കൂടു​ത​ലായ പുരോ​ഗ​തി​ക്കാ​യി ക്രിയാ​ത്മ​ക​മായ പ്രവർത്ത​നം

¹ ഇപ്പോ​ഴേ​ക്കും നമ്മിൽ മിക്കവ​രും വാർഷി​ക​പു​സ്‌തകം 1992 വായി​ച്ചു​ക​ഴി​ഞ്ഞി​രി​ക്കും. 211 ദേശങ്ങ​ളിൽ നാൽപ​ത്തി​രണ്ടര ലക്ഷത്തി​ല​ധി​കം വരുന്ന രാജ്യ​പ്ര​ഘോ​ഷ​ക​രു​ടെ 1991-ലെ ലോക​വ്യാ​പക അത്യുച്ചം—6.5 ശതമാനം വർദ്ധനവ്‌—സംബന്ധിച്ച്‌ അറിഞ്ഞത്‌ നമ്മുടെ ഹൃദയ​ങ്ങളെ പുളകി​ത​മാ​ക്കി! തീർച്ച​യാ​യും, ഇപ്പോൾ ലോക​മെ​മ്പാ​ടും സംഭവി​ച്ചു​കൊ​ണ്ടി​രി​ക്കുന്ന രാജ്യ​വർദ്ധ​നവ്‌ യെശയ്യാവ്‌ 2:2-4-ന്റെയും മീഖാ 4:1-4-ന്റെയും നിവൃ​ത്തി​യു​ടെ ശ്രദ്ധേ​യ​മായ തെളിവു നൽകുന്നു.

² ആയിര​ത്തി​തൊ​ള​ളാ​യി​രത്തി തൊണ്ണൂ​റ​റി​രണ്ട്‌ സേവന വർഷത്തി​ലെ റിപ്പോർട്ട്‌ പൂർത്തി​യാ​യി​ട്ടി​ല്ലെ​ങ്കി​ലും മികച്ച വർദ്ധന​വോ​ടെ യഹോവ ഈ സേവന​വർഷത്തെ മകുട​മ​ണി​യി​ച്ചി​രി​ക്കു​ന്നു എന്നതിന്റെ തെളിവ്‌ സ്‌പഷ്ട​മാണ്‌. നമ്മുടെ ബൃഹത്തായ സാഹോ​ദ​ര്യ​ത്തി​ലേക്ക്‌ കൂടി​വ​രാ​നു​ളള ക്ഷണം പ്രസി​ദ്ധ​മാ​ക്കി​ക്കൊ​ണ്ടി​രി​ക്കു​ന്നു. ദശലക്ഷ​ക്ക​ണ​ക്കി​നാ​ളു​കൾ രാജ്യ​ദൂ​തിന്‌ ചെവി​കൊ​ടു​ത്തു​കൊ​ണ്ടി​രി​ക്കുന്ന​താ​യി സ്‌മാ​ര​ക​ത്തി​ന്റെ​യും ഡിസ്‌ട്രി​ക്‌ററ്‌ കൺ​വെൻ​ഷ​ന്റെ​യും ഹാജരു​കൾ പ്രകട​മാ​ക്കു​ന്നു. എല്ലാ ജനതക​ളിൽനി​ന്നും അവർ ഈ നിശ്വസ്‌ത ക്ഷണത്തോട്‌ പ്രതി​ക​രി​ച്ചു​കൊ​ണ്ടി​രി​ക്കു​ന്നു: “വരുവിൻ, നമുക്ക്‌ യഹോ​വ​യു​ടെ പർവ്വത​ത്തി​ലേക്ക്‌, യാക്കോ​ബിൻ ദൈവ​ത്തി​ന്റെ ആലയത്തി​ലേക്ക്‌ കയറി​ച്ചെ​ല്ലാം; അവൻ നമുക്ക്‌ തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കയും ചെയ്യും.”

