പുതിയ സർക്കിട്ട്‌ സമ്മേളന പരിപാ​ടി

¹ 1997 ഫെബ്രു​വ​രി​യിൽ തുടങ്ങുന്ന പുതിയ സർക്കിട്ട്‌ സമ്മേളന പരിപാ​ടി “കൊടു​ക്കു​ന്ന​തിൽ വലിയ സന്തുഷ്ടി അനുഭ​വി​ക്കുക” എന്ന വിഷയം വികസി​പ്പി​ക്കു​ന്ന​താ​യി​രി​ക്കും. (പ്രവൃ. 20:35) “ക്ഷേമത്തി​ന്റെ​യും സംതൃ​പ്‌തി​യു​ടെ​യും ഒരു അവസ്ഥ” എന്ന്‌ സന്തുഷ്ടി​യെ വർണി​ച്ചി​രി​ക്കു​ന്നു. മിക്കയാ​ളു​ക​ളും ജീവി​ത​ത്തിൽനി​ന്നു തങ്ങൾക്കു നേടാൻ കഴിയുന്ന സർവ സുഖവും നേടി​യെ​ടു​ക്കാൻ ശ്രമി​ക്കു​ന്നു, അവർ അങ്ങനെ ചെയ്യു​മ്പോൾതന്നെ അതു താത്‌കാ​ലി​ക​മാണ്‌. അതു യഥാർഥ സന്തുഷ്ടി​യല്ല. എന്നാൽ, എന്നേക്കും പ്രയോ​ജനം ചെയ്യുന്ന വിധം യഹോവ നമ്മെ പഠിപ്പി​ക്കു​ന്നു. (യെശ. 48:17; 1 യോഹ. 2:17) ആത്മീയ​മായ വിധത്തിൽ കൊടു​ക്കു​ന്ന​തി​ലെ വലിയ സന്തുഷ്ടി എങ്ങനെ നേടാം എന്നതി​നാ​യി​രി​ക്കും പുതിയ സർക്കിട്ട്‌ സമ്മേളന പരിപാ​ടി ഊന്നൽ കൊടു​ക്കു​ന്നത്‌.

² ശുശ്രൂ​ഷ​യിൽ നമ്മെത്തന്നെ കൊടു​ക്കാൻ കഴിയുന്ന പ്രാ​യോ​ഗിക വിധങ്ങൾ നാം പഠിക്കും. സഞ്ചാര​മേൽവി​ചാ​ര​ക​ന്മാർ നടത്തുന്ന ചില പ്രസം​ഗ​ങ്ങ​ളു​ടെ ശീർഷ​കങ്ങൾ ഇവയാണ്‌: “നീതി​കെട്ട സമ്പത്തു​കൊണ്ട്‌ സുഹൃ​ത്തു​ക്കളെ ഉണ്ടാക്കൽ,” “‘മനുഷ്യ​രാം ദാനങ്ങൾ’ എന്ന ദിവ്യ കരുത​ലി​നോട്‌ ആദരവു കാട്ടുക,” “യഥാർഥ സന്തുഷ്ടി​യു​ടെ ബഹുവിധ വശങ്ങൾ അനുഭ​വി​ക്കുക.” ഈ സമ്മേള​ന​ത്തിൽ സ്‌നാ​പ​ന​മേൽക്കാൻ ആഗ്രഹി​ക്കു​ന്നവർ അധ്യക്ഷ​മേൽവി​ചാ​ര​ക​നോ​ടു സംസാ​രി​ക്കേ​ണ്ട​തുണ്ട്‌. അപ്പോൾ, സ്‌നാപന ചോദ്യ​ങ്ങൾ അവരു​മാ​യി അവലോ​കനം ചെയ്യാൻ മൂപ്പന്മാ​രെ ക്രമീ​ക​രി​ക്കു​ന്ന​തിന്‌ അദ്ദേഹ​ത്തി​നു കഴിയും. യഹോ​വയെ ശുദ്ധമായ ഒരു ബന്ധത്തിൽ സേവി​ക്കു​ന്നതു സ്‌നാ​പ​ന​മേറ്റ പുതി​യ​വർക്കു വലിയ സന്തുഷ്ടി കൈവ​രു​ത്തും.

³ യഹോ​വ​യു​ടെ അധികാ​രത്തെ ഉചിത​മാ​യി അംഗീ​ക​രി​ക്കു​ന്ന​തും യഥാർഥ സന്തുഷ്ടി​യും സുരക്ഷി​ത​ത്വ​വും കൈവ​രു​ത്തും. എല്ലാ ആളുക​ളും അത്‌ അറിഞ്ഞി​രി​ക്കേ​ണ്ട​തുണ്ട്‌. അതു​കൊണ്ട്‌, സർക്കിട്ട്‌ സമ്മേള​ന​ത്തി​ലെ പരസ്യ​പ്ര​സം​ഗം “ദൈവ​ത്തി​ന്റെ സന്തുഷ്ട ജനത്തോ​ടൊ​പ്പം ഒന്നു​ചേ​രു​വിൻ” എന്ന വിഷയം വികസി​പ്പി​ക്കും.” സത്യത്തിൽ താത്‌പ​ര്യം കാട്ടിയ ഏവരെ​യും ഈ പ്രസംഗം കേൾക്കു​ന്ന​തി​നു വരാൻ തീർച്ച​യാ​യും പ്രോ​ത്സാ​ഹി​പ്പി​ക്കുക. സാത്താന്റെ അധികാ​ര​ത്തിൽ കിടക്കുന്ന ഈ ലോക​ത്തി​ലെ മാനു​ഷ​ഭ​ര​ണ​ത്തിൻ കീഴിൽ അവർ യഥാർഥ സുരക്ഷി​ത​ത്വ​വും നിലനിൽക്കുന്ന സന്തുഷ്ടി​യും കണ്ടെത്തി​യി​ട്ടില്ല. (സഭാ. 8:9) എന്നാൽ, യഹോ​വ​യു​ടെ സന്തുഷ്ട ജനത്തോ​ടൊ​ത്തു സഹവസി​ക്കു​ന്ന​തിൽ അവർ എത്രയ​ധി​കം സന്തോഷം കണ്ടെത്തും!—സങ്കീ. 144:15ബി.

⁴ ഈ വ്യവസ്ഥി​തി​യി​ലെ അവസ്ഥകൾ വഷളാ​യി​ക്കൊ​ണ്ടി​രി​ക്കു​ക​യാ​ണെങ്കി​ലും, ആത്മീയ​മാ​യി കൊടു​ക്കു​ന്ന​തിൽ വലിയ സന്തുഷ്ടി അനുഭ​വി​ക്കു​ന്ന​വരെ സന്തുഷ്ട​നായ ദൈവം ഒരിക്ക​ലും നിരാ​ശ​പ്പെ​ടു​ത്തു​ക​യില്ല. (1 തിമൊ. 1:11) ഇതു സത്യമാ​ണെന്നു പുതിയ സർക്കിട്ട്‌ സമ്മേളന പരിപാ​ടി പ്രകട​മാ​ക്കും. അതു നഷ്ടപ്പെ​ടു​ത്ത​രുത്‌!