വ്യക്തി​പ​ര​മായ പഠനം—താത്‌പ​ര്യ​മെ​ടു​ക്കേണ്ട ഒരു വിഷയം

¹ ഗൗരവ​മായ പരിഗണന നൽകു​ന്ന​തിന്‌ എന്തു കാരണ​ങ്ങ​ളാ​ണു​ള​ളത്‌? യഹോ​വ​യു​മാ​യി ഒരു അടുത്ത ബന്ധം വളർത്തി​യെ​ടു​ക്കു​ന്ന​തും നിലനിർത്തു​ന്ന​തും സംബന്ധിച്ച്‌ നാം അതിയാ​യി തത്‌പ​ര​രാ​യി​രി​ക്കണം. അത്തരം ഉററ സൗഹൃദം വളർത്തി​യെ​ടു​ക്കു​ന്ന​തിൽ വ്യക്തി​പ​ര​മായ പഠനം ഒരു പ്രമുഖ പങ്കുവ​ഹി​ക്കു​ന്നു. ഇന്ന്‌, വ്യക്തി​പ​ര​മായ പഠനത്തി​നും ധ്യാന​ത്തി​നും ഏറെ സമയം ചെലവ​ഴി​ക്കു​ന്ന​തി​നു​ളള സാഹച​ര്യം നമ്മിൽ ഏറെ​പേർക്കൊ​ന്നു​മില്ല. എന്നിരു​ന്നാ​ലും, നാം ക്രമമാ​യി ദൈവ​വ​ചനം വായി​ക്കു​ന്നി​ല്ലെ​ങ്കിൽ, ഈ ലോക​ത്തി​ന്റെ ആത്മാവി​നെ​യും അതിന്റെ ജഡിക അഭിലാ​ഷ​ങ്ങ​ളെ​യും ചെറു​ത്തു​നിൽക്കാൻ അശക്തരാ​കുന്ന അളവോ​ളം നാം ബലഹീ​ന​രാ​യി​ത്തീർന്നേ​ക്കാം.

² വചനത്തി​നാ​യി ഒരു വാഞ്‌ഛ വളർത്തി​യെ​ടു​ക്കുക: ദൈ​വോ​ദ്ദേ​ശ്യ​ത്തെ​ക്കു​റി​ച്ചു നാം ആദ്യം പഠിച്ച​പ്പോൾ, സാധ്യ​ത​യ​നു​സ​രി​ച്ചു കൂടുതൽ ജ്ഞാനം സമ്പാദി​ക്കാൻ നാം തത്‌പ​ര​രാ​യി​രു​ന്നു. എന്നിരു​ന്നാ​ലും, കുറേ​ക്കാ​ലം​കൊണ്ട്‌ ആത്മീയ​പോ​ഷ​ണ​ത്തി​നു​വേ​ണ്ടി​യു​ളള നമ്മുടെ വിശപ്പ്‌ കുറഞ്ഞു​പോ​യി​രി​ക്കും. ആത്മീയാ​ഹാ​ര​ത്തി​നു​വേണ്ടി “ഒരു വാഞ്‌ഛ വളർത്തി​യെടു”ക്കേണ്ടതു​ണ്ടാ​യി​രി​ക്കാം. (1 പത്രോ. 2:2, NW) അത്തരം ഒരു വാഞ്‌ഛ നമു​ക്കെ​ങ്ങനെ വളർത്തി​യെ​ടു​ക്കാൻ കഴിയും?

³ നല്ല പരിച​യ​മു​ളള ഇഷ്ടപ്പെട്ട ആഹാര​ത്തി​ന്റെ വാസന ഒന്നേറ​റാൽ മതി നമ്മുടെ വിശപ്പു വർധി​ക്കാൻ. ഹ്രസ്വ​സ​മ​യ​ത്തേ​ക്കു​ളള വ്യക്തി​പ​ര​മായ പഠനത്തിന്‌ സമാന​മായ വിധത്തിൽ ആത്മീയ​മാ​യി നമ്മെ സ്വാധീ​നി​ക്കാൻ കഴിയും. രുചി​ക​ര​മായ ആത്മീയ​ഭ​ക്ഷ​ണ​ത്തി​ന്റെ ഏതാനും ഉരുളകൾ ആസ്വദി​ക്കു​ന്നത്‌ ആഴമായ സത്യങ്ങൾക്കു​വേ​ണ്ടി​യു​ളള നമ്മുടെ വിശപ്പി​നെ വർധി​പ്പി​ച്ചേ​ക്കാം. പഠനത്തിൽ നിന്നു​ള​വാ​കുന്ന സംതൃ​പ്‌തി യഹോ​വ​യു​ടെ വചനത്തിൽ ആഴത്തിൽ കുഴി​ക്കു​ന്ന​തി​നു നമ്മെ പ്രോ​ത്സാ​ഹി​പ്പി​ച്ചേ​ക്കാം.