³ പുരോ​ഗ​മി​ക്കാൻ നിശ്ചയം ചെയ്യുക: യഹോ​വ​യു​ടെ സ്ഥാപനം മുന്നേ​റു​ക​യാണ്‌. യഹോ​വ​യു​ടെ സത്യാ​രാ​ധ​ന​യു​ടെ പർവ്വത​ത്തി​ലേക്ക്‌ വളരെ​യ​ധി​കം പുതി​യവർ ഒഴുകി​വ​രു​ന്ന​തു​കൊണ്ട്‌ ഓരോ​രു​ത്ത​രും കൂടു​ത​ലായ ആത്മീയ​പു​രോ​ഗ​തിക്ക്‌ ക്രിയാ​ത്മ​ക​മായ നടപടി സ്വീക​രി​ക്കു​ന്ന​തും അതുതന്നെ ചെയ്യാൻ അതിലും പുതി​യ​വ​രാ​യ​വരെ സഹായി​ക്കു​ന്ന​തിന്‌ എത്തിപ്പി​ടി​ക്കു​ന്ന​തും മർമ്മ​പ്ര​ധാ​ന​മാണ്‌. യഹോ​വ​യു​ടെ പർവ്വത​ത്തി​ലേക്ക്‌ വരാനു​ളള ക്ഷണത്തോട്‌ പ്രതി​ക​രി​ക്കു​ന്നവർ മററു​ള​ള​വ​രോട്‌ “വരിക” എന്നു പറയുന്നു എന്ന പ്രസ്‌താ​വ​ന​യിൽ അത്തരം പുരോ​ഗ​തി​യു​ടെ ആവശ്യം സൂചി​പ്പി​ച്ചി​രി​ക്കു​ന്നു. അപ്പോ​സ്‌ത​ല​നായ യോഹ​ന്നാൻ വെളി​പ്പാട്‌ 22:17-ൽ സമാന​മായ ഒരു കാര്യം റിപ്പോർട്ടു​ചെ​യ്യു​ന്നു: “വരിക എന്നു ആത്മാവും മണവാ​ട്ടി​യും പറയുന്നു; കേൾക്കു​ന്ന​വ​നും: വരിക എന്നു പറയട്ടെ.”

⁴ ഈ ക്ഷണം എങ്ങനെ നൽക​പ്പെ​ട​ണ​മെന്ന്‌ യേശു കാണി​ച്ചു​കൊ​ടു​ത്തു. ആളുകൾ അവന്റെ ഉപദേ​ശ​ത്തോട്‌ പ്രതി​ക​രി​ച്ച​പ്പോൾ, അവൻ അവരെ തന്റെ ശുശ്രൂ​ഷ​യിൽ പങ്കെടു​ക്കാൻ ക്ഷണിക്കു​ക​യും അത്‌ എങ്ങനെ നിർവ്വ​ഹി​ക്ക​ണ​മെന്ന്‌ അവരെ പഠിപ്പി​ക്കു​ക​യും ചെയ്‌തു. (മത്താ. 4:19; 10:5-7, 11-14) അവന്റെ ശിഷ്യൻമാർ അവനോ​ടു​കൂ​ടെ പോയി​ക്കൊ​ണ്ടും അവൻ കാര്യങ്ങൾ എങ്ങനെ നിർവ്വ​ഹി​ക്കു​ന്നു​വെന്ന്‌ നിരീ​ക്ഷി​ച്ചു​കൊ​ണ്ടും അവൻ ഉപയോ​ഗിച്ച ഫലകര​മായ രീതികൾ പഠിച്ചു. അതിനു​ശേഷം അവർ തങ്ങളുടെ ശുശ്രൂഷ അവന്റേ​തു​പോ​ലെ രൂപ​പ്പെ​ടു​ത്തി. അവരുടെ ധീരമായ സാക്ഷീ​ക​രണം, അവർ യേശു​വി​ന്റെ ശിഷ്യൻമാ​രാ​യി​രു​ന്നു​വെന്ന്‌ വ്യക്തമാ​യി തിരി​ച്ച​റിഞ്ഞ എതിരാ​ളി​ക​ളു​ടെ ശ്രദ്ധയാ​കർഷി​ക്ക​ത്ത​ക്ക​വണ്ണം അവർ അവന്റെ രീതികൾ അത്ര നന്നായി പഠിച്ചു. പ്രവൃ​ത്തി​കൾ 4:13 റിപ്പോർട്ടു​ചെ​യ്യു​ന്നു: “അവർ പത്രോ​സി​ന്റെ​യും യോഹ​ന്നാ​ന്റെ​യും ധൈര്യം കാൺക​യാ​ലും . . . അവർ യേശു​വി​നോ​ടു​കൂ​ടെ ആയിരു​ന്നവർ എന്നും അറിഞ്ഞു.”

