ചോദ്യ​പ്പെ​ട്ടി

◼ വീട്ടു​വാ​തിൽക്കൽവെച്ചു നടത്തുന്ന ബൈബി​ള​ധ്യ​യ​ന​ത്തി​നു​മു​മ്പോ ശേഷമോ പ്രാർഥി​ക്കേ​ണ്ട​തു​ണ്ടോ?

ബൈബി​ള​ധ്യ​യ​ന​ത്തി​നു മുമ്പും ശേഷവും പ്രാർഥി​ക്കു​ന്ന​തു​കൊണ്ട്‌ വളരെ പ്രയോ​ജ​ന​ങ്ങ​ളുണ്ട്‌. പ്രാർഥ​ന​യി​ലൂ​ടെ, ബൈബിൾ ചർച്ചയു​ടെ​മേൽ പരിശു​ദ്ധാ​ത്മാ​വി​ന്റെ സഹായ​ത്തി​നാ​യി യഹോ​വ​യോട്‌ അപേക്ഷി​ക്കു​ക​യാണ്‌ നാം. (ലൂക്കോ. 11:13) ബൈബി​ള​ധ്യ​യ​ന​ത്തി​ന്റെ പ്രാധാ​ന്യം വ്യക്തമാ​യി മനസ്സി​ലാ​ക്കാൻ പ്രാർഥന വിദ്യാർഥി​യെ സഹായി​ക്കും. കൂടാതെ, പ്രാർഥി​ക്കേ​ണ്ടത്‌ എങ്ങനെ​യാ​ണെ​ന്നും വിദ്യാർഥി മനസ്സി​ലാ​ക്കും. (ലൂക്കോ. 6:40) അതു​കൊണ്ട്‌, ഒരധ്യ​യനം ആരംഭി​ക്കു​മ്പോൾ എത്രയും പെട്ടെ​ന്നു​തന്നെ പ്രാർഥ​ന​യെ​പ്പറ്റി വിദ്യാർഥി​യോട്‌ പറയണം. എന്നിരു​ന്നാ​ലും, വിവേകം കാണി​ക്കേ​ണ്ടത്‌ ആവശ്യ​മാണ്‌. വിട്ടു​വാ​തിൽക്കൽവെച്ചു നടത്തുന്ന ഒരു ബൈബി​ള​ധ്യ​യ​ന​ത്തി​ന്റെ കാര്യ​ത്തിൽ സാഹച​ര്യം വിലയി​രു​ത്തി​വേണം പ്രാർഥി​ക്ക​ണ​മോ വേണ്ടയോ എന്ന്‌ നിശ്ചയി​ക്കാൻ. എങ്ങനെ?

ആരും ശ്രദ്ധി​ക്കി​ല്ലെന്ന്‌ തോന്നുന്ന ഒരു ചുറ്റു​പാ​ടിൽ, അധ്യയനം ആരംഭിച്ച്‌ കുറച്ച്‌ ആഴ്‌ചകൾ ആയിട്ടു​ണ്ടെ​ങ്കിൽ, അധ്യയ​ന​ത്തി​നു മുമ്പും ശേഷവും ഹ്രസ്വ​മാ​യി പ്രാർഥി​ക്കാ​വു​ന്ന​താണ്‌. എന്നാൽ വഴി​പോ​ക്ക​രു​ടെ ശ്രദ്ധയാ​കർഷി​ക്കു​മെന്ന്‌ തോന്നു​ന്നെ​ങ്കിൽ അല്ലെങ്കിൽ വിദ്യാർഥി​യെ അസ്വസ്ഥ​നാ​ക്കു​മെ​ങ്കിൽ കൂടുതൽ സ്വകാ​ര്യത നൽകുന്ന ഒരിടത്ത്‌ അധ്യയനം നടത്താൻ സാധി​ക്കു​ന്ന​തു​വരെ കാത്തി​രി​ക്കു​ന്നത്‌ നന്നായി​രി​ക്കും. അധ്യയനം നടത്തുന്ന സാഹച​ര്യം ഏതായാ​ലും, പ്രാർഥ​ന​യെ​പ്പറ്റി വിദ്യാർഥി​യോട്‌ പറയു​ന്നത്‌ ഉചിത​മാ​യി​രി​ക്കു​ന്നത്‌ എപ്പോ​ഴാ​ണെന്ന്‌ വിവേ​ച​നാ​പൂർവം തീരു​മാ​നി​ക്കുക.—2005 മാർച്ച്‌ ലക്കം നമ്മുടെ രാജ്യ ശുശ്രൂ​ഷ​യു​ടെ 8-ാം പേജ്‌ കാണുക.