ശുശ്രൂ​ഷ​യി​ലെ വൈദ​ഗ്‌ധ്യം വർധി​പ്പി​ക്കു​ക​—ക്യാമ​റ​യി​ലൂ​ടെ​യോ ഇന്റർകോ​മി​ലൂ​ടെ​യോ സാക്ഷീ​ക​രി​ക്കു​മ്പോൾ

എന്തുകൊണ്ട്‌ പ്രധാനം: കുറ്റകൃ​ത്യ​ങ്ങൾ വർധി​ക്കുന്ന ഇക്കാലത്ത്‌, സാങ്കേ​തി​ക​വി​ദ്യ പ്രയോ​ജ​ന​പ്പെ​ടു​ത്തി​ക്കൊണ്ട്‌ വീടു​ക​ളിൽ ക്യാമ​റ​ക​ളും ഇന്റർകോമുകളുംa പിടി​പ്പി​ക്കു​ന്ന​വ​രു​ടെ എണ്ണം കൂടി​ക്കൂ​ടി​വ​രു​ക​യാണ്‌. അങ്ങനെ​യുള്ള വീടു​ക​ളിൽ ചെല്ലു​മ്പോൾ വീട്ടു​കാർക്കു നമ്മളെ കാണാ​നും നമ്മൾ പറയു​ന്നതു കേൾക്കാ​നും കഴിയും, എന്നാൽ നമുക്ക്‌ അവരെ കാണാൻ സാധി​ക്കില്ല. അത്തരം സാഹച​ര്യ​ങ്ങ​ളിൽ വീട്ടു​കാ​രെ നേരിട്ട്‌ കാണാതെ അവരോ​ടു സന്തോ​ഷ​വാർത്ത പറയു​ന്നതു നമുക്കു ബുദ്ധി​മു​ട്ടാ​യി​രു​ന്നേ​ക്കാം. താഴെ പറയുന്ന ആശയങ്ങൾ, ആത്മവി​ശ്വാ​സ​ത്തോ​ടെ ക്യാമ​റ​യി​ലൂ​ടെ​യോ ഇന്റർകോ​മി​ലൂ​ടെ​യോ സാക്ഷീ​ക​രി​ക്കാൻ നമ്മളെ സഹായി​ക്കും.

എങ്ങനെ ചെയ്യാം:

• വീട്ടു​കാ​രെ​ക്കു​റിച്ച്‌ നല്ല വീക്ഷണ​മു​ണ്ടാ​യി​രി​ക്കുക. ക്യാമ​റ​യോ ഇന്റർകോ​മോ ഉള്ള മിക്ക വീട്ടു​കാ​രും ശരിക്കും നമ്മളോ​ടു സംസാ​രി​ക്കാൻ താത്‌പ​ര്യ​മു​ള്ള​വ​രാ​യി​രി​ക്കും

• നമ്മൾ വീടിന്റെ ബെല്ലടി​ക്കു​ന്ന​തി​നു മുമ്പു​തന്നെ ചില ക്യാമ​റകൾ പ്രവർത്തി​ച്ചു​തു​ട​ങ്ങും. നമ്മൾ വാതി​ലി​ന്റെ അടുത്ത്‌ ചെല്ലു​മ്പോൾത്തന്നെ വീട്ടു​കാർക്കു നമ്മളെ കാണാ​നും കേൾക്കാ​നും കഴിയും

• വീട്ടു​കാ​രൻ നമ്മളോ​ടു സംസാ​രി​ക്കു​ന്നെ​ങ്കിൽ എന്തു ചെയ്യണം? ആ വ്യക്തി​യോ​ടു നേരിട്ട്‌ എങ്ങനെ സംസാ​രി​ക്കു​മോ, അതേ രീതി​യിൽത്തന്നെ ഇന്റർകോ​മി​ലൂ​ടെ​യോ ക്യാമ​റ​യി​ലേക്കു നോക്കി​യോ സംസാ​രി​ക്കുക. പുഞ്ചി​രി​ക്കു​ക​യും സ്വാഭാ​വി​ക​മായ ആംഗ്യ​ങ്ങ​ളോ​ടെ സംസാ​രി​ക്കു​ക​യും ചെയ്യുക. അദ്ദേഹം നേരിട്ട്‌ വന്നിരു​ന്നെ​ങ്കിൽ എന്തു പറയു​മാ​യി​രു​ന്നോ അതുതന്നെ പറയുക. ക്യാമ​റ​യി​ലൂ​ടെ​യാ​ണു സംസാ​രി​ക്കു​ന്ന​തെ​ങ്കിൽ, മുഖം ക്യാമ​റ​യോട്‌ ഒത്തിരി അടുത്ത്‌ പിടി​ക്ക​രുത്‌. വീട്ടു​കാ​രൻ സംസാ​രി​ക്കു​ന്നി​ല്ലെ​ങ്കിൽ, നമ്മുടെ സന്ദേശം അതിൽ റെക്കോർഡ്‌ ചെയ്‌തു​വെ​ക്ക​രുത്‌

• സംഭാ​ഷണം അവസാ​നി​ച്ചു​ക​ഴി​ഞ്ഞാ​ലും വീട്ടു​കാ​രനു നമ്മളെ കാണാ​നും നമ്മൾ പറയു​ന്നതു കേൾക്കാ​നും കഴിയു​മെന്ന്‌ ഓർക്കുക