⁵ സ്വർഗ്ഗ​ത്തി​ലേക്ക്‌ തിരി​ച്ചു​പോ​കു​ന്ന​തി​നു മുമ്പ്‌, തന്റെ ശിഷ്യൻമാർ പുതു​ശി​ഷ്യൻമാ​രെ ഉളവാ​ക്കി​ക്കൊ​ണ്ടും തങ്ങളെ പഠിപ്പി​ച്ച​തു​പോ​ലെ​തന്നെ അവരെ പഠിപ്പി​ച്ചു​കൊ​ണ്ടും ക്രിസ്‌തീയ ശുശ്രൂഷ നിലനിർത്ത​ണ​മെന്ന്‌ യേശു കൽപന നൽകി. മത്തായി 28:19, 20-ൽ യേശു കല്‌പി​ച്ചു: “ആകയാൽ നിങ്ങൾ പുറ​പ്പെട്ട്‌, . . . ഞാൻ നിങ്ങ​ളോ​ടു കൽപി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊണ്ട്‌ സകല ജാതി​ക​ളെ​യും ശിഷ്യ​രാ​ക്കി​ക്കൊൾവിൻ.” ഇത്‌ നമ്മുടെ നാൾവരെ തുടരാൻ അവൻ അർത്ഥമാ​ക്കി​യെന്ന്‌ സൂചി​പ്പി​ച്ചു​കൊണ്ട്‌, കൂടു​ത​ലായ ഈ ഉറപ്പ്‌ അവൻ നൽകി: “ഞാനോ ലോകാ​വ​സാ​ന​ത്തോ​ളം എല്ലാ നാളും നിങ്ങ​ളോ​ടു​കൂ​ടെ ഉണ്ട്‌.”

⁶ യേശു​ക്രി​സ്‌തു​വി​ന്റെ യഥാർത്ഥ ശിഷ്യൻമാർ, അവൻ കൽപിച്ച എല്ലാ കാര്യ​ങ്ങ​ളും പുതു​ശി​ഷ്യൻമാ​രെ പഠിപ്പി​ക്കാ​നു​ളള അവന്റെ നിർദ്ദേ​ശങ്ങൾ അനുസ​രി​ക്കു​ന്ന​തിൽ പരാജ​യ​പ്പെ​ട്ടി​ട്ടില്ല. എന്നിരു​ന്നാ​ലും, യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക സഭയിലെ വലിയ വളർച്ച പുതു​താ​യി സ്‌നാ​പ​ന​മേററ സഭാം​ഗ​ങ്ങ​ളു​ടെ​യും സ്‌നാ​പ​ന​മേൽക്കാത്ത പ്രസാ​ധ​ക​രു​ടെ​യും അതു​പോ​ലെ​തന്നെ നമ്മോ​ടു​കൂ​ടെ ബൈബിൾ പഠിക്കു​ന്ന​വ​രും ഒരളവു​വരെ ക്രമമാ​യി സഭാ​യോ​ഗ​ങ്ങൾക്കു വരാൻ തുടങ്ങി​യി​രി​ക്കു​ന്ന​വ​രും ആയ ആളുക​ളു​ടെ​യും പ്രത്യേക ആവശ്യങ്ങൾ നാം പരിഗ​ണി​ക്കേ​ണ്ടത്‌ ആവശ്യ​മാ​ക്കി​ത്തീർക്കു​ന്നു.

⁷ ഇന്ത്യയിൽ, 1992 സേവന​വർഷ​ത്തി​ന്റെ തുടക്ക​ത്തിൽ ഓരോ 9 പ്രസാ​ധ​ക​രി​ലും ഒരാൾ ശുശ്രൂ​ഷ​യിൽ ഏർപ്പെ​ട്ടു​തു​ട​ങ്ങി​യിട്ട്‌ ഒരു വർഷമേ ആയിരു​ന്നു​ളളു. അതിനു പുറമേ, നാലിൽ ഒരാൾ പ്രസംഗം തുടങ്ങി​യിട്ട്‌ മൂന്നു വർഷമോ അതിൽ താഴെ​യോ മാത്രമേ ആയിട്ടു​ളളു; മൂന്നിൽ ഒരാൾ ശുശ്രൂ​ഷ​യിൽ പങ്കെടു​ക്കാൻ തുടങ്ങി​യിട്ട്‌ അഞ്ചു വർഷത്തി​ല​ധി​കം ആയിട്ടില്ല. സഭയുടെ അംഗങ്ങ​ളാ​യി​ത്തീർന്ന​ശേഷം പുതി​യ​വ​രായ അനേകർ നല്ല പുരോ​ഗതി വരുത്തി​യി​ട്ടു​ണ്ടെ​ങ്കി​ലും ചില വശങ്ങളി​ലു​ളള കൂടു​ത​ലായ സഹായം അവരുടെ ആത്മീയ പുരോ​ഗതി ത്വരി​ത​മാ​ക്കാൻ നിസം​ശ​യ​മാ​യും സഹായി​ക്കും.

