മാനുഷ ഭരണം തുലാ​സിൽ തൂക്ക​പ്പെ​ട്ടി​രി​ക്കു​ന്നു

ഭാഗം 10 ഒടുവിൽ പൂർണ്ണ​ത​യുള്ള ഗവൺമെൻറ്‌!

ദിവ്യാധിപത്യം: ഗ്രീക്കു വാക്കു​ക​ളായ “തെയോസ്‌” (ദൈവം), “ക്രാ​റേ​റാസ്‌” (ഒരു ഭരണം) എന്നിവ​യിൽനിന്ന്‌; അങ്ങനെ ദൈവ​നിർദ്ദേ​ശ​ത്താ​ലോ ഭരണത്താ​ലോ ഉള്ള ഗവൺമെൻറ്‌, ചില​പ്പോൾ നിയമിത പ്രതി​നി​ധി​കൾ മുഖേ​ന​യു​ള്ളത്‌.

ഒരു യഥാർത്ഥ മുത്തു​മാ​ല​യോ വജ്ര​മോ​തി​ര​മോ വാങ്ങാൻ നിങ്ങൾക്കു പ്രാപ്‌തി​യു​ള്ള​പക്ഷം, യഥാർത്ഥ​ത്തി​ലു​ള്ള​തി​ന്റെ ഒരു മോശ​മായ അനുക​ര​ണം​കൊണ്ട്‌ നിങ്ങൾ തൃപ്‌ത​നാ​കു​മോ? നിങ്ങൾക്കു ലഭിക്കാ​വു​ന്ന​തിൽവെച്ച്‌ ഏററവും നല്ലതാണ്‌ നിങ്ങൾക്കു കിട്ടി​യി​രി​ക്കു​ന്ന​തെന്ന്‌ വിശ്വ​സി​ക്ക​ത്ത​ക്ക​വണ്ണം നിങ്ങൾ വഞ്ചിക്ക​പ്പെ​ടാ​ത്ത​പക്ഷം, സാദ്ധ്യ​ത​യ​നു​സ​രിച്ച്‌ നിങ്ങൾ തൃപ്‌ത​നാ​യി​രി​ക്കു​ക​യില്ല.

ഗവൺമെൻറു സംബന്ധിച്ച്‌, തങ്ങൾക്ക്‌ ഉണ്ടായി​രി​ക്കാ​വു​ന്ന​തിൽവെച്ച്‌ ഏററവും മെച്ചമാ​യ​താ​ണു കിട്ടി​യി​രി​ക്കു​ന്ന​തെന്നു വിശ്വ​സി​ക്കാൻത​ക്ക​വണ്ണം സഹസ്ര​ല​ക്ഷ​ക്ക​ണ​ക്കി​നാ​ളു​കൾ വഞ്ചിക്ക​പ്പെ​ട്ടി​രി​ക്കു​ന്നു. വാസ്‌ത​വ​ത്തിൽ അവർ മോശ​മായ അനുക​ര​ണ​ങ്ങ​ളിൽ എത്തു​പെ​ട്ടി​രി​ക്കു​ക​യാണ്‌. അവർ നിരാ​ശി​ത​രും അസംതൃ​പ്‌ത​രും നിഷ്‌ഫ​ല​രും ആണെന്നു​ള്ളത്‌ അതിശ​യമല്ല.

നല്ല ഗവൺമെൻറി​നു​വേ​ണ്ടി​യുള്ള അന്വേ​ഷ​ണം

ഒരു കാലത്തു ലണ്ടനിലെ സെൻറ്‌ പോൾ കത്തീ​ഡ്ര​ലി​ലെ മുൻകാല ആംഗ്ലിക്കൻ ചർച്ചു ഡീൻ ആയിരുന്ന വില്ല്യം റാൾഫ്‌ ഇൻഗേ 1922-ൽ എഴുതി: “ഒരു നല്ല ഗവൺമെൻറ്‌ മാനുഷ അനു​ഗ്ര​ഹ​ങ്ങ​ളിൽ ഏററവും മഹത്തായി നില​കൊ​ള്ളു​ന്നു, എന്നാൽ ഒരു ജനതയും ഒരിക്ക​ലും അത്‌ ആസ്വദി​ച്ചി​ട്ടില്ല.” എന്തു​കൊണ്ട്‌?

ഐക്യ​നാ​ടു​ക​ളു​ടെ 35-ാമത്തെ പ്രസി​ഡൻറ്‌ ആയിരുന്ന ജോൺ എഫ്‌. കെന്നഡി​യു​ടെ വാക്കു​ക​ളിൽ ഒരു ഭാഗിക വിശദീ​ക​രണം കണ്ടെത്താൻ കഴിയും. “ഒരു ഗവൺമെൻറും അതിന്റെ നിർമ്മാ​ണ​ഘ​ട​ക​മായ ആളുക​ളേ​ക്കാൾ മെച്ചമാ​യി​രി​ക്ക​യില്ല” എന്ന്‌ അദ്ദേഹം പറഞ്ഞു. ഏററവും നിപു​ണ​നായ രാജ്യ​ത​ന്ത്ര​ജ്ഞൻപോ​ലും അപൂർണ്ണ​നാ​ക​യാൽ, മനുഷ്യൻ സ്ഥാപി​ക്കുന്ന ഏതൊരു ഗവൺമെൻറും പരാജ​യ​ത്തി​നു വിധി​ക്ക​പ്പെ​ട്ടി​രി​ക്കു​ന്നു.