⁴ നിങ്ങൾക്ക്‌ ഏററവും പററിയ ഒരു ദിനചര്യ വളർത്തി​യെ​ടു​ക്കുക: ചിലർ ഒരു മുഴു വൈകു​ന്നേ​ര​വും വ്യക്തി​പ​ര​മായ പഠനത്തി​നു​വേണ്ടി നീക്കി​വെ​ക്കു​ന്നു. അതേസ​മയം മററു​ചി​ലർ ഹ്രസ്വ​വും കൂടെ​ക്കൂ​ടെ​യു​ള​ള​തു​മായ പഠനസ​മ​യങ്ങൾ കൂടുതൽ ഇഷ്ടപ്പെ​ടു​ന്നു. അതിരാ​വി​ലെ നിങ്ങൾക്കു കൂടു​ത​ലാ​യി ശ്രദ്ധപ​തി​പ്പി​ക്കാൻ കഴിയു​മെന്നു കണ്ടെത്തു​ന്നു​വെ​ങ്കിൽ, പ്രഭാ​ത​ഭ​ക്ഷ​ണ​ത്തി​നു മുമ്പായി കുറച്ചു പഠിക്കു​ന്ന​തി​നു നിങ്ങൾ തീരു​മാ​നി​ച്ചേ​ക്കാം. വൈകു​ന്നേ​ര​മാ​ണു നിങ്ങൾക്കു കൂടുതൽ ശ്രദ്ധ​കേ​ന്ദ്രീ​ക​രി​ക്കാൻ കഴിയു​ന്ന​തെ​ങ്കിൽ, രാത്രി ഉറങ്ങു​ന്ന​തി​നു മുമ്പു പഠിക്കു​ന്ന​തി​നു നിങ്ങൾ തിര​ഞ്ഞെ​ടു​ത്തേ​ക്കാം. സാഹച​ര്യം എന്തുത​ന്നെ​യാ​യി​രു​ന്നാ​ലും ക്രമമു​ള​ള​വ​രാ​യി​രി​ക്കു​ന്ന​തും നിങ്ങളു​ടെ ആവശ്യ​ങ്ങൾക്ക്‌ ഏററവും ഇണങ്ങിയ ദിനച​ര്യ​യോ​ടു പററി​നിൽക്കു​ന്ന​തും ആണ്‌ പ്രധാന സംഗതി.

⁵ വ്യക്തി​പ​ര​മായ പഠനം കൂടു​ത​ലാ​യി ചെയ്യാൻ പ്രോ​ത്സാ​ഹി​പ്പി​ക്ക​പ്പെ​ടു​മ്പോൾ നമുക്ക്‌ ഇപ്പോൾത്തന്നെ ഒരു മുഴു​പ​ട്ടിക ഉണ്ട്‌ എന്നതാ​യി​രി​ക്കാം നമ്മുടെ പെട്ടെ​ന്നു​ളള പ്രതി​ക​രണം. എന്നിരു​ന്നാ​ലും, നമ്മുടെ സമയം എങ്ങനെ ചെലവ​ഴി​ക്കു​ന്നു എന്നു വിലയി​രു​ത്തു​ന്ന​തിൽ നാമെ​ല്ലാ​വ​രും സത്യസ​ന്ധ​രാ​യി​രി​ക്കേ​ണ്ട​തുണ്ട്‌. ടെലി​വി​ഷൻ പരിപാ​ടി​കൾ വീക്ഷി​ക്കു​ന്ന​തി​നാ​യി അനേകം മണിക്കൂ​റു​കൾ ചെലവ​ഴി​ക്കു​ന്നു​ണ്ടോ? വ്യക്തി​പ​ര​മായ ചില താത്‌പ​ര്യ​ങ്ങൾ ത്യജി​ക്കാൻ നാം തയ്യാറാ​ണോ? നാം നമ്മുടെ സമയം എങ്ങനെ വിനി​യോ​ഗി​ക്കു​ന്നു എന്നതു സംബന്ധിച്ച്‌ ഒരു യഥാർഥ പരി​ശോ​ധന നടത്തു​ന്നെ​ങ്കിൽ വ്യക്തി​പ​ര​മായ പഠനത്തി​നു​വേണ്ടി ഏറെ പ്രയോ​ജ​ന​ക​ര​മാ​യി ഉപയോ​ഗി​ക്കാ​വുന്ന സമയങ്ങ​ളു​ണ്ടെന്നു മിക്കവാ​റും വെളി​പ്പെ​ടും.—എഫെ. 5:15, 16.