⁸ “പക്വത​യി​ലേക്കു പുരോ​ഗ​മി​ക്കാൻ” എബ്രായർ 6:1 എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു. ക്രിസ്‌തീയ പക്വത ഒരു സേവന റിപ്പോർട്ടി​ടു​ന്ന​തി​നേ​ക്കാൾ വളരെ കൂടി​യ​താണ്‌. അതിൽ വ്യക്തി​പ​ര​മായ പഠനത്തി​ലും നിരന്തര യോഗ​ഹാ​ജ​രി​ലും അതു​പോ​ലെ​തന്നെ വയൽശു​ശ്രൂ​ഷ​യി​ലെ തീക്ഷ്‌ണ​മായ പങ്കുപ​റ​റ​ലി​ലും പുരോ​ഗതി പ്രാപി​ക്കു​ന്നത്‌ ഉൾപ്പെ​ടു​ന്നു. രക്ഷ പ്രാപി​ക്കാൻ സത്യത്തി​ന്റെ പരിജ്ഞാ​ന​ത്തി​ലേക്കു വരുന്ന​തിന്‌ മററു​ള​ള​വരെ സഹായി​ക്കു​ന്ന​തും ഉൾപ്പെ​ടു​ന്നു. ‘തിരു​വെ​ഴു​ത്തു​ക​ളിൽനിന്ന്‌ ന്യായ​വാ​ദം ചെയ്യു​ന്ന​തിൽ’ നമ്മുടെ വൈദ​ഗ്‌ദ്ധ്യ​ങ്ങൾ മൂർച്ച​യു​ള​ള​താ​ക്കാൻ നാം ശ്രമി​ക്കണം. (പ്രവൃ. 17:2) പക്വത​യി​ലേക്ക്‌ വളരു​ന്ന​തിന്‌ സമയം ആവശ്യ​മാണ്‌, അത്‌ നമ്മുടെ ദൈവി​ക​ഭ​ക്തി​യേ​യും വയലിൽ നാം പ്രാ​യോ​ഗിക അനുഭവം സമ്പാദി​ക്കു​ന്ന​തി​നെ​യും വലിയ അളവോ​ളം ആശ്രയി​ച്ചി​രി​ക്കു​ന്നു. നമ്മുടെ സ്വന്തം ദൈവി​ക​ഭ​ക്തി​യു​ടെ ആഴം സംബന്ധിച്ച്‌ നമുക്കു​തന്നെ നിയ​ന്ത്ര​ണ​മു​ണ്ടെ​ങ്കി​ലും പ്രാ​യോ​ഗിക അനുഭവം സമ്പാദി​ക്കു​ന്ന​തിന്‌ നമ്മെ സഹായി​ക്കാൻ പക്വത​യു​ളള മററു സഹോ​ദരീ സഹോ​ദ​രൻമാ​രെ അനുവ​ദി​ക്കു​ന്നത്‌ ജ്ഞാനമാർഗ്ഗ​മാണ്‌. അവരുടെ അനുഭ​വ​ത്തിൽനിന്ന്‌, വിശേ​ഷി​ച്ചും വയൽശു​ശ്രൂ​ഷ​യി​ലെ അനുഭ​വ​ത്തിൽനിന്ന്‌ നമുക്ക്‌ പഠിക്കാൻ കഴിയും. നാം എല്ലാ കാര്യ​ങ്ങ​ളും സ്വന്ത നിലയിൽ പരീക്ഷണ നിരീ​ക്ഷ​ണ​ങ്ങ​ളി​ലൂ​ടെ പഠി​ക്കേ​ണ്ട​തില്ല.

