ഫലകര​മായ രീതി ഉപയോ​ഗി​ക്കു​ക

1. ആദിമ ക്രിസ്‌ത്യാ​നി​കൾ കൈ​ക്കൊണ്ട വ്യത്യസ്‌ത സമീപ​ന​ങ്ങ​ളിൽനിന്ന്‌ നമുക്ക്‌ എന്തു പഠിക്കാം?

¹ വിവിധ സംസ്‌കാ​ര​ങ്ങ​ളി​ലും മതങ്ങളി​ലും നിന്നുള്ള ആളുക​ളോട്‌ ആദിമ ക്രിസ്‌ത്യാ​നി​കൾ ദൈവ​രാ​ജ്യ​സു​വാർത്ത ഘോഷി​ച്ചു. (കൊലോ. 1:23) അറിയി​ച്ചി​രുന്ന സന്ദേശം ഒന്നുത​ന്നെ​യാ​യി​രു​ന്നെ​ങ്കി​ലും അവർ കേൾവി​ക്കാ​രെ സമീപി​ച്ചി​രുന്ന രീതിക്ക്‌ വ്യത്യാ​സ​മു​ണ്ടാ​യി​രു​ന്നു. ഉദാഹ​ര​ണ​ത്തിന്‌, തിരു​വെ​ഴു​ത്തു​ക​ളോട്‌ ആഴമായ ആദരവു​ണ്ടാ​യി​രുന്ന യഹൂദ​ന്മാ​രോ​ടു സംസാ​രി​ക്കവെ, യോവേൽ പ്രവാ​ച​കനെ ഉദ്ധരി​ച്ചു​കൊ​ണ്ടാണ്‌ പത്രോസ്‌ തന്റെ പ്രസംഗം ആരംഭി​ച്ചത്‌. (പ്രവൃ. 2:14-17) എന്നാൽ പൗലോ​സാ​കട്ടെ ഗ്രീക്കു​കാ​രോ​ടു സംവദി​ക്കാൻ മറ്റൊരു രീതി അവലം​ബി​ച്ചു. പ്രവൃ​ത്തി​കൾ 17:22-31 വാക്യ​ങ്ങ​ളിൽ അത്‌ കാണാം. ഇന്ന്‌, ചില പ്രദേ​ശ​ങ്ങ​ളി​ലെ ആളുകൾ തിരു​വെ​ഴു​ത്തു​കളെ വിലമ​തി​ക്കു​ന്ന​വ​രാണ്‌. അങ്ങനെ​യുള്ള സ്ഥലങ്ങളിൽ വീടു​തോ​റു​മുള്ള ശുശ്രൂ​ഷ​യിൽ ഒട്ടും വൈമു​ഖ്യ​മി​ല്ലാ​തെ നമുക്ക്‌ ബൈബിൾ ഉപയോ​ഗി​ക്കാ​നാ​കും. എന്നാൽ ബൈബി​ളി​ലോ മതത്തി​ലോ യാതൊ​രു താത്‌പ​ര്യ​വു​മി​ല്ലാത്ത അല്ലെങ്കിൽ അ​ക്രൈ​സ്‌ത​വ​രായ ആളുക​ളോട്‌ സംസാ​രി​ക്കു​മ്പോൾ നാം കൂടുതൽ ജാഗ്രത പുലർത്തേ​ണ്ട​തുണ്ട്‌.

2. ബൈബി​ളി​നെ ആദരി​ക്കു​ന്ന​വ​രും ആദരി​ക്കാ​ത്ത​വ​രും ആയ ആളുകളെ സഹായി​ക്കാൻ നമുക്ക്‌ എങ്ങനെ സമർപ്പണ പ്രസി​ദ്ധീ​ക​രണം ഉപയോ​ഗി​ക്കാ​നാ​കും?