പതി​നേ​ഴാം നൂററാ​ണ്ടി​ലെ ഇംഗ്ലീഷ്‌ നാടക​കൃ​ത്തായ ഫിലിപ്പ്‌ മാസിൻജർ ഇങ്ങനെ എഴുതി​യ​പ്പോൾ അതു ശരിയാ​യി​രു​ന്നു: “മററു​ള്ള​വരെ ഭരിക്കു​ന്നവൻ ആദ്യം തന്റെതന്നെ നായകൻ ആയിരി​ക്കണം.” എന്നാൽ ഏത്‌ അപൂർണ്ണ മനുഷ്യ​നാ​ണു തന്റെതന്നെ നായക​നാ​യി​രി​ക്കു​ന്നത്‌? വാസ്‌ത​വ​ത്തിൽ യാതൊ​രു രാജ്യ​ത​ന്ത്ര​ജ്ഞ​നും സംഭവ​ങ്ങ​ളും സാഹച​ര്യ​ങ്ങ​ളും നിയ​ന്ത്രി​ക്കു​ന്ന​തി​നും അങ്ങനെ തന്റെതന്നെ സന്തുഷ്ടി​യും ക്ഷേമവും ഉറപ്പാ​ക്കു​ന്ന​തി​നും മതിയായ അറിവും ജ്ഞാനവും ഇല്ലാതി​രി​ക്കു​മ്പോൾ ദശലക്ഷ​ക്ക​ണ​ക്കി​നു സഹമനു​ഷ്യ​രു​ടെ സന്തുഷ്ടി​യും ക്ഷേമവും ഉറപ്പാ​ക്കാൻ അത്ര​പോ​ലും കഴിയു​ക​യില്ല. അയാൾക്കു ശരിയായ തീരു​മാ​നങ്ങൾ എടുക്കാൻ എല്ലായ്‌പ്പോ​ഴും കഴിഞ്ഞാൽപോ​ലും അവ പ്രാവർത്തി​ക​മാ​ക്കു​ന്ന​തി​നുള്ള ശക്തി ഉണ്ടായി​രി​ക്കു​ക​യില്ല.

അമേരി​ക്കൻ ഉപന്യാ​സ​കാ​ര​നായ ബ്രൂക്ക്‌സ്‌ അററ്‌കിൻസൻ പ്രശ്‌നം തിരി​ച്ച​റി​ഞ്ഞു​കൊണ്ട്‌, മുൻപ്‌ 1951-ൽ ഇങ്ങനെ നിഗമനം ചെയ്‌തു: “നമ്മെ ഭരിക്കു​ന്ന​തി​നു നമുക്ക്‌ അതിമാ​നു​ഷരെ ആവശ്യ​മാണ്‌—വേല വളരെ വിപു​ല​വും ജ്ഞാനപൂർവ​ക​മായ തീരു​മാ​ന​ത്തി​ന്റെ ആവശ്യം വളരെ അടിയ​ന്തി​ര​വു​മാണ്‌. എന്നാൽ കഷ്ടം, അതിമാ​നു​ഷ​രി​ല്ല​തന്നെ” എന്ന്‌ അദ്ദേഹം പറഞ്ഞു. ഇന്ന്‌, നാലു ദശകങ്ങൾക്കു​ശേഷം ഇപ്പോ​ഴും ആരും ഇല്ല.

വാസ്‌ത​വ​ത്തിൽ ദൈവം ഒരിക്ക​ലും മനുഷ്യൻ തന്നേത്തന്നെ ഭരിക്കാൻ ഉദ്ദേശി​ച്ചി​രു​ന്നില്ല. പൂർണ്ണ ഗവൺമെൻറ്‌ ആസ്വദി​ക്കു​ന്ന​തി​നു മനുഷ്യർക്ക്‌ അതിമാ​നു​ഷ​രാ​ലുള്ള ഗവൺമെൻറി​നേ​ക്കാൾ അതീത​മാ​യത്‌ ആവശ്യ​മാ​യി​രി​ക്കു​ന്നു. അവർക്കു ദിവ്യാ​ധി​പ​ത്യം, ദൈവ​ത്താ​ലുള്ള ഗവൺമെൻറ്‌, ആവശ്യ​മാണ്‌.

ഏതുത​ര​ത്തി​ലുള്ള ദിവ്യാ​ധി​പ​ത്യം?

ദൈവം ആദ്യ മനുഷ്യ​ജോ​ടി​യെ ആക്കിവെച്ച ഏദനിൽ നിലവി​ലി​രുന്ന തരത്തി​ലുള്ള ഗവൺമെൻറാണ്‌ ദിവ്യാ​ധി​പ​ത്യം. നീതി​യു​ക്ത​നായ പരമാ​ധി​കാ​രി എന്ന നിലയിൽ ദൈവം ആദിയിൽ കാര്യ​നിർവ​ഹണം നടത്തു​ക​യും അധികാ​രം പ്രയോ​ഗി​ക്കു​ക​യും ചെയ്‌തു.

യഹൂദ ചരി​ത്ര​കാ​ര​നായ ഫേവ്‌ളി​യസ്‌ ജോസീ​ഫസ്‌ 19-ഓളം നൂററാ​ണ്ടു​കൾക്കു മുമ്പ്‌ “ദിവ്യാ​ധി​പ​ത്യം” എന്നു ഭാഷാ​ന്തരം ചെയ്യപ്പെട്ട ഗ്രീക്കു പദം ആദ്യമാ​യി കണ്ടുപി​ടി​ച്ച​പ്പോൾ അദ്ദേഹം അതു പുരാതന ഇസ്രയേൽ ജനതയെ പരാമർശി​ക്കാൻ ഉപയോ​ഗി​ച്ചു. അതു കൃത്യ​മായ ഒരു തിരി​ച്ച​റി​യി​ക്ക​ലാ​യി​രു​ന്നു, എന്തു​കൊ​ണ്ടെ​ന്നാൽ ഇസ്രയേൽ അക്കാലത്തു ദൈവ​ത്താൽ തിര​ഞ്ഞെ​ടു​ക്ക​പ്പെട്ട ഒരു ജനതയാ​യി​രു​ന്നു. അവന്റെ ഭരണം ഭൗമിക പ്രതി​നി​ധി​കൾ മുഖാ​ന്തരം പ്രയോ​ഗി​ക്ക​പ്പെ​ട്ടി​രു​ന്നു​വെ​ങ്കി​ലും ആ ജനത യഥാർത്ഥ​ത്തിൽ അവനാ​ലാ​യി​രു​ന്നു ഭരിക്ക​പ്പെ​ട്ടി​രു​ന്നത്‌.—ആവർത്തനം 7:6; 1 ദിനവൃ​ത്താ​ന്തം 29:23.

