങൾ കണ്ടില്ല എന്നു വെക്കരുത്‌. ഉദാഹ​ര​ണ​ത്തിന്‌, അവിശ്വാ​സി​ക​ളോ​ടൊ​പ്പ​മാ​ണു ജോലി ചെയ്യു​ന്ന​തെ​ങ്കിൽ അവസരം കിട്ടു​മ്പോ​ഴെ​ല്ലാം അവരോ​ടു സാക്ഷീ​ക​രി​ച്ചു​കൂ​ടേ? അല്ലെങ്കിൽ, ഇപ്പോൾ നിങ്ങൾക്ക്‌ അസുഖ​മാ​ണെ​ങ്കിൽ ചികി​ത്സി​ക്കു​ന്ന​വ​രോ​ടു സാക്ഷീ​ക​രി​ക്കാൻ ശ്രമി​ച്ചു​കൂ​ടേ? പ്രായാ​ധി​ക്യ​മോ ഗുരു​ത​ര​മായ രോഗ​മോ നിമിത്തം സേവന​ത്തി​നു പോകാൻ ബുദ്ധി​മു​ട്ടു​ള്ള​വർക്ക്‌ മാസത്തിൽ കുറഞ്ഞത്‌ 15 മിനിട്ടു പോലും റിപ്പോർട്ടു ചെയ്യാ​മെന്ന്‌ ഓർക്കുക. വയൽസേവന റിപ്പോർട്ട്‌ തയ്യാറാ​ക്കു​മ്പോൾ അനൗപ​ചാ​രിക സാക്ഷീ​ക​രണം നടത്തി​യ​തി​ന്റെ സമയവും സ്‌മാ​ര​ക​ത്തി​ന്റെ​യോ കൺ​വെൻ​ഷ​ന്റെ​യോ ക്ഷണക്കത്തുൾപ്പെടെ എല്ലാ ലഘു​ലേ​ഖ​ക​ളും സാഹി​ത്യ​ങ്ങ​ളും കൊടു​ത്ത​തി​ന്റെ എണ്ണവും ഉൾപ്പെ​ടു​ത്തുക. ഇങ്ങനെ​യുള്ള ചെറി​യ​ചെ​റിയ അവസരങ്ങൾ ഉപയോ​ഗ​പ്പെ​ടു​ത്തു​മ്പോൾ ആകെ കിട്ടുന്ന സമയം നിങ്ങളെ അതിശ​യി​പ്പി​ച്ചേ​ക്കാം!

4. എന്താണ്‌ നിങ്ങളു​ടെ തീരു​മാ​നം?

⁴ സാഹച​ര്യ​ങ്ങൾ എന്തുതന്നെ ആയിരു​ന്നാ​ലും സുവാർത്ത വ്യാപി​പ്പി​ക്കു​ന്ന​തിൽ എല്ലാ അവസര​ങ്ങ​ളും നമുക്ക്‌ ഉപയോ​ഗ​പ്പെ​ടു​ത്താം. അതുവഴി ദൈവ​രാ​ജ്യ​ത്തി​നു​വേണ്ടി ആകുന്ന​തെ​ല്ലാം ചെയ്‌ത​തി​ന്റെ സംതൃ​പ്‌തി നമ്മു​ടേ​താ​യി​ത്തീ​രും.—മർക്കോ. 14:8; ലൂക്കോ. 21:2-4.