⁹ അനുഭ​വ​പ​രി​ചയം കുറഞ്ഞ​വർക്കു​ളള സഹായം: ക്രിസ്‌തീയ സഭയുടെ തുടക്ക​ത്തിൽ സഹായം നൽകു​ന്ന​തി​ന്റെ മാതൃക സ്ഥാപി​ക്ക​പ്പെട്ടു. യേശു തന്റെ ശിഷ്യൻമാ​രെ പ്രബോ​ധി​പ്പി​ച്ചു. (മർക്കോ. 3:14; ലൂക്കോ. 9:1; 10:1) ക്രമത്തിൽ അവർ മററു​ള​ള​വരെ പഠിപ്പി​ച്ചു. തിമൊ​ഥെ​യോ​സിന്‌ അപ്പോ​സ്‌ത​ല​നായ പൗലോ​സിൽനിന്ന്‌ പ്രത്യേക പ്രോ​ത്സാ​ഹ​ന​വും സഹായ​വും ലഭിച്ചു, കൂടുതൽ പരിച​യ​മു​ണ്ടാ​യി​രുന്ന അക്വി​ല്ലാ​യു​ടെ​യും പ്രിസ്‌കി​ല്ലാ​യു​ടെ​യും വ്യക്തി​പ​ര​മായ സഹായ​ത്തോ​ടെ ശിഷ്യ​നായ അപ്പല്ലോസ്‌ പുരോ​ഗതി പ്രാപി​ച്ചു. (പ്രവൃ. 18:24-27;1 കൊരി. 4:17) അനുഭ​വ​പ​രി​ചയം കുറഞ്ഞ​വരെ, വിശേ​ഷാൽ പുതി​യ​വ​രെ​യും ചെറു​പ്പ​ക്കാ​രെ​യും പഠിപ്പി​ച്ചു​കൊ​ണ്ടും പ്രോ​ത്സാ​ഹി​പ്പി​ച്ചു​കൊ​ണ്ടും ഇന്ന്‌ ക്രിസ്‌തീയ സഭയിലെ പക്വത​യു​ളള അംഗങ്ങൾ ആ മാതൃ​കകൾ പിൻപ​റ​റു​ന്നു. “എന്നാൽ ശക്തരായ നാം അശക്തരു​ടെ ബലഹീ​ന​ത​കളെ ചുമ​ക്കേണം,” എന്ന്‌ റോമർ 15:1, 2 പറയുന്നു.

¹⁰ തങ്ങളുടെ മക്കൾ ആത്മീയ​മാ​യി പുരോ​ഗതി പ്രാപി​ക്കാൻ സഹായി​ക്കു​ന്ന​തിന്‌ ക്രിയാ​ത്മ​ക​മായ നടപടി സ്വീക​രി​ക്കാൻ മാതാ​പി​താ​ക്കൾ ഉത്തരവാ​ദി​ത്ത​മു​ള​ള​വ​രാണ്‌. ഇതിൽ കുടും​ബാ​ദ്ധ്യ​യ​ന​വും, വ്യക്തി​പ​ര​മാ​യി എങ്ങനെ പഠിക്ക​ണ​മെന്ന്‌ കുട്ടി​കളെ പഠിപ്പി​ക്കു​ന്ന​തും, നിരന്ത​ര​മായ യോഗ​ഹാ​ജ​രും പങ്കുപ​റ​റ​ലും, അവർ പഠിക്കു​ന്നത്‌ ബാധക​മാ​ക്കു​ന്ന​തി​ലെ അനുഭ​വ​വും ഉൾപ്പെ​ടു​ന്നു. (എഫേസ്യർ 6:4; 1 തിമൊ. 5:8) സഭാപു​സ്‌ത​കാ​ദ്ധ്യ​യന നിർവ്വാ​ഹകർ വിശേ​ഷി​ച്ചും തങ്ങളുടെ പുസ്‌ത​കാ​ദ്ധ്യ​യന കൂട്ടത്തി​ലും വയൽസേവന കൂട്ടത്തി​ലും ഉളള എല്ലാവ​രെ​യും ഒരു ആത്മീയ വിധത്തിൽ പുരോ​ഗ​മി​ക്കാൻ സഹായി​ക്കു​ന്ന​തിന്‌ ക്രമീ​ക​ര​ണങ്ങൾ ചെയ്യു​ന്ന​തിൽ നേതൃ​ത്വം എടുക്കണം. സേവന​മേൽവി​ചാ​ര​ക​നും മററു മൂപ്പൻമാർക്കും അതു​പോ​ലെ​തന്നെ ശുശ്രൂ​ഷാ​ദാ​സൻമാർക്കും സഭയിലെ മററം​ഗ​ങ്ങൾക്കും സഹായി​ക്കാൻ കഴിയും.

¹¹ ആവശ്യ​മാ​യത്‌ പ്രദാനം ചെയ്യുക: ആവശ്യ​മാ​യി​രി​ക്കു​ന്നത്‌, വ്യക്തി​പ​ര​മായ പഠനം പോലെ ക്രിസ്‌തീയ പ്രവർത്ത​ന​ങ്ങ​ളു​ടെ ഏതെങ്കി​ലും ഒരു വശത്തു​മാ​ത്രം വേണ്ട സഹായ​മാ​യി​രി​ക്കാം. ഒരു വ്യക്തിക്ക്‌ പ്രാ​യോ​ഗി​ക​മായ ഒരു പഠന പട്ടിക ഉണ്ടാക്കു​ന്ന​തി​നു​ളള നിർദ്ദേ​ശങ്ങൾ ആവശ്യ​മാ​യി​രി​ക്കാം. മറെറാ​രാൾക്ക്‌ ആവശ്യ​മാ​യി​രി​ക്കു​ന്നത്‌ അഭി​പ്രാ​യ​ങ്ങ​ളോ നിയമ​ന​ങ്ങ​ളോ തയ്യാറാ​ക്കു​ന്ന​തി​നു​ളള സഹായ​മാ​യി​രി​ക്കാം. മററു​ള​ളവർ ഒരുപക്ഷേ ബൈബിൾ വിഷയങ്ങൾ എങ്ങനെ ഗവേഷണം നടത്താ​മെന്ന്‌ പഠി​ക്കേ​ണ്ട​തു​ണ്ടാ​യി​രി​ക്കാം.