“ദിവ്യാ​ധി​പ​ത്യം” എന്ന പദം മററു​ഭാ​ഷ​ക​ളിൽ അവതരി​പ്പി​ക്ക​പ്പെ​ട്ട​പ്പോൾ, ആദ്യം മിക്കവാ​റും ജോസീ​ഫസ്‌ ഉദ്ദേശിച്ച അർത്ഥത്തിൽ പരിമി​ത​പ്പെ​ടു​ത്തി​യി​രു​ന്നു. എന്നാൽ അതു പിന്നീടു കൂടു​ത​ലായ നിഗൂ​ഢാർത്ഥ​ങ്ങ​ളും കൈവ​രി​ച്ചു. ദി എൻ​സൈ​ക്ലോ​പ്പീ​ഡിയ ഓഫ്‌ റിലി​ജി​യൻ അനുസ​രിച്ച്‌ അതു, “ഫറവോ​ന്യ ഈജി​പ്‌ററ്‌, പുരാതന ഇസ്രയേൽ, മദ്ധ്യകാല ക്രൈ​സ്‌ത​വ​ലോ​കം, കാൽവി​നി​സം, ഇസ്ലാം, ടിബററൻ ബുദ്ധമതം മുതലായ വിഭിന്ന സംഗതി​കൾക്കും വിപു​ല​മാ​യി ബാധക​മാ​ക്കു​ക​യു​ണ്ടാ​യി.”

“ഇംഗ്ലണ്ടി​ലെ രാജഭ​ര​ണ​ത്തിൽ ദിവ്യാ​ധി​പത്യ രാജത്വ​ത്തി​ന്റെ ഒരു ഘടകം—ലോകത്തെ ക്രമത്തിൽ കൊണ്ടു​പോ​കു​ന്ന​തി​നുള്ള ദിവ്യ​പ​ദ്ധ​തി​യി​ലെ മുഖ്യ ഉപകര​ണ​മെ​ന്ന​നി​ല​യി​ലുള്ള, രാജാവ്‌, ദൈവ​ത്തി​ന്റെ പ്രതി​നി​ധി​യും ന്യായ​വി​ധി​പ്ര​ഖ്യാ​പ​ക​നു​മെ​ന്ന​നി​ല​യി​ലുള്ള രാജാവു തന്നെ”—ഉണ്ടായി​രു​ന്നു​വെന്നു ചരി​ത്ര​കാ​ര​നായ ഡബ്ലിയു. എൻ. വാറൻ പറയുന്നു. ആധുനി​ക​നാ​ളു​ക​ളിൽ ഈ പദം “‘പുരോ​ഹി​താ​ധി​പത്യ’ സമൂഹ​ങ്ങ​ളെ​ക്കു​റി​ച്ചുള്ള ‘പ്രബു​ദ്ധ​മായ’ അവജ്ഞയു​ടെ” പ്രകട​ന​മാ​യി​പോ​ലും ഉപയോ​ഗി​ക്ക​പ്പെ​ടു​ന്നു​വെന്ന്‌ ജോർജ്ജ്‌ വാഷിം​ഗ്‌ടൻ യൂണി​വേ​ഴ്‌സി​റ​റി​യി​ലെ ഡിവേയ്‌ വാല്ലസ്‌ ജൂണിയർ വിശദീ​ക​രി​ക്കു​ന്നു.

ഇപ്പോൾ പദത്തിൽ ഉൾപ്പെ​ടു​ത്തി​യി​രി​ക്കുന്ന അർത്ഥത്തി​ന്റെ വിപു​ല​മായ വ്യാപ്‌തി, അനേകം തരത്തി​ലുള്ള ദിവ്യാ​ധി​പ​ത്യ​ത്തി​ന്റെ ആസ്‌തി​ക്യ​ത്തിന്‌ അനുവ​ദി​ച്ചി​രി​ക്കു​ന്നു. നമുക്ക്‌ ആവശ്യ​മാ​യി​രി​ക്കു​ന്നത്‌ ഏതു തരമാണ്‌?