⁶ ദൈവ​വ​ച​ന​ത്തി​ന്റെ പഠനത്തി​നു നമ്മുടെ മുഴു​ശ്ര​ദ്ധ​യും നൽകേ​ണ്ട​തുണ്ട്‌. പഠനത്തി​നി​ട​യിൽത്തന്നെ മററു കാര്യ​ങ്ങ​ളിൽ വ്യാപൃ​ത​രാ​കു​ന്നതു പ്രയോ​ജ​ന​ങ്ങളെ പരിമി​ത​പ്പെ​ടു​ത്തു​ന്നു. ഭക്ഷിക്കു​ന്ന​തി​നി​ട​യി​ലോ, റേഡി​യോ ശ്രദ്ധി​ക്കു​ന്ന​തി​നി​ട​യി​ലോ, അല്ലെങ്കിൽ ടെലി​വി​ഷൻ കാണു​ന്ന​തി​നി​ട​യി​ലോ പഠിക്കു​ന്ന​തി​നു നാം പ്രവണ​ത​യു​ള​ള​വ​രാ​ണെ​ങ്കിൽ, പഠിക്കാൻ ശ്രമി​ക്കുന്ന കാര്യ​ങ്ങ​ളിൽ മുഴു​കു​ന്ന​തി​നു​ളള സാധ്യ​ത​യില്ല. (1 തിമൊ. 4:15) അതു​കൊണ്ട്‌ ശ്രദ്ധാ​ശൈ​ഥി​ല്യ​ങ്ങളെ നാം തരണം​ചെ​യ്യേ​ണ്ട​തുണ്ട്‌.—കാണുക: സ്‌കൂൾ ഗൈഡ്‌ബുക്ക്‌, പേജുകൾ 33-4.

⁷ ബൈബിൾ ബുദ്ധ്യു​പ​ദേ​ശ​ങ്ങ​ളു​ടെ ദൈനം​ദിന പഠനവും ബാധക​മാ​ക്ക​ലും പ്രധാ​ന​മാണ്‌. കാരണം അതാണ്‌ യഹോ​വ​യിൽ നിന്നുളള മാർഗ​നിർദേ​ശങ്ങൾ ലഭിക്കു​ന്ന​തി​നു​ളള മാർഗം. അച്ചടി​ക്ക​പ്പെട്ട വിവരങ്ങൾ നിങ്ങളു​ടെ ഹൃദയത്തെ സ്വാധീ​നി​ക്കണം എന്നതു നിങ്ങളു​ടെ ലക്ഷ്യമാ​ക്കുക. ആത്മീയ​കാ​ര്യ​ങ്ങൾ വായി​ക്കു​ന്ന​തി​നോ പുനര​വ​ലോ​കനം ചെയ്യു​ന്ന​തി​നോ ധ്യാനി​ക്കു​ന്ന​തി​നോ ഉളള എല്ലാ അവസര​ങ്ങ​ളും ഉപയോ​ഗ​പ്പെ​ടു​ത്തുക, അവ എത്രതന്നെ ഹ്രസ്വ​മാ​ണെ​ങ്കിൽത്ത​ന്നെ​യും.—ആവ. 6:6-8; കൊലൊ. 1:9, 10.