² സമർപ്പണ പ്രസി​ദ്ധീ​ക​രണം ഫലകര​മാ​യി ഉപയോ​ഗി​ക്കുക: ഈ സേവന​വർഷ​ത്തിൽ സമർപ്പി​ക്കേണ്ട പ്രസി​ദ്ധീ​ക​രണം ഈരണ്ടു മാസം കൂടു​മ്പോൾ മാറു​ന്ന​താ​യി​രി​ക്കും; മാസി​ക​ക​ളും ലഘു​ലേ​ഖ​ക​ളും ലഘുപ​ത്രി​ക​ക​ളും നാം സമർപ്പി​ക്കും. നാം പ്രവർത്തി​ക്കുന്ന പ്രദേ​ശത്തെ ആളുകൾക്ക്‌ ബൈബി​ളിൽ താത്‌പ​ര്യ​മി​ല്ലെ​ങ്കിൽപ്പോ​ലും അവർക്ക്‌ ഇഷ്ടപ്പെ​ടുന്ന വിഷയങ്ങൾ അടങ്ങിയ ഏതെങ്കി​ലും പ്രസി​ദ്ധീ​ക​രണം നൽകാൻ നമുക്കു കഴി​ഞ്ഞേ​ക്കും. ആദ്യസ​ന്ദർശ​ന​ത്തിൽ തിരു​വെ​ഴു​ത്തു വായി​ച്ചു​കേൾപ്പി​ക്കാ​നോ ബൈബി​ളി​നെ​ക്കു​റിച്ച്‌ നേരിട്ടു പരാമർശം നടത്താ​നോ നമുക്ക്‌ സാധി​ക്കി​ല്ലാ​യി​രി​ക്കാം. എന്നിരു​ന്നാ​ലും നമ്മുടെ സന്ദേശ​ത്തോ​ടു താത്‌പ​ര്യം കാണിച്ച വ്യക്തി​യു​ടെ അടുത്ത്‌ നമുക്ക്‌ മടങ്ങി​ച്ചെ​ല്ലാ​നാ​കും—സ്രഷ്ടാ​വി​ലും അവന്റെ നിശ്വസ്‌ത വചനത്തി​ലും വിശ്വാ​സം വളർത്തി​യെ​ടു​ക്കാൻ സഹായി​ക്കു​ക​യെന്ന ലക്ഷ്യത്തിൽ. എന്നാൽ ബൈബി​ളി​നെ ആദരി​ക്കുന്ന ആളുക​ളുള്ള ഒരു പ്രദേ​ശ​ത്താണ്‌ നാം പ്രവർത്തി​ക്കു​ന്ന​തെ​ങ്കിൽ അതിന​നു​സ​രി​ച്ചുള്ള പ്രസി​ദ്ധീ​ക​ര​ണങ്ങൾ ഉപയോ​ഗി​ക്കാ​നും സമീപ​നങ്ങൾ കൈ​ക്കൊ​ള്ളാ​നും നമുക്കു കഴിയും. സമർപ്പ​ണ​ത്തി​നുള്ള പ്രസി​ദ്ധീ​ക​രണം ഏതായാ​ലും, ഏത്‌ അവസര​ത്തി​ലും നമുക്ക്‌ ബൈബിൾ പഠിപ്പി​ക്കു​ന്നു എന്ന പുസ്‌ത​ക​മോ ദൈവം പറയു​ന്നതു കേൾക്കു​വിൻ!, ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്നീ ലഘുപ​ത്രി​ക​ക​ളിൽ ഒന്നോ സമർപ്പി​ക്കാ​വു​ന്ന​താണ്‌. അതെ, ഫലകര​മായ സമീപനം കൈ​ക്കൊ​ള്ളുക എന്നതാണ്‌ പ്രധാനം.

3. നമ്മുടെ പ്രദേ​ശത്തെ ആളുക​ളു​ടെ ഹൃദയത്തെ മണ്ണി​നോട്‌ ഉപമി​ക്കാ​വു​ന്നത്‌ എന്തു​കൊണ്ട്‌?

³ ഹൃദയത്തെ ഒരുക്കുക: ആളുക​ളു​ടെ ഹൃദയത്തെ മണ്ണി​നോട്‌ ഉപമി​ക്കാ​വു​ന്ന​താണ്‌. (ലൂക്കോ. 8:15) ചിലതരം മണ്ണ്‌ സമയ​മെ​ടുത്ത്‌ ഒരു​ക്കേ​ണ്ട​തു​ണ്ടാ​കാം; എങ്കിൽ മാത്രമേ ബൈബിൾ സത്യത്തി​ന്റെ വിത്ത്‌ വേരെ​ടുത്ത്‌ വളരു​ക​യു​ള്ളൂ. എല്ലാത്തരം മണ്ണിലും സത്യത്തി​ന്റെ വിത്ത്‌ പാകു​ന്ന​തിൽ ഒന്നാം നൂറ്റാ​ണ്ടി​ലെ സുവി​ശേ​ഷകർ വിജയി​ച്ചു; അത്‌ അവർക്ക്‌ സന്തോ​ഷ​വും സംതൃ​പ്‌തി​യും നൽകി. (പ്രവൃ. 13:48, 52) നാം കൈ​ക്കൊ​ള്ളുന്ന സമീപ​ന​ത്തി​നു ശ്രദ്ധ നൽകു​ന്നെ​ങ്കിൽ അവരെ​പ്പോ​ലെ നമുക്കും വിജയി​ക്കാ​നാ​കും.