വ്യാജ ദിവ്യാ​ധി​പ​ത്യ​ങ്ങൾ

എഴുത​പ്പെട്ട ചരി​ത്ര​ത്തി​ലെ ആദ്യത്തെ മാനുഷ ഗവൺമെൻറ്‌ 4,000-ത്തോളം വർഷങ്ങൾക്കു മുമ്പ്‌ നി​മ്രോ​ദി​നാൽ സ്ഥാപി​ക്ക​പ്പെട്ടു. നോഹ​യു​ടെ പ്രപൗ​ത്ര​നാ​യി​രുന്ന ഇയാൾ തന്നേത്തന്നെ ഒരു രാജാ​വാ​ക്കു​ക​യും, ബൈബിൾ അവനെ വിശദീ​ക​രി​ക്കുന്ന പ്രകാരം “യഹോ​വ​ക്കെ​തി​രാ​യി ഒരു ശക്തനായ നായാ​ട്ടു​കാ​രൻ” (NW) ആയിത്തീ​രു​ക​യും ചെയ്‌തു. (ഉല്‌പത്തി 10:8, 9) യഹോ​വ​ക്കെ​തി​രാ​യി തന്നേത്തന്നെ ഒരു ഭരണാ​ധി​പ​നാ​യി അവരോ​ധി​ച്ച​തി​നാൽ നി​മ്രോദ്‌ തന്നേത്തന്നെ ഒരു രാഷ്‌ട്രീയ ദൈവ​മാ​ക്കി. അങ്ങനെ​യാ​യി​രി​ക്കു​ന്ന​തിൽ അവനു ദൈവ​ത്തി​ന്റെ മുഖ്യ എതിരാ​ളി​യായ, വ്യാജ​ദൈ​വ​മായ, പിശാ​ചായ സാത്താന്റെ പിന്തു​ണ​യു​ണ്ടാ​യി​രു​ന്നു. (2 കൊരി​ന്ത്യർ 4:4) അതു​കൊ​ണ്ടു നി​മ്രോ​ദി​ന്റെ ഭരണം യഥാർത്ഥ ദിവ്യാ​ധി​പ​ത്യ​ത്തി​ന്റെ ഒരു വ്യാജ പകർപ്പ്‌ ആയിരു​ന്നു.

പിന്നീടു നി​മ്രോ​ദി​ന്റെ സാമ്രാ​ജ്യ​ത്തി​ലെ നിവാ​സി​കൾ ഭൂമി​യി​ലാ​സ​കലം ചിതറി​ക്ക​പ്പെ​ട്ട​പ്പോൾ, തങ്ങളുടെ ഗവൺമെൻറു​കൾ ദിവ്യാ​ധി​പ​ത്യം ആയിരു​ന്നു​വെന്ന്‌, അതായത്‌ തങ്ങൾ ആരാധിച്ച ദൈവ​ത്തിൽനി​ന്നോ ദൈവ​ങ്ങ​ളിൽനി​ന്നോ അധികാ​രം ലഭിച്ച​താ​ണെന്നു വിചാ​രി​ക്കു​ന്ന​തിൽ ജനങ്ങൾ തുടർന്നു. (ഉല്‌പത്തി 11:1-9) “മതവും സംസ്ഥാ​ന​വും തമ്മിൽ വ്യതി​രി​ക്തത ഇല്ലാതി​രുന്ന പുരാതന പൗരസ്‌ത്യ സംസ്‌കാ​ര​ത്തി​ന്റെ ആദിമ ഘട്ടത്തെ വിശദീ​ക​രി​ക്കു​ന്ന​തി​നു” “ദിവ്യാ​ധി​പ​ത്യം” ഉപയോ​ഗി​ക്കാൻ തുടങ്ങി എന്നു ദി എൻ​സൈ​ക്ലോ​പീ​ഡിയ ഓഫ്‌ റിലി​ജി​യൻ പറയുന്നു.

ഫറവോ​ന്റെ കീഴിലെ ഈജി​പ്‌റ​റ്‌പോ​ലെ​യുള്ള ചില സംസ്‌കാ​ര​ങ്ങ​ളിൽ രാജാവ്‌, ഒരു മഹാ​ദേ​വി​യു​ടെ ഭർത്താ​വോ ഒരു ദൈവ​ത്തി​ന്റെ പുത്ര​നോ ആയിരു​ന്നു​വെന്ന്‌ വിശ്വ​സി​ക്ക​പ്പെ​ട്ടി​രു​ന്നു. മററു സംസ്‌കാ​രങ്ങൾ, ദിവ്യ​മാ​യി തിര​ഞ്ഞെ​ടു​ക്ക​പ്പെ​ട്ടവൻ എന്ന ആശയം ഊന്നി​പ്പ​റ​ഞ്ഞു​കൊണ്ട്‌ രാജാ​വി​ന്റെ ഊഹി​ക്ക​പ്പെ​ട്ടി​രുന്ന ദിവ്യ​ഗു​ണ​ങ്ങ​ളെ​യോ പിന്തു​ടർച്ച​യെ​യോ​പ​ററി യാതൊ​ന്നും പറഞ്ഞില്ല. അലക്‌സാ​ണ്ട​റു​ടെ കാലത്തും അതിനു​ശേ​ഷ​വു​മുള്ള ഗ്രീസിൽ രാജാവു ദിവ്യ​നാ​യി പരിഗ​ണി​ക്ക​പ്പെ​ട്ടി​രു​ന്നു, “കാരണം, ദൈവം ലോക​ത്തിൽ പൊരു​ത്തം ആനയി​ക്കു​ന്ന​തു​പോ​ലെ അദ്ദേഹം തന്റെ രാജ്യ​ത്തി​നു പൊരു​ത്തം വരുത്തി” എന്ന്‌ എ ഹിസ്‌റ​ററി ഓഫ്‌ പൊളി​റ​റി​ക്കൽ തിയറി എന്ന പുസ്‌തകം വിശദീ​ക​രി​ക്കു​ന്നു. ഈ ചരി​ത്ര​പു​സ്‌തകം തുടരു​ന്നു: “അയാൾ സാധാരണ മനുഷ്യർക്കു ലഭിച്ചി​ട്ടി​ല്ലാത്ത ഒരു ദിവ്യ​ത്വം അവകാ​ശ​പ്പെ​ടു​ത്തി അങ്ങനെ അതു സ്വർഗ്ഗ​ത്തിൽനി​ന്നുള്ള അനു​ഗ്രഹം ഇല്ലാതെ ഈ ഉന്നത സ്ഥാനം അവകാ​ശ​പ്പെട്ട അയോ​ഗ്യ​നായ അപഹാ​രി​ക്കു നാശം കൈവ​രു​ത്തു​ക​യും ചെയ്‌തു.”