¹² അനേകം പുതി​യ​വർക്കും വയൽശു​ശ്രൂ​ഷ​യിൽ സഹായം ആവശ്യ​മാണ്‌. ഒരു പ്രസാ​ധകൻ വീടു​തോ​റു​മു​ളള വേലയി​ലോ മടക്കസ​ന്ദർശ​നങ്ങൾ നടത്തു​ന്ന​തി​ലോ ബൈബി​ള​ദ്ധ്യ​യ​നങ്ങൾ തുടങ്ങു​ക​യും നടത്തു​ക​യും ചെയ്യു​ന്ന​തി​ലോ കൂടുതൽ ഫലപ്ര​ദ​നാ​യി​ത്തീ​രാൻ ആഗ്രഹി​ച്ചേ​ക്കാം. ന്യായ​വാ​ദം പുസ്‌ത​ക​ത്തിൽനി​ന്നോ നമ്മുടെ രാജ്യ ശുശ്രൂ​ഷ​യിൽ നിന്നോ നിർദ്ദിഷ്ട മുഖവു​ര​ക​ളും അവതര​ണ​ങ്ങ​ളും ഉപയോ​ഗി​ച്ചു​ളള ഏതാനും അഭ്യസ​ന​യോ​ഗങ്ങൾ മതിയാ​യേ​ക്കാം. മററു​സ​ന്ദർഭ​ങ്ങ​ളിൽ വയൽസേ​വ​ന​ത്തി​നു​ളള പ്രാ​യോ​ഗി​ക​മായ ഒരു പട്ടിക​യു​ണ്ടാ​യി​രി​ക്കാ​നു​ളള നിർദ്ദേ​ശ​ങ്ങ​ളും അതി​നോ​ടു പററി​നിൽക്കാ​നു​ളള സഹായ​വും മാത്രമേ ആവശ്യ​മാ​യി​രി​ക്കു​ക​യു​ളളു. സഹായം ആവശ്യ​മു​ളള ഒരു വ്യക്തി​യോ​ടു​കൂ​ടെ പ്രവർത്തി​ക്കാ​നു​ളള സുനി​ശ്ചിത ക്രമീ​ക​ര​ണങ്ങൾ ചെയ്യു​ന്നത്‌ നിശ്ചിത ലാക്കു​ക​ളി​ലേക്ക്‌ പുരോ​ഗ​മി​ക്കാൻ അയാ​ളെ​യോ അവളെ​യോ പ്രാപ്‌ത​മാ​ക്കും.

¹³ നമ്മുടെ ആത്മീയ പുരോ​ഗതി മററു​ള​ള​വർക്ക്‌ പ്രത്യ​ക്ഷ​മാ​ക്കാൻ ദൈവ​വ​ചനം നമ്മെ പ്രോ​ത്സാ​ഹി​പ്പി​ക്കു​ന്നു. പൗലോസ്‌ തന്റെ സഹവേ​ല​ക്കാ​ര​നായ തിമൊ​ഥെ​യോ​സിന്‌ എഴുതിയ ബുദ്ധ്യു​പ​ദേശം അതായി​രു​ന്നു. (1 തിമൊ. 4:15) ആ പ്രോ​ത്സാ​ഹ​ന​ത്തോ​ടു ചേർച്ച​യിൽ അപ്പോ​സ്‌തലൻ, ഒരു കായിക മൽസര​ത്തിൽ പങ്കെടു​ക്കു​ന്ന​തി​നു​വേണ്ടി എന്നപോ​ലെ അഥവാ ആത്മീയ യുദ്ധത്തിൽ വിജയ​ക​ര​മാ​യി ഏർപ്പെ​ടു​ന്ന​തി​നു​വേണ്ടി നമ്മെത്തന്നെ പരിശീ​ലി​പ്പി​ക്കേ​ണ്ട​തി​ന്റെ ആവശ്യം ഊന്നി​പ​റ​യു​ന്നു. (1 കൊരി. 9:24-27; 2 കൊരി. 10:5, 6) നാം ദൈ​വേ​ഷ്ട​ത്തെ​ക്കു​റിച്ച്‌ പഠിക്കു​ന്ന​തെ​ല്ലാം ഉടൻ ബാധക​മാ​ക്കണം, അങ്ങനെ നിരീ​ക്ഷകർ നമ്മിൽ സത്യ​ക്രി​സ്‌തീയ വിശ്വാ​സ​ത്തി​ന്റെ ജീവി​ക്കുന്ന മാതൃ​കകൾ കാണും. അതു​പോ​ലെ​തന്നെ, യേശു​ക്രി​സ്‌തു​വി​ന്റെ സമർപ്പിത ശിഷ്യ​രാ​യി​ത്തീ​രാൻ മററു​ള​ള​വരെ പഠിപ്പി​ക്കുന്ന കലയിൽ നാം പുരോ​ഗതി പ്രാപി​ക്കണം.—യാക്കോ. 1:22-25; 1 തിമൊ. 4:12-16.