രാജാവു ദിവ്യ​നാ​ണെന്ന ഈ സങ്കൽപം ക്രിസ്‌തീ​യ​യു​ഗം എന്നു വിളി​ക്ക​പ്പെ​ടുന്ന കാലഘ​ട്ട​ത്തി​ലും തുടർന്നു. ട്യൂ​ട്ടോ​ണിക്ക്‌ ഗോ​ത്രങ്ങൾ കത്തോ​ലി​ക്കാ മതത്തി​ലേക്കു പരിവർത്തനം ചെയ്യി​ക്ക​പ്പെ​ട്ട​ശേഷം രാജാ​വി​ന്റെ പ്രതാപം വർദ്ധിച്ചു. സഭയാ​ലുള്ള കിരീടം ധരിപ്പി​ക്കൽ, ഭരിക്കാൻ രാജാ​വി​നെ ദൈവം​തന്നെ തിര​ഞ്ഞെ​ടു​ത്തി​രി​ക്കു​ന്നു​വെന്നു ദ്യോ​തി​പ്പി​ച്ചു. ഈ പശ്ചാത്ത​ല​ത്തിൽനി​ന്നു രാജാ​ക്കൻമാ​രു​ടെ ദിവ്യാ​വ​കാ​ശം എന്നു അറിയ​പ്പെ​ടുന്ന സിദ്ധാന്തം ക്രമേണ വികാസം പ്രാപി​ച്ചു.

“ക്രിസ്‌തീയ” യുഗത്തി​നു മുമ്പു​പോ​ലും, റോമി​ലെ കൈസർമാർ ദൈവ​ത്വം അവകാ​ശ​പ്പെ​ട്ടു​കൊ​ണ്ടു തങ്ങളുടെ ഗവൺമെൻറി​നു ദിവ്യാ​ധി​പ​ത്യം എന്ന വളച്ചൊ​ടിച്ച അർത്ഥം നൽകി. റോമൻ കണ്ണുക​ളിൽ മാനു​ഷ​ഭ​രണം ദൈവ​ഭ​ര​ണ​ത്തി​നു തുല്യ​മാ​യി​രു​ന്നു, നി​മ്രോ​ദി​ന്റെ രീതി​പ്ര​കാ​രം തങ്ങളുടെ ഗവൺമെൻറി​നെ ഒരു വ്യാജ ദിവ്യാ​ധി​പ​ത്യം ആക്കി​ക്കൊ​ണ്ടു​തന്നെ. അതു​കൊണ്ട്‌ പൊതു​യു​ഗം ഒന്നാം നൂററാ​ണ്ടി​ലെ യഹൂദ വൈദി​കർ “ഞങ്ങൾക്കു കൈസ​റ​ല്ലാ​തെ രാജാ​വില്ല” എന്നു പറഞ്ഞു​കൊ​ണ്ടു നിയുക്ത രാജാ​വെന്ന നിലയിൽ യേശു​വി​നെ നിരാ​ക​രി​ച്ച​പ്പോൾ അവർ ഫലത്തിൽ യേശു പ്രസം​ഗി​ച്ചു​കൊ​ണ്ടി​രുന്ന യഥാർത്ഥ​മാ​യ​തി​നു പകരം വ്യാജ ദിവ്യാ​ധി​പ​ത്യ​ത്തോ​ടുള്ള തങ്ങളുടെ ഇഷ്ടം പ്രകടി​പ്പി​ക്കു​ക​യാ​യി​രു​ന്നു.—യോഹ​ന്നാൻ 19:15.

യഹോ​വ​യാ​ലു​ള്ള ദിവ്യാ​ധി​പത്യ ഭരണം മറേറ​തൊ​രു ഭരണരൂ​പ​ത്തേ​ക്കാ​ളും അത്യന്തം ഉന്നതമാ​യി​രി​ക്കു​ന്ന​തി​നാൽ അതിന്റെ മനുഷ്യ​നിർമ്മിത വ്യാജ​പ​കർപ്പിൽ അതിന്റെ ചില സവി​ശേ​ഷ​തകൾ സംയോ​ജി​പ്പി​ക്കാൻ സാത്താൻ വിഫല​ശ്രമം നടത്തി​യി​ട്ടു​ണ്ടെ​ന്നു​ള്ളത്‌ ആശ്ചര്യ​ക​രമല്ല. സ്വയം ഏറെറ​ടുത്ത ഈ ദിവ്യാ​ധി​പ​ത്യ​ങ്ങ​ളെ​ല്ലാം​തന്നെ അത്യു​ത്ത​മ​മാ​യ​തി​നോട്‌ ഒട്ടും​തന്നെ അടു​ത്തെ​ത്തി​യില്ല. യഥാർത്ഥ​ത്തിൽ അവയിൽ ഒന്നും​തന്നെ ദൈവ​ത്താ​ലോ അവന്റെ പ്രിതി​നി​ധി​ക​ളാ​ലോ ഉള്ള ഭരണമാ​യി​രു​ന്നി​ട്ടില്ല. അവ യഥാർത്ഥ​മാ​യ​തി​ന്റെ മോശ​മായ അനുക​രണം, ഒരു വ്യാജ ദൈവ​ത്തി​ന്റെ നിയ​ന്ത്ര​ണ​ത്തിൻകീ​ഴി​ലുള്ള അപൂർണ്ണ മാനു​ഷ​ഭ​ര​ണ​ത്തി​ന്റെ പ്രകട​നങ്ങൾ, ആയിരി​ക്കു​ന്നു.

ഉചിത​മാ​യി ബൈബിൾ ഈ ദൈവത്തെ “ഈ ലോക​ത്തി​ന്റെ ഭരണാ​ധി​കാ​രി” എന്നും “ഈ വ്യവസ്ഥി​തി​യു​ടെ ദൈവം” എന്നും വിളി​ക്കു​ന്നു. (യോഹ​ന്നാൻ 12:31; 14:30; 2 കൊരി​ന്ത്യർ 4:4, NW) അതു​കൊ​ണ്ടാണ്‌ അവന്‌, യേശു സ്ഥിരനി​ശ്ച​യ​ത്തോ​ടെ നിരാ​ക​രിച്ച ഒരു പരി​ശോ​ധ​ന​യിൽ “ലോക​ത്തി​ലെ സകല രാജ്യ​ങ്ങ​ളും അവയുടെ മഹത്വ​വും” യേശു​വി​നു വാഗ്‌ദാ​നം ചെയ്യാൻ കഴിഞ്ഞത്‌. (മത്തായി 4:8-10) യഥാർത്ഥ ദിവ്യാ​ധി​പ​ത്യം ഏക സത്യ​ദൈ​വ​മായ യഹോ​വ​യാ​ലുള്ള ഭരണമാ​ണെന്ന്‌ അറിഞ്ഞു​കൊ​ണ്ടു യഥാർത്ഥ​മാ​യ​തിൽ കാണ​പ്പെ​ടുന്ന ദിവ്യ​ഗു​ണങ്ങൾ പൂർണ്ണ സമതോ​ല​ന​ത്തിൽ പ്രകടി​പ്പി​ക്കാൻ അപ്രാ​പ്‌ത​മായ മാനുഷ നിർമ്മിത പകര ഭരണങ്ങൾ അംഗീ​ക​രി​ക്കു​ന്ന​തി​നാ​യി യേശു വഴി​തെ​റ​റി​ക്ക​പ്പെ​ട്ടില്ല.

പൂർണ്ണ ഗവൺമെൻറു സമീപം

ഏതാനും വർഷങ്ങൾക്കു മുമ്പ്‌ എസ്സക്‌സ്‌ യൂണി​വേ​ഴ്‌സി​റ​റി​യി​ലെ ഹ്യൂഗ്‌ ബ്രോഗൻ നിഗമനം ചെയ്‌തു: “മനുഷ്യന്‌, രാഷ്‌ട്രീ​യ​മൃ​ഗ​ത്തിന്‌, തന്നെയും തന്റെ സംസ്‌കാ​ര​ത്തെ​യും രക്ഷിക്ക​ണ​മെ​ന്നു​ണ്ടെ​ങ്കിൽ, തന്റെ കാലത്തെ എന്നെന്നും പുതു​മ​യുള്ള ആവശ്യങ്ങൾ നിറ​വേ​റ​റു​ന്ന​തി​നു ഗവൺമെൻറി​ന്റെ പുതി​യ​രൂ​പങ്ങൾ അന്വേ​ഷി​ക്കു​ന്ന​തിൽനിന്ന്‌ വിശ്ര​മി​ക്കാൻ കഴിയു​ക​യില്ല.” നി​മ്രോ​ദി​ന്റെ കാലം​മു​തൽ മനുഷ്യൻ അതുത​ന്നെ​യാ​ണു ചെയ്‌തു​കൊ​ണ്ടി​രി​ക്കു​ന്നത്‌, കാലത്തി​ന്റെ ആവശ്യങ്ങൾ നിറ​വേ​റ​റു​ന്ന​തി​നു ഗവൺമെൻറി​ന്റെ പുതിയ രൂപങ്ങൾ ആവർത്തി​ച്ചാ​വർത്തിച്ച്‌ ആസൂ​ത്രണം ചെയ്‌തു​കൊ​ണ്ടു​തന്നെ. എന്നാൽ മാനു​ഷ​ഭ​രണം കേവലം ഫലപ്ര​ദ​മാ​കു​ക​യി​ല്ലെന്നു തെളി​യി​ക്കു​ന്ന​തിന്‌ എത്രമാ​ത്രം സമയം ആവശ്യ​മാണ്‌?

സന്തോ​ഷ​പൂർവം, 1914-ൽ മാനുഷ ഗവൺമെൻറു​ക​ളി​ലെ ബുദ്ധി​ശൂ​ന്യ​മായ പരീക്ഷ​ണങ്ങൾ യഹോ​വ​യു​ടെ മശി​ഹൈ​ക​രാ​ജ്യ​ത്തി​ന്റെ സ്വർഗ്ഗ​ത്തി​ലെ സ്ഥാപി​ക്ക​ലി​നാൽ വെല്ലു​വി​ളി​ക്ക​പ്പെ​ടാ​നുള്ള സമയം വന്നു!a ആയിര​ത്തി​ത്തൊ​ള്ളാ​യി​ര​ത്തി​പ​തി​നാ​ലു മുതൽ മാനുഷ ഗവൺമെൻറു​കൾ ആസ്‌തി​ക്യ​ത്തിൽ അള്ളിപ്പി​ടി​ച്ചി​രി​ക്കു​ന്നു​വെ​ന്നു​വ​രി​കി​ലും, ജീവി​ക്കു​ന്നത്‌ കടംവാ​ങ്ങിയ സമയത്താണ്‌. (ദാനി​യേൽ 7:12) ബൈബിൾ, “അന്ത്യനാ​ളു​കൾ” എന്നു തിരി​ച്ച​റി​യി​ക്കുന്ന കാലഘ​ട്ട​ത്തി​ലാ​ണു നാം ജീവി​ക്കു​ന്നത്‌. (2 തിമൊ​ഥെ​യോസ്‌ 3:1-5) മാനുഷ ഭരണത്തി​ന്റെ ആസന്നമായ നാശം സൂചി​പ്പി​ക്കുന്ന, ഭിത്തി​യി​ലെ കയ്യെഴുത്ത്‌ ഒരുവ​നും സത്യസ​ന്ധ​മാ​യി അവഗണി​ക്കാൻ കഴിയാ​ത്ത​വി​ധം സ്‌പഷ്ട​മാണ്‌. അത്‌ വകവെ​ക്കാ​തി​രി​ക്കാൻ കഴിയും, എന്നാൽ അതു മായി​ച്ചു​ക​ള​യാൻ കഴിയു​ക​യില്ല.