¹⁴ പുരോ​ഗ​തി​യിൽ പരി​ശോ​ധ​നകൾ സഹിക്കു​ന്നത്‌ ഉൾപ്പെ​ടു​ന്നു: യേശു​ക്രി​സ്‌തു​പോ​ലും അവൻ അനുഭ​വിച്ച കാര്യ​ങ്ങ​ളിൽനിന്ന്‌ വിലപ്പെട്ട പാഠം പഠിച്ചു. (എബ്രാ. 5:8) അതു​കൊണ്ട്‌ നമുക്കും കഴിയും. തദനു​സ​രണം, നാം യാക്കോബ്‌ 1:2, 3-ൽ ശുപാർശ ചെയ്‌തി​രി​ക്കുന്ന ക്രിയാ​ത്മക മനോ​ഭാ​വം സ്വീക​രി​ക്കു​മ്പോൾ ആത്മീയ പുരോ​ഗതി വർദ്ധി​ക്കു​ന്നു: “എന്റെ സഹോ​ദ​രൻമാ​രേ, നിങ്ങൾ വിവി​ധ​പ​രീ​ക്ഷ​ക​ളിൽ അകപ്പെ​ടു​മ്പോൾ നിങ്ങളു​ടെ വിശ്വാ​സ​ത്തി​ന്റെ പരി​ശോ​ധന സ്ഥിരത (സഹിഷ്‌ണുത, NW) ഉളവാ​ക്കു​ന്നു എന്ന്‌ അറിഞ്ഞ്‌ അത്‌ അശേഷം സന്തോഷം എന്ന്‌ എണ്ണുവിൻ.” അതു​കൊണ്ട്‌, മാറാ​രോ​ഗ​ത്തി​ന്റെ​യൊ സാമ്പത്തിക പ്രയാ​സ​ങ്ങ​ളു​ടെ​യൊ ഒരു ഭിന്നിച്ച കുടും​ബ​ത്തിൽ ജീവി​ക്കു​ന്ന​തി​ന്റെ​യൊ പ്രദേ​ശത്തെ എതിർപ്പി​ന്റെ​യൊ അല്ലെങ്കിൽ മറേറ​തെ​ങ്കി​ലും പ്രതി​കൂല സാഹച​ര്യ​ങ്ങ​ളു​ടെ​യൊ വെല്ലു​വി​ളി​യെ തരണം ചെയ്യേ​ണ്ട​തു​ണ്ടെ​ങ്കി​ലും യഹോ​വ​യു​ടെ സഹായ​ത്തോ​ടെ നമുക്ക്‌ അവ തരണം​ചെ​യ്യാൻ കഴിയു​മെ​ന്നും അവനുളള നമ്മുടെ ആരാധ​ന​യിൽ തുടർന്നും പുരോ​ഗതി വരുത്താൻ കഴിയു​മെ​ന്നും നമുക്ക്‌ യഹോ​വ​യു​ടെ ഉറപ്പുണ്ട്‌. (1 കൊരി. 10:13; 2 കൊരി. 12:9; 1 പത്രോ. 5:8-11) ‘എല്ലാറ​റി​ലും ദൈവം യേശു​ക്രി​സ്‌തു മുഖാ​ന്തരം മഹത്വീ​ക​രി​ക്ക​പ്പെ​ടേ​ണ്ട​തിന്‌ ദൈവ​ത്തി​ന്റെ വിശുദ്ധ അരുള​പ്പാ​ടു​കൾ പ്രസ്‌താ​വി​ച്ചു​കൊ​ണ്ടും ദൈവം നൽകുന്ന പ്രാപ്‌തി​ക്കൊ​ത്ത​വണ്ണം ശുശ്രൂ​ഷി​ച്ചു​കൊ​ണ്ടും’ എല്ലാ സാഹച​ര്യ​ങ്ങ​ളി​ലും സ്ഥിരത​യു​ള​ള​വ​രാ​യി​രി​ക്കു​ന്ന​തി​നാൽ വിജയം ലഭിക്കു​ന്നു.—1 പത്രോ. 4:11.