യഹോ​വ​യു​ടെ മശി​ഹൈ​ക​രാ​ജ്യം മുഖാ​ന്ത​ര​മുള്ള ദിവ്യാ​ധി​പ​ത്യ​ഭ​രണം, ബൈബി​ളിൽ ദാനി​യേൽ 2-ാം അദ്ധ്യാ​യ​ത്തിൽ “ബിംബത്തെ [മാനു​ഷ​ഭ​ര​ണത്തെ സൂചി​പ്പി​ക്കു​ന്നത്‌] ഇരുമ്പും വാർത്ത കളിമ​ണ്ണും​കൊ​ണ്ടു​ള്ള​തായ പാദങ്ങ​ളിൽ അടിക്കു​ക​യും അവയെ തകർക്കു​ക​യും ചെയ്യുന്ന, കൈക​ളാൽ അല്ലാതെ വെട്ടപ്പെട്ട” ഒരു കല്ലിനാൽ പ്രതി​നി​ധാ​നം ചെയ്യ​പ്പെ​ടു​ന്നു. അതിന്റെ അർത്ഥം ദൈവ​ത്തി​ന്റെ സ്ഥാപി​ത​രാ​ജ്യം പെട്ടെ​ന്നു​തന്നെ എല്ലാത്ത​ര​ത്തി​ലു​മുള്ള ചീത്ത മാനു​ഷ​ഭ​ര​ണത്തെ അടിക്കു​ക​യും തകർക്കു​ക​യും ചെയ്യും എന്നാണ്‌. എത്ര പൂർണ്ണ​മാ​യി? ബൈബിൾ ഉത്തരം നൽകുന്നു: “ആ സമയത്ത്‌ ഇരുമ്പും വാർത്ത കളിമ​ണ്ണും താമ്ര​വും വെള്ളി​യും സ്വർണ്ണ​വും എല്ലാം ഒരുമിച്ച്‌ തകർക്ക​പ്പെ​ടു​ക​യും വേനൽക്കാ​ല​മെ​തി​ക്ക​ള​ത്തി​ലെ പതിർപോ​ലെ ആയിത്തീ​രു​ക​യും അവയുടെ യാതൊ​രു അവശി​ഷ്ട​വും കണ്ടെത്ത​പ്പെ​ടാ​ത​വണ്ണം കാററ്‌ അവയെ പറപ്പിച്ചു കളയു​ക​യും ചെയ്യും.”—ദാനി​യേൽ 2:34, 35, NW.

ദുഷ്ട മാനുഷ ഗവൺമെൻറു​കൾ ഒരിക്ക​ലും അവശി​ഷ്ടം​പോ​ലും കണ്ടെത്ത​പ്പെ​ടാത്ത വിധത്തിൽ പൂർണ്ണ​മാ​യി തുടച്ചു​മാ​റ​റ​പ്പെ​ടേ​ണ്ടി​യി​രി​ക്കു​ന്ന​പക്ഷം, മാനു​ഷ​ഭ​ര​ണ​ത്തി​ന്റെ വക്താക്കൾക്കു പ്രയാ​സ​ക​ര​മായ സമയങ്ങൾ മുമ്പിൽ സ്ഥിതി​ചെ​യ്യു​ന്നു​വെ​ന്നതു തീർച്ച​യാണ്‌. ദശലക്ഷ​ക്ക​ണ​ക്കി​നാ​ളു​കൾ ഈ വസ്‌തുത തിരി​ച്ച​റി​ഞ്ഞു​കൊണ്ട്‌ തങ്ങളുടെ ആശ്രയം, അഴിമതി നിറഞ്ഞ മാനുഷ ഭരണത്തിൽനി​ന്നു മെച്ചമായ ഒന്നി​ലേക്കു മാററു​ന്ന​തി​ലുള്ള ജ്ഞാനം കണ്ടു​കൊ​ണ്ടി​രി​ക്കു​ന്നു. ആയിര​ക്ക​ണ​ക്കി​നു വർഷങ്ങ​ളി​ലെ മാനുഷ ദുർഭ​ര​ണ​ത്താ​ലും മോശ​മായ കൈകാ​ര്യം ചെയ്യലി​നാ​ലും ഉളവാ​ക്ക​പ്പെട്ട പ്രശ്‌നങ്ങൾ പരിഹ​രി​ക്കാൻ കഴിയു​ന്നത്‌ അഖിലാണ്ഡ സ്രഷ്ടാ​വായ യഹോ​വ​യാം ദൈവ​ത്തി​ന്റെ ഭരണത്തി​നു മാത്ര​മാണ്‌. യഥാർത്ഥ​മായ ദിവ്യാ​ധി​പ​ത്യ​ത്തി​നു മാത്രമെ നമ്മുടെ കാലത്തെ ആവശ്യങ്ങൾ നിറ​വേ​റ​റാൻ കഴിയു​ക​യു​ള്ളു.

“മാനു​ഷ​ഭ​രണം തുലാ​സിൽ തൂക്ക​പ്പെ​ട്ടി​രി​ക്കു​ന്നു” എന്ന പത്തു ഭാഗങ്ങ​ളുള്ള ഈ തുടർലേ​ഖനം, ഗവൺമെൻറി​ന്റെ കാര്യ​ത്തിൽ ഒരു വ്യക്തി​പ​ര​മായ തീരു​മാ​നം എടുക്കു​ന്ന​തി​ലുള്ള പ്രാധാ​ന്യം നിങ്ങളെ ബോധ്യ​പ്പെ​ടു​ത്തു​ക​യു​ണ്ടാ​യി എന്ന്‌ ഉണരുക! പ്രത്യാ​ശി​ക്കു​ന്നു. എല്ലാറ​റി​ലു​മു​പ​രി​യാ​യി ഒരു ജ്ഞാനപൂർവ​ക​മായ തീരു​മാ​നം എടുക്കു​ന്ന​തിന്‌ ഇതു നിങ്ങളെ സഹായി​ക്കും എന്നു പ്രത്യാ​ശി​ക്കു​ന്നു. മാനുഷ ഭരണം തുലാ​സിൽ തൂക്ക​പ്പെ​ടു​ക​യും കുറവു​ള്ള​താ​യി കണ്ടെത്ത​പ്പെ​ടു​ക​യും ചെയ്‌തി​രി​ക്കു​ന്നു. നിങ്ങൾ എന്തു തിര​ഞ്ഞെ​ടു​ക്കും? അതു വിലകു​റഞ്ഞ ഒരു വ്യാജ പകർപ്പ്‌ ആയിരി​ക്കു​മോ അതോ യഥാർത്ഥ​മാ​യത്‌ ആയിരി​ക്കു​മോ? അതു മാനുഷ ഭരണമാ​യി​രി​ക്കു​മോ അതോ സത്യ​ദൈ​വ​മായ യഹോ​വ​യാ​ലുള്ള ഭരണം ആയിരി​ക്കു​മോ?—ദാനി​യേൽ 2:44; മത്തായി 6:10. (g90 12/22)

[അടിക്കു​റി​പ്പു​കൾ]

[20-ാം പേജിലെ ചതുരം]

യഹോവയാലുള്ള ദിവ്യാ​ധി​പത്യ ഭരണം ചെയ്യു​വാൻ പോകു​ന്നത്‌

◆ ദുർബ​ല​രായ വൃദ്ധജ​ന​ങ്ങളെ യൗവന ഊർജ്ജ​സ്വ​ല​ത​യി​ലേക്കു പുന:സ്ഥിതീ​ക​രി​ക്കും.—ഇയ്യോബ്‌ 33:25.

◆ യുദ്ധങ്ങളെ ഒരു കഴിഞ്ഞ​കാല സംഗതി​യാ​ക്കും.—സങ്കീർത്തനം 46:9; യെശയ്യാവ്‌ 9:7.

◆ ഓരോ കുടും​ബ​ത്തി​നും ഉൽകൃ​ഷ്ട​മായ ഭവനം പ്രദാനം ചെയ്യും.—യെശയ്യാവ്‌ 65:21.

◆ രോഗി​ക​ളെ​യും അംഗ​വൈ​ക​ല്യം സംഭവി​ച്ച​വ​രെ​യും സൗഖ്യ​മാ​ക്കും.—യെശയ്യാവ്‌ 33:24; 35:5, 6.

◆ മരിച്ച​വരെ ഉയിർപ്പി​ക്കും.—യെശയ്യാവ്‌ 25:8: പ്രവൃ​ത്തി​കൾ 24:15; വെളി​പ്പാട്‌ 20:13.

◆ ഭൂമിയെ അഴിമ​തി​യിൽനി​ന്നും അധാർമ്മി​ക​ത​യിൽനി​ന്നും പാതക​ത്തിൽനി​ന്നും മോചി​പ്പി​ക്കും.—സദൃശ​വാ​ക്യ​ങ്ങൾ 2:21, 22.

◆ സകലർക്കും സമൃദ്ധ​മായ ആഹാരം പ്രദാനം ചെയ്യും.—സങ്കീർത്ത​നങ്ങൾ 72:16; യെശയ്യാവ്‌ 25:6.

◆ മനുഷ്യ​രും മൃഗങ്ങ​ളും തമ്മിൽ ഒരു സമാധാ​ന​പ​ര​മായ ബന്ധം പുന:സ്ഥാപി​ക്കും—യെശയ്യാവ്‌ 11:6-9; യെഹെ​സ്‌ക്കേൽ 34:25.

◆ സകലർക്കും അർത്ഥവ​ത്തും പ്രതി​ഫ​ല​ദാ​യ​ക​വു​മായ വേല നിയമി​ച്ചു​കൊ​ടു​ക്കും.—യെശയ്യാവ്‌ 65:22, 23.

◆ ഭൂമിയെ ഒരു ആഗോള പറുദീ​സ​യാ​യി രൂപാ​ന്ത​ര​പ്പെ​ടു​ത്തും.—യെശയ്യാവ്‌ 35:1, 6, 7; ലൂക്കോസ്‌ 23:43.

ഇവ മനുഷ്യർ നൽകുന്ന പൊള്ള​യായ രാഷ്‌ട്രീയ വാഗ്‌ദാ​ന​ങ്ങളല്ല; അവ ദൈവ​ത്താ​ലുള്ള വാഗ്‌ദാ​ന​ങ്ങ​ളാണ്‌, “ദൈവ​ത്തി​നു ഭോഷ്‌കു പറവാൻ കഴിയു​ക​യില്ല.”—എബ്രായർ 6:18.

[21-ാം പേജിലെ ചിത്രം]

പൂർണ്ണ ഗവൺമെൻറി​ന്റെ നിത്യാ​നു​ഗ്ര​ഹങ്ങൾ നിങ്ങളു​ടേ​താ​യി​രി​ക്കാൻ കഴിയും!