¹⁵ കൂടു​ത​ലായ പുരോ​ഗ​തിക്ക്‌ സഹായം സ്വീക​രി​ക്കുക: നിങ്ങൾ കൂടുതൽ ആത്മീയ പുരോ​ഗതി വരുത്തു​ന്ന​തിന്‌ സഹായം ആവശ്യ​മു​ളള ഒരാളാ​ണെ​ങ്കിൽ സഭയിലെ കൂടുതൽ അനുഭ​വ​പ​രി​ച​യ​മു​ളള ഒരാളിൽനിന്ന്‌ സഹായം സ്വീക​രി​ക്കാൻ മനസ്സൊ​രു​ക്ക​മു​ള​ള​വ​നാ​യി​രി​ക്കുക. സഹായം വാഗ്‌ദാ​നം ചെയ്‌ത്‌ നിങ്ങളെ ആരും സമീപി​ച്ചി​ട്ടി​ല്ലെ​ങ്കിൽ പോലും നിങ്ങൾ ലജ്ജിച്ച്‌ സഹായം ലഭിക്കാ​നു​ളള നിങ്ങളു​ടെ അവസരം നഷ്ടപ്പെ​ടു​ത്ത​രുത്‌. സഹായം ആവശ്യ​പ്പെ​ടുക. സഭയിൽ അനുഭ​വ​പ​രി​ച​യ​മു​ളള ആരു​ടെ​യും സഹായം സ്വത​ന്ത്ര​മാ​യി തേടുക. അല്ലെങ്കിൽ നിങ്ങൾക്ക്‌ നിങ്ങളു​ടെ സഭാപു​സ്‌ത​കാ​ദ്ധ്യ​യന നിർവ്വാ​ഹ​ക​നോ​ടോ സേവന മേൽവി​ചാ​ര​ക​നോ​ടോ മററു മൂപ്പൻമാ​രിൽ ആരോ​ടെ​ങ്കി​ലു​മോ ആവശ്യ​മു​ളള സഹായം ചോദി​ക്കാ​വു​ന്ന​താണ്‌.—ഉൽപത്തി 32:26; മത്തായി 7:7, 8, താരത​മ്യം ചെയ്യുക.

¹⁶ തീർച്ച​യാ​യും, യഹോ​വ​യു​ടെ സത്യാ​രാ​ധ​ന​യു​ടെ പർവ്വത​ത്തി​ലേക്ക്‌ ഒഴുകി​വ​രുന്ന വർദ്ധി​ച്ചു​കൊ​ണ്ടി​രി​ക്കുന്ന സാർവ്വ​ദേ​ശീയ “മഹാപു​രു​ഷാര”ത്തിൽ ഉൾപ്പെ​ടു​ന്നത്‌ അത്ഭുത​ക​ര​മായ ഒരു പദവി​യാണ്‌. (വെളി. 7:9) മേലോ​ട്ടു​ളള ഈ ഒഴുക്കിൽ നമ്മോ​ടു​കൂ​ടെ പോരാൻ മററു​ള​ള​വരെ ക്ഷണിക്കു​ന്ന​തും ഒരു പദവി​യാണ്‌. ഹൃദയം​ഗ​മായ വിലമ​തി​പ്പോ​ടെ നമ്മിൽതന്നെ ആത്മീയത കെട്ടി​പ്പ​ടു​ത്തു​കൊ​ണ്ടും യഹോ​വ​യു​ടെ സേവന​ത്തിൽ നമ്മോ​ടൊത്ത്‌ പുരോ​ഗ​മി​ക്കാൻ മററു​ള​ള​വരെ സഹായി​ക്കു​ന്ന​തിന്‌ കഴിവു​ള​ളത്‌ ചെയ്‌തു​കൊ​ണ്ടും നമുക്ക്‌ കൂടു​ത​ലായ പുരോ​ഗ​തി​ക്കാ​യി ക്രിയാ​ത്മ​ക​മായ നടപടി സ്വീക​രി​ക്കു​ന്ന​തിൽ തുടരാം.